Luùm 16:26 - WƆŊ FƐ̀Ì EBÒ SÌÀŊ DAYÀA

²⁶ Kɛɛ e tɔ̀ɔ̀nyaàŋ lii è nɔ̀ŋ wòo niŋ ke fòolàa e yìwìà e sìngà aŋ wɛ̀ijì nyaŋ wɔŋ fɛ̀ì Dayàa sùà. Wo Dàyà nyiiŋ gèe gò jùàa naŋ nyiŋ wa woò yèè wò naŋ nyiŋ nyɛ̀nɛ̀ŋ aŋ ɓààyè ebò siaŋ bi koɓɛ̀ anyùùŋ nyaŋ gbiŋ e ɗuunyaàŋ sùà, wèè kɛ̀ aŋ jɔɔlɔ̀ e kìlà aŋ kɛɛnɛ̀ŋ hààwe.

Luùm 16:26 ပူးပေါင်းရင်းမြစ်များ

Nyɛ̀nɛ̀ŋ 10:43

Wèè wuŋ aŋ wɛ̀ijì nyaŋ gbiŋ naŋ wa gbòò ke mìè seì, kɛ̀ wo nyùnɔ̀ɔŋ gbiŋ haawàuŋ wɔ, maŋ jùumùuŋ màŋ do nàŋ nɔ̀ŋ hakɛ̀ jùùya miŋ esàɓù e deèuŋ nɛ̀ sùà.”

Nyɛ̀nɛ̀ŋ 6:7

Kpeiŋ ke mìè Kanaà Dayà naŋ wa ɓaayè. Ke gbòò anyuùŋ hààwe nyàŋ ko Jùlusɛ̀làm naŋ wa dɛ̀kɛ̀ sùà gbee, e kìlà ke gbòò aŋ sìèfèìŋ zòòlo zimgbe naŋ wa jàà e hààweɛ̀ kùàŋ dìì.

Luùm 1:2

Wèè paŋ wo Jisɛ̀ hnàŋ wa e ɗuunyaàŋ, wo Dayà naŋ wa jɔ̀ɔ̀ e ɗààhiì kɛ̀ wò do nàŋ wòò Ebò Siaŋ lɛɛ̀ e yìwìà aŋ wɛ̀ijìuŋ nyàŋ sùà, nààŋ àŋ naŋ niŋ sìngè maŋ fɛ̀ì Nɛ̀ɛ̀màŋ Dayà maŋ sùà lɛ.

Luùm 1:20

E yìwìà e teengaà wo Dayà naŋ wa bànè e ɗuunyaàŋ lɛ, anyùùŋ àŋ yɛ̀mɛ̀ manɛ̀ŋ bàneuŋ yaà maŋ kèè mèèuŋ màŋ, yèè àŋ nyìmàŋ janjai kɛ̀ e gààŋ Dayàa yaà wèè julɔfɔ e kìlà tɔɔɓaa wuŋ nàŋ yaà wo Dayà. Weètii anyùùŋ nyiiŋ aŋ kuwà kè kàfaì gbiŋ.

Luùm 1:5

Wo Dayà naim tàeɗùù yèè wò naim kìɛ̀ŋ e tòmoɛ̀ wèè ka nɔ̀ŋ wo keela. Wò naŋ wa tɛɛ̀ nyɛ̀nɛ̀ŋ esàɓù Jisɛ̀ Kulaìɛ sùà, wo yèɔ wò naŋ tàeɗùù wèè wo joeyè e ɗuunyaàŋ wɔ, wèè kɛ̀ anyùùŋ nyaŋ gbiŋ e ɗuunyaàŋ aŋ kɛɛnɛ̀ŋ hààwe e kìlà aŋ jɔɔlɔ̀uŋ dìì, sèè àŋ haawà ke miè gbìaŋ miɛ̀ŋ e nyaàiŋ euŋ dè.

Luùm 15:18

E yèɛ gbiŋ ngèè mìŋ do nàŋ woò lɛ, nàŋ yaà e nɛ̀ɛŋ wo Jisɛ̀ Kulaì naim gè nyààŋ diɛŋ wèè ka woò janjai lɛ, yèè e tòmoɛ̀ wò manaŋ ka nyɛ̀nɛ̀ŋ lɛ, nàŋ yaà wèè anyùùŋ nyaŋ fè àŋ Juùù nyaŋ auŋ jɔ̀ɔ̀lɔ̀ dìì.

Luùm 15:4

Maŋ keì maŋ gbiŋ yaà sìnga miŋ wɔŋ fɛ̀ì Dayàa maŋ, naŋ nɔ̀ŋ sìnga miŋ wèè maŋ wi kaà, yèè maŋ wi kìɛ̀ŋ ke jii tɔumtɔ̀ùm yaà ke jii nyingè wèè eiŋ kùwìè ke jii tùlia, ke yèɛ wɔŋ fɛ̀ì Dayàa naŋ wi kiɛ̀ŋ lɛ.

Luùm 3:21

Èiŋ naàŋ nyìmàŋ e ɗeweɛ̀ wo Dayà jaa nyùùŋ kùàŋ dìì wèè wo nɔ̀ŋ nyùùŋ tɔ̀ɔ̀nyaàŋ lɛ. E fè wèè eiŋ jɔ̀ɔ̀lɔ̀ màŋ sàwà maŋ dìì, jòòpɛɛ maŋ Sàwà Dayà maŋ yèè aŋ wɛ̀ijì nyaŋ naŋ kìɛ̀ŋ ke mìè seì e weè niŋ.

Gàla 3:8

Wɔŋ fɛ̀ì Dayàa woò kɛ̀, wo Dayà do naŋ jàà anyùùŋ nyaŋ fè àŋ Juùù nyaŋ kùàŋ dìì esàɓù e hààwè tɔ̀ɔ̀nyaàŋ nyiŋ nɛ̀. E kìlà wɔŋ fɛ̀ì Dayà naŋ wa wòò Ebò Siaàŋ wo Eɓulɔhɛɛ̀ŋ wààŋ, “E yìwìà esaɓù mɔ̀ɛ̀ sùà wo Dayà do nàŋ kpùùmò anyùùŋ nyaŋ gbiŋ.”

Ɛfesɔ̀ 1:9

Esàɓù e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ lɛ sùà, wo Dayà naŋ wi nyɛ̀nɛ̀ŋ wèè eiŋ nyìmàŋ e ɗèweɛ̀ wò kuwa ke gbùnu sùà, yèè wò naŋ naàŋ ɗewè tɛ wèè wo niŋ kpɛ̀ɛ̀yɛ̀ nyɛ̀nɛŋ esàɓù Jisɛ̀ Kulaì sùà.

Ɛfesɔ̀ 2:20

Nyɛ̀iŋ pɛɛ, nìŋ yaà aŋ bàiŋbà wèè ke saaàŋ, aŋ keela tàeɗùù nyaŋ yaà aŋ wɛ̀ijì nyaŋ naŋ wa tɔ̀ɔ̀tù nyɛ̀lɛ yɛ̀, yèè ke kpɛnɛɛ̀ wèè ke saaàŋ nàŋ yaà wo Jisɛ̀ Kulaì wuŋ bibì.

Kòlo 1:26

kiìŋ nàŋ yaà ke gbùnuɛ̀ wò naŋ wa nyɛɛnɛ̀ŋ e yìwìà aŋ nyuùŋkpùuŋ sìwè wèè maŋ doa jika jika bà sùà, kɛɛ wò nyiŋ naàŋ tɔɔ̀ koɓɛ̀ anyùùŋ nɛɛmauŋ nyàŋ.

1Time 1:17

Koɓɛ̀ wo Kànà wɔŋ nyiiŋ gèe gò jùàa, wo Dayà gunɔ̀ɔŋ, e jòòwo yèè e dɛ̀ɛ̀kɛ nɔ̀ŋ ko nɛ̀ɛ̀uŋ niìŋ wèè julɔfɔ yèè julɔfɔ! Àmiinàŋ.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

2Time 1:10

kɛɛ è naàŋ nɔ̀ŋ tɔ̀ɔ niŋ ko nɛ̀ɛ̀ŋ wiì e yìwìà e hnàŋ Nyuùŋ Jòèye wiɔ̀, wo Jisɛ̀ Kulaì. Wò hìàŋ e gààŋ fàa ko dìa yèè e yìwìà Ebò Siaàŋ sùà wò wi tɔ̀ɔ̀ wɔŋ nyiiŋ gèe gò jùàa.

Hiɓu 13:8

Wo Jisɛ̀ Kulaì fè vɔɔnɔ̀ŋ julɔfɔ. Wuŋ nàŋ yaà wo Jìsɛ̀ gunɔ̀ɔŋ jɛ̀ɛ̀, nàaŋ ɗɔɔ yɛɛ̀, yèè julɔfɔ.

Hiɓu 9:14

Nààŋ tɛɛ̀ è yaà tɔɔɓaa lɛ̀, maŋ sɛ̀ìŋ Jisɛ̀ Kulaì maŋ kuwa ngèè e gaàŋ e nìàŋ miiŋ gbiŋ, nààŋ wò naŋ wa wùɔ̀ŋ maŋ sɛ̀ìŋ e teengaà àŋ nauŋ wa jìwè lɛ. E yìwìà esàɓù wo Jìnàŋ Nɛɛmaàŋ yaà wɔŋ nyiiŋ gèeɔ̀ sùà wèè julɔfɔ wɔ̀, wò naŋ kìɛ̀ŋ wuŋ bi wèè wo nɔ̀ŋ e nɛ̀ŋ kìɛŋ, e saaà gèe tùlìà jii sùà koɓɛ̀ Dayài. Maŋ sɛnùuŋ màŋ do nàŋ nyɛ̀nɛ̀ŋ maŋ jii wi màŋ maŋ zɛ̀nɛ̀ŋ e yìwìà maŋ langi foo sùà, wèè kɛ̀ è naiŋ ɓɛ̀nɛ̀ŋ zòòlò wo Dàyà nyiiŋ gèeɔ̀.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.

Maŋ kèì nyɛɛnɛŋ 1:17

Nààŋ mìŋ nauŋ wa yɛmɛ̀, mìŋ nauŋ sɔ̀ɔ̀ ko gòlòò dìì mààŋ wo nyùùŋ naŋ fɔ̀. Kɛɛ wò naim mɛ̀nlɛ̀ɛ̀ŋ wɔŋ kùàŋ jìkauŋ nɔɔ̀ŋ, yèè wò naim woò wààŋ, “E jùù ɓɔ̀ è nyɛ̀nɛ̀um, miàŋ nàŋ yaà wo jiɛ̀jiɛ̀ɔ yèè wo dìàmaàŋ.

Maŋ kèì nyɛɛnɛŋ 19:10

Mìŋ naŋ dè maŋ gɛ̀ɛ̀nìim màŋ ko dììnaŋ wèè kauŋ zoolò, kɛɛ wò naim woò wààŋ, “Kpele, ɓɔ̀ mùŋ nyɛ̀nɛ̀ŋ niŋ! Mìŋ yaà wo ɓɔìjɔ̀à mààŋ muàŋ bi yèè anyuùŋ hààwe gbànaŋ nyàŋ, aŋ yè nyaŋ gbiŋ naŋ haawè yèè àŋ naŋ kìɛ̀ŋ mìè seì e nyaàiŋ dè e tɔ̀ɔ̀nyaàŋ wo Jisɛ̀ naŋ gɔ̀àì sùà lɛ. Zòòloò wo Dayà wuŋ guùŋ!” E tɔ̀ɔ̀nyaàŋ wo Jisɛ̀ naŋ gɔ̀àì sùà lɛ naŋ yaà e yèɛ sie aŋ wɛ̀ijì nyaŋ ke di wo jinàaŋ sùà.