Luùm 3:27 - WƆŊ FƐ̀Ì EBÒ SÌÀŊ DAYÀA

²⁷ Kiìŋ è kùwàìŋ naàŋ wèè eiŋ kɛ̀ɛ̀ maŋ nyòngà? E nɛ̀ŋ gbiŋ fè! Yèè kiìŋ nàŋ yaà esaɓùɛ wèè tɛɛ̀? Ɓàà è yaà wèè maŋ Sàwà Dayà maŋ è jɔɔlɔ̀ìŋ dìì maŋ? Kpele, è yaà wèè esàɓù e hààweɛ̀ è kùwàìŋ Jisɛ̀ Kulaì sùà lɛ.

Luùm 3:27 ပူးပေါင်းရင်းမြစ်များ

Jɔ̀ɔŋ 3:36

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Luùm 10:5

Wo Mòòze naŋ wa tɛɛ̀ sìngè e nyaàiŋ dè e ɗeweɛ̀ wo Dayà jaa nyùùŋ kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ ko nɛ̀ɛ̀uŋ niìŋ lɛ. Wò naŋ woò wààŋ, “Wo nyùnɔ̀ɔŋ gbiŋ jɔɔlɔ̀ maŋ sàwà maŋ dìì wɔ, wò do nàŋ nɔ̀ŋ wɔŋ nyiiŋ gèe sùà.”

Luùm 11:6

E kèì jìì Dayàa wò naŋ nyɛ̀nɛ̀ŋ esàɓù e tɛ̀ɛ̀tɛ̀ɛ̀uŋ nɛ̀ lɛ, e fè wèè è tòmo gbiŋ è yèɛ anyùùŋ naŋ nyɛ̀nɛ̀ŋ lɛ. Sèè e kèì jìì Dayàa e weè nɔ̀ŋ esàɓù tòmoɛ̀ anyùùŋ nyɛnɛŋ lɛ̀, kɛ̀ e tɛ̀ɛ̀tɛ̀ɛ̀uŋ nɛ̀ e naàŋ weè nɔ̀ŋ è tɛ̀ɛ̀tɛ̀ɛ̀ kɛnɛ.

Luùm 2:17

Nyɛ̀iŋ bi zà? Nìŋ nyaaŋ nyɛ̀iŋ bi aŋ Juùù. Nìŋ naŋ tùlìè maŋ Sàwà maŋ jii e kìlà nìŋ kɛɛ maŋ nyòngà wèè Dayà.

Luùm 2:23

Nìŋ kɛɛ maŋ nyòngà nààŋ nyɛ̀iŋ nàŋ kuwa maŋ Sàwà Dayà maŋ, kɛɛ niŋ fè hìàŋ sàngè kòɓɛ̀ Dayài sèè nìŋ pɔɔ̀ maŋ sàwàuŋ màŋ?

Luùm 3:19

Èiŋ naàŋ nyìmàŋ kɛ̀ maŋ keì maŋ gbiŋ maŋ Sàwà Dayà maŋ sùà, naŋ wa nɔ̀ŋ sìnga miŋ wèè anyùùŋ nyaŋ yaà e gaàŋ miŋ nɛ̀ dìì nyaŋ, wèè wo nyùùŋ gbiŋ wo go nàŋ kìɛ̀ŋ ke kàfaì, yèè e nyɛ̀nɛ̀ŋ anyùùŋ nyaŋ gbiŋ e ɗuunyaàŋ aŋ nɔ̀ŋ e gbàì Dayàa dìì.

Luùm 4:2

Sèè wo Dayà wa weè jàà wo Eɓulɔhɛɛ̀ŋ kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ esàɓù e tòmoɛ̀ wò naŋ wa nyɛ̀nɛ̀ŋ lɛ, kɛ̀ wò ɓɛ̀nɛ̀ŋ kɛ̀ɛ̀ maŋ nyòngà anyùùŋ fɛɛ̀feìŋ wèè e tòmoɛ̀ wò naŋ nyɛ̀nɛ̀ŋ lɛ. Kɛɛ wò fè ɓɛ̀nɛ̀ŋ kɛ̀ɛ̀ màŋ nyòngà wò Dayà fɛɛ̀feìŋ.

Luùm 7:21

Mìŋ naŋ yɛmɛ̀ kɛ̀ ke sàwà yɛɛ̀ kè yaà toomo. Sèè mìŋ mɔnɔŋ wèè ka nyɛ̀nɛ̀ŋ e yèɛ yaà tɛ̀ɛ̀ lɛ, e keì naanààŋ nyɛ̀nɛŋ nɔŋ nàŋ dèìm ke jii wèè ka nyɛ̀nɛ̀ŋ.

Luùm 7:23

Kɛɛ ke kpùnaŋ miɛ̀ŋ gbiŋ sùà, mìŋ naŋ yɛmɛ̀ kɛ̀ e nɛ̀ŋ bà kòò è yaà sùmìàŋ sùà ke sàwàa mìŋ naŋ jàà kùàŋ dìì ke jii miɛ̀ŋ sùà yɛ. È naim nyɛ̀nɛ̀ŋ wo ɗo e jùumù dìì e yèɛ toomàŋ e kenìŋ mɛ̀ sùà wèè manɛ̀ŋ maŋ gbiŋ mìŋ nyɛnɛŋ màŋ.

Luùm 7:25

Mìŋ naŋ gè wo Dayà ke sɛ̀ e yìwìà wo yèɔ doim nàŋ joeyè wɔ, wo Kana wiɔ̀ Jisɛ̀ Kulaì sùà. Weètii, yɛi mìŋ yaà, e yìwìà ke jii miɛ̀ŋ sùà mìŋ jɔɔlɔ̀ ke Sàwà Dayàa dìì. Yèè e yìwìà ke kpùnaŋ miɛ̀ŋ sùà mìŋ jɔɔlɔ̀ ke sàwàa dìì ke yèɛ naim nyɛ̀nɛ̀ŋ wo ɗo koɓɛ̀ jùumù lɛ.

Luùm 8:2

Wo Jìnàŋ Dayàa wò nyɛ̀nɛ̀ŋ saɓù wèè eiŋ nɔ̀ŋ wɔŋ nyiiŋ gèe sùà e ɗewe kii jɛi sùà, esàɓù e jìwààjɛ̀wɛ̀ e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ weè wilɛ̀. Wò bànè ke dòmaŋ joo wèè wo jòèyè yàwi nààŋ bà guùŋ gbiŋ wèè e gòiŋ nàŋ jɔ̀ɔ̀lɔ̀ maŋ kpèè nàànààŋ maŋ kpùnaŋ wi màŋ dìì, e kìlà maŋ nyɛ̀nɛ̀ŋ eiŋ fɔ̀ɔ̀yɛ̀ maŋ jùumù sùà.

Luùm 9:11

Kɛɛ wèè paŋ aŋ jɔ̀àfèlàà tìyèe nyàŋ aŋ nɔ̀ŋ wa kòmaŋ nyiŋ, ɔ̀ɔ̀ wèè paŋ aŋ nyɛ̀nɛ̀ŋ wa e keì sìàŋ ɔ̀ɔ̀ e keì naanààŋ gbiŋ, wo Dayà naŋ wòò wo Lòbɛkà wààŋ, “Wo jɔ̀àfelaa jiɛ̀jiɛ̀ mɔɔ̀ŋ do nàŋ tòòmò wo nanàuŋ nɔɔ̀ŋ dìì.” Wo Dayà naŋ wa tɛɛ̀ woò wèè e tɔɔ̀ kɛ̀ wò naŋ wa ɗewè yèè wò manaŋ wa nɔŋ wo tà wo jɔ̀àfèlàà guùŋ ɗùù. Kɛɛ e fè wa wèè è keì ɗewe bà gbiŋ è yèɛ àŋ naŋ wa nyɛ̀nɛ̀ŋ lɛ.

Luùm 9:31

E tèèngà guùŋ bi, anyùùŋ Ezɔ̀ɛ̀ nyaŋ wo Dayà naŋ wa tàeɗùù nyaŋ yaà wa kààmè ɗewe kè Sàwà Dayàa dìì wèè aŋ nɔ̀ŋ anyùùŋ tɔ̀ɔ̀nyaàŋ koɓɛ̀ Dayài, kɛɛ aŋ gò wa yɛ̀mɛ̀ kè sàwà bi.

Luùm 9:32

Kɛɛ wèè kiìŋ aŋ gò wa yɛ̀mɛ̀ kè sàwà bi? Aŋ gò nyiŋ wa yɛmɛ̀ esaɓù kɛ̀, aŋ gò wa tùlìà è hààwe jii sɔɔ̀ e yèɛ àŋ naŋ wa nyɛ̀nɛ̀ŋ lɛ. Weètii àŋ naŋ wa duonò kè dùò diɛŋ gbàwìà.

1 Kɔliìŋ 4:7

Kiìŋ kai nàŋ yaà e kiium sùà è yaà è gbà? Wo Dayà nààŋ gòum fè è nɛ̀ɛŋ gbiŋ mùŋ kuwa lɛ̀? Sèè è nɔ̀ŋ yɛi, kɛ̀ wèè kiìŋ mùŋ kɛɛ maŋ nyòngà, mààŋ koɓɛ̀i e nɛ̀ɛŋ mùŋ kuwa lɛ̀, e fè è nɛ̀ŋ kìɛ̀ŋ Dayà?

Gàla 2:16

Kɛɛ èiŋ nyìmàŋ kɛ̀ anyùùŋ nyaŋ nɔŋ wo Dayà jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ nyaŋ nàŋ yaà, aŋ yè nyaŋ naŋ sìè e hààwe nyiŋ nɛ wo Jisɛ̀ Kulaì sùà nyaŋ. E kìlà e jɔ̀ɔ̀lɔ wilɛ̀ ke Sàwàa dìì nààŋ fè fɔ̀ɔ̀yɛ̀ wo Dayà kè jii. Weè niŋ è naŋ sìè e hààwe wilɛ̀ Jisɛ̀ Kulaì sùà, yèè wo Dayà naŋ wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ esàɓù e hààwe wilɛ̀.

Gàla 3:22

Kɛɛ wɔŋ fɛ̀ì Dayàa naŋ woò wààŋ, anyuùŋ kpùuŋ nyàŋ gbiŋ àŋ yaà e gààŋ jùumù dìì. Yèè weètii, e ɗààhiìɛ wo Dayà naŋ wa ɓemè lɛ, è do nàŋ nɔ̀ŋ wèè anyùùŋ nyaŋ gbiŋ naŋ hààwè wo Jisɛ̀ Kulaì nyaŋ.