Luùm 16:7 - WƆŊ FƐ̀Ì EBÒ SÌÀŊ DAYÀA

⁷ Mìŋ zuumàŋ ɓɛìŋ wo Andònikà yèè wo Junià, aŋ Juùù nyuuŋ dàwiim nyàŋ yàwi nyiŋ yààìŋ wa ko sààŋ nyìwìi koɓɛ̀ guùŋ nyaŋ. Aŋ felaa nyɛɛ̀ŋ yaà wa aŋ keela tàeɗùù, e kìlà anyùùŋ nyaŋ kiɛ̀ŋ nyiìŋ wa e ɓɛ̀ɛ̀jàa gbee, yèè nyiŋ jiɛ̀ naŋ wa nɔ̀ŋ anyùùŋ màŋjɛ̀wɛ̀ Kanaà Jisɛ̀ Kulaì nyaŋ paŋgàà miŋ naŋ nɔ̀ŋ wo bà.

Luùm 16:7 ပူးပေါင်းရင်းမြစ်များ

Jɔ̀ɔŋ 14:20

Sèè e teenga lii hnàŋ wa nàwèè yèè ka kɛ̀ɛ̀ wɔŋ nyiiŋ gèeɔ̀ sùà, nìŋ do nàŋ nyìmè kɛ̀ kòò mìŋ yaà wo Dèda miɔ̀ŋ ko sùà yèè kɛ̀ nyɛ̀iŋ pɛɛ nìŋ yààìm ko sùà, màànààŋ nɔŋ mìŋ yààìŋ ko sùà lɛ.

Jɔ̀ɔŋ 15:2

Sèè ke kpee miɛ̀ŋ bà ke yèɛ kè yaà bàimbà kè go kòmàŋ maŋ gbɛ̀mɛ̀ɛ̀ŋ komaŋ, wò do nyiŋ noo nàŋ kɛ̀ɛ̀ kpo. Kɛɛ wò gbeye maŋ kpee nyɛɛ̀ɛ̀ maŋ wèè kɛ̀ ke gbɛ̀mɛ̀ɛ̀ŋ kulɛɛ̀ ke nɔ̀ŋ sùà janyai wèè ke kòmàŋ maŋ gbɛ̀mɛ̀ɛ̀ŋ zimgbe.

Jɔ̀ɔŋ 6:56

Anyùùŋ nyaŋ do nàŋ gbìlè e kenìŋ mɛ̀ yèè aŋ tìà maŋ sɛnìim màŋ nyaŋ, àŋ doim nàŋ nyìnìè wɔŋ nyiiŋ gèe nyiŋ nɔɔ̀ŋ ko sùà, yèè wɔŋ nyiiŋ gèe miɔ̀ŋ do nyiŋ nàŋ nɔ̀ŋ ko sùà.

Luùm 16:10

Mìŋ zuumàŋ wo Àpɛlè, wo yèɔ naŋ jàà kùàŋ dìì janjai kɛ̀ wò kuwa e hààwe wo Jisɛ̀ Kulaì sùà wɔ. Mìŋ zuumàŋ anyùùŋ nyaŋ ke kpòò Àlèsoɓulɔ̀ɛ sùà.

Luùm 16:11

Mìŋ zuumàŋ wo Hɛlɔdiɔ̀ŋ, wo Juùù ziì wilɛ̀ bà guùŋ, yèè koɓɛ̀ anyùùŋ nyaŋ kuwa hààwe wo Kanaà Jisɛ̀ sùà nyaŋ, e yìwìà ke kpòò Nàsisɔ̀ɛ sùà.

Luùm 16:21

Wo Timetè, wo nyuùŋ tòmo dàwi miɔ̀ŋ, naiŋ tùɔ̀ŋ zùùmo. E kìlà aŋ Juùù nyuuŋ dàwiim nyàŋ tèènè mààŋ wo Lusìù, wo Jasɔ̀ŋ, yèè wo Sòsipatɔ̀, naiŋ tùɔ̀ŋ zùùmo nyiŋ pɛɛ.

Luùm 16:3

Mìŋ naŋ tùɔ̀ŋ maŋ mìè gbìàŋ zùùmo titi mɛɛ̀ŋ koɓɛ̀ wo nìeɔ̀ Pikà yaà wo fanuuŋ nɔɔ̀ŋ Àkuilà, anyuùŋ tòmo dàwiim nyàŋ wo Jisɛ̀ Kulaì sùà.

Luùm 16:6

Mìŋ zuumàŋ wo nìeɔ̀ àŋ nyaaŋ wo Mèèle, wo yèɔ naŋ tomo nyìnga weèiŋ wɔ̀.

Luùm 16:8

Mìŋ zuumàŋ wo Aŋpiletù, wo dàwi mɔ̀ɔ̀nɔŋ siaŋ miɔ̀ŋ, wo yèɔ yaà wo bàuŋbà wèè wo Kanaà Jisɛ̀ wɔ.

Luùm 16:9

Mìŋ zuumàŋ ɓɛìŋ wo Ɔbanɔ̀, wo nyuùŋ tòmo dàwi wiɔ̀ wo Jisɛ̀ Kulaì sùà, yaà wo Sitachè, wo dàwi mɔ̀ɔ̀nɔŋ siaŋ miɔ̀ŋ.

Luùm 8:1

Weètii sèè è nɔ̀ŋ yɛi, e keì naàŋ jèè ànyùùŋ nyaŋ yaà àŋ bà nyiŋ bà wò Jisɛ̀ Kulaì sùà nyaŋ.

Luùm 8:11

Sèè wo Jìnàŋ Nɛɛmaàŋ, wo yèɔ naŋ gè wo Jisɛ̀ e fàaà dìì wɔ joàùm ko sùà, kpeiŋ kɛ̀ wo Jìnàŋ Nɛɛmaàŋ naŋ gè wo Jisɛ̀ Kulaì e fàaà dìì wɔ do nàŋ kìɛ̀ŋ wɔŋ nyiiŋ gèe koɓɛ̀ maŋ kpùnaiŋ màŋ do nàŋ fɔ̀ maŋ, nààŋ wo Jinàuŋ nɔɔ̀ŋ yààìŋ ko sùà lɛ.

Luùm 9:3

wèè anyunùim nyàŋ, e kèìŋ yèè maŋ sɛ̀ìŋ miàŋ bi màŋ! Wèè esàɓù aŋ wùìyaim nyàŋ, aŋ Juùù nyaŋ, mìŋ he weè nàŋ mɔ̀nɔ̀ŋ ka nɔ̀ŋ e gbòònò Dayàa dìì, yèè wèè woim gè anyùùŋ màŋjɛ̀wɛ̀ nyaŋ sùà wo Kulaì maŋjɛ̀wɛ.

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

2 Kɔliìŋ 11:23

Àŋ yaà aŋ ɓɔ̀ìjɔ̀à Jisɛ̀ Kulaì? Mìŋ yaà gbuuyè mààŋ wo nyuùŋ zùwo, kɛɛ mìŋ yaà wo ɓɔìjɔ̀à kɛnɛ e nyiŋ nìàŋ! Mìŋ naŋ tomo nyìnga, àim gbìàŋ ko sààŋ nyìwì e teenga zimgbe sùà, àim vuwò nyìnga yèè kà gbɛ̀ɛ̀ ko nyɛ̀mgbɛ̀ fàa e teenga zimgbe sùà.

2 Kɔliìŋ 12:2

Mìŋ naŋ nyìmè wo nyuùŋ hààwè Jisɛ̀ Kulaìɔ bà guùŋ, maŋ dòà zììyà jɛ̀wɛ̀ tiinàŋ naàŋ mààŋ. Wò naŋ wa jòwò ko àìjɛnɛ̀ŋ dìà taaiì, kɛ̀ɛ̀ ɓàà tɔɔɓaa tɛɛ̀ naŋ wa kààìŋ kè kpùnaàŋ sùà ɔ̀ɔ̀ wò fè wa kè kpùnaàŋ sùà, tɛɛ̀ nààŋ miŋ nyimààŋ, wo Dayà naŋ tii nyìmè.

2 Kɔliìŋ 5:17

Wo nyùnɔ̀ɔŋ gbiŋ naŋ dè wo Jisɛ̀ Kulaì maŋjɛ̀wɛ wɔ̀, wò yaà naàŋ wo nyuùŋ jɛ̀ì, wo gɔuɔ̀ wò ka, wo jɛ̀ìɔ wò hnàŋ.

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Gàla 1:22

E teenga lii sùà aŋ yè nyaŋ yaà wa aŋ bà nyiŋ bà wèè ke gbòò anyuùŋ hààwe nyàŋ wo Jisɛ̀ Kulaì sùà ko Jùdià lɛ, aŋ nyimààìm wa sengei.

Gàla 2:2

Kɛɛ mìŋ nao kɔ̀ esaɓù kɛ̀ wo Dayà naim wa tɔɔ̀ wèè kao ka. E dèènè titi sùà yàwiiŋ nààŋ sìèfèìŋ nyuùŋ hààwe nyàŋ, mìŋ naŋ kɛ̀ɛ̀nɛ̀ŋ ke jii gbài e nyaàìŋ dè ke mìè gbìàŋ Ebò Siaàŋ mìŋ yaà wa dàànè sùà koɓɛ̀ anyùùŋ nyaŋ fè àŋ Juùù nyaŋ lɛ̀. Miŋ manàŋ wa wèè ka nyìmàŋ tɔɔɓaa kɛ̀ e tòmoɛ̀ mìŋ naŋ wa nyɛ̀nɛ̀ŋ e gɔuo sùà lɛ, yèè e tòmò ko dòmàŋfeìŋ mɛ̀ naàŋ nɔ̀ŋ è wèè foo.

Gàla 2:6

Aŋ bà nyiŋ do wa weè nàŋ nɔ̀ŋ aŋ sìèfeìŋ kɛnɛ, kɛɛ miŋ gò wa kpɛɛ̀ŋ kɛ̀ ɓòò nàŋ yaà nyiìŋ. Wo Dayà fè nyangè! Aŋ tèènè aŋ sìèfeìŋ titi nyɛɛ̀ŋ bà gbiŋ gò wa tòòyà è nɛ̀ŋ bà gbiŋ kòɓɛ̀ kè miè gbìaŋ miɛ̀ŋ.

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Gàla 6:15

E fè keì gbiŋ wèè aŋ jàà wo nyuùŋ kpùa, ɔ̀ɔ̀ sèè àŋ gouŋ jàà kpùa, kɛɛ e yèɛ nɔŋ yaà e keì lɛ nàŋ yaà kɛ̀ wò yaà wo nyuùŋ jɛ̀ì.

Ɛfesɔ̀ 2:10

Wo Dayà manaŋ wèè eiŋ nyɛ̀nɛ̀ŋ maŋ keì sìàŋ, yèè eiŋ nɔ̀ŋ maŋ nyiiŋ gèe wi màŋ sùà e ɗewe kiiɛ̀ wò manaŋ lɛ̀ e teenga gbiŋ. Esaɓùɛ lɛɛ̀ wò naŋ tùɔ̀ŋ wo Jisɛ̀ Kulaì wèè wo wi nyɛ̀nɛ̀ŋ màànààŋ è yààìŋ aŋ bàwibà Jisɛ̀ Kulaì sùà lɛ, wò naŋ wi banè wèè eiŋ kùwìè wɔŋ nyììŋ gèe maŋ kpèè siaŋ, maŋ yè maŋ wò naŋ naàŋ banè tɛ wèè eiŋ miŋ nyɛ̀nɛ̀ŋ maŋ.

Kòlo 4:10

Wo Àlètakɔ̀, wo yèɔ yàwi wuŋ yaà ko sààŋ nyìwìi wɔ̀, naiŋ tùɔ̀ŋ zùùmo. Wo Mài wuŋ pɛɛ, wo wùìyà Bànaŋɓàa, naiŋ tùɔ̀ŋ zùùmo. Yèè èiŋ woò tɛ wìàà, sèè wo Mài haì ko nɛ̀ɛ̀iŋ niìŋ nauŋ ɓeeè.

Felemɔ̀ŋ - PHM 1:23

Wo Ɛpafilè wuŋ pɛɛ, kòò wò yaà kià ko sààŋ nyìwì, esaɓù kɛ̀ wò yaà wo nyùùŋ maŋjɛ̀wɛ̀ Jisɛ̀ Kulaìɔ bà, e kìlà wò naiŋ tùɔ̀ŋ e zùùmo.

1Jɔ̀ɔŋ 4:13

Wo Dayà naŋ wi kìɛ̀ŋ wo Jinàuŋ nɔɔ̀ŋ. Tɛɛ̀ naŋ nyɛ̀nɛ̀ŋ è naiŋ nyìmè kɛ̀ è yààìŋ anyùùŋ guùŋ wo Dayà sùà, màànààŋ nɔŋ wò yaà wo nyùùŋ guùŋ wò yaà wì sùà lɛ̀.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.

Maŋ kèì nyɛɛnɛŋ 1:9

Miàŋ nàŋ yaà wo Jɔ̀ɔŋ, wo wùìyaiŋ nɔɔ̀ŋ, yèè wo nyùùŋ màŋjɛ̀wɛ̀ wo Kanaà Jisɛ̀. Miàŋ nàŋ yaà wo dàwiiŋ nɔɔ̀ŋ ke jii tɔumtɔ̀ùm sùà, wo yèɔ yaà kɔ̀ɔ̀yɛ̀ e keì nyìngaà dìì e yèɛ hnàŋ koɓɛ̀ aŋ yè nyaŋ yaà aŋ bà nyiŋ bà e Kanauŋ nɛ̀ sùà nyaŋ. Àŋ naim wa gbìɛ̀ŋ ke tììŋ Pamòɛ sùà mààŋ wo nyùùŋ keì, esaɓù kɛ̀ mìŋ naŋ gbòò ke mìè Dayàa, yèè mìŋ naŋ wòò e tɔ̀ɔ̀nyaàaŋ e nyaàiŋ dè ke mìè seìɛ wo Jisɛ̀ naŋ wa gɔ̀ì sùà yɛ.