Luùm 2:4 - WƆŊ FƐ̀Ì EBÒ SÌÀŊ DAYÀA

⁴ Tɔɔɓaa ɓɔ̀ nìŋ woò nààŋ wò Dayà yaà nyìnìè e keì sìàŋ gbee weè wi, weètii e kuwàìŋ èsaɓù bà wèè eiŋ fè màŋ tùwo naanààŋ wi màŋ jɛwɛ. Nyìmaìŋ kɛ̀ wo Dayà yààìŋ nyinie tɛ̀ɛ̀ e kìlà wò yààìŋ tɔ̀ɔ̀ sùà e mànaŋ, wèè woiŋ kìɛ̀ŋ jii nyingè naŋ fè maŋ tùwo naanààiŋ màŋ jɛwɛ yèè naŋ kìlà ko nɛ̀ɛ̀uŋ niìŋ.

Luùm 2:4 ပူးပေါင်းရင်းမြစ်များ

Luùm 10:12

Tɛɛ̀ è yaà wèè anyùùŋ nyaŋ gbiŋ, esaɓù kɛ̀ e tɛɛ gòòno fè è fèèmàŋ aŋ Juùù nyaŋ yaà anyùùŋ nyaŋ fè àŋ Juùù nyaŋ. Wo Dayà nàŋ yaà wo Kànà È Gunɔ̀ɔŋ wèè anyùùŋ nyaŋ gbiŋ, yèè wò kpuumàŋ wo nyùnɔ̀ɔŋ gbiŋ dawàuŋ wèè e kpùùmaŋ wɔ̀.

Luùm 11:22

Nyìmaìŋ kɛ̀ wo Dayà ɓɛ̀nɛ̀ŋ nɔ̀ŋ tɛ̀ɛ̀ ko nɛ̀ɛ̀iŋ niìŋ, yèè wòiŋ ɓɛ̀nɛ̀ŋ kìɛ̀ŋ e keì nyìnga. Wò kiɛ̀ŋ e keì nyìnga koɓɛ̀ anyùùŋ nyaŋ nauŋ fè jɛwɛ nyàŋ, kɛɛ wò nɔ̀ŋ tɛ̀ɛ̀ ko nɛ̀ɛ̀iŋ niìŋ sèè nìŋ jeeà ke nyɛ̀nɛŋ siauŋ nɛɛ̀ŋ sùà. Kɛɛ sèè nìŋ fòuŋ jɛwɛ, wò doiŋ nàŋ gè kùàŋ dìì woiŋ jàà e ɓula nyɛ̀iŋ pɛɛ.

Luùm 11:33

Diè wo Dayà yaà yɛi tɛ̀ɛ̀ zimgbe koɓɛ̀ anyùùŋ nyaŋ gbiŋ le! Diè wò kuwa yɛi jiikɛ̀ɛ zimgbe yèè wò naŋ nyìmè e keì fèemàŋ le! Ɓòò naŋ ɓɛ̀nɛ̀ŋ gɔ̀àì è kitiuŋ nɛ̀ sùà? Ɓòò naŋ ɓɛ̀nɛ̀ŋ nyìmàŋ maŋ kpèèuŋ màŋ?

Luùm 3:25

Wo Dayà naŋ wa tùɔ̀ŋ wo yèɔ wò naŋ tàeɗùù wɔ, wo Kulaìɔ, wèè wo nɔ̀ŋ e nɛ̀ŋ saaà weè wì. Wo Jisɛ̀ Kulaì naŋ wa wùɔ̀ŋ maŋ sɛ̀ìŋ e kìlà wo fà weè wi, wèè kɛ̀ sèè è kɛɛnɛ̀uŋ hààwe sùà, wo Dayà do wi nàŋ jàà kùàŋ dìì. Wo Dayà naŋ wa tɛɛ̀ nyɛ̀nɛ̀ŋ e teenga gɔu sùà wèè wo tɔɔ̀ kɛ̀ wò yaà wa e tɔ̀ɔ̀nyaàŋ sùà wèè wo kɛ̀ɛ̀nɛ̀ŋ ke jii tɔumtɔ̀ùm e kìlà wo jùùyà anyùùŋ hakɛ̀ wèè maŋ jùumù nyiŋ màŋ. Tɛɛ̀ naŋ ɓɛìŋ tɔɔ̀ kɛ̀ wo Dayà yaà tɔ̀ɔ̀nyaàŋ, nààŋ wò jaa anyùùŋ kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ e kìlà sèè àŋ kɛɛnɛ̀ŋ hààwe wo Jisɛ̀ sùà.

Luùm 6:1

Kiìŋ kai è naiŋ naàŋ ɓɛ̀nɛ̀ŋ wòo? E nɔ̀iŋ nyìnìè maŋ jùumù keleiŋ wèè wo Dayà tɔɔ̀ wi è tɛ̀ɛ̀tɛ̀ɛ̀uŋ nɛ̀ zimgbe zimgbe?

Luùm 6:15

Nààŋ miŋ fè naàŋ kè sàwàa dìì lɛ, kà ɓɛ̀nɛ̀ŋ nyɛ̀nɛ̀ŋ maŋ jùumù esaɓù kɛ̀ mìŋ yaà e gààŋ e tɛ̀ɛ̀tɛ̀ɛ̀ Dayàa dìì? Kpele!

2 Kɔliìŋ 8:2

Àŋ naŋ kɔ̀ɛ̀ maŋ wɔ̀à keì nyìnga dìì tiwìtiwì kàìŋ, kɛɛ e zɔlɔ̀ nyiŋ nɛ̀ naŋ dɛ̀ɛ̀ zimgbe, e nɔ̀ŋ saɓù wèè àŋ gè nɛ̀ŋ kùàŋ e kìɛŋ nyiŋ nɛ̀ sùà jòòpɛɛ àŋ yaà anyuùŋ pɔ̀ɔ.

Ɛfesɔ̀ 1:18

Mìŋ dawà wèè maŋ jiiiŋ màŋ maŋ yilè e kìlà niŋ yɛmɛ̀ e gbolòùuŋ nɛ, e wèè niŋ nyìmàŋ kɛ̀ kiìŋ nàŋ yaà ke jii tùliaà ke yèɛ wò naiŋ nyààŋ e weè nyiŋ nɛ̀, kɛ̀ nìŋ do nàŋ yɛ̀mɛ̀ e ɗeweɛ̀ maŋ kpùùmàŋ e keì sìàŋ gbeeuŋ nɛ̀ naŋ banè lɛ, maŋ yè maŋ wò naŋ ɓèmè e ɗààhiì wèè wo fè anyùùŋ nɛɛmauŋ nyàŋ gbiŋ lɛ̀,

Ɛfesɔ̀ 1:7

Esàɓù maŋ sɛ̀ìŋ Jisɛ̀ Kulaì maŋ sùà wo Dayà naŋ wi bilɛ̀ŋ wèè foo, tii naŋ tɔɔ̀ kɛ̀ wò jùùyà maŋ jùumù wi màŋ hakɛ̀. E tɛ̀ɛ̀tɛ̀ɛ̀ Dayàa naŋ dɛɛ̀,

Ɛfesɔ̀ 2:4

E ɗewe gbio sùà, wo Dayà naŋ banè ke nyowo sùà, yèè e mànaàŋ wò kuwa weè wilɛ̀ è naŋ dɛɛ̀.

Ɛfesɔ̀ 2:7

Wo Dayà naŋ tɛɛ̀ nyɛ̀nɛ̀ŋ wèè e ɗùùnyàŋ ko dòmàŋfeìŋ nɛ sùà, wo tɔɔ̀ maŋ bàne màŋ yaà e tɛ̀ɛ̀tɛ̀ɛ̀ gò kùwìè kò dìauŋ nɛ̀, yèè ke jii siaàŋ wò kuwa weè wi esàɓù Jisɛ̀ Kulaì sùà lɛ.

Ɛfesɔ̀ 3:16

Mìŋ dawà Dayà e wèè, e yìwìà maŋ bànè e jòòwouŋ nɛ̀ sùà, wo fèiŋ e gààŋ e yìwìà wo Jinàuŋ nɔɔ̀ŋ e wèè niŋ nyìngà sùà.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

Fèle 4:19

Wo Dayàa mìŋ zoolà wɔ, doiŋ nàŋ kìɛ̀ŋ manɛ̀ŋ maŋ gbiŋ nìŋ naŋ kpɛɛ̀ŋ weè miŋ màŋ, e yìwìà e bàneɛ̀ wò kuwa lɛ̀ esàɓù e nɛ̀ɛ̀màŋ Jisɛ̀ Kulaìɛ sùà.

Kòlo 1:27

Wo Dayà naŋ wa ɗewè wèè wo tɔ̀ɔ̀ ke gbùnuuŋ nɛɛ̀ŋ koɓɛ̀ anyùùŋ nɛɛmauŋ nyàŋ, ke gbùnu kɛ̀ɛ̀nɛ̀ŋ bàne yaà e jòòwo yɛɛ̀, ke yèɛ wò kuwa wèè anyùùŋ nyaŋ gbiŋ nyàŋ. Ke gbùnu bi zà nàŋ yaà kɛ̀, wo Jisɛ̀ Kulaì joàìŋ ko sùà, yèè wuŋ nàŋ yaà ke jii tùliaiŋ nɛɛ̀ŋ wèè naŋ nɔ̀ŋ aŋ bàiŋbà e jòòwò Dayàa sùà.

Kòlo 2:2

Mìŋ nyɛnɛŋ tɛɛ̀ wèè ka nyiŋ kiɛ̀ŋ ke jii nyingè e kìlà ka nyiŋ jàànè koɓɛ̀ guùŋ e mànaŋ sùà, wo Dayà do nyiŋ nàŋ kìɛ̀ŋ e kpùùmaŋ gbee wèè aŋ nyìmàŋ kɛ̀ kiìŋ e nɛ̀ŋ nyìmaŋ kɛnɛ hiàŋ. E ɗewe lɛɛ̀ sùà, àŋ do nàŋ nyìmè ke gbùnù Dayàa. Ke gbùnu bi zà nàŋ yaà wo Jisɛ̀ Kulaì wuŋ bi.

1Time 1:16

kɛɛ wo Dayà naim wa tɔ̀ɔ̀ ke nyowo, e wèè wo Jisɛ̀ Kulaì tɔɔ̀ ke jii tɔumtɔ̀ùm nɛɛ̀ŋ, nààŋ maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ lɛ̀, wèè ka nɔ̀ŋ e tɔ̀ɔ̀màŋseì koɓɛ̀ anyùùŋ nyaŋ douŋ nàŋ sìè e hààwe sùà nyaŋ yèè aŋ kɛɛnɛ̀ŋ wɔŋ nyiiŋ gèe gò jùà.

1Time 6:17

Wòò anyùùŋ nyaŋ naŋ bàne wɔŋ nyììŋ gè ɗuunyaŋ lɛɛ̀ sùà nyaŋ ɓɔ̀ àŋ joowò nyiiŋ bi, e kìlà ɓɔ̀ àŋ sìà màŋ jii tùlia nyiŋ màŋ è bànè ɗuunyaŋ lɛɛ̀ sùà. Wòò nyiŋ aŋ kɛɛnɛ̀ŋ e hààwe wo Kanaà Dayà sùà, wo yèɔ kpuumàŋ wiì yèè wo wi kìɛ̀ŋ manɛ̀ŋ maŋ gbiŋ è jikàìŋ maŋ nyiiŋ gèe wi màŋ sùà maŋ.

1Pììlɛ 3:20

Aŋ jinàŋ nyɛɛ̀ŋ nàŋ yaà wa aŋ jìnàŋ anyùùŋ nyaŋ gò wa jɔ̀ɔ̀lɔ̀ Dayà dìì nààŋ wò naŋ wa kùwò ke jii wò yaà nyiìŋ fòla sùà e teengaà wo Nòa yaà wa bàne sùà wɔŋ meeèɔ lɛ̀. Anyùùŋ nɔɔnɔŋ lè taai nɔŋ naŋ wa jɔ̀ wɔŋ meeèɔ sùà, yèè nyiŋ nɔŋ naŋ wa jòèyè e yìwìà e wuiyè jòwaà sùà.

2Pììlɛ 1:11

E ɗèwè guùŋ nɛɛ̀ sùà wo Dayà doiŋ nàŋ gè nyààŋ diɛŋ wèè naŋ nɔ̀ŋ e Kànàŋ nyiiŋ gèe gò jùà Kana wiɔ̀, wo Nyuùŋ Jòèyeɔ̀ Jisɛ̀ Kulaìɛ sùà.

2Pììlɛ 3:15

Ɓɔ̀ nìŋ nyɛɛnɛ̀ŋ kɛ̀ wo Kanaà yaà kùwa sùà kè jii esaɓù kɛ̀ wò manaŋ wo nyùùŋ gbiŋ yɛ̀mɛ̀ e jòèye, màànààŋ nɔŋ wo wùìya mànaŋ wiɔ̀ Pɔɔ̀ naŋ sìngè ko nɛ̀ɛ̀iŋ niìŋ, wò naŋ tòòmò e jiikɛ̀ɛɛ̀ wo Dayà nauŋ fè lɛ.

2Pììlɛ 3:3

E jiɛ̀jiɛ̀ɛ nàŋ yaà, nìŋ kuwa naŋ nyìmàŋ kɛ̀ maŋ ɗɔɔ dìàmaaŋ màŋ sùà anyùùŋ bà do nàŋ hnè aŋ yè nyaŋ naàŋ gòngò è keì bà gbiŋ sɔɔ̀ e ɗèwe naanààaŋ nyiŋ bi kuwa lɛ̀. Àŋ doiŋ nàŋ hiilè

2Pììlɛ 3:9

Wo Kanaà fè dɔɔnɔ̀ŋ wèè wo nyɛ̀nɛ̀ŋ è nɛ̀ɛŋ wò naŋ ɓèmè ɗààhiì wèè wo nyɛ̀nɛ̀ŋ lɛ, màànààŋ ànyùuŋ bà gongà lɛ. Kɛɛ wò kuwo jii weèiŋ esaɓù kɛ̀ wo manàŋ wèè wò nyùùŋ gbiŋ fà. Kɛɛ wò manaŋ nyùùŋ gbiŋ fè maŋ tùwo naanààuŋ màŋ jɛwɛ.

Maŋ kèì nyɛɛnɛŋ 2:21

Kàuŋ kìɛ̀ŋ e teenga wèè wo fè maŋ tùwo naanààuŋ màŋ jɛwɛ, kɛɛ wo manàŋ wò do dàngè è hmɔŋtu naanààaŋ wò nyɛnɛŋ lɛ̀.

Maŋ kèì nyɛɛnɛŋ 3:20

Kòmaìŋ tɛɛ̀! Mìŋ sià wɔŋ gbemgbeeɔ̀ feìŋ yèè ka wuŋ kpùlà. Sèè wo nyùùŋ gbiŋ komo ke miè miɛ̀ŋ e kìlà wo yìlè wɔŋ gbemgbeeɔ̀, mìŋ do nàŋ jɔ̀ ko saaŋ nyiŋ niìŋ yèè yàwi nyiŋ doiŋ nàŋ jììyè e nɛ̀ŋje koɓɛ̀ guùŋ.