Luùm 2:3 - WƆŊ FƐ̀Ì EBÒ SÌÀŊ DAYÀA

³ Weètii, nyɛ̀iŋ nyàŋ nìŋ woà nààŋ wo Dayà nìmìlà anyùùŋ nyaŋ nyɛnɛŋ maŋ keì naanààŋ nyaŋ, nìŋ naŋ kai gongò kɛ̀ nìŋ do nàŋ dùɔ̀ŋ naŋ fòlà e kèì nyìngà Dayàa dìì, nààŋ nyɛ̀iŋ pɛɛ nìŋ nyɛnɛŋ maŋ kèì guùŋ maŋ nìŋ haà anyùùŋ nyɛɛ̀ŋ kiti diɛŋ wèè maŋ keì naanààŋ maŋ àŋ naŋ nyɛ̀nɛ̀ŋ maŋ?

Luùm 2:3 ပူးပေါင်းရင်းမြစ်များ

Maafiù 23:33

Niŋ fè è nɛ̀ŋ gbiŋ eɓìèmàŋjɛ̀wɛ̀ aŋ kàì yèè aŋ jɔ̀à kòmàŋ aŋ kàì. Diè nìŋ naŋ ɓɛ̀nɛ̀ŋ dùaŋ wèè niŋ go nàŋ kɔ̀ ko jàhamaŋ ke ɗɔɔɛ̀ wo Dayà do wa nàwèè nàŋ gbàì e ɗuunyaàŋ lɛ?

Maafiù 26:53

Niŋ nyimààŋ kɛ̀ kà weè ɓɛ̀nɛ̀ŋ dàwè wò Dèda miɔ̀ŋ wèè è kpùùmaŋ, yèè wò do nàŋ tùɔ̀ŋ aŋ màikà taasùùŋ jika ko nɛ̀ɛ̀ŋ miìŋ?

Luù 12:14

Wo Jisɛ̀ nauŋ woò wààŋ, “Dàwi miɔ̀ŋ, ɓòò naim kìɛ̀ŋ e gààaŋ wèè ka nɔ̀ŋ wo nyuùŋ bànè keì sùà ɔ̀ɔ̀ wo nyuùŋ gòònò maŋ nɛ̀ŋ èdàà wèè nyɛ̀iŋ tìyèe e fèemàŋ?”

Luù 22:58

E teenga kpàa bà naŋ ɓɛìŋ mààŋ, wo felaa bà naŋ jàà wo Pììlɛ jii yèè wò nauŋ woò wààŋ, “Muàŋ pɛɛ mùŋ yaà wo bà guùŋ!” Yèè wo Pììlɛ naŋ niŋ ɓɛìŋ gè maŋhɛɛ wààŋ, “Felaa wɛɛ̀, miŋ fè wò bà.”

Luù 22:60

Kɛɛ wo Pììlɛ naŋ fasàì wààŋ, “Felaa wɛɛ̀, miŋ nyimààŋ kɛ̀ kiìŋ mùŋ yaà woo!” Ko fɛɛ̀feìŋ nààŋ wò yaà wa nɔŋ gbuuye, wo tɔɔ wowo naŋ kolèè.

Luùm 1:32

Àŋ nyìmàŋ ke Sàwà Dayàa naŋ woò wààŋ kɛ̀ wo nyùnɔ̀ɔŋ gbiŋ naŋ nyɛ̀nɛ̀ŋ maŋ tùwo mààŋ mɛɛ̀ŋ wɔ naŋ tɛɛwɛ̀ wèè wo fà. Kɛɛ yɛi nɔŋ è yaà kòò àŋ yaà nyìnìè maŋ keì naanààŋ mɛɛ̀ŋ, yèè àŋ nyiinàŋ anyuùŋ joo maŋ jii wèè aŋ miŋ nyɛ̀nɛ̀ŋ nyiŋ pɛɛ.

Luùm 2:1

Nyɛ̀iŋ nààŋ bà nyiŋ nìŋ haà aŋ dàwiiŋ nyàŋ e kiti diɛŋ wèè e keì naanààŋ nyɛ̀nɛŋ. Kɛɛ niŋ kuwà kè kàfaì bà gbiŋ, wo Dayà gò kpɛɛ̀ŋ kɛ̀ ɓòò nàŋ yààùm. Sèè nìŋ gbaì aŋ dàwiiŋ nyàŋ, kɛ̀ nàŋ hàà e kiti nyɛ̀iŋ bi diɛŋ, esaɓù kɛ̀ è yaà e keì jèeiŋ e fèfoo nìŋ nyɛnɛŋ maŋ kèì guùŋ bi.

Luùm 2:2

Èiŋ nyìmàŋ kɛ̀ wo Dayà nyɛnɛŋ e tɔ̀ɔ̀nyaàŋ sèè wò gbaì anyùùŋ nyaŋ nyɛnɛŋ maŋ keì mààŋ mɛɛ̀ŋ nyaŋ.

Luùm 9:20

Kɛɛ ɓòò nàŋ yààùm muàum nyuùŋ kpùnɔɔ̀ŋ, wèè maŋ gbìàŋ wo Dayà wɔŋ mààŋdàwè wèè e yèɛ wò nyɛnɛŋ lɛ̀? E golà kpoò fè ɓɛ̀nɛ̀ŋ dàwè wò nyùnɔ̀ɔŋ naŋ niŋ banè wɔ wààŋ, “Wèè kiìŋ mùŋ naim yɛi bànè?”

1Tɛsè 5:3

Sèè àŋ woà naàŋ nyààŋ, “E dìì naàŋ nɔ̀ŋ gìli ke jii fàa diɛŋ,” e teengaà lii kinɛiŋ e keì nyìnga do nyiŋ nàŋ foonò, mààŋ koɓɛ̀i e sùàhɛ̀ɛ̀ kòmaŋ foonàŋ yɛi wo jɔùŋ ne, yèè wo nyùùŋ gbiŋ naàŋ niìŋ fòlò dìì.

Hiɓu 12:25

Yɛ̀mɛìŋ nyɛ̀iŋ bi diɛŋ yèè ɓɔ̀ nìŋ gè màŋhɛɛ wèè naŋ kòmàŋ kè mìè wò nyùnɔ̀ɔŋ gboo wɔ̀. Anyùùŋ nyaŋ naŋ wa gè maŋhɛɛ wèè aŋ kùmìàŋ ke mìè gbòà nɛɛmaàŋ e dììɛ diɛŋ wɔŋ Tòò Sanàa dìmɛ̀ nyaŋ, aŋ gò wa dùàŋ. Nìŋ naŋ gongò kɛ̀ nàŋ ɓɛ̀nɛ̀ŋ dùaŋ, sèè nìŋ gè maŋhɛɛ wèè naŋ jɔ̀ɔ̀lɔ̀ ke mìè gbòà nyùnɔ̀ɔŋ dìì, wò yèɔ naŋ gbòò e yìwìà ko àìjɛnɛ̀ŋ wɔ?

Hiɓu 2:3

Dièsɔa è naiŋ ɓɛ̀nɛ̀ŋ fòlà e kèì nyìngà Dayàa dìì sèè è gèìŋ maŋhɛɛ wèè eiŋ nyìmàŋ e ɗewe kii gbeeɛ̀ wò do nàŋ mɔ̀nɔ̀ŋ wèè wo wi joeyè lɛ? Wo Kanaà Jisɛ̀ wuŋ bi jiɛ̀ naŋ wòò e kèè e jòèye lɛɛ̀, yèè anyùùŋ nyaŋ naŋ wa kòmò ke miè gbìaàŋ nyaŋ, naŋ wi tɔɔ̀ janjai kɛ̀ è yaà wa e tɔ̀ɔ̀nyaàŋ.