Luùm 15:8 - WƆŊ FƐ̀Ì EBÒ SÌÀŊ DAYÀA

⁸ Tɔ̀ miŋ woòiŋ e tɔɔɓaaà kɛ̀, wo Jisɛ̀ Kulaì naŋ hnè wèè wo wa nɔ̀ŋ wo ɓɔìjɔ̀à tòmo wèè aŋ Juùù nyaŋ àŋ naŋ wa jàà kpùa nyàŋ, wèè wo tɔɔ̀ kɛ̀ wo Dayà yaà e tɔ̀ɔ̀nyaàŋ sùà wèè e ɗààhiìɛ wò naŋ wa ɓemè koɓɛ̀ aŋ nèwàènèwè nyiŋ nyàŋ lɛ e hɛɛnɛ̀ŋ,

Luùm 15:8 ပူးပေါင်းရင်းမြစ်များ

Maafiù 15:24

Kpeiŋ wo Jisɛ̀ naŋ nyiŋ fasàì wààŋ, “Wo Dayà naim wa nɔŋ tùɔ̀ŋ koɓɛ̀ anyùùŋ nyaŋ ko Ezɔ̀ɛ̀, esaɓù kɛ̀ àŋ yaà mààŋ ke gbòò aŋ ɓaawaa ke yèɛ naŋ go yɛ̀.”

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Jɔ̀ɔŋ 1:11

Wò naŋ wa hnè koɓɛ̀ anyùùŋ wuŋ bi nyàŋ, kɛɛ anyùùŋ wuŋ bi nyàŋ gòuŋ wa jàà kùàŋ dìì.

Jɔ̀ɔŋ 10:16

Kòò mìŋ kuwa aŋ ɓaawaa joo bà àŋ yè nyaŋ fè wɔ̀ŋ gɔ̀ɔ̀ŋ àŋ ɓaawaa nyɛɛ̀ŋ kò sùà nyaŋ. Mìŋ kuwa ka nyiŋ hìàŋ koɓɛ̀ guùŋ nyiŋ pɛɛ, yèè àŋ do nàŋ kòmò ke miè miɛ̀ŋ. Kpeiŋ àŋ do nàŋ nɔ̀ŋ ke gbòò maŋ ɗòlònɛ̀ŋ aŋ ɓààwàà guùŋ.

Nyɛ̀nɛ̀ŋ 13:46

Kɛɛ wo Pɔɔ̀ yaà wo Bànaŋɓà naŋ ngèè ɓɛìŋ gbòò maŋ jii nyingè sùà nyààŋ, “È yaà weè tɛ̀ɛ̀ wèè eiŋ gbòà ke mìè Dayàa ko nɛ̀ɛ̀iŋ niìŋ jiɛ̀. Kɛɛ nààŋ niŋ gò nyiŋ jàà kùàŋ dìì yèè niŋ gò ɓèmè nyɛ̀iŋ bi wèè naŋ nɔ̀ŋ anyuùŋ kɛnɛ wèè wɔŋ nyiiŋ gèe gò jùà lɛ̀, è yààìŋ jòà sùà eiŋ kìlà koɓɛ̀ anyùùŋ nyaŋ fè àŋ Juùù nyaŋ.

Luùm 11:22

Nyìmaìŋ kɛ̀ wo Dayà ɓɛ̀nɛ̀ŋ nɔ̀ŋ tɛ̀ɛ̀ ko nɛ̀ɛ̀iŋ niìŋ, yèè wòiŋ ɓɛ̀nɛ̀ŋ kìɛ̀ŋ e keì nyìnga. Wò kiɛ̀ŋ e keì nyìnga koɓɛ̀ anyùùŋ nyaŋ nauŋ fè jɛwɛ nyàŋ, kɛɛ wò nɔ̀ŋ tɛ̀ɛ̀ ko nɛ̀ɛ̀iŋ niìŋ sèè nìŋ jeeà ke nyɛ̀nɛŋ siauŋ nɛɛ̀ŋ sùà. Kɛɛ sèè nìŋ fòuŋ jɛwɛ, wò doiŋ nàŋ gè kùàŋ dìì woiŋ jàà e ɓula nyɛ̀iŋ pɛɛ.

Luùm 11:30

Sèè è nɔ̀ŋ wèè nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, nìŋ naŋ wa gèèyè wo Dayà maŋhɛɛ e tèèngà guùŋ bà. Kɛɛ wo Dayà wòiŋ naàŋ tɔ̀ɔ̀ ke nyowo esaɓù kɛ̀ aŋ Juùù nyaŋ nauŋ wa gèèyè maŋhɛɛ.

Luùm 15:16

Wò naim wa tàeɗùù wèè ka nɔ̀ŋ ɓɔìjɔ̀à tòmo wèè Jisɛ̀ Kulaì anyùùŋ nyaŋ fè àŋ Juùù nyaŋ tɛɛ, e kìlà wèè ka nyɛ̀nɛ̀ŋ e tòmo mààŋ wo sìèfèìŋ zòòlo, nààŋ mìŋ wòò ke mìè gbìàŋ Ebò Siauŋ nɛ̀, wèè e nyɛ̀nɛ̀ŋ wo jàà anyùùŋ nyaŋ fè àŋ Juùù nyaŋ naŋ hààwè Jisɛ̀ nyaŋ kùàŋ dìì. Àŋ do nàŋ nɔ̀ŋ mààŋ e nɛ̀ŋ kìɛŋ koɓɛ̀ Dayài e yèɛ àŋ naŋ jàà e ɓula ko nɛ̀ɛ̀uŋ niìŋ e yìwìà wo Jìnàŋ Nɛɛmaàŋ.

Luùm 3:3

È yaà tɔɔɓaa kɛ̀ aŋ Juùù nyaŋ bà nyiŋ gò wa hààwè kè miè gbìaàŋ wèè aŋ nyiŋ jɔ̀ɔ̀lɔ̀ dìì, màànààŋ àŋ naŋ wa jɔ̀ɔ̀ ɗààhiì kɛ̀ àŋ do nàŋ nyɛ̀nɛ̀ŋ lɛ. Weètii, tɛɛ̀ wɛ̀i ɓɛ̀nɛ̀ŋ tɔɔ̀ kɛ̀ wèè esàɓù e hààwe gò kɛɛnɛ̀ŋ nyiŋ nɛ̀, wo Dayà naàŋ nyiìŋ kpuumò nààŋ wò naŋ wa jɔ̀ɔ̀ e ɗààhiì wèè wo nyɛ̀nɛ̀ŋ lɛ?

Luùm 4:16

Weètii esàɓù e hààweɛ̀ è kùwàìŋ wo Dayà sùà lɛ, è doiŋ nàŋ yɛ̀mɛ̀ e nɛ̀ɛŋ wò naŋ jɔ̀ɔ̀ ɗààhiì wèè wo wi kiɛ̀ŋ lɛ. Wèè esaɓù lɛɛ̀, wo naŋ jɔ̀ɔ̀ ɗààhiì wèè wo niŋ kìɛ̀ŋ ke kpòò Eɓulɔhɛɛ̀ŋ gbiŋ wèè foo, e ɗààhiì lɛɛ̀ fè nɔŋ wèè ànyùùŋ nyaŋ jɔɔlɔ̀ màŋ Sàwà Dayà maŋ dìì nyaŋ, kɛɛ è yaà wèè anyùùŋ nyaŋ pɛɛ kuwa hààwe màànààŋ wo Eɓulɔhɛɛ̀ŋ kuwa wa lɛ̀. Wo Eɓulɔhɛɛ̀ŋ naŋ yaà wo dèdà anyùùŋ nyaŋ gbiŋ.

1 Kɔliìŋ 1:12

Tɔ̀ miŋ woò niŋ e ɗewe kii lɛɛ̀ sùa, nyɛ̀iŋ nààŋ gbiŋ nìŋ yaà gbuuye gbàgbà. Wo nyùnɔ̀ɔŋ bà wààŋ, “Wo Pɔɔ̀ mìŋ yaà maŋjɛ̀wɛ.” Wo bàa wààŋ, “Wo Àpolò mìŋ yaà maŋjɛ̀wɛ.” Wo bà wààŋ, “Wo Sifɔ̀ mìŋ yaà maŋjɛ̀wɛ,” yèè wo bà wààŋ, “Wo Jisɛ̀ Kulaì mìŋ yaà maŋjɛ̀wɛ.”

1 Kɔliìŋ 10:19

E keìɛ mìŋ yaà woo lɛ̀ nàiŋ jàà jii kɛ̀ e nɛ̀ŋjè saaà wèè aŋ dayà joo è yaà e nɛ̀ŋ bà? Ɔ̀ɔ̀ kɛ̀ wo dayà joowò yaà e nɛ̀ŋ bà?

1 Kɔliìŋ 10:29

Tiŋ nàŋ yaà, kɛ̀ e fè è gòngò muàŋ bi, e gòngò nyùnɔ̀ɔŋ bàa le. Kpeiŋ kɛ̀ wo nyùuŋ bà dawè wààŋ, “Wèè kiìŋ e nyaàŋ gè diɛŋ mɛ̀ wèè ka nyɛ̀nɛ̀ŋ keì bà kuwìà ko dìa esàɓù e gòngò nyùuŋ bà sùà?

1 Kɔliìŋ 15:50

Nyɛ̀iŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ nàŋ yaà kɛ̀, e nɛ̀ɛŋ gbiŋ wo Dayà naŋ bàànè maŋ kèìŋ yaà maŋ sɛ̀ìŋ nɛ, e fè nɔ̀ŋ bàiŋbà è Kànà Dayàa sùà, yèè e yèɛ è fà lɛ, e fè kɛ̀ɛ̀nɛ̀ŋ è yèɛ jeeyà wèè julɔfɔ lɛ̀.

2 Kɔliìŋ 1:20

Wuŋ nàŋ yaà ke “Hɛ̀ɛɛ̀ɛŋ” koɓɛ̀ maŋ ɗààhìì Dayà maŋ gbiŋ. E wèètii esàɓù Jisɛ̀ Kulaì sùà è woàìŋ wìàà, “Àmiinàŋ” wèè e jòòwo koɓɛ̀ Dayài.

Ɛfesɔ̀ 2:12

E teenga lii sùà niŋ nyimààŋ wa è kèè Jisɛ̀ Kulaìɛ. Nìŋ yaà wa anyùùŋ fuɔŋ joo koɓɛ̀ anyùùŋ Ezɔ̀ɛ̀ nyaŋ wo Dayà naŋ tàeɗùù nyaŋ, yèè niŋ fè wa àŋ bàiŋbà kòɓɛ̀ è mìèsùàguùŋ nɛ è yèɛ wò Dayà naŋ wa ɓèmè è ɗààhiì kòɓɛ̀ ànyunùuŋ nyàŋ lɛ. Nìŋ yaà wa e ɗuunyaŋ lɛɛ̀, kɛɛ niŋ kuwà wa kò tùlìè jii bà gbiŋ, yèè niŋ gò wa gbɛ̀ɛ̀ Dayà kɔɔ tòloò pɛɛ.