Luùm 16:6 - WƆŊ FƐ̀Ì EBÒ SÌÀŊ DAYÀA

⁶ Mìŋ zuumàŋ wo nìeɔ̀ àŋ nyaaŋ wo Mèèle, wo yèɔ naŋ tomo nyìnga weèiŋ wɔ̀.

Luùm 16:6 ပူးပေါင်းရင်းမြစ်များ

Maafiù 27:55

Aŋ jɔùŋ nyùùŋ zimgbe bà sia wa fauŋ àŋ yaào yɛɛmɛ. Aŋ jɔùŋ bi naŋ wa dè wo Jisɛ̀ maŋjɛ̀wɛ̀ e yìwìà ko Galaliì yèè àŋ yàùŋ wa kpuumo.

Maafiù 5:47

Sèè naŋ nɔŋ zùùmò aŋ wùìyaiŋ nyàŋ nyiŋ guùŋ, kɛ̀ nìŋ gò nyɛ̀nɛ̀ŋ è keì kɛnɛ gbiŋ è do nìàŋ è yèɛ anyùùŋ nyaŋ fè àŋ Juùù nyaŋ nyɛnɛŋ lɛ̀. Anyùùŋ nyaŋ pɛɛ gò hààwè wò Dayà nyaŋ nyɛnɛŋ e kèì guùŋ bi.

Luùm 16:12

Mìŋ zuumàŋ wo Tafanàŋ yaà wo Tafosà, anyuùŋ tòmo dàwi wi nyàŋ wo Jisɛ̀ Kulaì sùà, yèè wo dàwi mɔ̀ɔ̀nɔŋ siaŋ miɔ̀ŋ Pɛsì wo yèɔ naŋ tomo nyìnga wuŋ pɛɛ wèè wo Kanaà wɔ.

Luùm 16:5

Mìŋ zuumàŋ ɓɛìŋ anyuùŋ hààwe nyàŋ deenàŋ ko gbòò Pikà yaà Àkuilà nyaŋ. Mìŋ zuumàŋ wo wùìya miɔ̀ŋ Ɛpanetù, wo yèɔ jiɛ̀ naŋ wa kɛ̀ɛ̀nɛ̀ŋ hààwe wo Jisɛ̀ Kulaì sùà wɔ, paŋgàà anyùùŋ nyaŋ gbiŋ wɔŋ fùɔ̀ŋ Eesìàa sùà.

Luùm 16:7

Mìŋ zuumàŋ ɓɛìŋ wo Andònikà yèè wo Junià, aŋ Juùù nyuuŋ dàwiim nyàŋ yàwi nyiŋ yààìŋ wa ko sààŋ nyìwìi koɓɛ̀ guùŋ nyaŋ. Aŋ felaa nyɛɛ̀ŋ yaà wa aŋ keela tàeɗùù, e kìlà anyùùŋ nyaŋ kiɛ̀ŋ nyiìŋ wa e ɓɛ̀ɛ̀jàa gbee, yèè nyiŋ jiɛ̀ naŋ wa nɔ̀ŋ anyùùŋ màŋjɛ̀wɛ̀ Kanaà Jisɛ̀ Kulaì nyaŋ paŋgàà miŋ naŋ nɔ̀ŋ wo bà.

1Tɛsè 5:12

È yààìŋ dàwe sùà, nyɛ̀iŋ nààŋ wùìya wi nyàŋ Kanaà sùà, wèè naŋ fè aŋ kààmɔɔŋ nyàŋ yààìŋ tòòmò e tɛɛ nyàŋ e ɓɛ̀ɛ̀jàa, aŋ yè nyaŋ sìàìŋ feìŋ àŋ dèìŋ ke dòmaŋ diɛŋ yèè àŋ kiɛ̀ìŋ maŋ mìè gòo e nyaàìŋ dè wɔŋ nyììŋ gè anyuùŋ hààwe nyàŋ nìŋ yaà sùà wɔŋ.

1Time 5:10

yèè wo nɔ̀ŋ wo nyùnɔ̀ɔŋ àŋ gboo tɛ̀ɛ̀ e nyaàiŋ euŋ dè wèè ke kpèè siaŋ wɔ̀. Wo nɔ̀ŋ wo jɔunɔ̀ɔŋ wo yèɔ naŋ gè aŋ jɔ̀àuŋ nyàŋ dìì tɛ̀ɛ̀ wɔ, wo yèɔ naŋ jàà aŋ nyùnèènyɛiŋ kùàŋ dìì ko gboo noo wɔ̀, wo nɔ̀ŋ nyùnɔ̀ɔŋ deeyà wuŋ bi e tòmò nɛɛmaŋ sùà wèè anyuùŋ hààwe joo wɔ̀, wo kpuumàŋ anyùùŋ nyaŋ yaà maŋ keì nyìnga sùà nyaŋ, yèè wò naŋ gbìɛ̀ŋ ke nyɛ̀nɛ̀uŋ nɛɛ̀ŋ gbiŋ e keì sìàŋ nyɛ̀nɛŋ maŋjɛ̀wɛ wɔ̀.