Luùm 2:27 - WƆŊ FƐ̀Ì EBÒ SÌÀŊ DAYÀA

²⁷ Weètii nyɛ̀iŋ nààŋ Juùù nyaŋ, anyùùŋ nyaŋ fè àŋ Juùù nyaŋ, doiŋ nàŋ kìlìè e kiti diɛŋ, esaɓù kɛ̀ nìŋ naŋ pɔ̀ɔ̀ ke Sàwàa, jòòpɛɛ nìŋ kùwa mìŋ wɔŋ fɛi sìnga diɛŋ e kìlà àŋ naiŋ jàà kpùa. Kɛɛ nyiŋ àŋ naŋ jɔ̀ɔ̀lɔ̀ maŋ sàwà maŋ dìì, jòòpɛɛ kòò àŋ nɔ̀ŋ wa kpùa jàa nyiŋ.

Luùm 2:27 ပူးပေါင်းရင်းမြစ်များ

Maafiù 3:15

Kɛɛ wo Jisɛ̀ naŋ wa fàsàì yèè wò naŋ wòò wo Jɔ̀ɔŋ wààŋ, “Tɔ̀ e nɔ̀ŋ yɛi nyɛ̀nɛŋ niŋ e teenga lɛɛ̀ sùà esaɓù kɛ̀, yàwi nààŋ gbiŋ kuwa eiŋ niŋ nyɛ̀nɛ̀ŋ e nɔ̀ŋ e tɔ̀ɔ̀nyaàŋ màànààŋ wo Dayà manaŋ wèè eiŋ nyɛ̀nɛ̀ŋ lɛ.” Yèè wo Jɔ̀ɔŋ naŋ nyimèè wèè wouŋ gùà.

Nyɛ̀nɛ̀ŋ 13:22

E teenga bà naŋ mààŋ, yèè wo Dayà naŋ gè wo Sɔɔ̀ ke kpùà kanaà diɛŋ yèè wò naŋ nyɛ̀nɛ̀ŋ wo Dèèwe wo jɔ̀àfèlàà Jɛ̀seɔ̀ wo kana nyiŋ nɔɔ̀ŋ. Wo Dayà naŋ wòò e kiiuŋ wààŋ, ‘Wo Dèèwe wo jɔ̀àfèlàà Jɛ̀seɔ̀ nàŋ yaà wo nyùnɔ̀ɔŋ ke jii miɛ̀ŋ naŋ ɓemè zimgbe. Wò nyɛnɛŋ e yèɛ gbiŋ mìŋ manaŋ wo nyɛ̀nɛ̀ŋ lɛ.’

Luùm 13:10

Sèè maŋ mànàŋ wo nyuùŋkpùuŋ dàwi mɔɔ̀ŋ, muŋ naàuŋ jàà è keì naanààŋ, sèè mùŋ nyɛnɛŋ tɛɛ̀, kɛ̀ màŋ jɔ̀ɔ̀lɔ̀ maŋ Sàwà Dayà maŋ dìì.

Luùm 2:15

Maŋ kpèè nyiŋ màŋ tɔɔ̀ kɛ̀ e yèɛ maŋ Sàwà Dayà maŋ naŋ woò lɛ è yaà sìnga niŋ maŋ jii nyiŋ màŋ sùà. Maŋ jìì nyiŋ bi màŋ tɔɔ̀ ɓɛìŋ kɛ̀ tɛɛ̀ è yaà tɔɔɓaa, nààŋ e teenga bà sùà màŋ gbùwò nyìŋ maŋ keì, e kìlà e teenga bà sùà maŋ nyiŋ gè e keì ɗì.

Luùm 2:20

Nyɛ̀iŋ nàŋ dè anyùùŋ ɓàaɓàa nyàŋ ke dòmaŋ siaŋ diɛŋ, yèè nìŋ yaà aŋ kààmɔɔŋ wèè anyuùŋ gò nyìmàŋ nɛ̀ŋ nyaŋ. Nìŋ naŋ haawè kɛ̀ nàŋ nyìmàŋ maŋ Sàwà Dayà maŋ yaà e tɔ̀ɔ̀nyaàaŋ.

Luùm 2:25

Sèè nìŋ jɔɔlɔ̀ maŋ Sàwà Dayà maŋ dìì, kɛ̀ e ɗeweɛ̀ àŋ naiŋ jàà kpùa lɛ̀ kùwìè sɛmɛ. Kɛɛ sèè nìŋ go jɔ̀ɔ̀lɔ̀ maŋ Sàwà maŋ dìì, kɛ̀ è naŋ wa weè tɛɛwɛ̀ ɓɔ̀ nìŋ nɔ̀ŋ kpùa jàaiŋ.

Luùm 2:26

Sèè wo nyùnɔ̀ɔŋ wo yèɔ fè wò Juùù e kìlà wo fè kpùà jàauŋ wɔ̀ wo jɔ̀ɔ̀lɔ̀ maŋ Sàwà Dayà maŋ dìì, wo Dayà douŋ nàŋ ɓemè wèè nɔ̀ŋ mààŋ wò nyùùŋ àŋ naŋ jàà kpùa.

Luùm 2:29

Wo nyùnɔ̀ɔŋ yaà wo Juùù kɛnɛ wɔ̀, nàŋ yaà wo yèɔ naŋ kìlè ke jiiuŋ nɛɛ̀ŋ e tɔ̀ɔ̀nyaàŋ sùà wɔ. Wo Jìnàŋ Dayàa zà naŋ nyɛ̀nɛ̀ŋ e tòmo lɛɛ̀, e fè màŋ sàwà maŋ yaà sìnga miŋ màŋ. Wo Dayà nàŋ tɛnɛ̀ŋ wo nyùùŋ mààŋ wii, kɛɛ è fè ànyuùŋ kpùuŋ.

Luùm 3:30

Wò Dayà yaà nɔŋ wò guùŋ, yèè wò do nàŋ jàà aŋ Juùù nyaŋ àŋ naŋ jàà kpùa nyàŋ kùàŋ dìì esàɓù hààwe nyiŋ nɛ̀ wo Jisɛ̀ Kulaì sùà àŋ naŋ nyɛ̀nɛ̀ŋ lɛ, yèè wo jaa anyùùŋ nyaŋ fè àŋ Juùù yèè aŋ gò jàà kpùa nyàŋ kùàŋ dìì sèè àŋ haawà wo Jisɛ̀ Kulaì e tɔ̀ɔ̀nyaàŋ sùà.

Luùm 8:4

Wo Dayà naŋ wa tɛɛ̀ nyɛ̀nɛ̀ŋ wèè kɛ̀ yàwi nààŋ yè nyaŋ yààìŋ nyiiŋ gèeɔ̀ sùà nyaŋ eiŋ jɔ̀ɔ̀lɔ̀ ke Sàwàa dìì esàɓù wo Jìnàŋ Dayàa sùà, kɛɛ e fè wèè kè nyɛ̀nɛ̀ŋ è kèìŋ nyuùŋkpùuŋ nɛ̀.

1 Kɔliìŋ 7:19

Àŋ jàà wo kpàkòò ke kpùa, aŋ gòuŋ jàà kè kpùa, e fè è nɛ̀ŋ bà gbiŋ. E kɛnɛɛ̀ nàŋ yaà wèè eiŋ jɔ̀ɔ̀lɔ̀ ke sàwà Dayàa dìì.

2 Kɔliìŋ 3:6

Wuŋ naŋ nyɛ̀nɛ̀ŋ è naiŋ ɓɛnɛ̀ŋ wèè eiŋ nɔ̀ŋ aŋ ɓɔìjɔ̀à tòmo wèè e mìèsùàguùŋ jɛ̀ìɛ, e yèɛ e fè kè sàwà sìnga, è yaà wèè Jinàaŋ. Ke sàwà sìngaà hiàŋ e fàa, kɛɛ wo Jinàaŋ kiɛ̀ŋ wɔŋ nyiiŋ.

Gàla 5:14

Maŋ Sàwà maŋ gbiŋ màŋ yaà ke Sàwà guùŋ sùà. Ke Sàwà bi nàŋ yaà, “Manàŋ wo nyuùŋkpùuŋ dàwi mɔɔ̀ŋ màànààŋ mùŋ manaŋ muàŋ bi lɛ̀.”

Ɛfesɔ̀ 2:11

Nyɛ̀iŋ nààŋ nyùùŋ nyaŋ fè àŋ Juùù nyaŋ, aŋ Juùù nyaŋ heiŋ wa nyààŋ anyuùŋ gò “jàà kpùa”. Kɛɛ àŋ hewa nyààŋ nyiiŋ bi anyuùŋ jàà kpùa. Tɛɛ̀ naŋ tɔ̀ɔ̀ e nɛ̀ɛŋ aŋ felaa nyàŋ nyɛnɛŋ maŋ kpùnaŋ nyiŋ màŋ lɛ. Jàaìŋ jii kɛ̀ ɓòò nìŋ yaà wa e gɔuo sùà.

2Time 3:15

yèè màŋ jàà jii kɛ̀ e gɔuo sùà, mùŋ yaà wa wo jɔ̀à, màŋ nyìmàŋ maŋ miè sìnga màŋ wɔŋ fɛ̀ì Dàyà sùà, wɔŋ yèɔ naum ɓɛ̀nɛ̀ŋ fè e jiikɛ̀ɛ naum ɓɛ̀nɛ̀ŋ jòèye yɛ̀, esàɓù e hààwe mɔ̀ɛ̀ wo Jisɛ̀ Kulaì sùà.

Hiɓu 11:3

E yìwìà e hààwe sùà, è naiŋ nyìmè kɛ̀ wo Dayà naŋ wa bànè e ɗuunyaàŋ e yìwìà e yèɛ wò naŋ wa woò lɛ, wèè kɛ̀ e yèɛ è yɛmɛ̀ìŋ lɛ naŋ wa nɔ̀ŋ bàne niŋ e yìwìà e yèɛ e fèiŋ yɛmɛ̀ lɛ.