Luùm 14:8 - WƆŊ FƐ̀Ì EBÒ SÌÀŊ DAYÀA

⁸ Sèè è nɔ̀ìŋ wɔŋ nyiiŋ gèeɔ̀ sùà, kɛ̀ è yaà wèè esàɓù wo Kanaà è yààìŋ wɔŋ nyiiŋ gèeɔ̀ sùà, e kìlà sèè è fàìŋ, kɛ̀ è yaà esàɓù wo Kanaà è naiŋ fɔ̀. Weètii sèè eiŋ nɔ̀ŋ wɔŋ nyiiŋ gèeɔ̀ sùà ɔ̀ɔ̀ eiŋ fà, wo Kanaà nàŋ kanaŋ yàwi nààŋ gbiŋ.

Luùm 14:8 ပူးပေါင်းရင်းမြစ်များ

Luù 20:38

Wuŋ nàŋ yaà wo Dàyà anyuùŋ gè nyiiŋ nyàŋ, wo fè wò Dayà ànyuùŋ fàa, esaɓù tɛɛ̀ naŋ tɔɔ̀ kɛ̀ anyùùŋ nyaŋ gbiŋ kòò àŋ yaà wɔŋ nyiiŋ gèeo sùà ko fɛɛ̀fenùuŋ niìŋ.”

Jɔ̀ɔŋ 21:19

Wo Jisɛ̀ naŋ wa tɛɛ̀ woò wèè wo tɔ̀ɔ̀ wo Pììlɛ e ɗewe kiiɛ̀ wò do wa nàŋ fɔ̀ lɛ yèè e yèɛ do wa nàŋ hìɛ̀ŋ e jòòwo koɓɛ̀ Dayài lɛ̀. Yèè wo Jisɛ̀ nauŋ tɛɛ̀ woò wààŋ, “Dèim maŋjɛ̀wɛ ke kpèè miɛ̀ŋ sùà, yèè e nɔ̀ŋ kii mɛ̀ sùà.”

Nyɛ̀nɛ̀ŋ 13:36

E teengaà wo Dèèwe yaà wa wɔŋ nyiiŋ gèeɔ̀ sùà lɛ, wò naŋ wa tomo wo Dayà dìì. E teengaà wò naŋ wa fɔ̀ lɛ, àŋ nauŋ wa sììyè wo dèdauŋ nɔɔ̀ŋ kɔɔ ke hùaàŋ sùà, yèè ke kpùnauŋ nɛɛ̀ŋ naŋ wa hèwè.

Nyɛ̀nɛ̀ŋ 20:24

Kɛɛ miŋ gò kpɛɛ̀ŋ kɛ̀ kiìŋ nàŋ do nàŋ kaaìŋ wɔ̀ŋ nyiiŋ miɔ̀ŋ, sèè nɔŋ mìŋ kpɛɛyɛ̀ e tòmoɛ̀ wo Kanaà Jisɛ̀ naim kiɛ̀ŋ wèè ka nyɛ̀nɛ̀ŋ lɛ. Yèè e tòmo lɛɛ̀ nàŋ yaà wèè ka wòò Ebò Siaàŋ e nyaàiŋ dè e tɛ̀ɛ̀tɛ̀ɛ̀ Dayàa.

Nyɛ̀nɛ̀ŋ 21:13

Kɛɛ wo Pɔɔ̀ naŋ nyiŋ fasàì wààŋ, “Wèè kiìŋ nìŋ yaà gulie e kìlà nìŋ yaà pɔ̀ɔ̀pɔɔ sùà ke jii miɛ̀ŋ? Miŋ gò nɔŋ nyimèè wèè aim gbìàŋ kò sààŋ nyìwì wèè èsàɓù e dèè wò Kanaà Jisɛ̀, kɛɛ mìŋ naŋ ngèè pɛɛ nyimèè wèè ka fà e weèuŋ ko Jùlusɛ̀làm!”

1 Kɔliìŋ 15:23

Wo nyùùŋ gbiŋ do nàŋ yèwè e fàaà dìì e ɗewe kii titi bà sùà, wo Jisɛ̀ Kulaì, wuŋ jiɛ̀, kpeiŋ e tèèngà hnàuŋ nɛ̀ sùà, aŋ yè nyaŋ yaà weèuŋ nyàŋ wo nyiŋ hiàŋ.

Fèle 1:20

E yèɛ mìŋ yaà yɛ̀ɛ̀mɛ̀ dòmaŋ, yèè ke jii tùliaà mìŋ kuwa lɛ̀ nàŋ yaà kɛ̀ miŋ naàŋ wa nàwèè nyɛ̀nɛ̀ŋ è keì gbiŋ wèè eim nyìnìàŋ sàngè. Kɛɛ wèè e teenga gbiŋ, yèè sààmɛ pɛɛ, mìŋ do nàŋ kɛ̀ɛ̀nɛ̀ŋ ke jii nyingè, wèè ke kpùnaŋ miɛ̀ŋ gbiŋ ke hìàŋ e ɓɛ̀ɛ̀jàa koɓɛ̀ Jisɛ̀ Kulaìi, sèè pɛɛ ka nɔ̀ŋ wɔŋ nyiiŋ gèe sùà ɔ̀ɔ̀ ka fà.

Fèle 2:17

Maŋ sɛnìim màŋ wɛ̀i ɓɛ̀nɛ̀ŋ nɔ̀ŋ wùaŋ miŋ mààŋ e nɛ̀ŋ kìɛŋ manɛ̀ŋ saaà maŋ diɛŋ e nyaàiŋ dè e hààweiŋ nɛ̀ koɓɛ̀ Dayài. Sèè è nɔ̀ŋ yɛi, ke jii naim fɔ̀ wèè ka nɔ̀ŋ wo bàimbà e tòmouŋ nɛ̀ sùà, yèè nyɛ̀iŋ pɛɛ naŋ nɔ̀ŋ aŋ bàiŋbà zɔlɔ̀ gèe mɛ̀ sùà.

Fèle 2:30

esaɓù kɛ̀ wò naŋ joo tòloò wèè wo fà wèè e tòmò Dayàa wò yaà nyinie wèè wo Jisɛ̀ Kulaì lɛ, yèè wò naŋ jàà wɔŋ nyiiuŋ nɔɔ̀ŋ sɛɛ wèè woim kìɛ̀ŋ e kpùùmaàŋ nyɛ̀iŋ bi nìŋ fèim weè nàŋ kiɛ̀ŋ lɛ.

1Tɛsè 5:10

wo yèɔ naŋ fɔ̀ weè wi e wèè wuŋ yèè yàwi nààŋ gbiŋ eiŋ nɔ̀ŋ koɓɛ̀ guùŋ eiŋ pɛɛ nɔ̀ŋ nyiiŋ gèeɔ̀ sùà, ɔ̀ɔ̀ eiŋ fà e teengaà wò hnàŋ wa nàwèè lɛ.

Maŋ kèì nyɛɛnɛŋ 14:13

E teenga lɛɛ̀ sùà, mìŋ naŋ kòmò ke mìè gbòa e yìwìà ko àìjɛnɛ̀ŋ kè naŋ woò wààŋ, “Sìngà tɛɛ̀, e zɔlɔ̀ yaà anyùùŋ nyaŋ gbiŋ e yìwìà nàaŋ, àŋ do nàŋ fɔ̀ɔ̀yɛ̀ e tòmò Kanaà Jisɛ̀ sùà nyaŋ!” Wo Jinàŋ Nɛɛmaàŋ naŋ fasàì wààŋ, “Tɛɛ̀ yaà tɔ̀ɔ̀nyaàŋ, àŋ do nàŋ gè nyiiŋ wèè e tòmo nyìngaà àŋ naŋ nyɛ̀nɛ̀ŋ lɛ, esaɓù kɛ̀ e jìwààjɛ̀wɛ̀ e tòmo nyiŋ nɛ̀ do nyiŋ nàŋ nɔ̀ŋ maŋjɛ̀wɛ.”