Luùm 2:13 - WƆŊ FƐ̀Ì EBÒ SÌÀŊ DAYÀA

¹³ Anyùùŋ nyaŋ komo maŋ Sàwà maŋ nyàŋ, nyiŋ nàŋ wo Dayà fè jàà kùàŋ dìì wèè aŋ nɔ̀ŋ ànyùùŋ tɔ̀ɔ̀nyaàŋ, sɔɔ̀ anyùùŋ nyaŋ nyɛnɛŋ e yèɛ Sàwà maŋ naŋ woò lɛ.

Luùm 2:13 ပူးပေါင်းရင်းမြစ်များ

Luù 18:14

Kpeiŋ wo Jisɛ̀ naŋ woò wààŋ, “Nààŋ aŋ fèlàà tìyèe nyàŋ naŋ wa kɔ̀ maŋ gboo nyiŋ màŋ sùà, e kèè e tɔ̀ɔ̀nyààŋ wo nyuùŋ kùwà e nɛ̀ɛ̀nɛ̀ŋ fuɔɔ̀ŋ naŋ wa fɔ̀ɔ̀yɛ̀ wo Dayà jii, kɛɛ e fè wa wò Fɛlosiìɔ. Anyùùŋ nyaŋ joowà nyiŋ bi nyàŋ, wo Dayà do nyiŋ nàŋ deeyè. Anyùùŋ nyaŋ deeyà nyiŋ bi nyàŋ, wo Dayà do nyiŋ nàŋ joowò.”

Luù 8:21

Wo Jisɛ̀ naŋ nyiŋ woò wààŋ, “Wo yèye miɔ̀ŋ yaà aŋ wùìyaim nyàŋ nàŋ yaà anyùùŋ nyaŋ komò ke mìè gbìàŋ Dayàa yèè aŋ nyiŋ jɔ̀ɔ̀lɔ̀ dìì nyaŋ.”

Jɔ̀ɔŋ 13:17

Nàŋ naàŋ nyìmàŋ e tɔ̀ɔ̀nyaàŋ lɛɛ̀, wo Dayà doiŋ nàŋ gbìɛ̀ŋ e zòòlo maŋjɛ̀wɛ sèè nìŋ nyɛ̀nɛ̀ŋ nìŋ.

Luùm 10:5

Wo Mòòze naŋ wa tɛɛ̀ sìngè e nyaàiŋ dè e ɗeweɛ̀ wo Dayà jaa nyùùŋ kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ ko nɛ̀ɛ̀uŋ niìŋ lɛ. Wò naŋ woò wààŋ, “Wo nyùnɔ̀ɔŋ gbiŋ jɔɔlɔ̀ maŋ sàwà maŋ dìì wɔ, wò do nàŋ nɔ̀ŋ wɔŋ nyiiŋ gèe sùà.”

Luùm 2:25

Sèè nìŋ jɔɔlɔ̀ maŋ Sàwà Dayà maŋ dìì, kɛ̀ e ɗeweɛ̀ àŋ naiŋ jàà kpùa lɛ̀ kùwìè sɛmɛ. Kɛɛ sèè nìŋ go jɔ̀ɔ̀lɔ̀ maŋ Sàwà maŋ dìì, kɛ̀ è naŋ wa weè tɛɛwɛ̀ ɓɔ̀ nìŋ nɔ̀ŋ kpùa jàaiŋ.

Luùm 3:20

Wo Dayà fè nɔŋ jàà nyuùŋkpùuŋ kùàŋ dìì wèè wo nɔ̀ŋ wò nyùùŋ tɔ̀ɔ̀nyaàŋ èsaɓù kɛ̀ àŋ kuwo màŋ Sàwà maŋ. E nɛ̀ɛŋ maŋ Sàwà maŋ nyɛnɛŋ lɛ̀ nàŋ yaà wèè maŋ wi nyɛ̀nɛ̀ŋ e nyìmàŋ tɔɔɓaa kɛ̀ èiŋ nyɛ̀nɛ̀ŋ maŋ jùumù.

Luùm 3:23

Yàwi nààŋ gbiŋ èiŋ nyɛ̀nɛ̀ŋ maŋ jùumù yèè èiŋ ka fauŋ e yìwìà e jòòwò Dayàa fɛɛ̀feìŋ.

Luùm 3:30

Wò Dayà yaà nɔŋ wò guùŋ, yèè wò do nàŋ jàà aŋ Juùù nyaŋ àŋ naŋ jàà kpùa nyàŋ kùàŋ dìì esàɓù hààwe nyiŋ nɛ̀ wo Jisɛ̀ Kulaì sùà àŋ naŋ nyɛ̀nɛ̀ŋ lɛ, yèè wo jaa anyùùŋ nyaŋ fè àŋ Juùù yèè aŋ gò jàà kpùa nyàŋ kùàŋ dìì sèè àŋ haawà wo Jisɛ̀ Kulaì e tɔ̀ɔ̀nyaàŋ sùà.

1 Kɔliìŋ 4:4

Miŋ gò jàà jii wèè è keì naanààŋ gbee bà eim nɔ̀ŋ, kɛɛ tii gò tɔɔ̀ kɛ̀ è keì fèìm. Wo Kanaà nɔŋ nàŋ doim nàŋ tùɔ̀ŋ maŋ nɔnɔŋ.

Gàla 2:16

Kɛɛ èiŋ nyìmàŋ kɛ̀ anyùùŋ nyaŋ nɔŋ wo Dayà jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ nyaŋ nàŋ yaà, aŋ yè nyaŋ naŋ sìè e hààwe nyiŋ nɛ wo Jisɛ̀ Kulaì sùà nyaŋ. E kìlà e jɔ̀ɔ̀lɔ wilɛ̀ ke Sàwàa dìì nààŋ fè fɔ̀ɔ̀yɛ̀ wo Dayà kè jii. Weè niŋ è naŋ sìè e hààwe wilɛ̀ Jisɛ̀ Kulaì sùà, yèè wo Dayà naŋ wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ esàɓù e hààwe wilɛ̀.

Gàla 5:4

Nyɛ̀iŋ nyàŋ nìŋ kamàŋ ɗewe wèè naŋ nɔ̀ŋ anyùùŋ tɔ̀ɔ̀nyaàŋ koɓɛ̀ Dayài esaɓù kɛ̀ nìŋ naŋ nyɛ̀nɛ̀ŋ e yèɛ ke Sàwàa naŋ woò lɛ, nàŋ gòò nyiìŋ bi wo Jisɛ̀ Kulaì kɔɔ. Yèè niŋ fè ɓɛìŋ e tɛ̀ɛ̀tɛ̀ɛ̀ Dayàa dìì.

Jìiiŋ 1:27

Wo Dayà wo Dèda wiɔ̀, wo nyùnɔ̀ɔŋ wò naŋ jàà kùàŋ dìì wèè wo nɔ̀ŋ wo nyuùŋ zòòlò tɔ̀ɔ̀nyaàŋ wɔ, yèè wò yaà zɛ̀nɛuŋ e tɔ̀mɛ fèeùŋ wɔ̀, mɛɛ̀ŋ nàŋ yaà maŋ keì maŋ wò kuwa wo nyɛ̀nɛ̀ŋ maŋ, wèè wo kìɛ̀ŋ e kpùùmaŋ koɓɛ̀ aŋ jɔ̀à è dàà nyaŋ yaà aŋ jɔ̀ùŋnèèdàà nyaŋ, e teengaà àŋ yaà e keì nyìnga nyiŋ nɛ̀ sùà lɛ, e kìlà wo yɛmɛ̀ wuŋ bi diɛŋ wèè wo go nàŋ nyɛ̀nɛ̀ŋ màŋ keì nàànààŋ ɗuunyaŋ màŋ.

1Jɔ̀ɔŋ 2:29

Nàŋ nyìmàŋ kɛ̀ wo Jisɛ̀ Kulaì yaà wo nyùùŋ tɔ̀ɔ̀nyaàŋ. Kpeiŋ nìŋ kuwa naŋ nyìmàŋ kɛ̀, wo nyùnɔ̀ɔ̀ŋ gbiŋ naŋ nyɛ̀nɛ̀ŋ e yèɛ yaà e tɔ̀ɔ̀nyaàŋ lɛ wò yaà jɔ̀à Dayà.

1Jɔ̀ɔŋ 3:7

Nyɛ̀iŋ nààŋ jɔ̀àim nyàŋ, ɓɔ̀ nìŋ dangè wò nyùùŋ gbiŋ doiŋ zuwò. Wo nyùnɔ̀ɔŋ gbiŋ naŋ nyɛ̀nɛ̀ŋ tɛ̀ɛ̀ wɔ wò yaà wo nyùùŋ tɔ̀ɔ̀nyaàŋ, màànààŋ wo Jisɛ̀ yaà e tɔ̀ɔ̀nyaàŋ lɛ.