Luùm 2:19 - WƆŊ FƐ̀Ì EBÒ SÌÀŊ DAYÀA

¹⁹ Nìŋ kuwa e hààweɛ̀ tɔɔɓaa kɛ̀ nyɛ̀iŋ nàŋ tɔɔ̀ e tɔ̀ɔ̀nyààŋ Dayàa koɓɛ̀ anyùùŋ nyaŋ fè àŋ Juùù nyaŋ, mààŋ wo nyùnɔ̀ɔŋ àŋ tùlìè jii wèè wo tɔ̀ɔ̀ ke dòmaàŋ koɓɛ̀ anyuùŋ zììlè fɛ̀ɛ̀ nyaŋ wɔ̀.

Luùm 2:19 ပူးပေါင်းရင်းမြစ်များ

Maafiù 15:14

Ɓɔ̀ nìŋ gongò è kii nyiŋ! Àŋ yaà aŋ ɓɛ̀màŋɗì zììlè le fɛ̀ɛ̀ wèè anyuùŋ zììlè le fɛ̀ɛ̀ nyaŋ. Yèè sèè wo nyuùŋ zììlè le fɛ̀ɛ̀ wo sìè wo dàwiuŋ nɔɔ̀ŋ feìŋ wèè wouŋ koà, nyiŋ tìyèe àŋ do nàŋ sɛ̀ɛ̀ ko golo.”

Maafiù 4:16

Jòòpɛɛ anyunùiŋ nyàŋ joà ke nyìwìɛ sùà, àŋ do nàŋ yɛ̀mɛ̀ e gbolòùŋ gbee. Anyùùŋ nyaŋ joà ke nyìwì e fàa dìì nyaŋ e gbolòùŋ do nyiŋ nàŋ mɛ̀ɛ̀ŋ diɛŋ.”

Maafiù 5:14

“Muàŋ nàŋ yaà e gbolòùŋ lɛ wèè anyùùŋ nyaŋ gbiŋ e ɗuunyaàŋ. E jawa gbeeɛ̀ àŋ naŋ nyɛ̀lɛ̀ wɔŋ tolòɔ dìmɛ̀ lɛ e fè ɓɛ̀nɛ̀ŋ nɔ̀ŋ kò nyɛɛnɛŋ.

Maafiù 6:23

Kɛ̀ɛ̀ sèè le fɛɛ̀ mɔ̀ɛ̀ è go nɔ̀ŋ sengei, ke kpùnaŋ mɔɛ̀ŋ do nàŋ nɔ̀ŋ ke nyìwì sùà. Sèè e gbolòùŋ nɛ è nɔ̀ùm sùà lɛ è nɔ̀ŋ ke nyìwì, kɛ̀ tɔɔɓaa mùŋ yaà ke nyiwì gbee sùà.

Luù 1:79

Yèè yàwi nààŋ nyùùŋ nyaŋ joàìŋ ke nyìwì e fàa sùà nyaŋ, e gbolòùŋ lɛɛ̀ do wi nàŋ mɛ̀ɛ̀ŋ diɛŋ wèè e wi tɔ̀ɔ̀ ke dòmaàŋ kɔ̀à koɓɛ̀ wɔŋ nyììŋ gè ke jii fàa sùà yɛ̀.”

Jɔ̀ɔŋ 9:34

Anyùùŋ gbèègbèè aŋ Juùù nyaŋ nauŋ woò nyààŋ, “Mùŋ yaà wo nyùùŋ maŋ jùumù e yìwìà ke ɗɔɔɛ̀ àŋ naum wa kòmò lɛ! Mùŋ naŋ gongò kɛ̀ màŋ wi ɓɛ̀nɛ̀ŋ kàà e keì kɛnɛ gbiŋ?” Yèè àŋ nauŋ dùùlò ko jɔɔlèi maŋ dùaŋ dùaŋ, àŋ nauŋ naaà nyààŋ, “Julɔfɔ ɓɔ̀ mùŋ jɔ̀à wa nàwèè ɓɛìŋ kè sààŋ zòòlò àŋ Juùù nyaŋ bà gbiŋ dìì.”

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Luùm 2:18

Nàŋ kpɛ̀nɛ̀ŋ wɔŋ fɛ̀ì Dayàa, e kìlà nàŋ nyìmàŋ kɛ̀ kiìŋ wo Dayà manaŋ wèè naŋ nyɛ̀nɛ̀ŋ, e kìlà nàŋ nyɛ̀nɛ̀ŋ maŋ nɔnɔŋ tùaŋ maŋ Sàwà Dayà maŋ sùà wèè naŋ nyìmàŋ kɛ̀ kiìŋ nàŋ yaà e tɔ̀ɔ̀nyaàaŋ.

Luùm 2:20

Nyɛ̀iŋ nàŋ dè anyùùŋ ɓàaɓàa nyàŋ ke dòmaŋ siaŋ diɛŋ, yèè nìŋ yaà aŋ kààmɔɔŋ wèè anyuùŋ gò nyìmàŋ nɛ̀ŋ nyaŋ. Nìŋ naŋ haawè kɛ̀ nàŋ nyìmàŋ maŋ Sàwà Dayà maŋ yaà e tɔ̀ɔ̀nyaàaŋ.

1 Kɔliìŋ 3:18

Ɓɔ̀ nìŋ zuwò nyɛ̀iŋ bi. Sèè wo nyùùŋ gbiŋ naŋ gongò kɛ̀ wò naŋ kɛ̀ɛ̀jii maŋ kèì ɗuunyaŋ mɛɛ̀ŋ sùà, kɛ̀ sɔɔ̀ maŋ nyɛ̀nɛ̀ŋ zùwo wèè maŋ kɛ̀ɛ̀nɛ̀ŋ kɛ̀ɛ̀jii.

1 Kɔliìŋ 4:10

Esàɓù Jisɛ̀ Kulaì sùà, è yààìŋ anyuùŋ zùwo, kɛɛ nìŋ gongà kɛ̀ nìŋ naŋ kɛ̀ɛ̀jii nààŋ nìŋ yaà aŋ bàiŋbà Jisɛ̀ Kulaì sùà lɛ. È naiŋ yɔkpɔ̀, kɛɛ nìŋ gongà kɛ̀ nìŋ yaà e gààŋ. Àŋ naŋ wi kɔ̀ɔ̀yɛ̀ fɛ̀ɛ̀ sùà, kɛɛ nìŋ gongà kɛ̀ àŋ kiɛ̀ìŋ e ɓɛ̀ɛ̀jàa.

Fèle 2:15

wèè kɛ̀ nìŋ naŋ ɓɛ̀nɛ̀ŋ nɔ̀ŋ aŋ jɔ̀à gò kɛ̀ɛ̀nɛ̀ŋ tɔ̀mɛ nyàŋ, aŋ yè nyaŋ e keì gò jeè nyaŋ wèè wo Dayà. Nìŋ joà anyùùŋ e tɛɛ e ɗuunyaàŋ aŋ yè nyaŋ naŋ dìè kàaɓì yaà maŋ keì naanààŋ. Kàmeìŋ ɗewe niŋ mɛ̀ɛ̀ŋ mààŋ e gbòlòùŋ maŋ ɗu ke nyiliɛ̀,