Luùm 2:15 - WƆŊ FƐ̀Ì EBÒ SÌÀŊ DAYÀA

¹⁵ Maŋ kpèè nyiŋ màŋ tɔɔ̀ kɛ̀ e yèɛ maŋ Sàwà Dayà maŋ naŋ woò lɛ è yaà sìnga niŋ maŋ jii nyiŋ màŋ sùà. Maŋ jìì nyiŋ bi màŋ tɔɔ̀ ɓɛìŋ kɛ̀ tɛɛ̀ è yaà tɔɔɓaa, nààŋ e teenga bà sùà màŋ gbùwò nyìŋ maŋ keì, e kìlà e teenga bà sùà maŋ nyiŋ gè e keì ɗì.

Luùm 2:15 ပူးပေါင်းရင်းမြစ်များ

Jɔ̀ɔŋ 8:9

Nààŋ àŋ naŋ wa kòmò e nɛ̀ɛŋ wò naŋ woò lɛ, e yìwìà wo gbeeɔ̀, aŋ gbiŋ naŋ kɔ̀ guùŋ guùŋ. Àŋ naŋ jòò wo Jisɛ̀ wuŋ guùŋ, wo nìeɔ̀ sia koɓɛ̀i àŋ nauŋ seelè lɛ wo Jisɛ̀ kɔɔ.

Nyɛ̀nɛ̀ŋ 23:1

Wo Pɔɔ̀ naŋ yɛ̀mɛ̀ anyùùŋ gbèègbèè aŋ Juùù nyaŋ dìiiŋ yèè wò naŋ woò wààŋ, “Wùìyaim nyàŋ, e gòngo mɛ̀ è yaà zɛ̀nɛŋ niŋ janjai e ɗeweɛ̀ mìŋ naŋ nyɛ̀nɛ̀ŋ wɔŋ nyiiŋ gèe siaŋ miɔ̀ŋ wo Dayà fɛɛ̀feìŋ lɛ e jèèsùà e hàì ke ɗɔɔ yɛɛ̀ nàaŋ.”

Nyɛ̀nɛ̀ŋ 24:16

Weètii mìŋ nyɛnɛŋ e tɛ̀ɛ̀tɛ̀ɛ̀ɛ gbiŋ mìŋ naŋ ɓɛ̀nɛ̀ŋ nyɛ̀nɛŋ wèè ka kɛ̀ɛ̀nɛ̀ŋ e gòngo siaŋ koɓɛ̀ Dayài yèè wo nyuùŋkpùuŋ.

Luùm 2:14

Aŋ gò wà kìɛ̀ŋ màŋ Sàwà Dayà maŋ kòɓɛ̀ ànyùùŋ nyaŋ fè àŋ Juùù nyaŋ. Kɛɛ sèè pɛɛ e teenga gbiŋ aŋ jɔ̀ɔ̀lɔ̀ maŋ sàwà miiŋ dìì, è tɔɔ̀ kɛ̀ àŋ kuwa maŋ sàwà maŋ jìì kòmàŋ nyiŋ bi màŋ sùà, jòòpɛɛ aŋ kuwà màŋ Sàwà Dayà maŋ.

Luùm 2:27

Weètii nyɛ̀iŋ nààŋ Juùù nyaŋ, anyùùŋ nyaŋ fè àŋ Juùù nyaŋ, doiŋ nàŋ kìlìè e kiti diɛŋ, esaɓù kɛ̀ nìŋ naŋ pɔ̀ɔ̀ ke Sàwàa, jòòpɛɛ nìŋ kùwa mìŋ wɔŋ fɛi sìnga diɛŋ e kìlà àŋ naiŋ jàà kpùa. Kɛɛ nyiŋ àŋ naŋ jɔ̀ɔ̀lɔ̀ maŋ sàwà maŋ dìì, jòòpɛɛ kòò àŋ nɔ̀ŋ wa kpùa jàa nyiŋ.

Luùm 9:1

Mìŋ yaà wòò e tɔɔɓaaà kɛ̀, mìŋ yaà wo nyùùŋ màŋjɛ̀wɛ̀ wèè wo Jisɛ̀ Kulaì, miŋ fè tòà. Wo Jìnàŋ Nɛɛmaàŋ yaà wo seì wèè e gòngo mɛ̀, yèè miŋ fè tòa sùà

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 5:11

Èiŋ nyìmàŋ kɛ̀ kiìŋ nàŋ yaà e fasàìɛ wèè e jùù nɔ̀ŋ nyùùŋ kɔɔ sùà wèè Kanaà, wèètii è fɛɛ wèè eiŋ kpàà anyùùŋ ɗì wèè aŋ haawè. Wo Dayà wò wi nyìmàŋ è jùà jɛ̀wɛ̀ gbɛlɛiŋ. Mìŋ yààìŋ yɛ̀ɛ̀mɛ̀ dòmaŋ wèè naim nyìmàŋ maŋ jiiŋ màŋ sùà miàŋ pɛɛ.

1Time 4:2

Anyuùŋ jàà fɛ̀ɛ̀ keì tòa nyàŋ nàŋ ɓaayà maŋ kàa mààŋ mɛɛ̀ŋ, aŋ yè nyaŋ maŋ gòngo nyiŋ màŋ naŋ fɔ̀ nyaŋ, mààŋ koɓɛ̀i ke kaì bìya sùɔŋ nyiìŋ yɛi le.

Taitɔ̀ 1:15

Wo nyùnɔ̀ɔŋ gbiŋ zɛnɛŋ wɔ̀, manɛ̀ŋ maŋ gbiŋ zɛnɛŋ weèuŋ. Kɛɛ wo nyùnɔ̀ɔŋ fè zɛ̀nɛ̀ŋ yèè wo kuwà è hààwe wɔ, e nɛ̀uŋ gbiŋ fè zɛ̀nɛ̀ŋ ke jiiuŋ nɛɛ̀ŋ kànɛ̀ɛŋ yèè e gòngouŋ nɛ̀ gbiŋ è naŋ pɔɔpɔ̀ɔ̀.