Luùm 16:5 - WƆŊ FƐ̀Ì EBÒ SÌÀŊ DAYÀA

⁵ Mìŋ zuumàŋ ɓɛìŋ anyuùŋ hààwe nyàŋ deenàŋ ko gbòò Pikà yaà Àkuilà nyaŋ. Mìŋ zuumàŋ wo wùìya miɔ̀ŋ Ɛpanetù, wo yèɔ jiɛ̀ naŋ wa kɛ̀ɛ̀nɛ̀ŋ hààwe wo Jisɛ̀ Kulaì sùà wɔ, paŋgàà anyùùŋ nyaŋ gbiŋ wɔŋ fùɔ̀ŋ Eesìàa sùà.

Luùm 16:5 ပူးပေါင်းရင်းမြစ်များ

Maafiù 18:20

Esaɓù kɛ̀ koɓɛ̀i anyùùŋ tìyèe ɔ̀ɔ̀ àŋ taai àŋ naŋ dèènè koɓɛ̀ guùŋ e deè mɛ̀ diɛŋ lɛ̀, kòò mìŋ yaà nyiìŋ nèè tɛɛ.”

Nyɛ̀nɛ̀ŋ 16:6

Wo Pɔɔ̀ yèè aŋ dàwiuŋ nyàŋ naŋ kɔ̀ɛ̀ maŋ kpàlàùŋ kpàlàùŋ Fɛgìà maŋ yèè Gàlatìà maŋ sùà, nààŋ wo Jìnàŋ Nɛɛmaàŋ gò wa nyimèè wèè aŋ gbòà kè mìè Dayàa wɔ̀ŋ fùɔ̀ŋ Eesìàa sùà.

Nyɛ̀nɛ̀ŋ 18:12

Kɛɛ nààŋ anyùùŋ nyaŋ naŋ wa nyɛ̀nɛ̀ŋ wo Gàliò wo kana wèè wɔŋ fùɔ̀ŋ Àkaayàa, anyùùŋ gbèègbèè aŋ Juùù nyaŋ bà naŋ wa jàà ke gbòò yèè àŋ naŋ kùwò wo Pɔɔ̀ yèè àŋ nauŋ kɔ̀ɔ̀ ko fɛ̀ɛ̀fèìŋ wo kanaà ko sààŋ sàwài.

Nyɛ̀nɛ̀ŋ 18:27

Kpeiŋ wo Àpolò naŋ ɗewè wèè wo ka wɔŋ fùɔ̀ŋ Àkaayàa sùà. Yèè anyuùŋ hààwe nyàŋ ko Ɛfesɔ̀ nauŋ nyììnè jii, yèè àŋ naŋ sìngè wɔŋ fɛi koɓɛ̀ anyuùŋ hààwe nyàŋ ko jawa bi wèè aŋ jààuŋ kùàŋ dìì. Nààŋ wo Àpolò naŋ wa hàì ko Àkaayà, wò naŋ wa nɔ̀ŋ wo nyuùŋ kpùùmaŋ gbee koɓɛ̀ anyùùŋ nyaŋ gbiŋ naŋ wa hààwè wo Kanaà Jisɛ̀ sùà nyaŋ, esàɓù ke kpèè sìàŋ Dayàa àŋ naŋ nɔ̀ŋ anyuùŋ hààwe.

Nyɛ̀nɛ̀ŋ 2:9

Tiŋ zà yàwi nààŋ bà nyiŋ è yààìŋ anyùùŋ wɔŋ fùɔ̀ŋ Paatìàa, wɔŋ fùɔ̀ŋ Miɗiàa, wɔŋ fùɔ̀ŋ Ilamɔ̀ɔŋ, wɔŋ fùɔ̀ŋ Mɛsèpòtamiɔ̀ɔ, wɔŋ fùɔ̀ŋ Jùdiàa, wɔŋ fùɔ̀ŋ Kàpàdosìàa, wɔŋ fùɔ̀ŋ Pɔuŋtɔ̀ɔ yèè wɔŋ fùɔ̀ŋ Eesìàa,

Luùm 11:16

Sèè maŋ kìɛ̀ŋ ke gbɔ̀u kpuu koɓɛ̀ Dayài e nɛɛmaŋ sùà, kɛ̀ ke gbɔ̀u gbànaàŋ gbiŋ do nàŋ nɔ̀ŋ e nɛɛmaŋ sùà kiiŋ pɛɛ. Yèè sèè maŋ kìɛ̀ŋ maŋ kùù gùlò ke kùlɛ̀ɛ e nɛɛmaŋ sùà koɓɛ̀ Dayài, maŋ kuù kpee màŋ gbiŋ dò nàŋ nɔ̀ŋ nɛɛmaŋ sùà miiŋ pɛɛ.

Luùm 15:26

Maŋ gbòò anyuùŋ hààwe nyàŋ ko Mɛ̀sèdonià yèè ko Àkaayà naŋ gbònògbònò e nɛɛnɛŋ, wèè ka niŋ kòà koɓɛ̀ anyùùŋ nɛɛmaŋ nyàŋ ko Jùlusɛ̀làm, wèè e nɔ̀ŋ e kpùùmaŋ koɓɛ̀ anyuùŋ pɔ̀ɔ nyàŋ.

Luùm 16:12

Mìŋ zuumàŋ wo Tafanàŋ yaà wo Tafosà, anyuùŋ tòmo dàwi wi nyàŋ wo Jisɛ̀ Kulaì sùà, yèè wo dàwi mɔ̀ɔ̀nɔŋ siaŋ miɔ̀ŋ Pɛsì wo yèɔ naŋ tomo nyìnga wuŋ pɛɛ wèè wo Kanaà wɔ.

Luùm 16:4

Anyùùŋ nyɛɛ̀ŋ naŋ jàà maŋ nyiiŋ nyiŋ màŋ sɛɛ e weèim. Maŋ jii wi màŋ naŋ fɔ̀ weè nyiŋ, miàŋ yèè ke gbòò anyuùŋ hààwe nyàŋ gbiŋ maŋ sààŋ zòòlò anyùùŋ nyaŋ fè àŋ Juùù nyaŋ dìì.

Luùm 16:6

Mìŋ zuumàŋ wo nìeɔ̀ àŋ nyaaŋ wo Mèèle, wo yèɔ naŋ tomo nyìnga weèiŋ wɔ̀.

Luùm 16:8

Mìŋ zuumàŋ wo Aŋpiletù, wo dàwi mɔ̀ɔ̀nɔŋ siaŋ miɔ̀ŋ, wo yèɔ yaà wo bàuŋbà wèè wo Kanaà Jisɛ̀ wɔ.

1 Kɔliìŋ 16:15

Nàŋ nyìmàŋ e kèè Sìfanà yaà ke kpoouŋ nɛɛ̀ŋ, nyiŋ nàŋ yaà aŋ wùìya jiɛ̀jiɛ̀ nyaŋ e hààweɛ̀ sùà ko Àkaayà yèè àŋ naŋ fè nyiŋ bi wèè tòòmo koɓɛ̀ anyùùŋ nɛɛmaŋ nyàŋ. Mìŋ yààìŋ pɔ̀wɔ sùà, nyɛ̀iŋ nààŋ wùìyaim nyàŋ,

1 Kɔliìŋ 16:19

Maŋ gbòò anyuùŋ hààwe nyàŋ ko Eesìà dawàìŋ. Wo Àkuilà yaà wo Pikà yèè ke gbòò nyuùŋ hààwe nyàŋ deenàŋ ko saaŋ nyiŋ noo lɛ̀ naiŋ tùɔ̀ŋ e zùùmo e dèè Kanaà sùà.

2 Kɔliìŋ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, yèè e yìwìà wo wùìya wiɔ̀ Timetè sìwè, nàŋ yaà sìngìè koɓɛ̀ ke gbòò anyuùŋ hààwe nyàŋ kè yaà ko Kɔliìŋ yɛ, yèè koɓɛ̀ anyùùŋ nɛɛmaŋ nyàŋ gbiŋ ko Àkaayà.

2 Kɔliìŋ 9:2

Kà nyìmàŋ kɛ̀ è yààìŋ jii wèè naŋ kpuumàŋ, yèè kà kɛ̀ɛ̀ maŋ nyòngà koɓɛ̀ anyùùŋ Mɛsèdonìà nyaŋ e nyaàiŋ eiŋ dè kɛ̀, “Anyuùŋ hààwe nyàŋ ko Àkaayà, àŋ wa banebànè wèè aŋ kpuumàŋ e yìwìà doa bà mɛ̀iŋ.” E wùànàŋ kpùùmaiŋ nɛ̀, è sìà aŋ zimgbe nyiŋ ke di.

Kòlo 4:15

Kɔ̀nɛɛ̀ŋ zùùmoìŋ anyuùŋ hààwe nyàŋ ko Làòdisià, yèè koɓɛ̀ wo nìeɔ̀ Nyanfà yaà ke gbòò anyuùŋ hààwe nyàŋ deenàŋ ko gboouŋ noo nyàŋ.

Felemɔ̀ŋ - PHM 1:2

yèè koɓɛ̀ ke gbòò anyuùŋ hààwe nyàŋ deenàŋ ko gboo moo nyàŋ, e kpùlìà wo Afià wo jaa wiɔ̀ Jisɛ̀ Kulaì sùà, yaà wo Àchipɔ̀ wo yèɔ tòmàŋ wèè wo Kanaà, màànààŋ yàwi pɛɛ è nyɛnɛŋ lɛ̀.

Jìiiŋ 1:18

Wo Dayà wuŋ bi naŋ ɗewè wèè wo wi nyɛ̀nɛ̀ŋ eiŋ nɔ̀ŋ aŋ jɔ̀àuŋ e yìwìà ke mìè gbìàŋ tɔ̀ɔ̀nyaàuŋ nɛɛ̀ŋ sùà. Wò naŋ tɛɛ̀ nyɛ̀nɛ̀ŋ wèè kɛ̀ e nɔ̀iŋ e nɛ̀ŋ kɛnɛ jiɛ̀jiɛ̀ɛ manɛ̀ŋ bàneuŋ màŋ tɛɛ.

3Jɔ̀ɔŋ 1:1

E yìwià koɓɛ̀ wo màmàŋkùmɛɔ̀ŋ, wo sìèfèìŋ anyuùŋ hààwe nyàŋ. E kà koɓɛ̀ wo dàwi miɔ̀ŋ Gayɔ̀i, wo yeɔ̀ mìŋ naŋ kaì mɔ̀nɔ̀ŋ e tɔ̀ɔ̀nyaàŋ sùà wɔ.

Maŋ kèì nyɛɛnɛŋ 14:4

Anyùùŋ nyɛɛ̀ŋ nyiŋ guùŋ nɔŋ nàŋ yaà aŋ felaa nyàŋ nààŋ kòò àŋ sìè è hààwe nyiŋ nɛ̀ ninaŋ, aŋ yè nyaŋ nyimààŋ kèè jɔùŋ nyaŋ. Àŋ dè wo Ɓaawaaà maŋjɛ̀wɛ àŋ kà koɓɛ̀i gbiŋ wò kɔ̀à lɛ. Àŋ naŋ nyiŋ bilɛ̀ŋ e yìwìà anyuùŋ kpùuŋ ziì nyaŋ gbiŋ sùà e dììɛ diɛŋ, yèè nyiŋ nàŋ yaà aŋ jiɛ̀jiɛ̀ nyaŋ do nàŋ nɔ̀ŋ kìɛŋ nyiŋ koɓɛ̀ Dayài yèè koɓɛ̀ wo Ɓaawaaà.