Luùm 16:25 - WƆŊ FƐ̀Ì EBÒ SÌÀŊ DAYÀA

²⁵ Jòòwò wiìŋ e tɛ̀ɛ̀tɛ̀ɛ̀ Dayàa! Wò ɓɛ̀nɛ̀ŋ nyɛ̀nɛ̀ŋ e hààwe mɔ̀ɛ̀ e nyìngà sùà wèè julɔfɔ esàɓù Ebò Siaàŋ mìŋ naiŋ woò lɛ e nyaàiŋ dè wo Jisɛ̀ Kulaì. Tɛɛ̀ nàŋ yaà ɓɛìŋ e yèɛ ke gbùnuɛ̀ yaà wa ko nyɛɛnɛŋ maŋ doà gɔu bà sùà yɛ.

Luùm 16:25 ပူးပေါင်းရင်းမြစ်များ

Maafiù 13:17

Tɔ̀ miŋ woòiŋ e tɔɔɓaaà kɛ̀, aŋ wɛ̀ijì yèè anyùùŋ tɔ̀ɔ̀nyaàŋ zimgbe yaà wa nyìnìè wànàŋ wèè aŋ yɛ̀mɛ̀ e nɛ̀ɛŋ nìŋ yɛmɛ̀ lɛ, kɛɛ aŋ gò niŋ wa yɛmɛ̀, e kìlà aŋ kòmàŋ e yèɛ nìŋ komo lɛ̀, kɛɛ aŋ gò niŋ wa kòmàŋ.

Maafiù 13:35

Wo Jisɛ̀ naŋ wa tɛɛ̀ nyɛ̀nɛ̀ŋ wèè e nyɛ̀nɛ̀ŋ e yèɛ wo Dayà naŋ wa woò lɛ e hɛɛnɛ̀ŋ, màànààŋ nɔŋ wo wɛ̀ijìɔ naŋ wa woò lɛ wààŋ, “Mìŋ do nàŋ gbòò ko nɛ̀ɛ̀ŋ nyiŋ niìŋ maŋ kàɓanè sùà. Mìŋ do nyiŋ nàŋ kpìnìè maŋ kèì ko nyɛɛnɛŋ e yìwìà e teengaà e ɗuunyaàŋ naŋ wa nɔ̀ŋ bàne niŋ nɛ̀.”

Maafiù 20:7

Yèè anyùùŋ nyaŋ naŋ wòò wo kenàaŋ nyààŋ, ‘È sìàìŋ kià foo esaɓù kɛ̀ wo nyùùŋ gbiŋ kòò wò kìɛ̀ŋ wì è tòmo.’ Yèè wò naŋ nyiŋ woò wààŋ kɛ̀, ‘Kɔ̀àaìŋ niŋ tomo ko ɓù gbɛɛwɛ̀jɛ̀wɛ̀ miìŋ.’

Nyɛ̀nɛ̀ŋ 20:32

“Mìŋ yààìŋ naàŋ gbìàŋ sùà e gààŋ Dayàa dìì wèè woiŋ yɛ̀mɛ̀ diɛŋ. Jàaìŋ jii, ke mìè gbìàŋ Dayàa e nyaàiŋ dè ke kpèè siauŋ nɛɛ̀ŋ ko nɛ̀ɛ̀iŋ niìŋ. Nààŋ nìŋ yaà anyùùŋ Dayà lɛ, ke miè gbìaŋ yɛɛ̀ doiŋ nàŋ kpuumò keiŋ kìɛ̀ŋ e keì sìàaŋ e yèɛ wo Dayà kuwa weèiŋ lɛ̀, e kìɛ̀ŋ guùŋ nɛ nɔŋ wò kuwa wèè anyunùuŋ nyàŋ gbiŋ lɛ̀.

Nyɛ̀nɛ̀ŋ 9:20

E bìyao sùà wò naŋ wa kɔ̀ ko sààŋ zòòlò aŋ Juùù nyaŋ yèè wò naŋ tɔ̀ɔ̀tù anyùùŋ nyaŋ wòo wààŋ wo Jisɛ̀ nàŋ yaà wo Jɔ̀àfèlàà Dayàa.

Luùm 11:25

Wùìyaim nyàŋ, miŋ manàŋ wèè nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, naŋ ɓèmè nyɛ̀iŋ bi gbee. Weètii mìŋ doiŋ nàŋ kpìnìè ke gbùnuɛ̀, wèè e nɛ̀ɛŋ naŋ kààìŋ koɓɛ̀ anyùùŋ Ezɔ̀ɛ̀ nyaŋ lɛ̀. Aŋ bà nyiŋ naŋ wa nyìngè ɗì yèè àŋ naŋ gè maŋhɛɛ wèè aŋ kɛɛnɛ̀ŋ hààwe, e ɗì nyinge nyiŋ bi naàŋ yɛi jeè, kɛɛ yɛi àŋ do nàŋ jeè, e jèèsùà ke gbòò anyùùŋ nyaŋ fè àŋ Juùù nyaŋ, ke yèɛ wo Dayà tàeɗùù yɛ, ke hnàŋ ko nɛ̀ɛ̀uŋ niìŋ e Kanauŋ nɛ̀ sùà.

Luùm 14:4

Kiìŋ è tɔ̀ɔ̀nyaàŋ mùŋ kuwa wèè maŋ gbàì wo ɓɔìjɔ̀àa jè nyuùŋ joo? Wo kààmɔɔŋ nyiŋ nɔɔ̀ŋ nàŋ kɛɛ kiti sèè mààŋ àŋ yaà nyìnìè tɔ̀ɔ̀nyaàŋ, e kìlà wo Kanaà Dayà naŋ ɓɛ̀nɛ̀ŋ kɛ̀ɛ̀ e kiti nyiŋ nɛ̀ sèè mààŋ àŋ yaà nyinie tɛ̀ɛ̀ ɔ̀ɔ̀ àŋ fè nyinie tɛ̀ɛ̀.

Luùm 16:24

[E tɛ̀ɛ̀tɛ̀ɛ̀ wo Kana wiɔ̀ Jisɛ̀ Kulaì e nɔ̀ŋ nyɛ̀iŋ gbiŋ maŋjɛ̀wɛ̀. Àmiinàŋ.]

Luùm 2:16

Nààŋ e yìwìà Ebò Siaàŋ mìŋ naiŋ woò lɛ, yɛi è do wa nàwèè nàŋ nɔ̀ŋ ke ɗɔɔ yii diɛŋ, wo Dayà do nàŋ tà wo Jisɛ̀ Kulaì ɗùù wèè wo gbàì maŋ gòngò gbùnù anyùùŋ nyaŋ gbiŋ maŋ jii nyiŋ màŋ sùà.

1 Kɔliìŋ 1:23

Kɛɛ sèè è nɔ̀ŋ wèè yàwi, è woàìŋ kɛ̀ àŋ naŋ wa jìwìè wo Jisɛ̀ Kulaìɛ wɔŋ vànèkpaàa diɛŋ. Ke miè gbìaŋ bi zà nàŋ sie aŋ Juùù nyaŋ e wùàŋ, yèè koɓɛ̀ anyùùŋ nyaŋ fè àŋ Juùù nyaŋ àŋ gongà kɛ̀ è yaà e ɓàaɓàa,

1 Kɔliìŋ 2:7

E jiikɛ̀ɛɛ̀ mìŋ woà e kiiŋ niŋ nɛ̀, wo Dayà nàŋ kanaŋ e jììkɛ̀ɛ̀ gbùnu bi, e yèɛ yaà ko nyɛɛnɛŋ koɓɛ̀ anyuùŋ kpùuŋ nyàŋ lɛ, kɛɛ wòiŋ wa tàeɗùù tɛ wèè e nɔ̀ŋ wèè e jòòwo wilɛ̀ pangàà pɛɛ wò naŋ wa bànè e ɗuunyaàŋ.

1 Kɔliìŋ 4:1

Kɛ̀ɛ̀nɛɛ̀ìŋ e gòngo wèè wi mààŋ aŋ ɓɔìjɔ̀à wèè Jisɛ̀ Kulaì, aŋ yè nyaŋ àŋ naŋ kìɛ̀ŋ e tòmo wèè aŋ gɔ̀àì ke mìè gbìàŋ ke gbùnù Dayàa sùà nyaŋ.

2 Kɔliìŋ 4:3

Sèè ke mìè gbìàŋ Ebò Siaàŋ è woàìŋ yɛ ke nɔ̀ŋ nyɛ̀ɛ̀nɛŋ nyiŋ, kɛ̀ kè yaà nɔŋ e nyɛ̀ɛ̀nɛŋ nyiŋ wèè anyùùŋ nyaŋ naŋ go nyàŋ.

2 Kɔliìŋ 4:5

E fè wòò è kèè yàwi bi, è yààìŋ wòò e kèè Jisɛ̀ Kulaì mààŋ wo Kana, yèè e wèè yàwi, mààŋ aŋ ɓɔìjɔ̀àiŋ nyàŋ esàɓù Jisɛ̀ Kulaì sùà.

Gàla 2:2

Kɛɛ mìŋ nao kɔ̀ esaɓù kɛ̀ wo Dayà naim wa tɔɔ̀ wèè kao ka. E dèènè titi sùà yàwiiŋ nààŋ sìèfèìŋ nyuùŋ hààwe nyàŋ, mìŋ naŋ kɛ̀ɛ̀nɛ̀ŋ ke jii gbài e nyaàìŋ dè ke mìè gbìàŋ Ebò Siaàŋ mìŋ yaà wa dàànè sùà koɓɛ̀ anyùùŋ nyaŋ fè àŋ Juùù nyaŋ lɛ̀. Miŋ manàŋ wa wèè ka nyìmàŋ tɔɔɓaa kɛ̀ e tòmoɛ̀ mìŋ naŋ wa nyɛ̀nɛ̀ŋ e gɔuo sùà lɛ, yèè e tòmò ko dòmàŋfeìŋ mɛ̀ naàŋ nɔ̀ŋ è wèè foo.

Ɛfesɔ̀ 1:9

Esàɓù e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ lɛ sùà, wo Dayà naŋ wi nyɛ̀nɛ̀ŋ wèè eiŋ nyìmàŋ e ɗèweɛ̀ wò kuwa ke gbùnu sùà, yèè wò naŋ naàŋ ɗewè tɛ wèè wo niŋ kpɛ̀ɛ̀yɛ̀ nyɛ̀nɛŋ esàɓù Jisɛ̀ Kulaì sùà.

Ɛfesɔ̀ 3:11

Wo Dayà naŋ tɛɛ̀ nyɛ̀nɛ̀ŋ màànààŋ e ɗèweuŋ nɛ̀ naŋ woò wèè julɔfɔ lɛ̀, e yèɛ wò naŋ jàà jii kɛ̀ è yaà wo Kana wiɔ̀ Jisɛ̀ Kulaì sùà lɛ.

Ɛfesɔ̀ 3:9

yèè wèè ka nyɛ̀nɛ̀ŋ anyùùŋ nyaŋ gbiŋ nyìmàŋ e ɗeweɛ̀ ke gbùnù Dayàa kuwa ke nɔ̀ŋ tòòmo nyiŋ lɛ̀. Wo Dayà wo yèɔ naŋ bànè e nɛ̀ŋ gbiŋ wɔ̀, naŋ wa nyɛ̀ɛ̀nɛ̀ŋ ke gbùnuuŋ nɛɛ̀ŋ e teenga lii gbiŋ sùà.

Ɛfesɔ̀ 6:19

Yèè zòòloìŋ e weèim miàŋ pɛɛ, wèè Dayà kiɛ̀im ke miè gbìaŋ sèè mìŋ banaŋ bànàŋ wèè ke gbòà, e wèè ka gbùùyà ke jii nyingè, ka nyɛ̀nɛ̀ŋ aŋ nyìmàŋ ke gbùnuɛ̀ e nyaàiŋ dè ke mìè gbìàŋ ebò siaàŋ.

Kòlo 2:2

Mìŋ nyɛnɛŋ tɛɛ̀ wèè ka nyiŋ kiɛ̀ŋ ke jii nyingè e kìlà ka nyiŋ jàànè koɓɛ̀ guùŋ e mànaŋ sùà, wo Dayà do nyiŋ nàŋ kìɛ̀ŋ e kpùùmaŋ gbee wèè aŋ nyìmàŋ kɛ̀ kiìŋ e nɛ̀ŋ nyìmaŋ kɛnɛ hiàŋ. E ɗewe lɛɛ̀ sùà, àŋ do nàŋ nyìmè ke gbùnù Dayàa. Ke gbùnu bi zà nàŋ yaà wo Jisɛ̀ Kulaì wuŋ bi.

Kòlo 4:3

E tèèngà guùŋ bi, zòòloìŋ weè wi yàwi pɛɛ, kɛ̀ wo Dayà do wi nàŋ kìɛ̀ŋ e ɗeweɛ̀ wèè eiŋ wòò ke miè gbìauŋ nɛɛ̀ŋ e nyaàiŋ dè ke gbùnuɛ̀ wo Kanaà Jisɛ̀ Kulaì sùà. E wèè esàɓù tɛɛ̀ zà mìŋ yaà naàŋ ko sààŋ nyìwì.

1Tɛsè 3:13

E ɗewe mààŋ tɛɛ̀ sùà, tɔɔɓaa wò do nàŋ sìè maŋ jiiiŋ màŋ gààŋ, e tɔ̀mɛ naìŋ nɔ̀ŋ yèè nìŋ do nàŋ nɔ̀ŋ anyuùŋ nɛɛmaŋ ko fɛ̀ɛ̀fèìŋ Dayà wiɔ̀ wo Dèdaà e teengaà wo Kana wiɔ̀ Jisɛ̀ yaà anyùùŋ nɛɛmaŋ nyàn gbiŋ wò kanaŋ nyàŋ àŋ hnàŋ.

2Tɛsè 2:14

Wò naiŋ nyààŋ e keì lɛɛ̀ sùà esàɓù Ebò Siaàŋ è naiŋ woò lɛ, wò naiŋ nyààŋ wèè naŋ ɓèmè ko jeiŋ sìeì e jòòwò Kana wiɔ̀ Jisɛ̀ Kulaìɛ sùà.

2Tɛsè 3:3

Kɛɛ wo Kanaà yaà wo nyuùŋ tùlìà jii, yèè wò doiŋ nàŋ fè e gààŋ yèè woiŋ yɛ̀mɛ̀ diɛŋ anyùùŋ maŋ kpèè naanààŋ nyaŋ e tɛɛ.

2Time 1:9

Wò naŋ wi joeyè, yèè wò naŋ wi nyààŋ wèè e nɔ̀ŋ anyùùŋ nɛɛmauŋ nyàŋ e fè wèè èsàɓù kè nyɛ̀nɛŋ wiɛ̀, kɛɛ è yaà esàɓù e ɗèwè wuŋ biɛ̀ yaà e tɛ̀ɛ̀tɛ̀ɛ̀uŋ nɛ̀. Wò naŋ wi kìɛ̀ŋ e tɛ̀ɛ̀tɛ̀ɛ̀ lɛɛ̀ e yìwìà wo Jisɛ̀ Kulaì sùà paŋ ngàà e ɗuunyaàŋ naŋ wa nɔ̀ŋ bàne niŋ,

2Time 2:8

Jaà wo Jisɛ̀ Kulaì jii, wo yèɔ wo Dayà naŋ wa gèe e fàaà dìì wɔ, wo yèɔ yaà wa jɔ̀ɛ̀jɔ̀ɛ̀ wèè Dèèwe wɔ̀, màànààŋ è yaà woo niŋ ke mìè gbìàŋ Ebò Siaàŋ mìŋ woà lɛ̀ sùà.

Taitɔ̀ 1:2

e yèɛ nyaàiŋ naŋ dè ke jii tùlia wèè nyiiŋ gèe gò jùà. Wo Dayà, wo yèɔ fè tòà wɔ, naŋ wa ɓèmè e ɗààhiì pangàà ko tɔ̀ɔ̀tù e ɗuunyaàŋ,

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.

1Pììlɛ 1:20

Wo Dayà nauŋ wa tàeɗùù paŋgàà wò naŋ tɔ̀ɔ̀tù e ɗuunyaàŋ bàne, yèè wò naŋ dàànè ebòuŋ maŋ ɗɔɔ dìàmaŋ mɛɛ̀ŋ sùà, esaɓùiŋ nɛ̀ sùà.

1Pììlɛ 5:10

Sèè nìŋ kɔɛ̀ maŋ keì nyìnga mɛɛ̀ŋ sùà wèè e teenga kpuu sùà, wo Dayàa kuwa maŋ tɛ̀ɛ̀tɛ̀ɛ̀ maŋ gbiŋ wɔ̀, wo yèɔ naiŋ nyààŋ wèè wo goonòiŋ e jòòwò nyiiŋ gèe gò jùà ke gbòò Jisɛ̀ Kulaì sùà wɔ, wuŋ bi doiŋ nàŋ nyɛ̀nɛ̀ŋ sengei yèè woiŋ fè e kɔɔ nyingè, woiŋ sìà e gààŋ woiŋ jàà ko tɔɔtu tùlìà jii.

Maŋ kèì nyɛɛnɛŋ 10:7

E teengaà wo màìkà nɔɔnɔŋ letìyèeɔ̀ do nàŋ fùɔ̀ŋ e pòtanàuŋ nɛ̀ lɛ, wo Dayà do nàŋ kpɛ̀ɛ̀yɛ̀ ke nyɛ̀nɛ̀ŋ gbùnuuŋ nɛɛ̀ŋ, nààŋ wò naŋ dàànè ebò siaàŋ koɓɛ̀ aŋ ɓɔìjɔ̀àuŋ nyàŋ, aŋ wɛ̀ijì nyaŋ.”