Luùm 2:25 - WƆŊ FƐ̀Ì EBÒ SÌÀŊ DAYÀA

²⁵ Sèè nìŋ jɔɔlɔ̀ maŋ Sàwà Dayà maŋ dìì, kɛ̀ e ɗeweɛ̀ àŋ naiŋ jàà kpùa lɛ̀ kùwìè sɛmɛ. Kɛɛ sèè nìŋ go jɔ̀ɔ̀lɔ̀ maŋ Sàwà maŋ dìì, kɛ̀ è naŋ wa weè tɛɛwɛ̀ ɓɔ̀ nìŋ nɔ̀ŋ kpùa jàaiŋ.

Luùm 2:25 ပူးပေါင်းရင်းမြစ်များ

Nyɛ̀nɛ̀ŋ 7:51

Wo Siiwììŋ naŋ nyiŋ ɓɛìŋ woò wààŋ, “Kiìŋ è ɗì nyinge nìŋ kuwa yɛi le! Nìŋ yaà mààŋ anyùùŋ maŋ jii komaŋ gò jàà kpùa kpùɔ̀ŋ maŋ nùŋ, aŋ yè nyaŋ kòò àŋ kòmò wa kè mìè gbìàŋ Dayàa. Nìŋ yaà mààŋ aŋ nèwàènèweiŋ nyàŋ. Nyɛ̀iŋ pɛɛ nìŋ giiyà wo Jìnàŋ Nɛɛmaàŋ maŋhɛɛ e teenga gbiŋ!

Luùm 2:13

Anyùùŋ nyaŋ komo maŋ Sàwà maŋ nyàŋ, nyiŋ nàŋ wo Dayà fè jàà kùàŋ dìì wèè aŋ nɔ̀ŋ ànyùùŋ tɔ̀ɔ̀nyaàŋ, sɔɔ̀ anyùùŋ nyaŋ nyɛnɛŋ e yèɛ Sàwà maŋ naŋ woò lɛ.

Luùm 2:23

Nìŋ kɛɛ maŋ nyòngà nààŋ nyɛ̀iŋ nàŋ kuwa maŋ Sàwà Dayà maŋ, kɛɛ niŋ fè hìàŋ sàngè kòɓɛ̀ Dayài sèè nìŋ pɔɔ̀ maŋ sàwàuŋ màŋ?

Luùm 2:26

Sèè wo nyùnɔ̀ɔŋ wo yèɔ fè wò Juùù e kìlà wo fè kpùà jàauŋ wɔ̀ wo jɔ̀ɔ̀lɔ̀ maŋ Sàwà Dayà maŋ dìì, wo Dayà douŋ nàŋ ɓemè wèè nɔ̀ŋ mààŋ wò nyùùŋ àŋ naŋ jàà kpùa.

Luùm 2:27

Weètii nyɛ̀iŋ nààŋ Juùù nyaŋ, anyùùŋ nyaŋ fè àŋ Juùù nyaŋ, doiŋ nàŋ kìlìè e kiti diɛŋ, esaɓù kɛ̀ nìŋ naŋ pɔ̀ɔ̀ ke Sàwàa, jòòpɛɛ nìŋ kùwa mìŋ wɔŋ fɛi sìnga diɛŋ e kìlà àŋ naiŋ jàà kpùa. Kɛɛ nyiŋ àŋ naŋ jɔ̀ɔ̀lɔ̀ maŋ sàwà maŋ dìì, jòòpɛɛ kòò àŋ nɔ̀ŋ wa kpùa jàa nyiŋ.

Luùm 2:28

Eɓìèmàŋjɛ̀wɛ̀ tii, ɓòò nàŋ yaà wo Juùù kɛnɛ, wo yèɔ àŋ naŋ jàà kpùa wɔ̀? E fè wò nyùnɔ̀ɔŋ yaà wò Juùù wɔ kè fòolàa, wo yèɔ àŋ naŋ jàà kpùa wɔ̀.

1 Kɔliìŋ 7:19

Àŋ jàà wo kpàkòò ke kpùa, aŋ gòuŋ jàà kè kpùa, e fè è nɛ̀ŋ bà gbiŋ. E kɛnɛɛ̀ nàŋ yaà wèè eiŋ jɔ̀ɔ̀lɔ̀ ke sàwà Dayàa dìì.

Gàla 6:13

Aŋ yè nyaŋ pɛɛ nyɛnɛŋ e wùànàŋ wèè aiŋ jàà kpùa maŋ kèìŋ maŋ sùà nyaŋ, aŋ fè jɔ̀ɔ̀lɔ̀ kè Sàwàa dìì, àŋ manaŋ nɔŋ maŋ nɔ̀ŋ kpùà jàa maŋ kèìŋ maŋ sùà wèè aŋ kɛ̀ɛ̀ maŋ yòngà kɛ̀ nàŋ jɔ̀ɔ̀lɔ̀ e ɗèwè maŋ langi nyìŋ màŋ dìì.

Gàla 6:15

E fè keì gbiŋ wèè aŋ jàà wo nyuùŋ kpùa, ɔ̀ɔ̀ sèè àŋ gouŋ jàà kpùa, kɛɛ e yèɛ nɔŋ yaà e keì lɛ nàŋ yaà kɛ̀ wò yaà wo nyuùŋ jɛ̀ì.