Luùm 16:17 - WƆŊ FƐ̀Ì EBÒ SÌÀŊ DAYÀA

¹⁷ Mìŋ yààìŋ dàwè sùà, nyɛ̀iŋ nààŋ wùìyaim nyàŋ kɛ̀, jàaìŋ fɛ̀ɛ̀ dìì wèè anyùùŋ nyaŋ nyɛnɛŋ anyùùŋ aŋ gòònò e tɛɛ, yèè aŋ sùmìàŋ aŋ dàwi wèè e hààweɛ̀ nìŋ naŋ jàà kùàŋ dìì lɛ. Ɓɔ̀ nìŋ ka nyiŋ è tɛɛ!

Luùm 16:17 ပူးပေါင်းရင်းမြစ်များ

Maafiù 18:17

Sèè wo nyùnɔ̀ɔŋ naŋ nyɛ̀nɛ̀ŋ e keì naanààaŋ wɔ̀ gè maŋhɛɛ wèè wo nyiŋ kumiàŋ, kɛ̀ wòò niŋ koɓɛ̀ ke gbòò anyuùŋ hààwe nyàŋ. Sèè wò gè maŋhɛɛ wèè wo kùmìàŋ ke gbòò anyuùŋ hààwe nyàŋ, kɛ̀ tùwò ko nɛ̀ɛ̀uŋ niìŋ mààŋ wo nyuùŋ gò kɛ̀ɛ̀nɛŋ hààwe ɔ̀ɔ̀ mààŋ wo nyuùŋ kùwà nɛ̀ɛ̀nɛ̀ŋ fuɔŋ.

Maafiù 18:7

E ɗuunyaàŋ kòò è yaà ke dòmàŋ e keì nyìnga diɛŋ wèè e ɗeweɛ̀ è nyɛnɛŋ anyùùŋ aŋ nyɛ̀nɛ̀ŋ e keì naanààŋ lɛ. E nɛ̀ŋ kòò è yaào wèè e nyɛ̀nɛ̀ŋ anyùùŋ aŋ nyɛ̀nɛ̀ŋ e keì naanààŋ, kɛɛ wo nyùnɔ̀ɔŋ do nàŋ nyɛ̀nɛ̀ŋ e keì naanààŋ bi wɔ̀, wò do nàŋ nɔ̀ŋ ke dòmàŋ e keì nyìnga diɛŋ.

Maafiù 7:15

“Yɛ̀mɛìŋ nyiŋ bi diɛŋ wèè aŋ wɛ̀ijì tòa nyàŋ. Àŋ hnàŋ yèè mùŋ yɛmɛ̀ nyìŋ ke fòolàa àŋ naŋ kpàà maŋ fɛ̀ì ɓaawaa sùà, kɛɛ tɔɔɓaa maŋ jii nyiŋ màŋ sùà àŋ yaà mààŋ aŋ yilì kùùno nyàŋ àŋ nyaaŋ nyààŋ aŋ pɔ̀ɔ̀wɛ̀i.

Luù 17:1

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Manɛ̀ŋ maŋ nyɛnɛŋ anyùùŋ aŋ sɛ̀ɛ̀ e jùumù sùà maŋ, màŋ kuwa maŋ kaaìŋ. Kɛɛ e keì nyìnga do nàŋ nɔ̀ŋ koɓɛ̀ wo nyùnɔ̀ɔŋ do nàŋ nyɛ̀nɛ̀ŋ wo nyùùŋ màŋjɛ̀wɛ̀ miɔ̀ŋ bà guùŋ wo sɛ̀ɛ̀ e jùumù sùà wɔ.

Nyɛ̀nɛ̀ŋ 15:24

È naiŋ kòmò kɛ̀ anyùùŋ bà e yìwìà ke gboò wiɛ̀ sùà naŋ hnè ko nɛ̀ɛ̀iŋ niìŋ yèè àŋ naiŋ wòò e keì bà e yèɛ naiŋ mɔ̀ɔ̀nɛ̀ŋ maŋ jii lɛ̀. Kɛɛ yàwi nààŋ e gò nyiŋ tùàŋ.

1 Kɔliìŋ 11:18

E jiɛ̀jiɛ̀ɛ nàŋ yaà, àim woò kɛ̀ ke gbòò anyuùŋ hààwe nyàŋ sùà, maŋ gboò sùmìàŋ fèemàŋ màŋ yaà e dèèneiŋ nɛ̀ sùà, yèè kà haawè kɛ̀ tɛɛ̀, e bàiŋ yaà e tɔɔɓaa.

1 Kɔliìŋ 3:3

esaɓù kɛ̀ kòò nìŋ yaà nɔŋ maŋ kpèè anyùùŋ ɗuunyaŋ nyàŋ màŋ maŋjɛ̀wɛ. Sèè e koo gèe yèè e nyaàŋ tàaŋ nɔ̀ìŋ e fèemàŋ, tɛɛ̀ fè tɔɔ̀ kɛ̀ kòò nìŋ yaà nɔŋ è tɔ̀ɔ̀màŋsèì anyùùŋ ɗuunyaŋ nyàŋ maŋ màŋjɛ̀wɛ?

Gàla 2:4

È naiŋ noo wa kɔ̀ esàɓù anyùùŋ nyaŋ naŋ jàà e fɛ̀ɛ̀ wèè aŋ nɔ̀ŋ anyùùŋ hààwe nyàŋ, yèè àŋ naŋ wi wa sɛ̀ɛ̀ e tɛɛ mààŋ anyuùŋ gbɛ̀ɛ̀ gbɛ̀ɛ̀ nyùùŋ. Àŋ naŋ wa hnè wèè aŋ gèe e bìlɛɛ̀ŋ wo Jisɛ̀ Kulaì naŋ wi wa kiɛ̀ŋ lɛ ko sìwè, yèè àŋ yaà wa kààmè e ɗewe wèè aŋ kuwìè wi e gààŋ diɛŋ mààŋ aŋ ɗo nyiŋ.

Fèle 3:17

Nyɛ̀iŋ nààŋ wùìyaim nyàŋ, mìŋ manaŋ naŋ dè e tɔ̀ɔ̀màŋseì mɛ̀ maŋjɛ̀wɛ maŋ nyiiŋ gèeiŋ màŋ sùà. Deìŋ e tɔ̀ɔ̀màŋsèì anyùùŋ nyaŋ naŋ wa nyɛ̀nɛ̀ŋ maŋ kèì tɔ̀ɔ̀nyaàŋ maŋ è naiŋ wa jàà e ɓula e weèiŋ lɛ̀.

Kòlo 2:8

Ɓɔ̀ nìŋ nyimèè wèè wò nyùùŋ gbiŋ doiŋ zuwò wèè naŋ nyɛ̀nɛ̀ŋ è nyaàntàaŋ màŋ keì zùwo màŋjɛ̀wɛ. Maŋ kàa mɛɛ̀ŋ yewe anyuùŋ kpùuŋ sìwè yaà wo sìèfèìŋ aŋ jinàŋ naanààŋ nyaŋ e ɗuunyaàŋ. E kàa kii foo bi gò yìwìà wo Jisɛ̀ Kulaì sìwè.

2Tɛsè 3:6

Nyɛ̀iŋ nààŋ wùìya wi nyàŋ, è naiŋ naaà e dèè Kana wiɔ̀ Jisɛ̀ Kulaì sùà e wèè ɓɔ̀ nìŋ gbɛ̀ɛ̀ anyuùŋ hààwe nyàŋ gbiŋ àŋ yè nyaŋ yaà wɔ̀ŋ nyiiŋ gèe fà lè kɔɔ sùà, yèè aŋ fè nyɛ̀nɛ̀ŋ mànɛ̀ŋ maŋ è naŋ nyiŋ kiɛ̀ŋ wèè nyɛ̀nɛŋ maŋ.

1Time 1:3

Mìŋ manaŋ wèè maŋ jèè ko Ɛfesɔ̀, màànààŋ nɔŋ mìŋ naum wa dawè e teengaà mìŋ yaà wa kɔ̀ɔ̀yɛ̀ ko Mɛ̀sèdonià lɛ. Anyùùŋ kòò àŋ yaào aŋ fè kàa sùà ànyùùŋ nyaŋ è hààwe kɛnɛ, nàaà nyiŋ wèè aŋ hɔanè niŋ nyɛ̀nɛŋ.

2Time 3:5

Àŋ do nàŋ jàà e kèè Dayàa fɛ̀ɛ̀ sùà, kɛɛ aŋ gììyà e gaàŋ niŋ nɛ̀ maŋhɛɛ. Ɓɔ̀ mùŋ dè ànyùùŋ mààŋ nyiiŋ màŋjɛ̀wɛ.

Taitɔ̀ 3:10

Anyuùŋ kàmè nyaàtàaŋ nyàŋ, mùŋ kiɛ̀ŋ nyiìŋ e gòo e sɔ̀ngɔ̀ sùà tìyèe maŋ gè kùàŋ e kii nyiŋ sùà.

1Jɔ̀ɔŋ 2:19

Anyùùŋ nyɛɛ̀ŋ naŋ fòlò ke gbòò Dayà zòòlo wiɛ̀ sùà, kɛɛ tɔɔɓaa aŋ fè wa àŋ bàwibà. Yèè esaɓùɛ lii àŋ naŋ wi wa kɛ̀ɛ̀ maŋjɛ̀wɛ. Kɛɛ sèè aŋ wa weè nɔ̀ŋ aŋ bàwibà ke gbòò zòòloɛ̀ sùà, àŋ he wi wa weè nàŋ jèè maŋjɛ̀wɛ. Kɛɛ àŋ naŋ wi wa dangè, tii naŋ wa tɔɔ̀ janjai kɛ̀ aŋ fè àŋ bàwibà.

Juù 1:19

Ànyùùŋ nyɛɛ̀ŋ nàŋ hiàŋ e fèemàŋ gòòno, aŋ yè nyaŋ gongà kɛ̀ e kèì wɔŋ nyiiŋ wɛɛ̀ŋ nɔŋ ke fòolà yɛɛ̀ nàŋ kùwà nyiìŋ e gààŋ diɛŋ, yèè aŋ kuwà wò Jìnàŋ Dayàa màŋ jii nyiŋ màŋ sùà.