Luùm 15:26 - WƆŊ FƐ̀Ì EBÒ SÌÀŊ DAYÀA

²⁶ Maŋ gbòò anyuùŋ hààwe nyàŋ ko Mɛ̀sèdonià yèè ko Àkaayà naŋ gbònògbònò e nɛɛnɛŋ, wèè ka niŋ kòà koɓɛ̀ anyùùŋ nɛɛmaŋ nyàŋ ko Jùlusɛ̀làm, wèè e nɔ̀ŋ e kpùùmaŋ koɓɛ̀ anyuùŋ pɔ̀ɔ nyàŋ.

Luùm 15:26 ပူးပေါင်းရင်းမြစ်များ

Maafiù 25:40

Miàim wo Kanaà do nàŋ fasaì mìàŋ, ‘Miŋ woòiŋ e tɔɔɓaaà, sèè mùŋ naŋ niŋ wa nyɛ̀nɛ̀ŋ wèè wo wùìya miɔ̀ŋ bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ màŋ niŋ nyɛ̀nɛ̀ŋ e weèim.’

Maafiù 26:11

Anyuùŋ pɔ̀ɔ nyàŋ doiŋ nàŋ nɔ̀ŋ e tɛɛ e teengaà gbiŋ, kɛɛ miàŋ mìŋ naìŋ nɔ̀ŋ è tɛɛ è teengaà gbio sùà.

Luù 14:13

Sèè mùŋ woà mààŋ muŋ gè wɔŋ ɗaa, nyaàŋ anyuùŋ pɔ̀ɔ nyàŋ, anyuùŋ kpɔ̀ɔ̀kpɔɔ nyàŋ, anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ, yèè anyuùŋ zììlè fɛ̀ɛ̀ nyaŋ.

Luù 6:20

Wo Jisɛ̀ naŋ yɛ̀mɛ̀ anyùùŋ màŋjɛ̀wɛ̀uŋ nyàŋ yèè wò naŋ nyiŋ woò wààŋ, “E zɔlɔ̀ yaà anyùùŋ nyaŋ naŋ pɔɔ̀ nyaŋ. Nyiŋ nàŋ kanaŋ e Kànà Dayàa!”

Nyɛ̀nɛ̀ŋ 16:12

E yìwìà kuii è naiŋ kɔ̀ ko Fèlepì, e jawa gbee ke tiìŋ jiɛ̀jiɛ̀ɛ sùà ko Mɛ̀sèdonià. Ko Fèlepì yaà wa ko jawa gbee ko yèi anyùùŋ e yìwìà wɔŋ fùɔ̀ŋ anyùùŋ Luùm nyaŋ naŋ wa nyɛ̀lɛ̀ lɛ. È naiŋ wa nɔ̀ŋ ko Fèlepì wèè maŋ ɗɔɔ kpàa bà.

Nyɛ̀nɛ̀ŋ 16:9

Wɔŋ dùùm wiiŋ, wo Pɔɔ̀ naŋ gò e gɔa, wò naŋ yɛ̀mɛ̀ wo felaa bà e yìwìà ko Mɛ̀sèdonià wò siao wò yàaùŋ pɔɔwɔ wààŋ, “Hnaàŋ ko Mɛ̀sèdonià muŋ kpuumàŋ wi.”

Nyɛ̀nɛ̀ŋ 18:12

Kɛɛ nààŋ anyùùŋ nyaŋ naŋ wa nyɛ̀nɛ̀ŋ wo Gàliò wo kana wèè wɔŋ fùɔ̀ŋ Àkaayàa, anyùùŋ gbèègbèè aŋ Juùù nyaŋ bà naŋ wa jàà ke gbòò yèè àŋ naŋ kùwò wo Pɔɔ̀ yèè àŋ nauŋ kɔ̀ɔ̀ ko fɛ̀ɛ̀fèìŋ wo kanaà ko sààŋ sàwài.

Nyɛ̀nɛ̀ŋ 19:21

Nààŋ maŋ keì mɛɛ̀ŋ gbiŋ naŋ wa kaàiŋ, wo Pɔɔ̀ naŋ wa ɗewè wo jinàuŋ nɔɔ̀ŋ sùà wèè wo jaamè anyùùŋ nyaŋ ko Mɛ̀sèdonià yèè ko Àkaayà nààŋ wò yaà wa kɔ̀ɔ̀yɛ̀ ko Jùlusɛ̀làm. Wo Pɔɔ̀ naŋ wa woò wààŋ, “Sèè mìŋ yewe kuii mìŋ do nàŋ kɔ̀ ko Luùm.”

Nyɛ̀nɛ̀ŋ 9:13

Wo Ananaayà naŋ fasàì wààŋ, “Kanaà, anyuùŋ zimgbe àim wòò e kèè wo felaa wɛɛ̀, e nyaàiŋ dè maŋ keì naanààŋ maŋ kinɛiŋ wò naŋ nyìnìè anyùùŋ nɛɛmauŋ nyàŋ ko Jùlusɛ̀làm lɛ.

1 Kɔliìŋ 16:15

Nàŋ nyìmàŋ e kèè Sìfanà yaà ke kpoouŋ nɛɛ̀ŋ, nyiŋ nàŋ yaà aŋ wùìya jiɛ̀jiɛ̀ nyaŋ e hààweɛ̀ sùà ko Àkaayà yèè àŋ naŋ fè nyiŋ bi wèè tòòmo koɓɛ̀ anyùùŋ nɛɛmaŋ nyàŋ. Mìŋ yààìŋ pɔ̀wɔ sùà, nyɛ̀iŋ nààŋ wùìyaim nyàŋ,

1 Kɔliìŋ 16:5

Mìŋ do nàŋ hìɛ̀ŋ e jààme, sèè mìŋ yewe ko Mɛ̀sèdonià, mìŋ naŋ ɗewè wèè ka kɔ̀ɛ̀ ko Mɛ̀sèdonià.

2 Kɔliìŋ 1:16

Mìŋ naŋ ɗewè wèè kaiŋ hìàŋ e jààme sèè mìŋ nɔ̀ŋ kɔ̀ɔ̀yɛ̀ ko Mɛ̀sèdonià, yèè sèè mìŋ nɔ̀ŋ ɓɛìŋ kɛ̀ɛ sùà, e wèè naim fè kpùùmaŋ wèè e kààiŋ mɛ̀ ko Jùdià.

2 Kɔliìŋ 11:9

E teengaà mìŋ yààìŋ e tɛɛ lɛ̀, miŋ gòiŋ kpɛɛ̀ŋ wèè naim kpuumàŋ. Sèè mìŋ mɔnɔŋ nɛɛnɛŋ, aŋ wùìya nyàŋ naŋ yèwè ko Mɛ̀sèdonià nyaŋ naim hìɛ̀ŋ e nɛ̀ɛŋ gbiŋ mìŋ manaŋ lɛ̀. Miŋ gò nɔ̀ŋ è kpɛ̀ɛŋ kò nɛ̀ɛ̀ŋ niìŋ kò tɔɔtuì, miŋ naàŋ nɔ̀ŋ è kpɛ̀ɛŋ kò nɛ̀ɛ̀ŋ niìŋ kò dòmàŋ feìŋ yaà!

2 Kɔliìŋ 2:13

Kɛɛ ke jii miɛ̀ŋ naŋ sɛɛɛ̀ tiwìtiwì esaɓù kɛ̀ miŋ gòo mɛ̀ɛ̀ŋ wò wùìya wiɔ̀ Taitɔ̀. Wèètii mìŋ naŋ gbìɛ̀ŋ anyùùŋ nyaŋ e dìàmaaŋ, yèè mìŋ naŋ kɔ̀ ko Mɛ̀sèdonià.

2 Kɔliìŋ 7:5

E teengaà pɛɛ è naiŋ hàì ko Mɛ̀sèdonià lɛ, e gòiŋ gè nyiiŋ. È naŋ mɛ̀ɛ̀ŋ maŋ keì nyìnga ko nɛ̀nɛ̀ŋ gbiŋ, maŋ nyaàŋ tàaŋ anyùùŋ fèemàŋ, yèè e jùù naŋ wi sɛ̀ɛ̀ kɔɔ sùà.

2 Kɔliìŋ 9:12

E ɗeweɛ̀ nìŋ yaà ko nyìnìè e tòmo lɛɛ̀ e tòmò Dayàa sùà lɛ, e fè nɔŋ kɛ̀ nìŋ yaà yɛ̀ɛ̀mɛ̀ è kèè màŋ kpɛ̀ɛ̀ŋ kɔ̀ɔ̀ ànyùùŋ nɛɛmaŋ nyàŋ dììò sùà, kɛɛ è yaà hìàŋ sùà maŋ sɛ̀ gèe zimgbe koɓɛ̀ Dayài.

2 Kɔliìŋ 9:2

Kà nyìmàŋ kɛ̀ è yààìŋ jii wèè naŋ kpuumàŋ, yèè kà kɛ̀ɛ̀ maŋ nyòngà koɓɛ̀ anyùùŋ Mɛsèdonìà nyaŋ e nyaàiŋ eiŋ dè kɛ̀, “Anyuùŋ hààwe nyàŋ ko Àkaayà, àŋ wa banebànè wèè aŋ kpuumàŋ e yìwìà doa bà mɛ̀iŋ.” E wùànàŋ kpùùmaiŋ nɛ̀, è sìà aŋ zimgbe nyiŋ ke di.

2 Kɔliìŋ 9:4

E ɗewe gbiŋ, sèè aŋ fèlàà Mɛ̀sèdonià nyaŋ hnàŋ yàwiiŋ nyiŋ aŋ yɛmɛ̀ kɛ̀ niŋ fè è bànèbaneiŋ, e sàngè do wi nàŋ kùwò wèè e gbòaà nyaàiŋ eiŋ dè, kɛɛ e jeiŋ nɛ̀ nìàŋ esaɓù kɛ̀ è naiŋ weè naàŋ sìè e hààwe sùà.

Fèle 4:15

Nyɛ̀iŋ nààŋ nyùùŋ Fèlepì nyaŋ, nàŋ nyìmàŋ kɛ̀ dièsɔa maŋ keì kààìŋ kii màŋ yaà wa, yèè nyɛ̀iŋ nɔŋ naŋ wa nɔ̀ŋ aŋ bàiŋbà ke gbòò anyuùŋ hààwe nyàŋ tɛɛ, wèè naŋ kìɛ̀ŋ e kpùùmaŋ e teengaà mìŋ naŋ wa tɔ̀ɔ̀tù wòò Ebò Siaàŋ ko Mɛ̀sèdonià lɛ.

1Tɛsè 1:7

Wèètii nìŋ naŋ nɔ̀ŋ e tɔ̀ɔ̀màŋseì koɓɛ̀ anyuùŋ hààwe nyàŋ gbiŋ maŋ kpàlàùŋ kpàlàùŋ ko Mɛ̀sèdonià yèè ko Àkaayà maŋ sùà.

1Tɛsè 1:8

Ke miè gbìaàŋ nyaàiŋ de wo Kanaà ke gòiŋ nɔŋ yèwà sìwè wèè ke ɓààyè maŋ kpàlàùŋ kpàlàùŋ ko Mɛ̀sèdonià maŋ yèè kò Àkaayà, kɛɛ ebò e hààweiŋ nɛ̀ wo Dayà sùà è naŋ ɓààyè koɓɛ̀ gbiŋ. E keì bà nààŋ fè ɓɛìŋ wèè e nɔ̀ŋ wòo niŋ.

1Tɛsè 4:10

yèè kòò nìŋ yaà nyìnìè maŋ kpèè mɛɛ̀ŋ koɓɛ̀ anyuùŋ hààwe nyàŋ gbiŋ maŋ kpàlàùŋ kpàlàùŋ maŋ gbiŋ sùà wɔŋ fàà ko Mɛ̀sèdonià. E wèètii nyɛ̀iŋ nààŋ wùìya wi nyàŋ, è yààìŋ dàwe sùà wèè naŋ nyɛ̀nɛ̀ŋ zimgbe e tii nìàŋ.

1Time 1:3

Mìŋ manaŋ wèè maŋ jèè ko Ɛfesɔ̀, màànààŋ nɔŋ mìŋ naum wa dawè e teengaà mìŋ yaà wa kɔ̀ɔ̀yɛ̀ ko Mɛ̀sèdonià lɛ. Anyùùŋ kòò àŋ yaào aŋ fè kàa sùà ànyùùŋ nyaŋ è hààwe kɛnɛ, nàaà nyiŋ wèè aŋ hɔanè niŋ nyɛ̀nɛŋ.

Felemɔ̀ŋ - PHM 1:5

Mìŋ naŋ kòmò e kèè e hààweɛ̀ mùŋ kuwa wo Kana wiɔ̀ wo Jisɛ̀ Kulaì sùà lɛ, yaà e mànaŋ mɔ̀ɛ̀ koɓɛ̀ anyùùŋ nɛɛmaŋ nyàŋ gbiŋ wèè wo Dayà.