Luùm 3:20 - WƆŊ FƐ̀Ì EBÒ SÌÀŊ DAYÀA

²⁰ Wo Dayà fè nɔŋ jàà nyuùŋkpùuŋ kùàŋ dìì wèè wo nɔ̀ŋ wò nyùùŋ tɔ̀ɔ̀nyaàŋ èsaɓù kɛ̀ àŋ kuwo màŋ Sàwà maŋ. E nɛ̀ɛŋ maŋ Sàwà maŋ nyɛnɛŋ lɛ̀ nàŋ yaà wèè maŋ wi nyɛ̀nɛ̀ŋ e nyìmàŋ tɔɔɓaa kɛ̀ èiŋ nyɛ̀nɛ̀ŋ maŋ jùumù.

Luùm 3:20 ပူးပေါင်းရင်းမြစ်များ

Luùm 2:13

Anyùùŋ nyaŋ komo maŋ Sàwà maŋ nyàŋ, nyiŋ nàŋ wo Dayà fè jàà kùàŋ dìì wèè aŋ nɔ̀ŋ ànyùùŋ tɔ̀ɔ̀nyaàŋ, sɔɔ̀ anyùùŋ nyaŋ nyɛnɛŋ e yèɛ Sàwà maŋ naŋ woò lɛ.

Luùm 3:28

È naiŋ yɛmɛ̀ kɛ̀ wo Dayà jaa anyùùŋ kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e hààweɛ̀ àŋ kuwa lɛ̀, kɛɛ e fè wèè màŋ Sàwà maŋ è jɔɔlɔ̀ìŋ dìì maŋ.

Luùm 4:13

Wo Dayà naŋ wa jɔ̀ɔ̀ e ɗààhiì koɓɛ̀ Eɓulɔhɛɛ̀iŋ yaà aŋ jɔ̀ɛ̀ɛ̀jɔ̀ɛɛuŋ nyàŋ kɛ̀ wò do nyiŋ wa nàŋ kìɛ̀ŋ e ɗuunyaàŋ wèè e nɔ̀ŋ e nɛ̀ŋ èdàà nyiŋ. Wo Dayà gò wa jɔ̀àà è ɗààhiì lɛɛ̀ esaɓù kɛ̀ wò Eɓulɔhɛɛ̀ŋ naŋ wa jɔ̀ɔ̀lɔ̀ màŋ Sàwà Dayà maŋ dìì, kɛɛ esàɓù e hààweuŋ nɛ̀ wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.

Luùm 4:15

Wo Dayà tuù sèè wo nyùùŋ pɔɔ̀ ke Sàwàuŋ nɛɛ̀ŋ. Kɛɛ koɓɛ̀i ke sàwà ke fè lɛ, wo nyùùŋ fè nyiŋ ɓɛ̀nɛ̀ŋ pɔ̀ɔ.

Luùm 5:13

E jùumù yaà wa e ɗuunyaàŋ paŋgàà wo Dayà naŋ wa kìɛ̀ŋ maŋ Sàwà maŋ wo Mòòze naŋ wa hiɛ̀ŋ maŋ. Kɛɛ e teengaà ke sàwà fòo wa lɛ̀, wo Dayà gò wa wòò è kèè màŋ jùumù.

Luùm 5:20

Ke Sàwà Dayàa naŋ nɔ̀ŋ bàne nyiŋ wèè kɛ̀, eiŋ nyìmàŋ e gààŋ maŋ jùumù maŋ anyùùŋ àŋ nyɛnɛŋ màŋ. Kpeiŋ koɓɛ̀i maŋ kèì jùumù naŋ gàŋ lɛ, kuŋ wo Dayà tooyà e gààŋ tɛ̀ɛ̀tɛ̀ɛ̀uŋ nɛ̀.

Luùm 7:11

E jùumù naŋ yɛ̀mɛ̀ ɗewe, yèè esàɓù ke sàwàa, e jùumù naim zuwò yèè è naim jìwè.

Luùm 9:32

Kɛɛ wèè kiìŋ aŋ gò wa yɛ̀mɛ̀ kè sàwà bi? Aŋ gò nyiŋ wa yɛmɛ̀ esaɓù kɛ̀, aŋ gò wa tùlìà è hààwe jii sɔɔ̀ e yèɛ àŋ naŋ wa nyɛ̀nɛ̀ŋ lɛ. Weètii àŋ naŋ wa duonò kè dùò diɛŋ gbàwìà.

1 Kɔliìŋ 15:56

E fàa gè e gààŋ e jèla niŋ nɛ̀ e yìwìà maŋ jùumù sùà, yèè maŋ jùumù gè e jeiŋ gààaŋ ke sàwàa sùà.

Gàla 2:16

Kɛɛ èiŋ nyìmàŋ kɛ̀ anyùùŋ nyaŋ nɔŋ wo Dayà jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ nyaŋ nàŋ yaà, aŋ yè nyaŋ naŋ sìè e hààwe nyiŋ nɛ wo Jisɛ̀ Kulaì sùà nyaŋ. E kìlà e jɔ̀ɔ̀lɔ wilɛ̀ ke Sàwàa dìì nààŋ fè fɔ̀ɔ̀yɛ̀ wo Dayà kè jii. Weè niŋ è naŋ sìè e hààwe wilɛ̀ Jisɛ̀ Kulaì sùà, yèè wo Dayà naŋ wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ esàɓù e hààwe wilɛ̀.

Gàla 2:19

Ke Sàwàa kiiŋ bi naim wa jìwè, yèè kè naim joeyè e yìwìà e gaàŋ nyiŋ nɛ̀ dìì, wèè ka nɔ̀ŋ wɔŋ nyiiŋ gèe miɔ̀ŋ sùà wèè wo Dayà. E kìlà àŋ naŋ wi jìwìè wɔŋ vànèkpaa diɛŋ yàwi nààŋ Jisɛ̀ Kulaì.

Gàla 5:4

Nyɛ̀iŋ nyàŋ nìŋ kamàŋ ɗewe wèè naŋ nɔ̀ŋ anyùùŋ tɔ̀ɔ̀nyaàŋ koɓɛ̀ Dayài esaɓù kɛ̀ nìŋ naŋ nyɛ̀nɛ̀ŋ e yèɛ ke Sàwàa naŋ woò lɛ, nàŋ gòò nyiìŋ bi wo Jisɛ̀ Kulaì kɔɔ. Yèè niŋ fè ɓɛìŋ e tɛ̀ɛ̀tɛ̀ɛ̀ Dayàa dìì.

Hiɓu 7:19

esaɓù kɛ̀, maŋ Sàwà Dayà màŋ fè wa ɓɛ̀nɛ̀ŋ nyɛ̀nɛ̀ŋ è nɛ̀ŋ gbiŋ è do zɛ̀nɛ̀ŋ. Wo Dayà naŋ wi naàŋ kìɛ̀ŋ ke jii tùlia kɛnɛ, ke yèɛ hiàŋ wì koɓɛ̀ Dayài fɔ̀ɔ̀ yɛ.