Luùm 15:7 - WƆŊ FƐ̀Ì EBÒ SÌÀŊ DAYÀA

⁷ Jàaìŋ aŋ dàwiiŋ nyàŋ kùàŋ dìì, kɛ̀ nàŋ jòòwò wo Dayà, màànààŋ wo Jisɛ̀ Kulaì naiŋ jàà kùàŋ dìì lɛ.

Luùm 15:7 ပူးပေါင်းရင်းမြစ်များ

Maafiù 10:40

“Wo nyùnɔ̀ɔŋ gbiŋ jààìŋ kùàŋ dìì wɔ, wo nyùùŋ bi wòim jàà kùàŋ dìì. Yèè wo nyùnɔ̀ɔŋ gbiŋ jààìm kùàŋ dìì wɔ, wo nyùùŋ bì wò jàà wo nyùnɔ̀ɔŋ naim tùɔ̀ŋ wɔ kùàŋ dìì.

Luù 15:2

Aŋ Fɛlosiì nyaŋ yaà aŋ kààmɔ̀ɔ̀ŋ maŋ Sàwà Dayà nyaŋ naŋ tɔ̀ɔ̀tù gbùùyà ɗìòsùà e nyaàiŋ dè wo Jisɛ̀. Aŋ naŋ woò nyààŋ, “Wo felaa wɛɛ̀ jaa anyùùŋ maŋ jùumù nyaŋ kùàŋ dìì aŋ jɛ̀ì koɓɛ̀ guùŋ ko jììyè nɛ̀ŋ.”

Luù 9:48

Yèè wò naŋ nyiŋ woò wààŋ, “Wo nyùnɔ̀ɔŋ gbiŋ naŋ jàà wo jɔ̀àkàiŋ jɔa mààŋ wɛɛ̀ kùàŋ dìì esàɓù e deè mɛ̀ wɔ, wòim jàà kùàŋ dìì. Yèè wo nyùnɔ̀ɔŋ gbiŋ jààìm kùàŋ dìì wɔ, wò jàà wo nyùnɔ̀ɔŋ naim tùɔ̀ŋ wɔ kùàŋ dìì. Esaɓù kɛ̀ wo tòloòɔ nyɛ̀iŋ gbiŋ e tɛɛ nàŋ yaà wo gbeeɔ̀.”

Jɔ̀ɔŋ 13:34

Yèè mìŋ yààìŋ naàŋ kìɛ̀ŋ sùà ke sàwà jɛi. Mànaìŋ aŋ dàwiiŋ nyàŋ màànààŋ nɔŋ mìŋ naiŋ wa mɔ̀nɔ̀ŋ lɛ.

Jɔ̀ɔŋ 6:37

Wo nyùnɔ̀ɔŋ gbiŋ wo Dèda miɔ̀ŋ doim nàŋ kiɛ̀ŋ wɔ wò do nàŋ nɔ̀ŋ wo nyùùŋ màŋjɛ̀wɛ̀ miɔ̀ŋ bà guùŋ. Miŋ naàŋ gè màŋhɛɛ wèè kauŋ jàà kùàŋ dìì.

Luùm 15:9

yèè wèè e nyɛ̀nɛ̀ŋ anyùùŋ nyaŋ fè àŋ Juùù nyaŋ aŋ tɛ̀nɛ̀ŋ wo Dayà, wèè ke nyowoɛ̀ wò naŋ nyiŋ wa tɔɔ̀ lɛ. Wɔŋ fɛ̀ì Dayàa naŋ woò wààŋ, “Mìŋ doum nàŋ tɛnɛ̀ŋ anyùùŋ nyaŋ fè àŋ Juùù nyaŋ e fèemàŋ. Mìŋ do nàŋ tɛ̀nɛ̀ŋ e deè mɔ̀ɛ̀.”

Luùm 5:2

Wò wi hiàŋ e yìwìà e hààwe sùà koɓɛ̀ e tɛ̀ɛ̀tɛ̀ɛ̀ Dayàa è yèɛ e gòiŋ tomo weè niŋ lɛ̀, e kìlà e yèɛ è joàìŋ naàŋ sùà lɛ. Weètii e zɔlɔ̀ yaà wì, nààŋ è kùwàìŋ ke jii tùlia wèè eiŋ nɔ̀ŋ aŋ bàwibà e jòòwò Dayàa sùà.

Ɛfesɔ̀ 1:12

E wèètii, yàwi nyàŋ naiŋ nɔ̀ŋ aŋ jiɛ̀jiɛ̀ nyaŋ wèè eiŋ kùwìè ke jii tùlia wo Jisɛ̀ Kulaì sùà nyaŋ, tɛ̀nɛ̀ŋ wiìŋ e jòòwò Dayàa!

Ɛfesɔ̀ 1:18

Mìŋ dawà wèè maŋ jiiiŋ màŋ maŋ yilè e kìlà niŋ yɛmɛ̀ e gbolòùuŋ nɛ, e wèè niŋ nyìmàŋ kɛ̀ kiìŋ nàŋ yaà ke jii tùliaà ke yèɛ wò naiŋ nyààŋ e weè nyiŋ nɛ̀, kɛ̀ nìŋ do nàŋ yɛ̀mɛ̀ e ɗeweɛ̀ maŋ kpùùmàŋ e keì sìàŋ gbeeuŋ nɛ̀ naŋ banè lɛ, maŋ yè maŋ wò naŋ ɓèmè e ɗààhiì wèè wo fè anyùùŋ nɛɛmauŋ nyàŋ gbiŋ lɛ̀,

Kòlo 3:13

Jàaìŋ aŋ dàwiiŋ nyàŋ kùàŋ dìì, e kìlà niŋ juuyà wo nyùùŋ gbiŋ hakɛ̀ sèè wò jààùm è nànàŋ. Nìŋ kuwa naŋ jùùyà aŋ dàwi hakɛ̀ màànààŋ nɔŋ wo Kanaà Jisɛ̀ Kulaì naiŋ jùùyè hakɛ̀ lɛ.