Luùm 14:9 - WƆŊ FƐ̀Ì EBÒ SÌÀŊ DAYÀA

⁹ Esaɓù kɛ̀ wo Jisɛ̀ Kulaì naŋ fɔ̀ yèè wò naŋ yèwè e fàaà dìì wɔŋ nyiiŋ gèeɔ̀ sùà, wèè kɛ̀ wo nɔ̀ŋ Kana wèè anyuùŋ gè nyiiŋ nyàŋ yaà anyuùŋ fàa nyàŋ.

Luùm 14:9 ပူးပေါင်းရင်းမြစ်များ

Maafiù 28:18

Wo Jisɛ̀ naŋ nyiŋ bɔ̀mɔ̀ŋ kɔɔ wò naŋ nyiŋ woò wààŋ, “E gààaŋ gbiŋ ko àìjɛnɛ̀ŋ yèè e ɗuunyaàŋ è nɔ̀ŋ kìɛŋ niŋ ko nɛ̀ɛ̀ŋ miìŋ.

Luù 24:26

Niŋ nyimààŋ kɛ̀ wò Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, kuwa wa wo kùwà è keì nyìnga paŋgàà wo wa nɔ̀ŋ jòòwouŋ?”

Jɔ̀ɔŋ 12:24

Mìŋ yààìŋ wòò e tɔɔɓaaà kɛ̀, sèè ke kpàlì kòmàŋ guùŋ ke sɔ̀à ko dììnaŋ, ke naàŋ nìè kè guùŋ, sɔɔ̀ ke fà. Kɛɛ sèè kè fà, kè do nàŋ kòmò e kpàli komaŋ zimgbe.

Nyɛ̀nɛ̀ŋ 10:36

Nàŋ nyìmàŋ ke mìè gbìaàŋ wò naŋ wa tùɔ̀ŋ koɓɛ̀ anyùùŋ Ezɔ̀ɛ̀ nyaŋ lɛ̀, nààŋ wò naŋ wa wòò Ebò Siaàŋ e nyaàiŋ dè ke jii fàa esàɓù wo Jisɛ̀ Kulaì sùà, wo Kanaà wèè anyùùŋ nyaŋ gbiŋ.

Nyɛ̀nɛ̀ŋ 10:42

Yèè wo Dayà naŋ wi woò wààŋ e woòiŋ ebò siaŋ lɛɛ̀ koɓɛ̀ anyùùŋ nyaŋ gbiŋ, yèè e gbòàiŋ ke mìè seì kɛ̀ wo Jisɛ̀ nàŋ yaà wo nyùnɔ̀ɔŋ wò naŋ tàeɗùù wɔ wèè wo nɔ̀ŋ wo nyuùŋ gbàiɔ̀ wèè anyuùŋ gè nyiiŋ nyàŋ yèè anyuùŋ fàa nyàŋ.

Luùm 10:9

Sèè mùŋ kilià dèè kɛ̀ wo Jisɛ̀ yàa wo Kana, e kìlà maŋ haawè ke jii mɔɛ̀ŋ sùà kɛ̀ wo Dayà nauŋ gè e fàaà dìì wɔŋ nyiiŋ gèeɔ̀ sùà, wo Dayà doum nàŋ joeyè.

2 Kɔliìŋ 5:14

E mànàŋ Jisɛ̀ Kulaì, nàŋ kilìà wì e kana ko diɛŋ wèè ka nyɛ̀nɛ̀ŋ e yèɛ gbiŋ yaà tɛ̀ɛ̀ lɛ, nààŋ è naiŋ jàà jii kɛ̀ wo fèlàà guùŋ naŋ fɔ̀ wèè anyùùŋ nyaŋ gbiŋ, e yèɛ naŋ tɔɔ̀ kɛ̀ wo nyùùŋ gbiŋ yaà e bàuŋbà wèè e fàa bi lɛ̀.

1Tɛsè 4:14

È naiŋ haawè kɛ̀ wo Jisɛ̀ naŋ fɔ̀ yèè wò naŋ ɓɛìŋ yèwè e dìì, wèètii è naiŋ haawè kɛ̀ wo Dayà do nàŋ ɓèmè Jisɛ̀ e kpùlìà anyùùŋ nyaŋ gbiŋ naŋ jèè e hààweɛ̀ sùà àŋ naŋ fɔ̀ nyaŋ wo nyiŋ kɔà.

1Tɛsè 5:10

wo yèɔ naŋ fɔ̀ weè wi e wèè wuŋ yèè yàwi nààŋ gbiŋ eiŋ nɔ̀ŋ koɓɛ̀ guùŋ eiŋ pɛɛ nɔ̀ŋ nyiiŋ gèeɔ̀ sùà, ɔ̀ɔ̀ eiŋ fà e teengaà wò hnàŋ wa nàwèè lɛ.

2Time 4:1

Ko fɛ̀ɛ̀fèìŋ Dayài yaà wo Jisɛ̀ Kulaì, wo yèɔ do naŋ gbàì anyùùŋ nyaŋ yaà wɔŋ nyiiŋ gèeɔ̀ sùà yèè aŋ yè nyaŋ naŋ fɔ̀ nyaŋ, yèè nààŋ wò yaà hinie e kanauŋ nɛ̀ sùà mààŋ wo Kana lɛ̀, mìŋ yààùm woo,

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

1Pììlɛ 1:21

Esàɓù Jisɛ̀ Kulaì sùà nìŋ naŋ hààwè Dayà, wo yèɔ nauŋ gèe dìì e yìwìà e fàa dìì, yèè wò nauŋ fè e jòòwo, wèètii e hààweiŋ nɛ̀ yèè ke jii tùliaiŋ nɛɛ̀ŋ yaà koɓɛ̀ Dayài.

1Pììlɛ 4:5

Kɛɛ àŋ do nàŋ fàsàì maŋ màaŋdàwè koɓɛ̀ Dayài, wo yèɔ naŋ banebànè wèè wo gbàì anyùùŋ nyaŋ kuwa nyiiŋ gèeɔ̀ nyaŋ yaà anyuùŋ fàa nyàŋ wɔ.

Maŋ kèì nyɛɛnɛŋ 1:18

Miàŋ nàŋ yaà wo nyuùŋ gè nyiiɔ̀ŋ! Mìŋ naŋ wa fɔ̀, kɛɛ kòò mìŋ yaà naàŋ wɔŋ nyiiŋ gèeɔ̀ sùà wèè julɔfɔ yèè julɔfɔ. Mìŋ kuwa e gààŋ e fàa yaà e ɗùùnyàŋ anyuùŋ fàa nyàŋ diɛŋ.

Maŋ kèì nyɛɛnɛŋ 2:8

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Sìmanà. “Ke miè gbìaàŋ yɛɛ̀ e yìwìà wo yèɔ yaà wo jiɛ̀jiɛ̀ɔ yaà wo dìàmaàŋ wɔ, wo yèɔ naŋ fɔ̀ yèè wò naŋ ɓɛìŋ kɛ̀ɛ̀ wɔŋ nyiiŋ gèeɔ̀ sùà wɔ.