Luùm 2:16 - WƆŊ FƐ̀Ì EBÒ SÌÀŊ DAYÀA

¹⁶ Nààŋ e yìwìà Ebò Siaàŋ mìŋ naiŋ woò lɛ, yɛi è do wa nàwèè nàŋ nɔ̀ŋ ke ɗɔɔ yii diɛŋ, wo Dayà do nàŋ tà wo Jisɛ̀ Kulaì ɗùù wèè wo gbàì maŋ gòngò gbùnù anyùùŋ nyaŋ gbiŋ maŋ jii nyiŋ màŋ sùà.

Luùm 2:16 ပူးပေါင်းရင်းမြစ်များ

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Luù 8:17

“E nɛ̀ɛŋ gbiŋ yaà ko nyɛɛnɛŋ lɛ̀, è do nàŋ fòlò ke fòolà, e nɛ̀ɛŋ gbiŋ yaà ke gbùnuo sùà lɛ, àŋ do niŋ nàŋ yɛmɛ̀ e kìlà aŋ niŋ hìàŋ ko gbolòùŋ janyai.

Jɔ̀ɔŋ 12:48

Kɛɛ anyùùŋ nyaŋ gbiŋ naŋ gè maŋhɛɛ wèè aŋ hààwè e yèɛ mìŋ naŋ nyiŋ kaà lɛ, àŋ do nàŋ nɔ̀ŋ gbài nyiŋ e yìwìà e yèɛ mìŋ naŋ nyiŋ woò lɛ ke ɗɔɔ dìàmaàŋ diɛŋ nàwèè.

Nyɛ̀nɛ̀ŋ 10:42

Yèè wo Dayà naŋ wi woò wààŋ e woòiŋ ebò siaŋ lɛɛ̀ koɓɛ̀ anyùùŋ nyaŋ gbiŋ, yèè e gbòàiŋ ke mìè seì kɛ̀ wo Jisɛ̀ nàŋ yaà wo nyùnɔ̀ɔŋ wò naŋ tàeɗùù wɔ wèè wo nɔ̀ŋ wo nyuùŋ gbàiɔ̀ wèè anyuùŋ gè nyiiŋ nyàŋ yèè anyuùŋ fàa nyàŋ.

Nyɛ̀nɛ̀ŋ 17:31

Wò jàà ke ɗɔɔ e ɓula wèè wo gbàì anyùùŋ nyaŋ gbiŋ e ɗuunyaàŋ e tɔ̀ɔ̀nyaàŋ sùà. Yèè wò naŋ tà wo Jisɛ̀ ke ɗùù wèè wo gbaì anyùùŋ nyaŋ weèuŋ. Wo Dayà wò wi kìɛ̀ŋ e tɔ̀ɔ̀nyààŋ e keì lɛɛ̀ yàwi nààŋ gbiŋ nààŋ wò naŋ gè wo Jisɛ̀ e fàa dìì.”

Luùm 16:25

Jòòwò wiìŋ e tɛ̀ɛ̀tɛ̀ɛ̀ Dayàa! Wò ɓɛ̀nɛ̀ŋ nyɛ̀nɛ̀ŋ e hààwe mɔ̀ɛ̀ e nyìngà sùà wèè julɔfɔ esàɓù Ebò Siaàŋ mìŋ naiŋ woò lɛ e nyaàiŋ dè wo Jisɛ̀ Kulaì. Tɛɛ̀ nàŋ yaà ɓɛìŋ e yèɛ ke gbùnuɛ̀ yaà wa ko nyɛɛnɛŋ maŋ doà gɔu bà sùà yɛ.

Luùm 2:5

Kɛɛ nìŋ naŋ nyìngè maŋ jii e kìlà nìŋ naŋ gè maŋhɛɛ wèè naŋ fè maŋ tùwo naanààiŋ màŋ jɛwɛ naŋ kìlà koɓɛ̀ Dayài. Kòò nìŋ yaà tòòyà sùà e kèì nyìngà nyɛ̀iŋ biɛ̀ wèè ke ɗɔɔ yii wa nàwèè nààŋ wo Dayà do nàŋ tuù e kìlà wo gbàì anyùùŋ nyaŋ gbiŋ e ɗuunyaàŋ e tɔ̀ɔ̀nyaàŋ sùà.

Luùm 3:6

Ɓɔ̀ è haàiŋ è kiti dìàmaŋ kɛ̀ wo Dayà ɓɔ̀ wò gbaì wi. Sèè wo Dayà wo weè nɔ̀ŋ wo nyùùŋ kàaɓì, kɛ̀ dièsɔa wò naŋ weè ɓɛ̀nɛ̀ŋ gbàì anyùùŋ nyaŋ e ɗuunyaàŋ?

1 Kɔliìŋ 15:1

Mìŋ manaŋ wèè kao dìkà maŋ jiiiŋ màŋ, nyɛ̀iŋ nààŋ wùìyaim nyàŋ, koɓɛ̀ Ebò Siaàŋ mìŋ yaà woo ko nɛ̀ɛ̀ŋ niìŋ lɛ, e yèɛ nìŋ naŋ jàà kùàŋ dìì lɛ, yèè e yèɛ nìŋ sia diɛŋ lɛ̀.

1 Kɔliìŋ 4:5

E wèètii ɓɔ̀ nìŋ gbaaì wò nyùùŋ gbiŋ è keì paŋgàà è tèèngà keì gbàiɛ̀ e haì. E keì gbài dìàmaàŋ do wa nàwèè nàŋ nɔ̀ŋ e tèèngà e hnàŋ Kanaà Jisɛ̀ Kulaìɛ diɛŋ. Wuŋ nàŋ do nàŋ gè maŋ gbùnù ke nyìwì maŋ, yaà esàɓù nyɛ̀nɛŋ miŋ nɛ̀ e gòngò nyuùŋkpùuŋ nyàŋ jiio sùà, wo miŋ gɔaì janjai. Kpeiŋ kɛ̀ wo Dayà do nàŋ fè wo nyùùŋ gbiŋ e tɛ̀nɛɛ̀ŋ wò kanaŋ lɛ̀.

2 Kɔliìŋ 5:10

Yàwi nààŋ gbiŋ doiŋ nàŋ hnè wo Jisɛ̀ Kulaì ke kpùà keì gbàiuŋ nɛɛ̀ŋ fɛɛ̀feìŋ, wo wi gbaaì. Yàwi nààŋ gbiŋ doiŋ nàŋ yɛ̀mɛ̀ e pààwà keì sìàŋ ɔ̀ɔ̀ keì naanààŋ wèè e nɛ̀ɛŋ gbiŋ è naiŋ nyɛ̀nɛ̀ŋ ke kpùnaŋ yɛɛ̀ sùà lɛ.

Gàla 1:11

Tɔ̀ miŋ woòiŋ, nyɛiŋ nààŋ wùìyaim nyàŋ, kɛ̀ Ebò Siaàŋ mìŋ daanàŋ lɛ, e gò e yìwìà wo nyuùŋkpùuŋ sìwè.

1Time 1:11

Ebò Siaàŋ àŋ naim wa kaà yèè àŋ naim sìè ke jii tùlia yèè e zɔlɔ̀ sùà wèè ka woò lɛ, Ebò Siaŋ bi naŋ yèwè e jòòwo yèè e tɛ̀ɛ̀tɛ̀ɛ̀ wo Dàyà gaàŋ gbeeɔ̀ sìwè.

2Time 2:8

Jaà wo Jisɛ̀ Kulaì jii, wo yèɔ wo Dayà naŋ wa gèe e fàaà dìì wɔ, wo yèɔ yaà wa jɔ̀ɛ̀jɔ̀ɛ̀ wèè Dèèwe wɔ̀, màànààŋ è yaà woo niŋ ke mìè gbìàŋ Ebò Siaàŋ mìŋ woà lɛ̀ sùà.

2Time 4:1

Ko fɛ̀ɛ̀fèìŋ Dayài yaà wo Jisɛ̀ Kulaì, wo yèɔ do naŋ gbàì anyùùŋ nyaŋ yaà wɔŋ nyiiŋ gèeɔ̀ sùà yèè aŋ yè nyaŋ naŋ fɔ̀ nyaŋ, yèè nààŋ wò yaà hinie e kanauŋ nɛ̀ sùà mààŋ wo Kana lɛ̀, mìŋ yààùm woo,

2Time 4:8

Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.

Hiɓu 9:27

Anyùùŋ nyaŋ gbiŋ do nàŋ fɔ̀ e sùà guùŋ kpò, eɓìèmàŋjɛ̀wɛ̀ tii wo Dayà do wi nàŋ gbaì wo wi hàà kiti diɛŋ.

1Pììlɛ 4:5

Kɛɛ àŋ do nàŋ fàsàì maŋ màaŋdàwè koɓɛ̀ Dayài, wo yèɔ naŋ banebànè wèè wo gbàì anyùùŋ nyaŋ kuwa nyiiŋ gèeɔ̀ nyaŋ yaà anyuùŋ fàa nyàŋ wɔ.

2Pììlɛ 2:9

Kɛɛ wo Kanaà nyìmàŋ e ɗeweɛ̀ wò joeyà anyùùŋ Dayà nyaŋ maŋ keì nyìnga nyiŋ màŋ sùà lɛ, yèè wo kùwìè anyuùŋ gò nyìmàŋ Dayà nyaŋ e ngàìnɓu dìì wèè ke ɗɔ̀ɔ̀ gbài kitiɛ̀ diɛŋ wa nàwèè,