Luùm 2:1 - WƆŊ FƐ̀Ì EBÒ SÌÀŊ DAYÀA

¹ Nyɛ̀iŋ nààŋ bà nyiŋ nìŋ haà aŋ dàwiiŋ nyàŋ e kiti diɛŋ wèè e keì naanààŋ nyɛ̀nɛŋ. Kɛɛ niŋ kuwà kè kàfaì bà gbiŋ, wo Dayà gò kpɛɛ̀ŋ kɛ̀ ɓòò nàŋ yààùm. Sèè nìŋ gbaì aŋ dàwiiŋ nyàŋ, kɛ̀ nàŋ hàà e kiti nyɛ̀iŋ bi diɛŋ, esaɓù kɛ̀ è yaà e keì jèeiŋ e fèfoo nìŋ nyɛnɛŋ maŋ kèì guùŋ bi.

Luùm 2:1 ပူးပေါင်းရင်းမြစ်များ

Luù 12:14

Wo Jisɛ̀ nauŋ woò wààŋ, “Dàwi miɔ̀ŋ, ɓòò naim kìɛ̀ŋ e gààaŋ wèè ka nɔ̀ŋ wo nyuùŋ bànè keì sùà ɔ̀ɔ̀ wo nyuùŋ gòònò maŋ nɛ̀ŋ èdàà wèè nyɛ̀iŋ tìyèe e fèemàŋ?”

Luù 19:22

Wo kanaà nauŋ woò wààŋ, ‘Mùŋ yaà wo ɓɔìjɔ̀à naanààŋ! Maŋ mìè nyààŋ muàŋ bi mɛɛ̀ŋ mìŋ doum nàŋ kìlìè e kiti diɛŋ! Màŋ nyìmàŋ kɛ̀ mìŋ ɓemàŋ e nɛ̀ɛŋ miŋ kanàŋ lɛ yèè mìŋ kpaa maŋ nɛ̀ŋje ɓù maŋ miŋ gò nyùàŋ maŋ.

Luù 6:37

“Ɓɔ̀ nìŋ kilià è kiti ànyùùŋ diɛŋ wèè màŋ jùumù nyiŋ màŋ, kpeiŋ kɛ̀ wo Dayà naìŋ kìlìè kiti diɛŋ wèè màŋ jùumùiŋ màŋ nyɛ̀iŋ pɛɛ. Jùùyaìŋ aŋ dàwiiŋ nyàŋ hakɛ̀ wèè e keì naanààaŋ àŋ naiŋ jàà lɛ, kpeiŋ kɛ̀ wo Dayà wòiŋ jùùyà hakɛ̀ nyɛ̀iŋ pɛɛ.

Luùm 14:22

E hààweɛ̀ mùŋ kuwa e nyaàiŋ dè manɛ̀ŋ mɛɛ̀ŋ lɛ, kùwiè niŋ ke gbùnu sùà e fèèmàŋ Dayà yèè muàŋ bi. E zɔlɔ̀ do nàŋ nɔ̀ŋ anyùùŋ nyaŋ gò gbàì nyiŋ bi e kìlà aŋ jèè nyiŋ bi è keì nyaŋ sèè àŋ nyɛnɛŋ maŋ nɔnɔŋ tùaŋ yèè àŋ yɛmɛ̀ kɛ̀ e nɛ̀ɛŋ àŋ naŋ nyɛ̀nɛ̀ŋ lɛ è yaà tɛ̀ɛ̀.

Luùm 2:2

Èiŋ nyìmàŋ kɛ̀ wo Dayà nyɛnɛŋ e tɔ̀ɔ̀nyaàŋ sèè wò gbaì anyùùŋ nyaŋ nyɛnɛŋ maŋ keì mààŋ mɛɛ̀ŋ nyaŋ.

Luùm 2:3

Weètii, nyɛ̀iŋ nyàŋ nìŋ woà nààŋ wo Dayà nìmìlà anyùùŋ nyaŋ nyɛnɛŋ maŋ keì naanààŋ nyaŋ, nìŋ naŋ kai gongò kɛ̀ nìŋ do nàŋ dùɔ̀ŋ naŋ fòlà e kèì nyìngà Dayàa dìì, nààŋ nyɛ̀iŋ pɛɛ nìŋ nyɛnɛŋ maŋ kèì guùŋ maŋ nìŋ haà anyùùŋ nyɛɛ̀ŋ kiti diɛŋ wèè maŋ keì naanààŋ maŋ àŋ naŋ nyɛ̀nɛ̀ŋ maŋ?

Luùm 3:9

Kiìŋ tɛɛ̀ gbiŋ naŋ fasàì? Tɛɛ̀ ɓɛ̀nɛ̀ŋ tɔ̀ɔ kɛ̀ yàwi nààŋ Juùù nyaŋ tuwàìŋ tɛ̀ɛ̀ e nìàŋ anyùùŋ nyaŋ fè àŋ Juùù nyaŋ? Kpele, e fè yɛi! Aŋ Juùù, e kpùlìà anyùùŋ nyaŋ fè àŋ Juùù nyaŋ, aŋ gbiŋ àŋ yaà e gààŋ maŋ jùumù dìì, màànààŋ nɔŋ mìŋ naŋ woò lɛ.

Luùm 9:20

Kɛɛ ɓòò nàŋ yààùm muàum nyuùŋ kpùnɔɔ̀ŋ, wèè maŋ gbìàŋ wo Dayà wɔŋ mààŋdàwè wèè e yèɛ wò nyɛnɛŋ lɛ̀? E golà kpoò fè ɓɛ̀nɛ̀ŋ dàwè wò nyùnɔ̀ɔŋ naŋ niŋ banè wɔ wààŋ, “Wèè kiìŋ mùŋ naim yɛi bànè?”

1 Kɔliìŋ 4:5

E wèètii ɓɔ̀ nìŋ gbaaì wò nyùùŋ gbiŋ è keì paŋgàà è tèèngà keì gbàiɛ̀ e haì. E keì gbài dìàmaàŋ do wa nàwèè nàŋ nɔ̀ŋ e tèèngà e hnàŋ Kanaà Jisɛ̀ Kulaìɛ diɛŋ. Wuŋ nàŋ do nàŋ gè maŋ gbùnù ke nyìwì maŋ, yaà esàɓù nyɛ̀nɛŋ miŋ nɛ̀ e gòngò nyuùŋkpùuŋ nyàŋ jiio sùà, wo miŋ gɔaì janjai. Kpeiŋ kɛ̀ wo Dayà do nàŋ fè wo nyùùŋ gbiŋ e tɛ̀nɛɛ̀ŋ wò kanaŋ lɛ̀.

1 Kɔliìŋ 7:16

Diè mùŋ naŋ ɓɛ̀nɛ̀ŋ hààwe kɛ̀ muŋ naàŋ jòèyè wò faniŋ mɔɔ̀ŋ muàŋ jɔùŋ kùwìè è hààweɔ̀, ɔ̀ɔ̀ diè mùŋ do nàŋ nyìmè kɛ̀ mùŋ do nàŋ jòèyè wo jawè mɔɔ̀ŋ, muàŋ felaa kùwìè e hààweɔ̀?

Jìiiŋ 2:20

Muŋ nyuùŋ zùwoum, mùŋ manaŋ wèè maŋ tɔɔ̀ kɛ̀ e hààwe fɔɔnyɔ̀ɔ̀ŋ gò kùwìè kè nyɛ̀nɛŋ siaŋ è yaà wèè foo?

Jìiiŋ 4:11

Ɓɔ̀ nìŋ woò màŋ keì naanààŋ àŋ dàwiiŋ nyàŋ dèè, nyɛ̀iŋ nààŋ wùìyaim nyàŋ. Wo nyùnɔ̀ɔŋ gbiŋ naŋ wòò e keì naanààŋ wo wùìyauŋ nɔɔ̀ŋ dèè ɔ̀ɔ̀ wouŋ gbààì e keì wɔ, wò nììngè ke sàwàa fɛ̀ɛ̀, e kìlà wò gbààè ke sàwàa e keì. Kɛɛ sèè mùŋ gbaaì ke sàwàa e keì, kɛ̀ muŋ fè ɓɛìŋ wò nyuùŋ jɔ̀ɔ̀lɔ̀ kè sàwàa dìì, mùŋ yaà naàŋ wo nyuùŋ gbààì ke sàwàa e keì.