Luùm 2:6 - WƆŊ FƐ̀Ì EBÒ SÌÀŊ DAYÀA

⁶ Wo Dayà do wi nàŋ kìɛ̀ŋ e jìwààjɛ̀wɛ̀ e yèɛ naŋ wi tɛɛwɛ̀ wèè e tòmoɛ̀ yàwi nyɛɛ̀ŋ bà gbiŋ è naiŋ nyɛ̀nɛ̀ŋ lɛ.

Luùm 2:6 ပူးပေါင်းရင်းမြစ်များ

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Luùm 14:22

E hààweɛ̀ mùŋ kuwa e nyaàiŋ dè manɛ̀ŋ mɛɛ̀ŋ lɛ, kùwiè niŋ ke gbùnu sùà e fèèmàŋ Dayà yèè muàŋ bi. E zɔlɔ̀ do nàŋ nɔ̀ŋ anyùùŋ nyaŋ gò gbàì nyiŋ bi e kìlà aŋ jèè nyiŋ bi è keì nyaŋ sèè àŋ nyɛnɛŋ maŋ nɔnɔŋ tùaŋ yèè àŋ yɛmɛ̀ kɛ̀ e nɛ̀ɛŋ àŋ naŋ nyɛ̀nɛ̀ŋ lɛ è yaà tɛ̀ɛ̀.

1 Kɔliìŋ 3:8

Wo nyùnɔ̀ɔŋ naŋ nyùɔ̀ŋ wɔ, yaà wo nyùnɔ̀ɔŋ naŋ gɔ̀àà maŋ màì wɔ, e tɛɛ gòòno gbiŋ fè nyiìŋ è fèemàŋ. Wo Dayà do nàŋ pààwà nyùùŋ gbiŋ màànààŋ wò naŋ tomo lɛ̀.

1 Kɔliìŋ 4:5

E wèètii ɓɔ̀ nìŋ gbaaì wò nyùùŋ gbiŋ è keì paŋgàà è tèèngà keì gbàiɛ̀ e haì. E keì gbài dìàmaàŋ do wa nàwèè nàŋ nɔ̀ŋ e tèèngà e hnàŋ Kanaà Jisɛ̀ Kulaìɛ diɛŋ. Wuŋ nàŋ do nàŋ gè maŋ gbùnù ke nyìwì maŋ, yaà esàɓù nyɛ̀nɛŋ miŋ nɛ̀ e gòngò nyuùŋkpùuŋ nyàŋ jiio sùà, wo miŋ gɔaì janjai. Kpeiŋ kɛ̀ wo Dayà do nàŋ fè wo nyùùŋ gbiŋ e tɛ̀nɛɛ̀ŋ wò kanaŋ lɛ̀.

2 Kɔliìŋ 11:15

E wèètii, e fè guùŋ è keì gbee bà sèè àŋ ɓɔìjɔ̀àuŋ nyàŋ ɓemàŋ yèè àŋ tɔɔ̀ nyiŋ bi wèè aŋ nɔ̀ŋ mààŋ anyùùŋ tɔ̀ɔ̀nyaàŋ. Ko jee e ɗìi, àŋ do nàŋ yɛ̀mɛ̀ e nɛ̀ɛŋ maŋ nyɛ̀nɛŋ nyiŋ màŋ kanaŋ lɛ̀.

2 Kɔliìŋ 5:10

Yàwi nààŋ gbiŋ doiŋ nàŋ hnè wo Jisɛ̀ Kulaì ke kpùà keì gbàiuŋ nɛɛ̀ŋ fɛɛ̀feìŋ, wo wi gbaaì. Yàwi nààŋ gbiŋ doiŋ nàŋ yɛ̀mɛ̀ e pààwà keì sìàŋ ɔ̀ɔ̀ keì naanààŋ wèè e nɛ̀ɛŋ gbiŋ è naiŋ nyɛ̀nɛ̀ŋ ke kpùnaŋ yɛɛ̀ sùà lɛ.

2Time 4:14

Wo zòòbuuɔ̀ Àlèzanàŋ naim wa jàà keì nyìnga, wo Kanaà douŋ nàŋ kìɛ̀ŋ e jìwààjɛ̀wɛ̀ɛ wèè e yèɛ wò naŋ nyɛ̀nɛ̀ŋ lɛ.

Maŋ kèì nyɛɛnɛŋ 2:23

Mìŋ do ngèè ɓɛìŋ nàŋ jìwè anyùùŋ màŋjɛ̀wɛ̀uŋ nyàŋ gbiŋ, kpeiŋ kɛ̀ ke gbòò anyuùŋ hààwe nyàŋ gbiŋ do nàŋ nyìmè kɛ̀, miàŋ nàŋ yaà wo nyùnɔ̀ɔŋ naŋ nyìmè e gòngò nyuùŋkpùuŋ gbiŋ ke jiiuŋ nɛɛ̀ŋ sùà, yèè e yèɛ àŋ manaŋ lɛ̀. Mìŋ do ɓɛìŋ nàŋ pààwà nyɛ̀iŋ nààŋ bà guùŋ gbiŋ wèè e tòmoɛ̀ mùŋ naŋ nyɛ̀nɛ̀ŋ lɛ.

Maŋ kèì nyɛɛnɛŋ 20:12

Mìŋ naŋ yɛ̀mɛ̀ anyuùŋ fàa nyàŋ, wo gbeeɔ̀ yèè tòloòɔ, àŋ sia ke kpùà Kanaà feìŋ. Maŋ fɛi naŋ nɔ̀ŋ yìle miŋ. Wɔŋ fɛi joo bà naŋ wa ɓɛìŋ nɔ̀ŋ yìle wuŋ, wɔŋ fɛ̀ì anyuùŋ gè nyiiŋ nyàŋ. Àŋ naŋ gbàì anyuùŋ fàa nyàŋ e nyaàiŋ dè maŋ keì maŋ àŋ naŋ wa nyɛ̀nɛ̀ŋ maŋ, nààŋ è yaà sìnga niŋ maŋ fɛi màŋ sùà lɛ kɛ̀,

Maŋ kèì nyɛɛnɛŋ 22:12

Wo Jisɛ̀ naŋ woò wààŋ, “Kùmiàŋ nìim! Mìŋ yaà hinie e teenga kpuu! Mìŋ do nàŋ hìɛ̀ŋ e jìwààjɛ̀wɛ̀ mɛ̀ wèè ka niŋ kìɛ̀ŋ wo nyùùŋ gbiŋ e nyaàiŋ dèe nɛ̀ɛŋ wò naŋ nyɛ̀nɛ̀ŋ lɛ.