Luùm 16:2 - WƆŊ FƐ̀Ì EBÒ SÌÀŊ DAYÀA

² Jàa nùuŋ kùàŋ dìì e dèè Kanaà diɛŋ, màànààŋ anyùùŋ nɛɛmaŋ nyàŋ wèè Dayà àŋ nyɛnɛŋ lɛ̀. Kìɛŋ nùuŋ e kpùùmaàŋ gbiŋ wò manaŋ lɛ̀. Wuŋ bi wò tɔɔ̀ janjai kɛ̀ wò nɔ̀ŋ e kpùùmaŋ gbee koɓɛ̀ anyuùŋ zimgbe e kpùlìà miàŋ bi.

Luùm 16:2 ပူးပေါင်းရင်းမြစ်များ

Maafiù 25:40

Miàim wo Kanaà do nàŋ fasaì mìàŋ, ‘Miŋ woòiŋ e tɔɔɓaaà, sèè mùŋ naŋ niŋ wa nyɛ̀nɛ̀ŋ wèè wo wùìya miɔ̀ŋ bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ màŋ niŋ nyɛ̀nɛ̀ŋ e weèim.’

Nyɛ̀nɛ̀ŋ 9:13

Wo Ananaayà naŋ fasàì wààŋ, “Kanaà, anyuùŋ zimgbe àim wòò e kèè wo felaa wɛɛ̀, e nyaàiŋ dè maŋ keì naanààŋ maŋ kinɛiŋ wò naŋ nyìnìè anyùùŋ nɛɛmauŋ nyàŋ ko Jùlusɛ̀làm lɛ.

Nyɛ̀nɛ̀ŋ 9:15

Kɛɛ wo Kanaà naŋ wòò wo Ananaayà wààŋ, “Kɔ̀ào, esaɓù kɛ̀ kàuŋ tàeɗùù wèè wo koà ke mìè gbìàŋ Ebò Siaŋ mɛ̀ koɓɛ̀ anyùùŋ nyaŋ fè àŋ Juùù nyaŋ yaà aŋ kànà fuɔŋ nyàŋ e kpùlìà aŋ Juùù nyaŋ nyiŋ bi, aŋ jɔ̀à kòmàŋ Ezɔ̀ɛ̀ nyaŋ.

Nyɛ̀nɛ̀ŋ 9:36

Wo nìe kɛ̀ɛ̀nɛ̀ŋ hààwe bà yaò wa àŋ nyaaŋ wo Tàbità. E Guliì deeuŋ nɛ̀ nàŋ yaà wa wo Dɔkà. Wò hewa jòò ko jawa bà àŋ nyaaŋ ko Jɔpà. Wo nìe wɛɛ̀ hewa nyìnìàŋ anyùùŋ e keì sìàŋ e tèèngà nyiiŋ geuŋ nɔɔ̀ŋ gbiŋ sùà yèè wò kpuumàŋ wa anyuùŋ pɔ̀ɔ nyàŋ zimgbe.

Nyɛ̀nɛ̀ŋ 9:39

Ko fɛɛ̀feìŋ, wo Pììlɛ naŋ yèwè dìì yèè àŋ naŋ kɔ̀. Aŋ felaa nyàŋ naŋ kɔ̀ɔ̀ wo Pììlɛ ko sààŋ fùùiŋ yèè wò nao haì. Aŋ jɔ̀ùnèèdàà zimgbe yaào wa ko gulie. Àŋ nauŋ tɔ̀ɔ̀ maŋ kotì maŋ yaà maŋ dèè kɔɔ gbànaŋ màŋ wo Dɔkà naŋ wa banè maŋ e teengaà wò yaà wɔŋ nyiiŋ gèeɔ̀ sùà lɛ.

Nyɛ̀nɛ̀ŋ 9:41

Wo Pììlɛ nauŋ kùwò kùàŋ wouŋ kpuumàŋ wo yèwà dìì wo sie. Wò naŋ nyààŋ aŋ jɔ̀ùnèèdàà nyaŋ yèè anyuùŋ hààwe gbànaŋ nyàŋ ko saaìŋ yèè wò naŋ nyiŋ kìɛ̀ŋ wo Dɔkà wɔŋ nyiiŋ gèe sùà.

Luùm 15:7

Jàaìŋ aŋ dàwiiŋ nyàŋ kùàŋ dìì, kɛ̀ nàŋ jòòwò wo Dayà, màànààŋ wo Jisɛ̀ Kulaì naiŋ jàà kùàŋ dìì lɛ.

Luùm 16:15

Mìŋ zuumàŋ wo Fèlologɔ̀ yèè wo Juliɔ̀, wo Nilɔ̀ yèè wo jaa, wo Òleinpà yèè koɓɛ̀ anyùùŋ nɛɛmaŋ nyàŋ gbiŋ wèè Dayà.

Luùm 16:23

Wo Gayɔ̀, wo yèɔ naim jàà kùàŋ dìì wèè ka nɔ̀ŋ ko gboouŋ noo wɔ̀, ko yèi ke gbòò anyuùŋ hààwe nyàŋ deenàŋ wèè zòòlo lɛ̀, naiŋ tùɔ̀ŋ zùùmo. Aŋ wùìya wi nyàŋ tèènè mààŋ wo Ɛlesitù, wo nyùnɔ̀ɔŋ banàŋ e nɛɛnɛɛ̀ŋ hàa wèè ko jawa gbeeì wɔ, yèè wo Kɔatù, nyiŋ pɛɛ naiŋ tùɔ̀ŋ zùùmo.

Luùm 16:6

Mìŋ zuumàŋ wo nìeɔ̀ àŋ nyaaŋ wo Mèèle, wo yèɔ naŋ tomo nyìnga weèiŋ wɔ̀.

Luùm 16:9

Mìŋ zuumàŋ ɓɛìŋ wo Ɔbanɔ̀, wo nyuùŋ tòmo dàwi wiɔ̀ wo Jisɛ̀ Kulaì sùà, yaà wo Sitachè, wo dàwi mɔ̀ɔ̀nɔŋ siaŋ miɔ̀ŋ.

Ɛfesɔ̀ 5:3

Nààŋ nìŋ yaà anyùùŋ nyaŋ wo Dayà kanaŋ nyàŋ, e fè tɔ̀ɔ̀nyaàŋ wèè è kèè màŋ kpèè hmɔŋtu nyɛ̀nɛŋ, yàà màŋ kpèè kùwà ninaŋ, yèè e wùànàŋ nɛ̀ŋ keekèè nyɛ̀nɛŋ e gbɛ̀ɛ̀ ànyùùŋ nɛɛmaŋ kɔɔ tòloò pɛɛ.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

Fèle 2:29

Jàa nùuŋ kùàŋ dìì e zɔlɔ̀ sùà, màànààŋ è naŋ tɛɛwɛ̀ wèè anyùùŋ nyaŋ naŋ hààwè Kanaà nyaŋ. Tɔ̀ɔìŋ anyùùŋ gbiŋ yaà mààŋ wuŋ nɛ̀ e ɓɛ̀ɛ̀jàa,

Kòlo 4:10

Wo Àlètakɔ̀, wo yèɔ yàwi wuŋ yaà ko sààŋ nyìwìi wɔ̀, naiŋ tùɔ̀ŋ zùùmo. Wo Mài wuŋ pɛɛ, wo wùìyà Bànaŋɓàa, naiŋ tùɔ̀ŋ zùùmo. Yèè èiŋ woò tɛ wìàà, sèè wo Mài haì ko nɛ̀ɛ̀iŋ niìŋ nauŋ ɓeeè.

1Time 2:10

Kɛɛ e nɔ̀ŋ wèè maŋ kpèè siaŋ, maŋ yè maŋ yaà tɛ̀ɛ̀ wèè aŋ jɔùŋ nyaŋ naŋ ɓèmè e ɗààhiì wèè aŋ nɔ̀ŋ anyuùŋ hààwe nyàŋ.

2Time 1:18

Tɔ̀ wo Kanaà wo yɛmɛ̀uŋ wa nàwèè ke nyowo ke ɗɔɔ dìàmaàŋ diɛŋ! Màŋ nyìmàŋ kɛ̀ kiìŋ è kpùùmaŋ wò naŋ nyɛ̀nɛ̀ŋ weèim ko Ɛfesɔ̀.

Taitɔ̀ 2:3

Wòò aŋ jɔùŋ nyuùŋ kàìŋ nyaŋ nyiiŋ pɛɛ, aŋ nɔ̀ŋ mààŋ anyùùŋ nyaŋ manaŋ Kanaà àŋ nɔ̀ŋ lɛ, yèè ɓɔ̀ àŋ fiefìè ànyùùŋ. Ɓɔ̀ àŋ nɔ̀ŋ àŋ ɗo kòɓɛ̀ màŋ tala muaŋ, yèè aŋ kaà e yèɛ yaà tɛ̀ɛ̀ lɛ,

Felemɔ̀ŋ - PHM 1:12

Jòòpɛɛ mìŋ yaà tùàŋ sùà wo Onisimɔ̀ŋ ko nɛ̀ɛ̀ŋ muìŋ, kɛɛ ke jìì mànaŋ miɛ̀ŋ yàaùŋ maŋjɛ̀wɛ.

Felemɔ̀ŋ - PHM 1:17

Sèè nìŋ naim jàà kùàŋ dìì wèè ka nɔ̀ŋ wo wùìyaiŋ esàɓù Jisɛ̀ Kulaìɛ sùà, kɛ̀ jàaìŋ wo Onisimɔ̀ŋ kùàŋ dìì wo nɔ̀ŋ dàwiiŋ màànààŋ nìŋ doim weè nàŋ jàà kùàŋ dìì lɛ.

2Jɔ̀ɔŋ 1:10

Sèè wo nyùùŋ hnàŋ ko nɛ̀ɛ̀ŋ niìŋ wo gò hìàŋ è kàà kii bi, ɓɔ̀ nìŋ jàaùŋ kùàŋ dìì màŋ gbooiŋ màŋ sùà, ɓɔ̀ nìŋ zuumò wò nyùùŋ bi.