Luùm 14:3 - WƆŊ FƐ̀Ì EBÒ SÌÀŊ DAYÀA

³ Wo nyùnɔ̀ɔŋ jè e nɛ̀ŋje gbiŋ wɔ̀, ɓɔ̀ wò niingè wò dàwiuŋ nɔɔ̀ŋ fɛ̀ɛ̀ wèè è nɛ̀ŋjeɛ̀ wo fè jè lɛ, e kìlà wo nyùnɔ̀ɔŋ jè nɔŋ manɛ̀ŋ jè ɓù wɔ, ɓɔ̀ wò gbaì wò nyùnɔ̀ɔŋ jè è nɛ̀ŋje gbiŋ wɔ̀, esaɓù kɛ̀ wo Dayà jaa wo nyùùŋ gbiŋ kùàŋ dìì.

Luùm 14:3 ပူးပေါင်းရင်းမြစ်များ

Maafiù 18:10

“Ɓɔ̀ mùŋ jàà wò jɔ̀àkàiŋ jɔa wɛɛ̀ bà gbiŋ è keì keekèè. Miŋ woòum, aŋ màikà nyiŋ nyàŋ ko àìjɛnɛ̀ŋ àŋ yaà ko fɛ̀ɛ̀fèìŋ wo Dèda miɔ̀ŋ e teenga gbiŋ ko àìjɛnɛ̀ŋ. [

Maafiù 9:14

Anyùùŋ màŋjɛ̀wɛ̀ Jɔ̀ɔŋ Gùà Nyùnɔ̀ɔŋ naŋ hnè koɓɛ̀ Jisɛ̀i, yèè àŋ nauŋ dawè nyààŋ, “Wèè kiìŋ yàwi e kpùlìà aŋ Fɛlosiì nyaŋ kuwo ke tɔùŋ e teenga gbiŋ, kɛɛ aŋ jeum nyàŋ fè nyiŋ nɔŋ kùwà gbiŋ?”

Luù 18:9

Wo Jisɛ̀ naŋ ɓɛìŋ wòò ke kàɓanè koɓɛ̀ anyùùŋ bà aŋ yè nyaŋ naŋ tùlìè e tɔ̀ɔ̀nyaàŋ nyiŋ nɛ̀ jii yèè àŋ naŋ kɔ̀ɔ̀yɛ̀ anyuùŋ gbànaŋ nyàŋ gbiŋ fɛ̀ɛ̀ diɛŋ nyàŋ.

Nyɛ̀nɛ̀ŋ 10:34

Wo Pììlɛ naŋ tɔ̀ɔ̀tù gbòa wààŋ, “Kà naàŋ nyìmàŋ kɛ̀ è yaà tɔ̀ɔ̀nyaàŋ kɛ̀ wo Dayà kuwà wò nyuùŋ mànaŋ titi, kɛɛ wò manaŋ anyùùŋ nyaŋ gbiŋ e seenè kpaŋ.

Nyɛ̀nɛ̀ŋ 10:44

E teengaà wo Pììlɛ yaà wa nɔŋ gbuuye lɛ̀, wo Jìnàŋ Nɛɛmaàŋ naŋ dèyè anyùùŋ nyaŋ gbiŋ yàaùŋ wa kùmìàŋ sùà nyaŋ diɛŋ.

Nyɛ̀nɛ̀ŋ 28:2

Anyùùŋ ziì joo nyàŋ joà wa koɓɛ̀ bi nyàŋ naŋ wi wa kpuumò. Nààŋ maŋ gɔ̀à maŋ naŋ wa tɔ̀ɔ̀tù sɔ̀àa yèè ke fòìɛ naŋ wa gàŋ, àŋ naŋ wa dììyè e hmɔ̀ɔ̀ŋ weè wi.

Luùm 11:15

Nààŋ wo Dayà naŋ wa gè anyùùŋ Ezɔ̀ɛ̀ nyaŋ kùàŋ dìì, anyuùŋ gbànaŋ nyaŋ gbiŋ e ɗuunyaàŋ aŋ yè nyaŋ yaà aŋ joo nyàŋ, naŋ kìlè yèè àŋ naŋ nɔ̀ŋ anyuùŋ mɔ̀ɔ̀nɔŋ koɓɛ̀ Dayài. Kiìŋ nàŋ do nàŋ kaaìŋ sèè wo Dayà jàà nyiìŋ kùàŋ dìì? Àŋ do nàŋ kɛ̀ɛ̀nɛ̀ŋ wɔŋ nyiiŋ gèe mààŋ anyuùŋ fàa nyàŋ naŋ kɛ̀ɛ̀ wɔŋ nyiiŋ gèe sùà.

Luùm 14:1

Jaà aŋ wùìyaum nyàŋ kùàŋ dìì, aŋ yè nyaŋ e hààwe nyiŋ nɛ̀ gò nyìngàà sùà nyaŋ, kɛɛ nyɛ̀iŋ nyiŋ ɓɔ̀ nìŋ kpaane kpàànè wèè è gòngo joo nyiŋ nɛ̀ àŋ kuwa lɛ̀.

Luùm 14:10

Wèè kiìŋ muàum yèɔ jè nɔŋ manɛ̀ŋ jè ɓù wɔ gbaì anyuùŋ hààwe dàwium nyàŋ? E kìlà, wèè kiìŋ muàum yèɔ jè e nɛ̀ŋje gbiŋ wɔ̀, niingà wo yèɔ fè niŋ jè wɔ fɛ̀ɛ̀? Ke ɗɔ̀ɔ̀ gbàiɛ̀ kòò kè yaà hinie yèè wo Dayà do nàŋ jɛ̀ì ke kpùà kanauŋ nɛɛ̀ŋ diɛŋ wèè wo gbàì yàwi nààŋ gbiŋ.

Luùm 14:13

Weètii, hɔ̀ànè wiìŋ gbàì aŋ wùìya wi nyàŋ. Kɛɛ kɛ̀ɛ̀nɛɛ̀ŋ e gòngo wèè muŋ go nàŋ nyɛ̀nɛ̀ŋ aŋ wùìyaum nyàŋ aŋ ɓà ke dòmaŋ siaŋ ɔ̀ɔ̀ aŋ sɛ̀ɛ̀ maŋ jùumù sùà.

Luùm 14:15

Sèè maŋ nyɛ̀nɛ̀ŋ wo wùìya mɔɔ̀ŋ bà wo kɛ̀ɛ̀nɛ̀ŋ ke jii mɔ̀ɔ̀nɛŋ wèè e nɛ̀ŋjeɛ̀ mùŋ manaŋ wèè jèe lɛ̀, kɛ̀ muŋ kuwà è mànaŋ kè jii mɔɛ̀ŋ sùà. Ɓɔ̀ mùŋ dangè è wànàŋ nɛ̀ŋjeɛ̀ mùŋ jè lɛ e jìwà e hààwè wo nyùùŋ màŋjɛ̀wɛ̀ Jisɛ̀ Kulaìɔ bà gbiŋ kpɛlɛmɛɛŋ.

Luùm 14:21

È henàŋ nɔ̀ŋ tɛ̀ɛ̀ kɛ̀ ɓɔ̀ mùŋ gbìlà yilì, ɓɔ̀ mùŋ tìà màŋ juumuaŋ, ɔ̀ɔ̀ maŋ nyɛ̀nɛ̀ŋ e keì bà gbiŋ e yèɛ do nàŋ nyɛ̀nɛ̀ŋ wo wùìya mɔɔ̀ŋ bà wo ɓà ke dòmaŋ siaŋ yèè wo sɛ̀ɛ̀ maŋ jùumù sùà.

Luùm 15:7

Jàaìŋ aŋ dàwiiŋ nyàŋ kùàŋ dìì, kɛ̀ nàŋ jòòwò wo Dayà, màànààŋ wo Jisɛ̀ Kulaì naiŋ jàà kùàŋ dìì lɛ.