Luùm 2:12 - WƆŊ FƐ̀Ì EBÒ SÌÀŊ DAYÀA

¹² Anyùùŋ nyaŋ fè àŋ Juùù nyaŋ aŋ nyimààŋ màŋ Sàwà Dayà maŋ, kɛɛ àŋ do nàŋ kɔ̀ e keì nyìnga dìì wèè maŋ keì naanààŋ maŋ àŋ naŋ nyɛ̀nɛ̀ŋ maŋ. Aŋ Juùù nyaŋ nàŋ kuwa maŋ Sàwà maŋ, yèè wo Dayà do nàŋ tòòmò maŋ Sàwà maŋ wo nyiŋ hàà kiti diɛŋ wèè maŋ kèì jùumù nyiŋ màŋ àŋ nyɛnɛŋ maŋ.

Luùm 2:12 ပူးပေါင်းရင်းမြစ်များ

Maafiù 11:22

Tɔ̀ miŋ woòiŋ kɛ̀ wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Taà yèè ko Sidɔ̀ùŋ eiŋ nìàŋ ke ɗɔɔɛ̀ wo Dayà do wa nàwèè nàŋ gbàì anyùùŋ nyaŋ gbiŋ e ɗuunyaàŋ lɛ.

Maafiù 11:24

Weètii tɔ̀ miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Sɔdɔ̀ùŋ eiŋ nìàŋ, ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ maŋ kpàlàùŋ kpàlàùŋ maŋ sùà lɛ e ɗuunyaàŋ.”

Jɔ̀ɔŋ 19:11

Wo Jisɛ̀ naŋ fasàì wààŋ, “Sèè wo Dayà gòum weè kìɛ̀ŋ è gààaŋ, muŋ naàim weè ɓɛ̀nɛ̀ŋ kpùùnyàŋ wɔ̀ŋ vànèkpaaà diɛŋ. Kɛɛ wo nyùnɔ̀ɔŋ naim mààŋ ko nɛ̀ɛ̀ŋ muìŋ wɔ nàŋ kanaŋ e jùumù gbeeɛ̀.”

Nyɛ̀nɛ̀ŋ 2:23

Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.

Luùm 1:32

Àŋ nyìmàŋ ke Sàwà Dayàa naŋ woò wààŋ kɛ̀ wo nyùnɔ̀ɔŋ gbiŋ naŋ nyɛ̀nɛ̀ŋ maŋ tùwo mààŋ mɛɛ̀ŋ wɔ naŋ tɛɛwɛ̀ wèè wo fà. Kɛɛ yɛi nɔŋ è yaà kòò àŋ yaà nyìnìè maŋ keì naanààŋ mɛɛ̀ŋ, yèè àŋ nyiinàŋ anyuùŋ joo maŋ jii wèè aŋ miŋ nyɛ̀nɛ̀ŋ nyiŋ pɛɛ.

Luùm 4:15

Wo Dayà tuù sèè wo nyùùŋ pɔɔ̀ ke Sàwàuŋ nɛɛ̀ŋ. Kɛɛ koɓɛ̀i ke sàwà ke fè lɛ, wo nyùùŋ fè nyiŋ ɓɛ̀nɛ̀ŋ pɔ̀ɔ.

Luùm 8:3

E yèɛ ke sàwàa fè wa ɓɛ̀nɛ̀ŋ nyɛ̀nɛŋ esàɓù e zɔ̀kpɔ̀ɛ yaà nyuùŋkpùuŋ sùà lɛ, wo Dayà naŋ niŋ wa nyɛ̀nɛ̀ŋ. Wò naŋ wi wa gè e ɗo dìì e yìwìà maŋ jùumù wi màŋ sùà, nààŋ wò naŋ tùɔ̀ŋ wo Jɔ̀àfèlàà wuŋ biɔ̀ wèè wo nɔ̀ŋ wo nyuùŋkpùuŋ mààŋ yàwi bi, e kìlà wèè wo kùwà e nimilà wèè maŋ jùumù wi màŋ.

1 Kɔliìŋ 9:21

E ɗèwè guùŋ bi sùà, sèè mìŋ nɔ̀ŋ tòòmò anyùùŋ nyaŋ nààŋ fè àŋ Juùù nyaŋ e tɛɛ, mìŋ nɔ̀ŋ wo nyuùŋ pɔ̀ɔ̀ maŋ sàwà, wèè miŋ hiàŋ nyiŋ koɓɛ̀ Dayài. Tɛɛ̀ gò tɔɔ̀ kɛ̀ miŋ fè jɔ̀ɔ̀lɔ̀ màŋ sàwà Dayà maŋ dìì. Tɔɔɓaa mìŋ yaà maŋ sàwà Jisɛ̀ Kulaì maŋ dìì.

Gàla 3:10

Anyùùŋ nyaŋ gbiŋ naŋ gongò kɛ̀ wo Dayà do nyiŋ nàŋ jàà kùàŋ dìì sèè àŋ jɔɔlɔ̀ maŋ Sàwà maŋ dìì nyaŋ, àŋ yaà e gbòònò Dayàa dìì. Wɔŋ fɛ̀ì Dayàa naŋ woò wààŋ, “Anyùùŋ nyaŋ gò jɔ̀ɔ̀lɔ̀ è nɛ̀ɛŋ gbiŋ yaà wòòiŋ kè Sàwà Dayàa sùà lɛ, e gbòòno yaà nyiìŋ maŋjɛ̀wɛ.”

Gàla 3:22

Kɛɛ wɔŋ fɛ̀ì Dayàa naŋ woò wààŋ, anyuùŋ kpùuŋ nyàŋ gbiŋ àŋ yaà e gààŋ jùumù dìì. Yèè weètii, e ɗààhiìɛ wo Dayà naŋ wa ɓemè lɛ, è do nàŋ nɔ̀ŋ wèè anyùùŋ nyaŋ gbiŋ naŋ hààwè wo Jisɛ̀ Kulaì nyaŋ.

Jìiiŋ 2:10

Wo nyùnɔ̀ɔŋ pɛɛ kùwà maŋ sàwà maŋ gbiŋ kɛɛ wo sòò kè guùŋ wò ɓà maŋ gbiŋ.