Luùm 3:29 - WƆŊ FƐ̀Ì EBÒ SÌÀŊ DAYÀA

²⁹ Nyɛ̀iŋ nààŋ Juùù nyaŋ, nìŋ gongà kɛ̀ nyɛ̀iŋ guùŋ nɔŋ wo Dayà do nàŋ jàà kùàŋ dìì? Tɔɔɓaa nyìmaìŋ kɛ̀ wò do nàŋ jàà anyùùŋ nyaŋ fè àŋ Juùù nyaŋ nyiŋ pɛɛ kùàŋ dìì.

Luùm 3:29 ပူးပေါင်းရင်းမြစ်များ

Maafiù 22:32

‘Miàŋ nàŋ yaà wo Dàyà Eɓulɔhɛɛ̀ɔŋ, wo Dayà Ààzeɔ̀, yèè wo Dàyà Jègɔɔ̀.’ Wuŋ nàŋ yaà wo Dàyà anyuùŋ gè nyiiŋ nyàŋ, wo fè wèè ànyuùŋ fàa nyàŋ.”

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Nyɛ̀nɛ̀ŋ 10:34

Wo Pììlɛ naŋ tɔ̀ɔ̀tù gbòa wààŋ, “Kà naàŋ nyìmàŋ kɛ̀ è yaà tɔ̀ɔ̀nyaàŋ kɛ̀ wo Dayà kuwà wò nyuùŋ mànaŋ titi, kɛɛ wò manaŋ anyùùŋ nyaŋ gbiŋ e seenè kpaŋ.

Nyɛ̀nɛ̀ŋ 22:21

Kɛɛ wo Kanaà naim woò wààŋ miŋ ka, yèè wò naŋ jɔ̀ɔ̀ ɗààhiì wèè woim tùàŋ maŋ fuɔŋ dii sùà koɓɛ̀ anyùùŋ nyaŋ fè àŋ Juùù nyaŋ.”

Nyɛ̀nɛ̀ŋ 26:17

Mìŋ doum nàŋ joeyè e yìwìà aŋ Juùù nyaŋ sìwè, anyùùŋ muàŋ bi nyàŋ, yèè e yìwìà anyùùŋ nyaŋ fè àŋ Juùù nyaŋ. Ko nɛ̀ɛ̀ŋ nyiŋ niìŋ mìŋ doiŋ nàŋ tùɔ̀ŋ.

Nyɛ̀nɛ̀ŋ 9:15

Kɛɛ wo Kanaà naŋ wòò wo Ananaayà wààŋ, “Kɔ̀ào, esaɓù kɛ̀ kàuŋ tàeɗùù wèè wo koà ke mìè gbìàŋ Ebò Siaŋ mɛ̀ koɓɛ̀ anyùùŋ nyaŋ fè àŋ Juùù nyaŋ yaà aŋ kànà fuɔŋ nyàŋ e kpùlìà aŋ Juùù nyaŋ nyiŋ bi, aŋ jɔ̀à kòmàŋ Ezɔ̀ɛ̀ nyaŋ.

Luùm 1:16

Mìŋ kuwa ke jii tùlia Ebò Siaàŋ sùà. Tiŋ nàŋ yaà e gààŋ Dayàa wèè wo jòèyè anyùùŋ nyaŋ gbiŋ kuwa hààwe nyàŋ, aŋ Juùù nyaŋ jiɛ̀ yèèngàà anyùùŋ nyaŋ fè àŋ Juùù nyaŋ.

Luùm 10:12

Tɛɛ̀ è yaà wèè anyùùŋ nyaŋ gbiŋ, esaɓù kɛ̀ e tɛɛ gòòno fè è fèèmàŋ aŋ Juùù nyaŋ yaà anyùùŋ nyaŋ fè àŋ Juùù nyaŋ. Wo Dayà nàŋ yaà wo Kànà È Gunɔ̀ɔŋ wèè anyùùŋ nyaŋ gbiŋ, yèè wò kpuumàŋ wo nyùnɔ̀ɔŋ gbiŋ dawàuŋ wèè e kpùùmaŋ wɔ̀.

Luùm 15:16

Wò naim wa tàeɗùù wèè ka nɔ̀ŋ ɓɔìjɔ̀à tòmo wèè Jisɛ̀ Kulaì anyùùŋ nyaŋ fè àŋ Juùù nyaŋ tɛɛ, e kìlà wèè ka nyɛ̀nɛ̀ŋ e tòmo mààŋ wo sìèfèìŋ zòòlo, nààŋ mìŋ wòò ke mìè gbìàŋ Ebò Siauŋ nɛ̀, wèè e nyɛ̀nɛ̀ŋ wo jàà anyùùŋ nyaŋ fè àŋ Juùù nyaŋ naŋ hààwè Jisɛ̀ nyaŋ kùàŋ dìì. Àŋ do nàŋ nɔ̀ŋ mààŋ e nɛ̀ŋ kìɛŋ koɓɛ̀ Dayài e yèɛ àŋ naŋ jàà e ɓula ko nɛ̀ɛ̀uŋ niìŋ e yìwìà wo Jìnàŋ Nɛɛmaàŋ.

Gàla 3:14

Wo Jisɛ̀ Kulaì naŋ wa tɛɛ̀ nyɛ̀nɛ̀ŋ wèè wo kiɛ̀ŋ e ɗààhìì kpùùmaàŋ wo Dayà naŋ ɓèmè Eɓulɔhɛɛ̀ŋ diɛŋ koɓɛ̀ anyùùŋ nyaŋ fè àŋ Juùù nyaŋ lɛ̀, esàɓù Jisɛ̀ Kulaìɛ sùà wèè e yìwìà e hààwe sùà kɛ̀ wo Dayà do wi nàŋ kìɛ̀ŋ wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

Ɛfesɔ̀ 3:6

Ke gbùnu bi nàŋ yaà kɛ̀, esàɓù Jisɛ̀ Kulaì sùà, ke mìè gbìàŋ Ebò Siaàŋ kè nɔ̀ŋ esàɓù anyùùŋ nyaŋ fè àŋ Juùù nyaŋ àŋ nɔ̀ŋ aŋ bà nyiŋ bà koɓɛ̀ e ɗààhiìɛ wo Dayà naŋ wa ɓemè koɓɛ̀ aŋ Juùù nyaŋ lɛ̀, e kìlà wo Dayà nyɛ̀nɛ̀ŋ àŋ nɔ̀ŋ aŋ bà nyiŋ bà ke gbòò Jisɛ̀ Kulaìɛ sùà.

Kòlo 3:11

E tɛɛ gòòno fòo sèè pɛɛ naŋ nɔ̀ŋ anyùùŋ nyaŋ fè àŋ Juùù nyaŋ ɔ̀ɔ̀ àŋ Juùù nyuuŋ, ɔ̀ɔ̀ aiŋ jàà kpùa ɔ̀ɔ̀ naŋ nɔ̀ŋ anyuùŋ gò jàà kpùa, anyùùŋ maŋ fuɔŋ joo, anyùùŋ ɓie gò nyìmàŋ è kèè kò ɓài, aŋ ɗo, yèè anyùùŋ nyaŋ fè àŋ ɗo nyàŋ, kɛɛ wo Jisɛ̀ Kulaì nàŋ yaà e nɛ̀ɛŋ gbiŋ, e kìlà wo Jisɛ̀ Kulaì wò yaà e nɛ̀ɛŋ gbiŋ sùà.