Luùm 2:8 - WƆŊ FƐ̀Ì EBÒ SÌÀŊ DAYÀA

⁸ Anyùùŋ nyaŋ bà nyiŋ manaŋ nɔŋ nyiŋ bi e kìlà àŋ gè maŋhɛɛ wèè aŋ jàà e tɔ̀ɔ̀nyaàaŋ wo Dayà naŋ woò lɛ kùàŋ dìì. Àŋ nyɛnɛŋ maŋ keì maŋ wo Dayà naŋ woò wààŋ maŋ fè tɛɛ maŋ. Wo Dayà do nyiŋ nàŋ tùù sìwè e kìlà wò do nyiŋ nàŋ dèèyè keì nyìnga diɛŋ.

Luùm 2:8 ပူးပေါင်းရင်းမြစ်များ

Luùm 1:18

E yìwìà ko àìjɛnɛ̀ŋ, wo Dayà naŋ tɔ̀ɔ̀ e ɗeweɛ̀ wò naŋ tuù lɛ wèè maŋ jùùmù yaà maŋ kpèè nàànààŋ anyùùŋ nyaŋ yè nyaŋ keewà e tɔ̀ɔ̀nyaàaŋ kùàŋ feìŋ nyaŋ.

Luùm 10:16

Yɛi nɔŋ è yaà koɓɛ̀ anyùùŋ nyaŋ gbiŋ nààŋ kòò àŋ hààwè kè mìè gbìàŋ Èbò Siaàŋ nyaŋ. Tɛɛ̀ naŋ wa kaaìŋ wèè e nyɛ̀nɛ̀ŋ e yèɛ wo wɛ̀ijìɔ Àzaayà naŋ wa woò lɛ e hɛɛnɛ̀ŋ. Wò naŋ woò wààŋ, “Kanaà, ɓòò naŋ wa hààwè maŋ miè gbìaŋ wi màŋ?”

Luùm 15:18

E yèɛ gbiŋ ngèè mìŋ do nàŋ woò lɛ, nàŋ yaà e nɛ̀ɛŋ wo Jisɛ̀ Kulaì naim gè nyààŋ diɛŋ wèè ka woò janjai lɛ, yèè e tòmoɛ̀ wò manaŋ ka nyɛ̀nɛ̀ŋ lɛ, nàŋ yaà wèè anyùùŋ nyaŋ fè àŋ Juùù nyaŋ auŋ jɔ̀ɔ̀lɔ̀ dìì.

Luùm 6:17

Kɛɛ gè wììŋ wo Dayà ke sɛ̀! Esaɓù kɛ̀ nìŋ yaà wa mààŋ aŋ ɗo e kìlà nìŋ yaà jɔ̀ɔ̀lɔ̀ e ɗèweɛ̀ nìŋ kuwa lɛ̀ koɓɛ̀ maŋ jùumù, kɛɛ nàŋ kìlà yèè nàŋ kɛ̀ɛ̀nɛ̀ŋ e ɓɛ̀ɛ̀jàa maŋ jiiiŋ màŋ sùà wèè naŋ jɔ̀ɔ̀lɔ̀ e tɔ̀ɔ̀nyaàaŋ àŋ naiŋ wa kaà lɛ dìì.

Luùm 9:22

E kèì guùŋ lɛɛ̀ è yaà tɔ̀ɔ̀nyaàŋ wèè e yèɛ wo Dayà naŋ nyɛ̀nɛ̀ŋ lɛ̀. Wo Dayà manaŋ wa wo tɔ̀ɔ̀ e nimilàa, yèè wo nyɛ̀nɛ̀ŋ anyùùŋ nyaŋ gbiŋ aŋ yɛ̀mɛ̀ e gaàuŋ nɛ̀. Kɛɛ wò kuwa wa ke jii tɔumtɔ̀ùm wèè anyùùŋ nyaŋ wò manaŋ wa wo nimilà nyaŋ e kìlà àŋ henàŋ nàŋ fɔ̀ nyaŋ.

1 Kɔliìŋ 11:16

Yɛi nɔŋ maŋ gbòò anyuùŋ hààwe nyàŋ gbiŋ ke gbòò Dayàa sùà nyɛnɛŋ. Yèè esaɓùɛ lɛɛ̀ wo nyùùŋ bà gbiŋ ɓɔ̀ wò gè màŋhɛɛ wèè è yèɛ mìŋ naŋ woò lɛ.

2 Kɔliìŋ 12:20

E jùù yààìm kɔɔ kɛ̀ sèè mìŋ hnàŋ, ɗɔɔ bà, nìŋ do nàŋ nɔ̀ŋ è gbà. Miŋ naìŋ mɛɛ̀ŋ wèè naŋ nɔ̀ŋ è ɗeweɛ̀ mìŋ henàŋ mɔ̀ɔ̀nɔ̀ŋ wèè naŋ nɔ̀ŋ lɛ, yèè mìŋ do nàŋ nɔ̀ŋ è gbà, e yìwìà e ɗeweɛ̀ nìŋ henàŋ mɔ̀ɔ̀nɔ̀ŋ wèè ka nɔ̀ŋ lɛ. E jùù yààìm kɔɔ kɛ̀ mìŋ do nàŋ mɛɛ̀ŋ nìŋ yaà tììnyɛ̀ŋ nyààŋ, yèè nìŋ yaà gììyè koo, ɔ̀ɔ̀ e wùàŋ yààìŋ, yèè wo nyùùŋ gbiŋ naŋ nɔŋ kpɛɛ̀ŋ wèè wuŋ bi, maŋ dìène yèè nyuùŋ fìè fie, e tɛɛmànaŋ yèè maŋ keì gɔ̀àgɔ̀à sùà.

Gàla 5:20

aŋ dàyà joo yèè anyùùŋ sɛɛ̀ŋ zòòlo, è nyɛ̀nɛ̀ŋ anyùùŋ aŋ wùònò fèemàŋ e kìlà aŋ sòmàŋ, aŋ nɔ̀ŋ e koo, e wùàŋ, yèè aŋ nɔ̀ŋ e gòngò nyiŋ biɛ̀ sùà. E kìlà àŋ hiàŋ e fèemàŋ gòòno maŋ dèène yèè maŋ gbòò sùà.

Fèle 1:17

Kɛɛ aŋ gbànaŋ nyàŋ giiyà wì le koo nyàŋ, gboo kè mìè Dayàa è nyaàiŋ dè wò Jisɛ̀ Kulaì, kɛɛ e fè yìwìà màŋ jii nyiŋ màŋ diɛŋ, kɛɛ àŋ nyɛ̀nɛ̀ŋ niìŋ esaɓù kɛ̀ àŋ manaŋ e bàne wèè nyiŋ bi. Àŋ gongà kɛ̀ sèè àŋ nyɛnɛŋ tɛɛ̀, àŋ doim nàŋ hìɛ̀ŋ e keì nyìnga diɛŋ e teengaà mìŋ yaà ko sààŋ nyìwì lɛ.

Fèle 2:3

Ɓɔ̀ nìŋ gè lè koo ɔ̀ɔ̀ naŋ ɓèmè nyɛ̀iŋ bi gbee. Dèèyeìŋ nyɛ̀iŋ bi yèè niŋ ɓemè aŋ wùìyaiŋ nyàŋ aŋ nɔ̀ŋ anyùùŋ sɛmɛmaŋ e nìàŋ nyɛ̀iŋ bi.

2Tɛsè 1:8

e hmɔɔ̀ŋ kùwa sùà wèè wo gbàì e tɔ̀ɔ̀nyaàŋ sùà anyùùŋ nyaŋ naŋ kùwìè wo Dayà maŋhɛɛ nyàŋ, yèè aŋ yè nyaŋ fè jɔ̀ɔ̀lɔ̀ Èbò Siaàŋ nyaàiŋ dè wò Kana wiɔ̀ Jisɛ̀ dìì nyaŋ.

Taitɔ̀ 3:9

Ɓɔ̀ mùŋ gbìàŋ kùàŋ màŋ hɛ̀ɛ̀ gè zùwo sùà è nyaàiŋ dè àŋ nèwàènèwe nyàŋ, yèè ɓɔ̀ mùŋ gbɛ̀ɛ̀ màŋhɛ̀ɛ̀ gè nyaàtàaŋ wèè màŋ Sàwà Mòòze màŋ è kɔɔ. Maŋhɛɛ gèe mààŋ miiŋ, màŋ yaà maŋhɛɛ gèe foofòò e jiikɛ̀ɛ fè miìŋ sùà.

Hiɓu 10:27

Kɛɛ e yèɛ nɔŋ àŋ naŋ naàŋ ɓɛ̀nɛ̀ŋ nyɛ̀nɛŋ lɛ̀ nàŋ yaà, wèè aŋ nyɛ̀nɛ̀ŋ jùù e teengaà àŋ yaà fùlìè kitiɛ̀ wo Dayà do nàŋ heè lɛ, yèè e hmɔɔ̀ŋ kùwa gbeeɛ̀ do nàŋ sùɔ̀ŋ anyùùŋ nyaŋ naŋ gììyè wo Dayà maŋhɛɛ nyàŋ.

Hiɓu 11:8

E hààwe naŋ wa nyɛ̀nɛ̀ŋ wo Eɓulɔhɛɛ̀ŋ naŋ jɔɔlɔ̀ e teengaà wo Dayà nauŋ wa nyààŋ wèè wo ka koɓɛ̀ wɔŋ fuɔŋ bà wɔŋ yèɔ wo Dayà naŋ wa jɔ̀ɔ̀ ɗààhiì wèè wouŋ kiɛ̀ŋ wɔŋ. Wo Eɓulɔhɛɛ̀ŋ naŋ wa yèwè wɔŋ fuɔuŋ nɔɔ̀ŋ wèè wo ka koɓɛ̀i wo nyimààŋ lɛ.

Hiɓu 5:9

E keì nyìngaà wo Jisɛ̀ naŋ wa kɔ̀ dìì lɛ, naŋ nyɛ̀nɛ̀ŋ wò naŋ wa nɔ̀ŋ wo nyuùŋ tùlìà jii dìà sùà, e kìlà wò naŋ nɔ̀ŋ ko tɔɔtuì wèè e jòèyè anyùùŋ nyaŋ jɔɔlɔ̀uŋ dìì nyaŋ,

Jìiiŋ 3:14

Kɛɛ sèè mùŋ nɔ̀ŋ wo nyuùŋ gè le koo, mùŋ naŋ kɛ̀ɛ̀fɛ̀ɛ̀, yèè mùŋ manaŋ e nɛ̀ɛŋ gbiŋ wèè muàŋ guùŋ kpò nɔŋ, ke jii mɔɛ̀ŋ sùà, ɓɔ̀ mùŋ kɛ̀ɛ̀ màŋ yòngà wèè è jiikɛ̀ɛum bi kɛ̀ màŋ sɛɛ̀ e jùumù sùà kòɓɛ̀ è tɔ̀ɔ̀nyaàaŋ.

Jìiiŋ 3:16

Koɓɛ̀i anyuùŋ gè le koo, yèè anyuùŋ kɛ̀ɛ̀fɛ̀ɛ̀, yèè anyùùŋ nyaŋ manaŋ e nɛ̀ɛŋ gbiŋ wèè nyiŋ guùŋ kpò yaà lɛ, kuuŋ maŋ keì gɔ̀àgɔ̀à sùà yèè maŋ keì naanààŋ gɛ̀wɛɛ̀ gbiŋ màŋ yaà.

1Pììlɛ 3:1

Sèè mùŋ nɔ̀ŋ wo jɔùŋ kùwìè felaa, jɔ̀ɔ̀lɔɔ̀ wo faniŋ mɔɔ̀ŋ dìì. Sèè pɛɛ wo gò jɔ̀ɔ̀lɔ̀ kè mìè Dayàa dìì, e jɔ̀ɔ̀lɔ mɔ̀ɛ̀ ko nɛ̀ɛ̀uŋ niìŋ douŋ nàŋ nyɛ̀nɛ̀ŋ wo jɔɔlɔ̀, wo nyùùŋ gbiŋ naùŋ ɓɛìŋ gbòò kɔɔ wèètii.

1Pììlɛ 4:17

E tèèngà e gbàiɛ̀ è haì, yèè è do nàŋ tɔ̀ɔ̀tù ko sààŋ Dayài jiɛ̀. Sèè è tɔɔtù wì diɛŋ, diè ko jèè e ɗìi do nàŋ nɔ̀ŋ wèè anyùùŋ nyaŋ gò hààwè kè mìè gbìàŋ Ebò Siaàŋ kè yèɛ yewe Dayà sìwè lɛ?

Maŋ kèì nyɛɛnɛŋ 14:10

wo Dayà do nyiŋ nàŋ kìɛ̀ŋ e keì nyìnga sèè wò tuù, e teenè mààŋ wò naŋ tìè maŋ tala muaŋ nyìnga maŋ yè maŋ wò naŋ gɔ̀àì wɔŋ kpòò ke jii fiìuŋ nɛɛ̀ŋ sùà maŋ. Anyùùŋ nyaŋ gbiŋ do tɛɛ̀ nàŋ nyɛ̀nɛ̀ŋ nyaŋ, àŋ do nàŋ kùwò e nimilà gbee e hmɔ̀ɔ̀ŋ yèè e sɔfɔ̀ sùà, ko fɛ̀ɛ̀fèìŋ aŋ màìkà nɛɛmaŋ nyàŋ yaà wo Ɓaawaaà.

Maŋ kèì nyɛɛnɛŋ 16:19

Ko jawa gbeeì Ɓaɓelɔ̀ùŋ naŋ wa sɛkɛ̀ ko gòònò sùà taai, yèè maŋ jawa gbeegbèè maŋ gbiŋ maŋ fuɔŋ màŋ sùà naŋ wa nɔ̀ŋ pɔ̀ɔ̀pɔɔ miŋ. Wo Dayà naŋ wa jàà ko jawa gbeeì Ɓaɓelɔ̀ùŋ jii, yèè wò naŋ nyɛ̀nɛ̀ŋ anyùùŋ nyaŋ aŋ tìà maŋ tala muaŋ màŋ e yìwìà wɔŋ kpòòuŋ nɔɔ̀ŋ sùà, maŋ tàlà mùàŋ e wùàŋ gbeeuŋ nɛ̀.