Luùm 2:20 - WƆŊ FƐ̀Ì EBÒ SÌÀŊ DAYÀA

²⁰ Nyɛ̀iŋ nàŋ dè anyùùŋ ɓàaɓàa nyàŋ ke dòmaŋ siaŋ diɛŋ, yèè nìŋ yaà aŋ kààmɔɔŋ wèè anyuùŋ gò nyìmàŋ nɛ̀ŋ nyaŋ. Nìŋ naŋ haawè kɛ̀ nàŋ nyìmàŋ maŋ Sàwà Dayà maŋ yaà e tɔ̀ɔ̀nyaàaŋ.

Luùm 2:20 ပူးပေါင်းရင်းမြစ်များ

Maafiù 11:25

E teenga lii sùà wo Jisɛ̀ naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè, yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ.

Luùm 2:19

Nìŋ kuwa e hààweɛ̀ tɔɔɓaa kɛ̀ nyɛ̀iŋ nàŋ tɔɔ̀ e tɔ̀ɔ̀nyààŋ Dayàa koɓɛ̀ anyùùŋ nyaŋ fè àŋ Juùù nyaŋ, mààŋ wo nyùnɔ̀ɔŋ àŋ tùlìè jii wèè wo tɔ̀ɔ̀ ke dòmaàŋ koɓɛ̀ anyuùŋ zììlè fɛ̀ɛ̀ nyaŋ wɔ̀.

Luùm 3:31

Tɛɛ̀ ɓɛ̀nɛ̀ŋ tɔ̀ɔ kɛ̀ esàɓù e hààwe lɛɛ̀ e jàaiŋ maŋ Sàwà Dayà maŋ ɓula? Kpele! E fè yɛi gbiŋ. Kɛɛ tɔɔɓaa è kuwo maŋ Sàwà maŋ kpaŋ e kìlà eiŋ miŋ jɔ̀ɔ̀lɔ̀ dìì tɛ̀ɛ̀.

Luùm 6:17

Kɛɛ gè wììŋ wo Dayà ke sɛ̀! Esaɓù kɛ̀ nìŋ yaà wa mààŋ aŋ ɗo e kìlà nìŋ yaà jɔ̀ɔ̀lɔ̀ e ɗèweɛ̀ nìŋ kuwa lɛ̀ koɓɛ̀ maŋ jùumù, kɛɛ nàŋ kìlà yèè nàŋ kɛ̀ɛ̀nɛ̀ŋ e ɓɛ̀ɛ̀jàa maŋ jiiiŋ màŋ sùà wèè naŋ jɔ̀ɔ̀lɔ̀ e tɔ̀ɔ̀nyaàaŋ àŋ naiŋ wa kaà lɛ dìì.

1 Kɔliìŋ 3:1

Tɔɔɓaa tiŋ, nyɛ̀iŋ nààŋ wùìyaim nyàŋ, miŋ fèiŋ wa ɓɛ̀nɛ̀ŋ gbòà kɔɔ mààŋ anyuùŋ kùwìè Jìnàŋ Dayàa, mìŋ kuwa wa nɔ̀ŋ wèè kaiŋ gbòà kɔɔ mààŋ anyùùŋ nyaŋ yaà maŋ kpèè ɗuunyaŋ màŋ maŋjɛ̀wɛ nyàŋ, mààŋ aŋ jɔaa wo Jisɛ̀ Kulaì sìwè.

2Time 1:13

Kùwià maŋ mìè tɔ̀ɔ̀nyaàŋ maŋ mìŋ naum wa kaà maŋ ke di, wèè maŋ nɔ̀ŋ e tɔ̀ɔ̀màŋseì maŋ niŋ dè maŋjɛ̀wɛ̀, yèè muŋ jeeè e hààweɛ̀ yaà e mànaàŋ e yèɛ yaà weè wi nààŋ è yààìŋ aŋ bàwibà wo Jisɛ̀ Kulaì sùà lɛ.

2Time 3:5

Àŋ do nàŋ jàà e kèè Dayàa fɛ̀ɛ̀ sùà, kɛɛ aŋ gììyà e gaàŋ niŋ nɛ̀ maŋhɛɛ. Ɓɔ̀ mùŋ dè ànyùùŋ mààŋ nyiiŋ màŋjɛ̀wɛ.

Taitɔ̀ 1:16

Àŋ ɓulo ke sɔɔ kɛ̀ àŋ nyìmàŋ Dayà, kɛɛ maŋ kpèè nyiŋ màŋ giiyà niìŋ maŋhɛɛ. Àŋ kuwa maŋ jìì wùòno, yèè aŋ fè jɔ̀ɔ̀lɔ̀ Dayà dìì, aŋ fè tɛ̀ɛ̀ wèè aŋ nyɛ̀nɛ̀ŋ è keì sìàŋ bà gbiŋ.

Hiɓu 5:13

Wo nyùnɔ̀ɔŋ gbiŋ yaa nɔŋ maŋ yaà màì wèè e nɔ̀ŋ e nɛ̀ŋjeuŋ wɔ̀, wò yaà mààŋ wo jɔaa wo yèɔ nyimààŋ kɛ̀ kiìŋ nàŋ yaà è tɔ̀ɔ̀nyaàŋ yèè è keì naanààŋ.

Jìiiŋ 3:1

Nyɛ̀iŋ nààŋ wùìyaim nyàŋ, nyɛ̀iŋ nààŋ zimgbeiŋ ɓɔ̀ nìŋ fɛ̀ɛ̀ wèè naŋ nɔ̀ŋ àŋ kààmɔɔŋ. Jàaìŋ jii kɛ̀ wo Dayà do wa nàwèè nàŋ gbàì yàwi nààŋ kààmɔ̀ɔ̀ŋ maŋ Sàwà Dayà nyaŋ e tɔ̀ɔ̀nyaàŋ nyìnga sùà e nìàŋ anyuùŋ gbànaŋ nyàŋ.

1Pììlɛ 2:2

Nɔ̀iŋ mààŋ aŋ jɔaa kòmàŋ jɛ̀ì, e teenga gbiŋ sùà e wùànàŋ maŋ yaà màì gò kɛ̀ɛ̀nɛ̀ŋ tɔ̀mɛ màŋ e gààŋ Jìnàŋ Dayàa sùà e nyɛ̀nɛ̀iŋ, wèè kɛ̀ sèè nìŋ yàà miìŋ naŋ dɛɛ̀ e kìlà wo Dayà woiŋ joeyè.