Luùm 15:19 - WƆŊ FƐ̀Ì EBÒ SÌÀŊ DAYÀA

¹⁹ Tɔɔɓaa, mìŋ doiŋ nàŋ wòò e ɗeweɛ̀ wo Jisɛ̀ Kulaì naŋ wa tɔ̀ɔ̀ e tɔ̀ɔ̀màŋsèì maŋ keì, yèè wò naŋ nyɛ̀nɛ̀ŋ maŋ kèè mèè e yìwìà e gààŋ wo Jìnàŋ Nɛɛmaàŋ sùà. Kà wòò Ebò Siaàŋ e nyaàiŋ euŋ dè e yìwìà ko jawa gbeeì Jùlusɛ̀làm e kà ko Ilekùùm.

Luùm 15:19 ပူးပေါင်းရင်းမြစ်များ

Maafiù 12:28

Miŋ fè è gààŋ Bɛɛziɓùɛ dìì, sɔɔ̀ wo Jìnàŋ wo Kanaà Dayà wo yèɔ kiɛ̀ìm e gààŋ wèè ka gè aŋ jinàŋ naanààŋ anyùùŋ maŋjɛ̀wɛ. Tɛɛ̀ è tɔɔ̀ kɛ̀ e Kànà Dayàa è hnàŋ ko nɛ̀ɛ̀iŋ niìŋ tɛ.”

Jɔ̀ɔŋ 4:48

Wo Jisɛ̀ naŋ wòò wo kenàaŋ wààŋ, “Nyɛ̀iŋ nààŋ bà nyiŋ naàŋ kɛ̀ɛ̀nɛ̀ŋ è hààwe sɔɔ̀ nɔ̀ŋ naŋ yɛ̀mɛ̀ e kèè mèè yèè maŋ tɔ̀ɔ̀màŋsèì keì maŋ kaaìŋ!”

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 13:14

Àŋ naŋ yèwè ko Pɛgà yèè àŋ naŋ kɔ̀ ko Aŋtiɔ̀ wɔŋ fùɔ̀ŋ Pɛ̀siidìàa sùà. Kpeiŋ ke Ɗɔ̀ɔ̀ Zòòlò aŋ Juùù nyaŋ diɛŋ àŋ naŋ kɔ̀ ko sààŋ zòòlò aŋ Juùù nyaŋ yèè àŋ naŋ jɛi.

Nyɛ̀nɛ̀ŋ 13:51

Wo Pɔɔ̀ yaà wo Bànaŋɓà naŋ gbùmò e heiɛ̀ ko jawa wii maŋ gòlòò dìì nyiŋ màŋ wèè aŋ tɔɔ̀ kɛ̀ anyùùŋ nyaŋ gò wa jàà kè mìè gbìàŋ Dayàa kùàŋ dìì, yèè àŋ naŋ kɔ̀ ko jawa gbeeì Ìkɔniɔ̀ŋ.

Nyɛ̀nɛ̀ŋ 14:10

yèè wò nauŋ woò ke miè gbeeo sùà wààŋ, “Sìè ɗeiiŋ maŋ golòum màŋ diɛŋ!” Wo felaaà naŋ vaì wo sie yèè wò naŋ tɔ̀ɔ̀tù kàaiŋ.

Nyɛ̀nɛ̀ŋ 14:20

Kɛɛ nààŋ anyùùŋ màŋjɛ̀wɛ̀ Kanaà Jisɛ̀ naŋ wa dèènè wo Pɔɔ̀ kɔɔ, wò naŋ wa yèwè dìì yèè yaà nyiŋ naŋ kɛ̀ɛ̀ ko jawa gbeeì. Wɔŋ niìsìaà bàa wo Pɔɔ̀ yaà wo Bànaŋɓà naŋ kɔ̀ ko Dɛɓì.

Nyɛ̀nɛ̀ŋ 14:25

Nààŋ àŋ naŋ gbòò ke mìè Dayàa koɓɛ̀ anyùùŋ nyaŋ ko jawaì àŋ nyaaŋ Pɛgà, àŋ nao yèwè aŋ dèyà ko Àtalià.

Nyɛ̀nɛ̀ŋ 14:6

Nààŋ aŋ kèèlà tìyèe nyàŋ naŋ wa tɛɛ̀ kòmò, àŋ naŋ yèwè ko jawa wii maŋ dùaŋ dùaŋ yèè àŋ naŋ kɔ̀ maŋ jawa gbeegbèè nyiŋ màŋ sùà àŋ nyaaŋ ko Lesità yèè ko Dɛɓì, maŋ kpàlàùŋ kpàlàùŋ Làkanià maŋ sùà.

Nyɛ̀nɛ̀ŋ 15:12

Anyùùŋ fuɔŋ nyàŋ gbiŋ naŋ wa nɔ̀ŋ gìli nààŋ àŋ yaà wa kùmìàŋ sùà e jìwààjɛ̀wɛ̀ɛ wo Bànaŋɓà yèè wo Pɔɔ̀ yaà wa kìɛ̀ŋ sùà lɛ nyaàiŋ dè e gàaŋ wo Dayà naŋ wa kiɛ̀ŋ wèè aŋ nyɛ̀nɛ̀ŋ maŋ kèè mèè yèè maŋ tɔ̀ɔ̀màŋsèì keì wèè anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 16:18

Wò naŋ wa tɛɛ̀ nyɛ̀nɛ̀ŋ wèè maŋ ɗɔɔ kpàa bà. E keì lɛɛ̀ naŋ wa naàŋ dìè wo Pɔɔ̀ nyààŋ, yèè wò naŋ kìlè koɓɛ̀ wo jɔùŋjɔaà wò naŋ wòò wo jinàŋ naanààaŋ wààŋ, “E dèè Jisɛ̀ Kulaìɛ sùà, mìŋ manaŋ maŋ fòlà wo jɔùŋ jɔa wɛɛ̀ ko sùà.” Ko fɛɛ̀feìŋ wo jinàaŋ nauŋ fòlò ko sùà.

Nyɛ̀nɛ̀ŋ 17:10

Wɔŋ dùùm guùŋ wiiŋ anyuùŋ hààwe nyàŋ naŋ tùɔ̀ŋ wo Pɔɔ̀ yaà wo Silà ko Bɛ̀lià. Yèè nààŋ àŋ nao haì, àŋ naŋ kɔ̀ ko sààŋ zòòlò aŋ Juùù nyaŋ.

Nyɛ̀nɛ̀ŋ 17:15

Anyùùŋ nyaŋ naŋ wa dè wo Pɔɔ̀ maŋjɛ̀wɛ nyàŋ nauŋ wa kɔɔ̀ auŋ hàlèè ko Atɛ̀ìŋ. Anyùùŋ nyɛɛ̀ŋ naŋ wa kɛ̀lɛ̀ɛ̀ ke miè gbìaŋ e yìwìà wo Pɔɔ̀ sìwè wèè koɓɛ̀ wo Timetèi yèè wo Silà, wààŋ aŋ ka koɓɛ̀i wò yaà lɛ.

Nyɛ̀nɛ̀ŋ 18:1

Eɓìèmàŋjɛ̀wɛ̀ tɛɛ̀, wo Pɔɔ̀ naŋ yèwè ko Atɛ̀ìŋ yèè wò naŋ kɔ̀ ko Kɔliìŋ.

Nyɛ̀nɛ̀ŋ 18:19

Nyiŋ taai àŋ naŋ hàì ko Ɛfesɔ̀, kuŋ wo Pɔɔ̀ naŋ wa jòò wo Pɛ̀silià yèè wo Àkuilà. Kpeiŋ wò naŋ kɔ̀ ko sààŋ zòòlò aŋ Juùù nyaŋ wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 19:1

E teengaà wo Àpolò yaà wa ko Kɔliìŋ lɛ, wo Pɔɔ̀ naŋ kɔ̀ɛ̀ maŋ kpàlàùŋ kpàlàùŋ Eesìà maŋ sùà yèè wò naŋ hnè ko Ɛfesɔ̀. Kuŋ wò naŋ wa mɛ̀ɛ̀ŋ anyùùŋ màŋjɛ̀wɛ̀ Jisɛ̀ nyaŋ bà.

Nyɛ̀nɛ̀ŋ 20:20

Miŋ gò wa gè màŋhɛɛ wèè kaiŋ woò ɔ̀ɔ̀ kaiŋ kaà màŋ gbooiŋ màŋ sùà, wèè è nɛ̀ɛŋ gbiŋ naŋ ɓɛ̀nɛ̀ŋ nɔ̀ŋ è kpùùmaŋ kò nɛ̀ɛ̀iŋ niìŋ lɛ.

Nyɛ̀nɛ̀ŋ 20:6

Kɛɛ nààŋ è naiŋ wa kpɛ̀ɛ̀yɛ̀ gè wɔŋ Ɗàà Gè Gbɔ̀u Gò Jòwàa, è naiŋ sɛ̀ɛ̀ wɔŋ meeèɔ sùà e yìwìà ko Fèlepì. Yèè è naiŋ nɔ̀ŋ ke dòmàŋ kàaiŋ wiɛ̀ diɛŋ wèè maŋ ɗɔ̀ɔ̀ nɔɔnɔŋ paŋgàà è naiŋ hàì ko nɛ̀ɛ̀ŋ nyiŋ niìŋ ko Toà, yèè è naiŋ noo wa nɔ̀ŋ wèè maŋ ɗɔ̀ɔ̀ nɔɔnɔŋ le tìyèe.

Luùm 15:13

Tɔ̀ wo Dayà, wo yèɔ kiɛ̀ŋ ke jii tùlia wɔ̀, wo kpuumàiŋ niŋ kɛɛnɛ̀ŋ e zɔlɔ̀ kɛnɛ yèè ke jii fàa, esàɓù e hààweiŋ nɛ̀, wèè kɛ̀ ke jii tùliaiŋ nɛɛ̀ŋ e gààŋ wo Jìnàŋ Nɛɛmaàŋ sùà, e nɔ̀iŋ maŋjɛ̀wɛ e teenga gbiŋ.

Luùm 15:16

Wò naim wa tàeɗùù wèè ka nɔ̀ŋ ɓɔìjɔ̀à tòmo wèè Jisɛ̀ Kulaì anyùùŋ nyaŋ fè àŋ Juùù nyaŋ tɛɛ, e kìlà wèè ka nyɛ̀nɛ̀ŋ e tòmo mààŋ wo sìèfèìŋ zòòlo, nààŋ mìŋ wòò ke mìè gbìàŋ Ebò Siauŋ nɛ̀, wèè e nyɛ̀nɛ̀ŋ wo jàà anyùùŋ nyaŋ fè àŋ Juùù nyaŋ naŋ hààwè Jisɛ̀ nyaŋ kùàŋ dìì. Àŋ do nàŋ nɔ̀ŋ mààŋ e nɛ̀ŋ kìɛŋ koɓɛ̀ Dayài e yèɛ àŋ naŋ jàà e ɓula ko nɛ̀ɛ̀uŋ niìŋ e yìwìà wo Jìnàŋ Nɛɛmaàŋ.

Luùm 15:24

E ɗèwe mɛ̀ nàŋ yaà wèè kaiŋ jaamè sèè mìŋ nɔ̀ŋ kɔ̀ɔ̀yɛ̀ ko Sipiìŋ. Yèè wèè e teenga kpuuɛ̀ mìŋ doiŋ nàŋ nɔ̀ŋ le gòlò lɛ, mìŋ kuwa ke jii tùlia kɛ̀ nìŋ doim nàŋ kpuumò wèè kao haì fiò.

1 Kɔliìŋ 2:4

yèè e kàà kiim mɛ̀ yaà ke miè gbìaàŋ, miŋ gò niŋ wòò mìè gbòà è gbèe zimgbe è yìwìà è jììkɛ̀ɛ̀ nyuùŋkpùuŋ sùà, sɔɔ̀ maŋ mìè gbòa kpàà nyùùŋ ɗì maŋ tɔɔ̀ e gààŋ Jìnàŋ Dayàa lɛ̀.

2 Kɔliìŋ 12:12

Maŋ kèè mèè maŋ yaà maŋ tòmò gààŋ gbee màŋ naŋ kaaìŋ wèè maŋ tɔɔ̀ kɛ̀ mìŋ yaà wo keela tàeɗùù lɛ, mìŋ naŋ kùwò ke jii ka kààìŋ maŋ gbiŋ e tɛɛiŋ.

Gàla 3:5

Wo Dayà naiŋ kìɛ̀ŋ wo Jinàuŋ nɔɔ̀ŋ, yèè wò naŋ nyɛ̀nɛ̀ŋ maŋ kèè mèè e tɛɛiŋ esaɓù kɛ̀ nìŋ naŋ wa jɔ̀ɔ̀lɔ̀ ke Sàwàa dìì, ɔ̀ɔ̀ esaɓù kɛ̀ nìŋ naŋ wa kòmò e Ebò Siaàŋ yèè nìŋ naŋ niŋ haawè?

Kòlo 1:25

Wo Dayà naŋ wa ɗewè wèè woim nyɛ̀nɛ̀ŋ ka nɔ̀ŋ wo ɓɔìjɔ̀à tòmo wèè anyuùŋ hààweuŋ nyàŋ, yèè wèè woim tùàŋ wèè ka dàànè ebò ke miè gbìauŋ nɛɛ̀ŋ gbiŋ ko nɛ̀ɛ̀iŋ niìŋ,

1Tɛsè 1:5

E gòiŋ nɔŋ hìàŋ Èbò Siaàŋ màŋ mìè gbòa sùà nɔŋ, è naŋ niŋ kpùlìè e gààŋ yaà wo Jìnàŋ Nɛɛmaàŋ, yèè e hààwe jùà sùà gbɛlɛiŋ nyaàiŋ dè e tɔ̀ɔ̀nyaàŋ niŋ nɛ̀. Nàŋ nyìmàŋ kɛ̀ diè è naiŋ nɔ̀ŋ e gòlò, è yaà wa wèè e kèì sìàŋ nyɛ̀iŋ bi lɛ̀.

2Time 4:17

Kɛɛ wo Kanaà naim wa nɔ̀ŋ maŋjɛ̀wɛ yèè wò naim kìɛ̀ŋ e gààŋ, weètii mìŋ naŋ wa ɓɛnɛ̀ŋ wèè ka wòò ke miè gbìaàŋ gbiŋ koɓɛ̀ anyùùŋ nyaŋ gbiŋ fè àŋ Juùù nyaŋ wèè aŋ nyiŋ kòmàŋ, yèè mìŋ naŋ wa yɛ̀mɛ̀ e jòèye, aŋ gòim wa gè nyààŋ diɛŋ wèè àŋ nyàa nyaŋ aim jìwà.

Hiɓu 2:4

Wo Dayà wuŋ bi naŋ kìɛ̀ŋ ke mìè seì, nààŋ wò naŋ tɔ̀ɔ̀ maŋ tɔ̀ɔ̀màŋsèì keì, yèè maŋ kèè mèè, e kìlà wò naŋ wa kìɛ̀ŋ wo Jìnàŋ Nɛɛmaàŋ koɓɛ̀ wo nyùnɔ̀ɔŋ gbiŋ wò manaŋ wouŋ kiɛ̀ŋ wɔ.

1Pììlɛ 1:12

Wo Dayà naŋ dàànè ebò koɓɛ̀ aŋ wɛ̀ijì nyɛɛ̀ŋ kɛ̀ aŋ fè wa toomo wèè è nàfà nyiŋ bi, sɔɔ̀ nyɛ̀iŋ nyàŋ, àŋ naŋ wòò maŋ keì maŋ nìŋ naŋ yaà kòmò e yìwìà aŋ keela nyàŋ naŋ dàànè Ebò Siaàŋ esàɓù e gààŋ Jìnàŋ Dayàa sùà e yìwìà ko àìjɛnɛ̀ŋ nyaŋ. Mɛɛ̀ŋ nàŋ yaà maŋ keì maŋ aŋ màikà nyaŋ kàìŋ nyaŋ pɛɛ hewa nàŋ mɔ̀nɔ̀ŋ wèè aŋ nyìmàŋ maŋ.