Luùm 3:3 - WƆŊ FƐ̀Ì EBÒ SÌÀŊ DAYÀA

³ È yaà tɔɔɓaa kɛ̀ aŋ Juùù nyaŋ bà nyiŋ gò wa hààwè kè miè gbìaàŋ wèè aŋ nyiŋ jɔ̀ɔ̀lɔ̀ dìì, màànààŋ àŋ naŋ wa jɔ̀ɔ̀ ɗààhiì kɛ̀ àŋ do nàŋ nyɛ̀nɛ̀ŋ lɛ. Weètii, tɛɛ̀ wɛ̀i ɓɛ̀nɛ̀ŋ tɔɔ̀ kɛ̀ wèè esàɓù e hààwe gò kɛɛnɛ̀ŋ nyiŋ nɛ̀, wo Dayà naàŋ nyiìŋ kpuumò nààŋ wò naŋ wa jɔ̀ɔ̀ e ɗààhiì wèè wo nyɛ̀nɛ̀ŋ lɛ?

Luùm 3:3 ပူးပေါင်းရင်းမြစ်များ

Maafiù 24:35

Ke nyiliɛ̀ yèè e ɗuunyaàŋ do nàŋ mààŋ, kɛɛ maŋ mìè nyaàim màŋ naàŋ wa nàwèè mààŋ.”

Jɔ̀ɔŋ 1:16

Esàɓù e mànaŋ gbeeuŋ nɛ̀ ko nɛ̀ɛ̀ŋ wiì, wò naŋ nɔ̀ŋ e kpùùmaŋ gbee koɓɛ̀ yàwi nààŋ gbiìŋ.

Luùm 10:16

Yɛi nɔŋ è yaà koɓɛ̀ anyùùŋ nyaŋ gbiŋ nààŋ kòò àŋ hààwè kè mìè gbìàŋ Èbò Siaàŋ nyaŋ. Tɛɛ̀ naŋ wa kaaìŋ wèè e nyɛ̀nɛ̀ŋ e yèɛ wo wɛ̀ijìɔ Àzaayà naŋ wa woò lɛ e hɛɛnɛ̀ŋ. Wò naŋ woò wààŋ, “Kanaà, ɓòò naŋ wa hààwè maŋ miè gbìaŋ wi màŋ?”

Luùm 11:29

Wo Dayà fè kìlà kè jiiuŋ nɛɛ̀ŋ wèè wo nyùnɔ̀ɔŋ wò naŋ tàeɗùù yèè wò kiɛ̀ŋ e kpùùmaŋ wɔ̀.

Luùm 9:6

Miŋ fè woo mìàŋ è ɗààhiìɛ wo Dayà naŋ ɓemè lɛ e fè toomo, kɛɛ anyùùŋ Ezɔ̀ɛ̀ nyaŋ gbiŋ nàŋ fè ànyùùŋ Dayà.

2 Kɔliìŋ 3:18

Yàwi nààŋ gbiŋ, maŋ dewà wi màŋ tɔɔ̀ e jòòwò Kanaà maŋ dewà gò ɓùwà sùà, yèè e jòòwò guùŋ bi è yewe wo Kanaà sìwè, wo yèɔ yaà wo Jinàaŋ wɔ̀, wò naŋ wi kìlè e ɗeweɛ̀ wò yaà lɛ sùà e jòòwo tɛ̀mɛ̀ɛ̀ gbee bà sùà.

2Tɛsè 1:3

Nyɛ̀iŋ nààŋ wùìya wi nyàŋ, è kuwa eiŋ gè wo Dayà ke sɛ̀ e teenga gbiŋ e weèiŋ. È yaà tɔ̀ɔ̀nyaàŋ wèè eiŋ tɛɛ̀ nyɛ̀nɛ̀ŋ, e fèfoo kɛ̀ e hààweiŋ nɛ̀ è yaà dɛ̀ɛ sùà zimgbe, yèè e mànaàŋ nìŋ kuwa wèè aŋ dàwiiŋ nɛ̀, è yaà gàaŋ sùà gbee.

2Time 2:13

Sèè è goiŋ kùwìè e hààwe, wò jeeyà wo nyuùŋ tùlìà jii nɔ̀ɔŋ, e fèfoo wo fè ɓɛ̀nɛ̀ŋ nɔ̀ŋ è kàaɓì sùà wèè wuŋ bi.”

Hiɓu 4:2

È naiŋ wa kòmò Ebò Siaàŋ, màànààŋ nɔŋ àŋ naŋ niŋ wa kòmò lɛ, kɛɛ e gò nyiŋ wa nyìnìàŋ è keì kɛnɛ gbiŋ, esaɓù kɛ̀ àŋ naŋ wa gè maŋhɛɛ wèè aŋ hààwè e yèɛ àŋ naŋ wa kòmò lɛ.