Luùm 3:30 - WƆŊ FƐ̀Ì EBÒ SÌÀŊ DAYÀA

³⁰ Wò Dayà yaà nɔŋ wò guùŋ, yèè wò do nàŋ jàà aŋ Juùù nyaŋ àŋ naŋ jàà kpùa nyàŋ kùàŋ dìì esàɓù hààwe nyiŋ nɛ̀ wo Jisɛ̀ Kulaì sùà àŋ naŋ nyɛ̀nɛ̀ŋ lɛ, yèè wo jaa anyùùŋ nyaŋ fè àŋ Juùù yèè aŋ gò jàà kpùa nyàŋ kùàŋ dìì sèè àŋ haawà wo Jisɛ̀ Kulaì e tɔ̀ɔ̀nyaàŋ sùà.

Luùm 3:30 ပူးပေါင်းရင်းမြစ်များ

Luùm 2:26

Sèè wo nyùnɔ̀ɔŋ wo yèɔ fè wò Juùù e kìlà wo fè kpùà jàauŋ wɔ̀ wo jɔ̀ɔ̀lɔ̀ maŋ Sàwà Dayà maŋ dìì, wo Dayà douŋ nàŋ ɓemè wèè nɔ̀ŋ mààŋ wò nyùùŋ àŋ naŋ jàà kpùa.

Luùm 2:27

Weètii nyɛ̀iŋ nààŋ Juùù nyaŋ, anyùùŋ nyaŋ fè àŋ Juùù nyaŋ, doiŋ nàŋ kìlìè e kiti diɛŋ, esaɓù kɛ̀ nìŋ naŋ pɔ̀ɔ̀ ke Sàwàa, jòòpɛɛ nìŋ kùwa mìŋ wɔŋ fɛi sìnga diɛŋ e kìlà àŋ naiŋ jàà kpùa. Kɛɛ nyiŋ àŋ naŋ jɔ̀ɔ̀lɔ̀ maŋ sàwà maŋ dìì, jòòpɛɛ kòò àŋ nɔ̀ŋ wa kpùa jàa nyiŋ.

Luùm 3:22

Wo Dayà jaa nɔŋ anyùùŋ kùàŋ dìì e tɔ̀ɔ̀nyaàŋ sùà esàɓù e hààweɛ̀ àŋ kuwa wo Jisɛ̀ Kulaì sùà lɛ. Wo Dayà nyɛnɛŋ tɛɛ̀ koɓɛ̀ anyùùŋ nyaŋ gbiŋ kuwa hààwe wo Jisɛ̀ Kulaì sùà nyaŋ, esaɓù kɛ̀ aŋ gbiŋ naŋ seenè kpaŋ.

Luùm 3:28

È naiŋ yɛmɛ̀ kɛ̀ wo Dayà jaa anyùùŋ kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e hààweɛ̀ àŋ kuwa lɛ̀, kɛɛ e fè wèè màŋ Sàwà maŋ è jɔɔlɔ̀ìŋ dìì maŋ.

Luùm 4:16

Weètii esàɓù e hààweɛ̀ è kùwàìŋ wo Dayà sùà lɛ, è doiŋ nàŋ yɛ̀mɛ̀ e nɛ̀ɛŋ wò naŋ jɔ̀ɔ̀ ɗààhiì wèè wo wi kiɛ̀ŋ lɛ. Wèè esaɓù lɛɛ̀, wo naŋ jɔ̀ɔ̀ ɗààhiì wèè wo niŋ kìɛ̀ŋ ke kpòò Eɓulɔhɛɛ̀ŋ gbiŋ wèè foo, e ɗààhiì lɛɛ̀ fè nɔŋ wèè ànyùùŋ nyaŋ jɔɔlɔ̀ màŋ Sàwà Dayà maŋ dìì nyaŋ, kɛɛ è yaà wèè anyùùŋ nyaŋ pɛɛ kuwa hààwe màànààŋ wo Eɓulɔhɛɛ̀ŋ kuwa wa lɛ̀. Wo Eɓulɔhɛɛ̀ŋ naŋ yaà wo dèdà anyùùŋ nyaŋ gbiŋ.

Luùm 4:9

E zɔlɔ̀ lɛɛ̀ wo Dèèwe naŋ yaà wòò kii niŋ lɛ̀, è yaà nɔŋ wèè anyùùŋ nyaŋ àŋ naŋ jàà kpùa nyàŋ? Kpele! E fè yɛi. È yaà wèè anyùùŋ nyaŋ pɛɛ aŋ gò jàà kpùa nyàŋ. Esaɓù kɛ̀ wɔŋ fɛ̀ì Dayàa naŋ woò wààŋ, “Wo Eɓulɔhɛɛ̀ŋ naŋ wa hààwè Dayà, yèè wèè esaɓù lii wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.”

Gàla 3:20

Wo nyùùŋ gbiŋ fè wa è fèèmàŋ Dayà yaà wo Eɓulɔhɛɛ̀ŋ e teengaà wò naŋ ɓèmè e ɗààhiìɛ ko nɛ̀uŋ niìŋ lɛ. Wuŋ guùŋ nɔŋ naŋ niŋ wa nyɛ̀nɛ̀ŋ.

Gàla 3:28

E fèemàŋ gòòno bà gbiŋ fè e fèèmàŋ àŋ Juùù ɔ̀ɔ̀ anyùùŋ nyaŋ fè àŋ Juùù nyaŋ, àŋ ɗo ɔ̀ɔ̀ ànyùùŋ nyaŋ fè è ɗo dìì nyaŋ, àŋ felaa ɔ̀ɔ̀ àŋ jɔùŋ, nyɛ̀iŋ nààŋ gbiŋ nìŋ yaà anyùùŋ guùŋ e yìwìà e hààweiŋ nɛ̀ wo Jisɛ̀ Kulaì sùà.

Gàla 3:8

Wɔŋ fɛ̀ì Dayàa woò kɛ̀, wo Dayà do naŋ jàà anyùùŋ nyaŋ fè àŋ Juùù nyaŋ kùàŋ dìì esàɓù e hààwè tɔ̀ɔ̀nyaàŋ nyiŋ nɛ̀. E kìlà wɔŋ fɛ̀ì Dayà naŋ wa wòò Ebò Siaàŋ wo Eɓulɔhɛɛ̀ŋ wààŋ, “E yìwìà esaɓù mɔ̀ɛ̀ sùà wo Dayà do nàŋ kpùùmò anyùùŋ nyaŋ gbiŋ.”

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Gàla 6:15

E fè keì gbiŋ wèè aŋ jàà wo nyuùŋ kpùa, ɔ̀ɔ̀ sèè àŋ gouŋ jàà kpùa, kɛɛ e yèɛ nɔŋ yaà e keì lɛ nàŋ yaà kɛ̀ wò yaà wo nyuùŋ jɛ̀ì.

Fèle 3:3

Kɛɛ yàwi nàŋ yaà anyuùŋ jàà kpùa kɛnɛ nyàŋ, esaɓù kɛ̀ è zoolàìŋ Dayà e yìwìà e gààŋ Jìnàŋ Nɛɛmaàŋ sùà, yèè è gèìŋ zɔlɔ̀ maŋ nyiiŋ gèe wi màŋ sùà, nààŋ è yààìŋ aŋ bàwibà wo Jisɛ̀ Kulaì sùà. E fèiŋ sìà màŋ jii tùlia wi màŋ kòɓɛ̀ mànɛ̀ŋ maŋ è nyɛ̀nɛ̀ìŋ màŋ kpùnaŋ wi màŋ sùà maŋ.

1Time 2:5

Wo Dayà yaà nɔŋ wo guùŋ, yèè wo nyùùŋ guùŋ nɔŋ nàŋ sia e fèèmàŋ wo Dayà yaà anyuùŋ kpùuŋ, wo nyùùŋ bi nàŋ yaà wo Jisɛ̀ Kulaì,