Luùm 3:10 - WƆŊ FƐ̀Ì EBÒ SÌÀŊ DAYÀA

¹⁰ Wɔŋ fɛ̀ì Dayàa naŋ woò wààŋ, “Wo nyùùŋ tɔ̀ɔ̀nyaàŋ gbiŋ fè,

Luùm 3:10 ပူးပေါင်းရင်းမြစ်များ

Maafiù 15:19

E yìwìà ke jii mɔɛ̀ŋ sùà maŋ gòngo naanààŋ folo, maŋ yè maŋ nyɛ̀nɛ̀ùm maŋ nyɛ̀nɛ̀ŋ maŋ keì mààŋ, nyuùŋ jìwa, e gòngò hmɔŋtu, e kpùlìà maŋ yɛɛ̀ nyɛ̀nɛŋ gò kùwìè ɓɛ̀ɛ̀jàa, maŋ keì naanààŋ gɛ̀wɛɛ̀ zimgbe mààŋ, e wùa, e tòa, yèè e keì kàaɓì gbùwà nyùùŋ ɗì wèè e deèuŋ nɛ̀ e pɔɔ̀.

Luùm 11:8

Nààŋ wɔŋ fɛ̀ì Dayàa naŋ woò lɛ, “Wo Dayà naŋ nyɛ̀nɛ̀ŋ maŋ jii nyiŋ màŋ nɔ̀ŋ dɔ̀ɔ̀mùùŋ. E yìwìà ke ɗɔɔ yii e hàì nàaŋ ɗɔɔ yɛɛ̀, wo Dayà naŋ nyiŋ nyɛ̀nɛ̀ŋ aŋ fè jàà keì jii e kìlà aŋ fè yɛ̀mɛ̀ keì gbiŋ dìò sùà tɛ̀ɛ̀ wɔ̀ŋ fàà Dayàa.”

Luùm 3:11

e fè wò yèɔ kuwa jiikɛ̀ɛ miŋ dò nàŋ sɔ̀ wo yèɔ zoolà Dayà wɔ.

Luùm 3:23

Yàwi nààŋ gbiŋ èiŋ nyɛ̀nɛ̀ŋ maŋ jùumù yèè èiŋ ka fauŋ e yìwìà e jòòwò Dayàa fɛɛ̀feìŋ.

Luùm 3:4

Tii nààŋ e gò fasàì. Wo Dayà yaà tɔ̀ɔ̀nyaàŋ, jòòpɛɛ anyuùŋ kpùuŋ nyàŋ gbiŋ aŋ fè tɔ̀ɔ̀nyaàŋ. Wɔŋ fɛ̀ì Dayàa naŋ woò wààŋ, “Maŋ mìè gbòaum màŋ tɔɔ̀ kɛ̀ mùŋ yaà tɔ̀ɔ̀nyaàŋ sèè mùŋ woà e keì. Mùŋ kuwa maŋ kɛ̀ɛ̀nɛ̀ŋ gɛŋ sèè mùŋ nɔ̀ŋ kɔ̀ɔ̀yɛ̀ e gbài dìì.”

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

1Pììlɛ 1:16

Wɔŋ fɛ̀ì Dayàa naŋ woò wààŋ, “Nɔ̀ìŋ e nɛɛmaŋ sùà e fèfoo miàŋ bi mìŋ yaà e nɛɛmaŋ sùà.”

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”

Maŋ kèì nyɛɛnɛŋ 22:15

E jawa gbeeɛ̀ ɓula, kuŋ aŋ sùùŋ, anyuùŋ fɔ̀ɔ̀wɔ̀ kɔìɗòlò, anyuùŋ nyɛ̀nɛ̀ŋ maŋ yɛ̀ɛ̀ hmɔŋtu naanààŋ yaà anyuùŋ jìwà nyùùŋ, anyuùŋ zòòlò maŋ gòò yaà anyùùŋ nyaŋ tɔɔ maŋ mìè gbòa yaà maŋ keì nyɛ̀nɛ̀ŋ nyiŋ màŋ sùà nyaŋ àŋ yaà.