Luùm 2:29 - WƆŊ FƐ̀Ì EBÒ SÌÀŊ DAYÀA

²⁹ Wo nyùnɔ̀ɔŋ yaà wo Juùù kɛnɛ wɔ̀, nàŋ yaà wo yèɔ naŋ kìlè ke jiiuŋ nɛɛ̀ŋ e tɔ̀ɔ̀nyaàŋ sùà wɔ. Wo Jìnàŋ Dayàa zà naŋ nyɛ̀nɛ̀ŋ e tòmo lɛɛ̀, e fè màŋ sàwà maŋ yaà sìnga miŋ màŋ. Wo Dayà nàŋ tɛnɛ̀ŋ wo nyùùŋ mààŋ wii, kɛɛ è fè ànyuùŋ kpùuŋ.

Luùm 2:29 ပူးပေါင်းရင်းမြစ်များ

Luù 11:39

Wo Kanaà Jisɛ̀ nauŋ woò wààŋ, “Nyɛ̀iŋ nààŋ Fɛlosiì nyaŋ nìŋ guo maŋ kpòò tììyaiŋ màŋ yaà maŋ tɛnyɛ̀iŋ màŋ jɛwɛ paŋgàà nìŋ jiiyà mìŋ sùà. Kɛɛ e wànàŋ nɛ̀ŋ keekèè e hààwè maŋ keì naanààŋ naŋ dìè nyɛ̀iŋ bi sùà.

Luù 17:21

Wo nyùùŋ gbiŋ naàŋ woò wààŋ, ‘Yɛ̀mɛ̀, tiŋ tɛɛ̀ kià!’ ɔ̀ɔ̀, ‘Tiŋ tii kuii!’ Esaɓù kɛ̀ e kànà Dayàa è yààùm ko sùà.”

Jɔ̀ɔŋ 12:43

Yèè ngèè anyùùŋ gbèègbèè aŋ Juùù nyaŋ manaŋ wa anyuùŋ kpùuŋ aŋ nyiŋ tɛnɛ̀ŋ e nìàŋ wèè wo Dayà wo nyiŋ tɛnɛ̀ŋ.

Jɔ̀ɔŋ 4:23

Kɛɛ e teenga kòò è yaà hinie, e kìlà kòò è yaà naàŋ kià tɛ! Wo Jinàaŋ do nàŋ nyɛ̀nɛ̀ŋ anyuùŋ zòòlò Dayà kɛnɛ nyàŋ aŋ zòòlò Dayà e tɔ̀ɔ̀nyaàŋ sùà.

Jɔ̀ɔŋ 5:44

Nìŋ manaŋ e kèè aŋ dàwi tɛ̀nɛŋ, tii nàŋ fɔɔyɛ̀ìŋ maŋ jii. Niŋ fè kàmè è ɗewe wèè naŋ tuwò tɛ̀ɛ̀ wèè e nyɛ̀nɛ̀ŋ esaɓù wèè wò Dayà wuŋ guùŋ woiŋ tɛnɛ̀ŋ. Kpeiŋ kɛ̀ dièsɔa nìŋ naim naàŋ ɓɛ̀nɛ̀ŋ kɛ̀ɛ̀nɛ̀ŋ e hààwe sùà?

Luùm 14:17

E Kànà Dayàa e fè wèè è nɛ̀ŋje jèe yèè màŋ muàŋ tìa, kɛɛ è yaà wèè e tɔ̀ɔ̀nyaàŋ, ke jii fàa, yàà e zɔlɔ̀ e yèɛ wo Jìnàŋ Nɛɛmaàŋ kiɛ̀ŋ lɛ.

Luùm 2:27

Weètii nyɛ̀iŋ nààŋ Juùù nyaŋ, anyùùŋ nyaŋ fè àŋ Juùù nyaŋ, doiŋ nàŋ kìlìè e kiti diɛŋ, esaɓù kɛ̀ nìŋ naŋ pɔ̀ɔ̀ ke Sàwàa, jòòpɛɛ nìŋ kùwa mìŋ wɔŋ fɛi sìnga diɛŋ e kìlà àŋ naiŋ jàà kpùa. Kɛɛ nyiŋ àŋ naŋ jɔ̀ɔ̀lɔ̀ maŋ sàwà maŋ dìì, jòòpɛɛ kòò àŋ nɔ̀ŋ wa kpùa jàa nyiŋ.

Luùm 3:1

Kiìŋ è keì kɛnɛ aŋ Juùù nyaŋ kuwa anyùùŋ nyaŋ fè àŋ Juùù nyaŋ diɛŋ? Ɔ̀ɔ̀ kiìŋ nàŋ yaà e tɛ̀ɛ̀tɛ̀ɛ̀ɛ sèè àŋ jààùm kpùa?

Luùm 7:6

E ɗewe gbio sùà, wo Dayà wò wi naàŋ gè e gààŋ ke sàwàa diɛŋ, esaɓù kɛ̀ è yààìŋ mààŋ anyùùŋ naŋ fɔ̀, e fèìŋ ɓɛìŋ è gààŋ màŋ kpèè miiŋ naŋ wi yɛi wa kùwò kpaŋ maŋ keì dìì. Kɛɛ e fèiŋ naàŋ ɓɛ̀nɛ̀ŋ zòòlò Dayà e ɗewe gɔuɛ̀ sùà nààŋ è yaà sìnga niŋ ke sàwà sùà lɛ̀, kɛɛ wo Jinàaŋ do nàŋ nyɛ̀nɛ̀ŋ eiŋ niŋ nyɛ̀nɛ̀ŋ e ɗewe kii jɛi sùà.

1 Kɔliìŋ 4:5

E wèètii ɓɔ̀ nìŋ gbaaì wò nyùùŋ gbiŋ è keì paŋgàà è tèèngà keì gbàiɛ̀ e haì. E keì gbài dìàmaàŋ do wa nàwèè nàŋ nɔ̀ŋ e tèèngà e hnàŋ Kanaà Jisɛ̀ Kulaìɛ diɛŋ. Wuŋ nàŋ do nàŋ gè maŋ gbùnù ke nyìwì maŋ, yaà esàɓù nyɛ̀nɛŋ miŋ nɛ̀ e gòngò nyuùŋkpùuŋ nyàŋ jiio sùà, wo miŋ gɔaì janjai. Kpeiŋ kɛ̀ wo Dayà do nàŋ fè wo nyùùŋ gbiŋ e tɛ̀nɛɛ̀ŋ wò kanaŋ lɛ̀.

1 Kɔliìŋ 7:19

Àŋ jàà wo kpàkòò ke kpùa, aŋ gòuŋ jàà kè kpùa, e fè è nɛ̀ŋ bà gbiŋ. E kɛnɛɛ̀ nàŋ yaà wèè eiŋ jɔ̀ɔ̀lɔ̀ ke sàwà Dayàa dìì.

2 Kɔliìŋ 10:18

Wo nyùnɔ̀ɔŋ tɛnɛ̀ŋ wuŋ bi wɔ̀ wuŋ nààŋ wo Kanaà fè jàà kùàŋ dìì, sɔɔ̀ wo yèɔ wuŋ Kanaà tɛnɛ̀ŋ wɔ.

2 Kɔliìŋ 3:6

Wuŋ naŋ nyɛ̀nɛ̀ŋ è naiŋ ɓɛnɛ̀ŋ wèè eiŋ nɔ̀ŋ aŋ ɓɔìjɔ̀à tòmo wèè e mìèsùàguùŋ jɛ̀ìɛ, e yèɛ e fè kè sàwà sìnga, è yaà wèè Jinàaŋ. Ke sàwà sìngaà hiàŋ e fàa, kɛɛ wo Jinàaŋ kiɛ̀ŋ wɔŋ nyiiŋ.

Fèle 3:3

Kɛɛ yàwi nàŋ yaà anyuùŋ jàà kpùa kɛnɛ nyàŋ, esaɓù kɛ̀ è zoolàìŋ Dayà e yìwìà e gààŋ Jìnàŋ Nɛɛmaàŋ sùà, yèè è gèìŋ zɔlɔ̀ maŋ nyiiŋ gèe wi màŋ sùà, nààŋ è yààìŋ aŋ bàwibà wo Jisɛ̀ Kulaì sùà. E fèiŋ sìà màŋ jii tùlia wi màŋ kòɓɛ̀ mànɛ̀ŋ maŋ è nyɛ̀nɛ̀ìŋ màŋ kpùnaŋ wi màŋ sùà maŋ.

1Tɛsè 2:4

Kɛɛ è gboo e ɗeweɛ̀ wo Dayà wuŋ manaŋ wèè eiŋ gbòà lɛ, esaɓù kɛ̀ wò wi tùàŋ maŋ nɔnɔŋ, wò wi haawè wèè Ebò Siaàŋ ɓààye. E fèìŋ fɛ̀ɛ sùà wèè eiŋ nyɛ̀nɛ̀ŋ wo nyuùŋkpùuŋ kè jiiuŋ nɛɛ̀ŋ ke fà, è fɛ̀ɛ̀ìŋ wèè eiŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà, wuŋ nàŋ tùɔ̀ŋ maŋ jii wi màŋ maŋ nɔnɔŋ.

1Pììlɛ 3:4

E siàum mɔ̀ɛ̀ e nɔ̀ŋ ke jii mɔɛ̀ŋ diɛŋ esaɓù kɛ̀ mùŋ siaŋ tùwo yèè mùŋ kuwa wo jinàŋ sìàŋ sìàŋ tùwo yèè wò naŋ tɔumtɔ̀ùm. E sìàŋ mààŋ tɛɛ̀ è yaà wèè julɔfɔ, yèè wo Dayà jàà niìŋ kùàŋ dìì.