Luùm 2:17 - WƆŊ FƐ̀Ì EBÒ SÌÀŊ DAYÀA

¹⁷ Nyɛ̀iŋ bi zà? Nìŋ nyaaŋ nyɛ̀iŋ bi aŋ Juùù. Nìŋ naŋ tùlìè maŋ Sàwà maŋ jii e kìlà nìŋ kɛɛ maŋ nyòngà wèè Dayà.

Luùm 2:17 ပူးပေါင်းရင်းမြစ်များ

Maafiù 3:9

Ɓɔ̀ nìŋ gongò ngèè pɛɛ kòɓɛ̀ nyɛ̀iŋ biì kɛ̀ nàŋ ɓɛ̀nɛ̀ŋ dùàŋ e nimilà sìwè, esaɓù kɛ̀ nìŋ naŋ woò nààŋ nìŋ yewe ke kpòò Eɓulɔhɛɛ̀ɛŋ sùà. Miŋ woòiŋ e tɔɔɓaaà kɛ̀ wo Dayà ɓɛ̀nɛ̀ŋ ɓèmè le dùò lɛɛ̀ wo niŋ kìlà anyuùŋ kpùuŋ aŋ nɔ̀ŋ aŋ jɔ̀à wèè wo Eɓulɔhɛɛ̀ŋ.

Luù 10:28

Wo Jisɛ̀ nauŋ fasàì wààŋ, “Mùŋ naŋ gbàì tɔɔɓaa, nyɛnɛ̀ŋ tɛɛ̀, kɛ̀ màŋ nɔ̀ŋ wɔŋ nyiiŋ gèe gò jùà.”

Jɔ̀ɔŋ 5:39

Nìŋ kpɛnɛŋ wɔŋ fɛ̀ì Dayàa, esaɓù nìŋ naŋ gongò kɛ̀ maŋ fɛi bi sùà nìŋ do nàŋ yɛ̀mɛ̀ wɔŋ nyiiŋ gèe gò jùà. Yèè wɔŋ fɛ̀ì guùŋ bi naŋ kìɛ̀ŋ ke mìè seì ko nɛ̀ɛ̀iŋ niìŋ e nyaàiŋ eim dè.

Jɔ̀ɔŋ 5:45

Ɓɔ̀ nìŋ gongò kɛ̀, miàŋ nàŋ do wa nàwèè nàŋ wòò wo Dèda miɔ̀ŋ kɛ̀ nìŋ naŋ nyɛ̀nɛ̀ŋ maŋ keì naanààŋ. Wo Mòòze wo yèɔ nìŋ kuwa jii tùlia kɛ̀ wò doiŋ wa nàwèè nàŋ kpuumò wɔ, wuŋ nàŋ doiŋ wa nàwèè nàŋ jàà e keì ɗì.

Jɔ̀ɔŋ 7:19

È yaà tɔɔɓaa kɛ̀ wo Mòòze naiŋ wa kìɛ̀ŋ maŋ sàwà Dayà maŋ. Kɛɛ nyɛ̀iŋ nààŋ bà gbiŋ fè miŋ jɔ̀ɔ̀lɔ̀ dìì è tɔ̀ɔ̀nyaàŋ sùà. Sèè nìŋ jɔɔlɔ̀ miìŋ weè dìì, kɛ̀ wèè kiìŋ nìŋ yaà kààmè ɗewe wèè naim jìwà?”

Jɔ̀ɔŋ 8:33

Àŋ naŋ fasàì nyààŋ, “È yèwèìŋ ke kpòò Eɓulɔhɛɛ̀ɛŋ sùà, yèè kòò è nɔ̀ìŋ wa àŋ ɗo wò nyùùŋ gbiŋ dìì. Dièsɔa mùŋ naŋ ɓɛ̀nɛ̀ŋ wòo mààŋ, ‘È doiŋ nàŋ fòlò e ɗo dìì’?”

Jɔ̀ɔŋ 8:41

Nìŋ yaà nyìnìè e nɛ̀ŋ guùŋ nɛ aŋ dèdaiŋ nyàŋ naŋ wa nyɛ̀nɛ̀ŋ lɛ.” Anyùùŋ nyaŋ naŋ fasàì nyààŋ, “Ɓɔ̀ mùŋ woò wi mààŋ è yààìŋ àŋ jɔ̀à hmɔŋtu. Wo Dayà wuŋ bi nàŋ yaà nɔŋ wo Dèdaà è kùwàìŋ wɔ.”

Luùm 2:23

Nìŋ kɛɛ maŋ nyòngà nààŋ nyɛ̀iŋ nàŋ kuwa maŋ Sàwà Dayà maŋ, kɛɛ niŋ fè hìàŋ sàngè kòɓɛ̀ Dayài sèè nìŋ pɔɔ̀ maŋ sàwàuŋ màŋ?

Luùm 3:27

Kiìŋ è kùwàìŋ naàŋ wèè eiŋ kɛ̀ɛ̀ maŋ nyòngà? E nɛ̀ŋ gbiŋ fè! Yèè kiìŋ nàŋ yaà esaɓùɛ wèè tɛɛ̀? Ɓàà è yaà wèè maŋ Sàwà Dayà maŋ è jɔɔlɔ̀ìŋ dìì maŋ? Kpele, è yaà wèè esàɓù e hààweɛ̀ è kùwàìŋ Jisɛ̀ Kulaì sùà lɛ.

Luùm 9:32

Kɛɛ wèè kiìŋ aŋ gò wa yɛ̀mɛ̀ kè sàwà bi? Aŋ gò nyiŋ wa yɛmɛ̀ esaɓù kɛ̀, aŋ gò wa tùlìà è hààwe jii sɔɔ̀ e yèɛ àŋ naŋ wa nyɛ̀nɛ̀ŋ lɛ. Weètii àŋ naŋ wa duonò kè dùò diɛŋ gbàwìà.

2 Kɔliìŋ 11:22

Àŋ yaà aŋ Hiɓulù nyuuŋ? Mìŋ yaà wo bà. Àŋ yaà anyùùŋ ko Ezɔ̀ɛ̀? Mìŋ yaà wo bà. Àŋ folo ke kpòò Eɓulɔhɛɛ̀ɛŋ sùà? Yɛi nɔŋ mìŋ yaà.

Gàla 2:15

Tɔɔɓaa, è yààìŋ aŋ Juùù e kòmò kii wilɛ̀ sùà yèè e feìŋ “ànyùùŋ màŋ jùumù” mààŋ ànyùùŋ nyaŋ fè àŋ Juùù nyaŋ, màànààŋ àŋ woà lɛ.

Ɛfesɔ̀ 2:11

Nyɛ̀iŋ nààŋ nyùùŋ nyaŋ fè àŋ Juùù nyaŋ, aŋ Juùù nyaŋ heiŋ wa nyààŋ anyuùŋ gò “jàà kpùa”. Kɛɛ àŋ hewa nyààŋ nyiiŋ bi anyuùŋ jàà kpùa. Tɛɛ̀ naŋ tɔ̀ɔ̀ e nɛ̀ɛŋ aŋ felaa nyàŋ nyɛnɛŋ maŋ kpùnaŋ nyiŋ màŋ lɛ. Jàaìŋ jii kɛ̀ ɓòò nìŋ yaà wa e gɔuo sùà.

Maŋ kèì nyɛɛnɛŋ 2:9

Kà nyìmàŋ maŋ keì nyìngaiŋ màŋ. Kà nyìmàŋ kɛ̀ nìŋ naŋ kɛ̀ɛ̀ò sìwè, kɛɛ tɔɔɓaa nìŋ naŋ banè. Kà nyìmàŋ maŋ keì naanààŋ maŋ àŋ woà maŋ e nyaàiŋ eiŋ dè e yìwìà anyùùŋ nyaŋ nyaaŋ nyiŋ bi aŋ Juùù, kɛɛ aŋ fè àŋ Juùù nyaŋ. Àŋ yaà ke gbòò anyùùŋ màŋjɛ̀wɛ̀ Sɛ̀tanàŋ.

Maŋ kèì nyɛɛnɛŋ 3:1

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Saɗì. “Ke miè gbìaàŋ kɛɛ̀ e yìwìà wo yèɔ kuwa aŋ jìnàŋ nɔɔnɔŋ le tìyèe nyàŋ wèè Dayà yaà maŋ ɗù nɔɔnɔŋ le tìyèe màŋ wɔ. Kà nyìmàŋ e nɛ̀ɛŋ nìŋ yaà nyinie lɛ̀. Kà nyìmàŋ kɛ̀ nìŋ yaà mààŋ wo nyùùŋ nàŋ yaà wɔŋ nyiiŋ gèeɔ̀ sùà, jòòpɛɛ nàŋ fà!

Maŋ kèì nyɛɛnɛŋ 3:9

Kòmaìŋ tɛɛ̀! Sèè è nɔ̀ŋ wèè anyùùŋ nyiiŋ, ke gbòò anyùùŋ màŋjɛ̀wɛ̀ Sɛ̀tanàŋ nyaŋ, anyuùŋ tòa nyiiŋ naŋ yɛi ɓèmè nyiŋ bi wèè aŋ nɔ̀ŋ aŋ Juùù nyuuŋ kɛɛ aŋ fè àŋ Juùù nyaŋ, mìŋ do nyiŋ nàŋ nyɛ̀nɛ̀ŋ aŋ hnàŋ aiŋ kìɛ̀ŋ ɓɛ̀ɛ̀jàa. Àŋ do nàŋ nyìmè kɛ̀ mìŋ mànàìŋ.