Luùm 14:22 - WƆŊ FƐ̀Ì EBÒ SÌÀŊ DAYÀA

²² E hààweɛ̀ mùŋ kuwa e nyaàiŋ dè manɛ̀ŋ mɛɛ̀ŋ lɛ, kùwiè niŋ ke gbùnu sùà e fèèmàŋ Dayà yèè muàŋ bi. E zɔlɔ̀ do nàŋ nɔ̀ŋ anyùùŋ nyaŋ gò gbàì nyiŋ bi e kìlà aŋ jèè nyiŋ bi è keì nyaŋ sèè àŋ nyɛnɛŋ maŋ nɔnɔŋ tùaŋ yèè àŋ yɛmɛ̀ kɛ̀ e nɛ̀ɛŋ àŋ naŋ nyɛ̀nɛ̀ŋ lɛ è yaà tɛ̀ɛ̀.

Luùm 14:22 ပူးပေါင်းရင်းမြစ်များ

Nyɛ̀nɛ̀ŋ 24:16

Weètii mìŋ nyɛnɛŋ e tɛ̀ɛ̀tɛ̀ɛ̀ɛ gbiŋ mìŋ naŋ ɓɛ̀nɛ̀ŋ nyɛ̀nɛŋ wèè ka kɛ̀ɛ̀nɛ̀ŋ e gòngo siaŋ koɓɛ̀ Dayài yèè wo nyuùŋkpùuŋ.

Luùm 14:14

Mìŋ naŋ tùlìè wo Kanaà Jisɛ̀ Kulaì jii, yèè wòim nyɛ̀nɛ̀ŋ kà nyìmàŋ kɛ̀ e nɛ̀ŋje gò zɛ̀nɛ̀ŋ bà gbiŋ fè wèè wò nyuùŋkpùuŋ. Kɛɛ sèè mùŋ gongà kɛ̀ manɛ̀ŋ je bà kòò màŋ yaào maŋ yè maŋ fè zɛ̀nɛŋ miŋ wèè jèe màŋ, kɛ̀ màŋ do nàŋ nɔ̀ŋ manɛ̀ŋ jè gbàŋ weèum.

Luùm 14:2

Anyùùŋ nyaŋ bà nyiŋ naŋ haawè kɛ̀ àŋ ɓɛ̀nɛ̀ŋ jè e nɛ̀ŋ gbiŋ, kɛɛ wo nyùnɔ̀ɔŋ yèɔ e hààweuŋ nɛ̀ gò nyìngàà sùà wɔ, jè nɔŋ manɛ̀ŋ jè ɓù.

Luùm 14:23

Kɛɛ sèè àŋ go kɛ̀ɛ̀nɛ̀ŋ hààwe e nyaàiŋ dè e nɛ̀ŋjeɛ̀ àŋ jè lɛ, wo Dayà do nyiŋ nàŋ hèè e kiti diɛŋ, esaɓù kɛ̀ aŋ gò nyìnìàŋ è keì bi è hààwe sùà. Ke nyɛ̀nɛŋ gbiŋ ke yèɛ gò jàànè kòɓɛ̀ è hààwe lɛ̀ è yaà e jùumù.

Luùm 14:5

Anyùùŋ nyaŋ bà nyiŋ gongà kɛ̀ ke ɗɔɔɛ̀ bà nyiŋ kuwa e sɛmɛ e nìàŋ maŋ ɗɔɔ gbànaŋ màŋ. Aŋ bà nyiŋ zà gongà kɛ̀ maŋ ɗɔɔ màŋ gbiŋ yaà e ɗèwè guùŋ nɛ. Kɛɛ tɔ̀ wo nyùùŋ gbiŋ wo kɛ̀ɛ̀ e kìtì wuŋ biɛ̀ ke jiiuŋ nɛɛ̀ŋ sùà.

Luùm 2:1

Nyɛ̀iŋ nààŋ bà nyiŋ nìŋ haà aŋ dàwiiŋ nyàŋ e kiti diɛŋ wèè e keì naanààŋ nyɛ̀nɛŋ. Kɛɛ niŋ kuwà kè kàfaì bà gbiŋ, wo Dayà gò kpɛɛ̀ŋ kɛ̀ ɓòò nàŋ yààùm. Sèè nìŋ gbaì aŋ dàwiiŋ nyàŋ, kɛ̀ nàŋ hàà e kiti nyɛ̀iŋ bi diɛŋ, esaɓù kɛ̀ è yaà e keì jèeiŋ e fèfoo nìŋ nyɛnɛŋ maŋ kèì guùŋ bi.

Luùm 7:15

Miŋ nyimààŋ tɔɔɓaa mànɛ̀ŋ maŋ mìŋ nyɛnɛŋ màŋ. Miŋ fè nyɛ̀nɛ̀ŋ è yèɛ mìŋ naŋ nyìmè kɛ̀ è yaà tɔ̀ɔ̀nyaàŋ lɛ. Mìŋ nyɛnɛŋ maŋ keì maŋ mìŋ naŋ wùɔ̀ŋ maŋ.

Luùm 7:24

E zɔlɔ̀ gbiŋ fè kè jii miɛ̀ŋ sùà! Ɓòò nàŋ doim nàŋ joeyè e yìwìà ke kpùnaŋ yɛɛ̀ ke yèɛ doim nàŋ nyɛ̀nɛ̀ŋ ka fà lɛ?

1 Kɔliìŋ 8:7

Kɛɛ anyùùŋ nyaŋ gbiŋ nààŋ nyimààŋ è tɔɔɓaa lɛɛ̀. Aŋ dayà joo nyɛɛ̀ŋ àŋ naàŋ ɓɔlɛ̀ɛ̀ anyùùŋ nyaŋ bà nyiŋ è jèèsùà e teenga lɛɛ̀ pɛɛ sèè àŋ gbile e hòònɛ̀ŋ nɛ̀ŋje mààŋ tii, àŋ gongà nɔŋ kpɛ kɛ̀ è yaà e nɛ̀ŋjè dayà joo. E gòngo nyiŋ nɛ̀ naŋ yɔkpɔ̀, yèè è mɔɔnɛ̀ŋ nyiìŋ.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

Gàla 6:1

Wùìyaim nyàŋ, sèè wo nyùùŋ gbiŋ naŋ sɛ̀ɛ̀ ke gbàù maŋ kei naanààŋ sùà, nyɛ̀iŋ nyàŋ wo Jìnàŋ Nɛɛmaàŋ yaà sùà nyaŋ kɛ̀lɛɛìŋ wo nyùùŋ bi maŋjɛ̀wɛ e ɓɛ̀ɛ̀jàa sùà ke dòmàŋ tɔ̀ɔ̀nyaàaŋ diɛŋ. Kɛɛ yɛ̀mɛìŋ nyɛiŋ bi diɛŋ wèè niŋ go nàŋ sɛ̀ɛ̀ e wàà keì jùumù sùà.

Jìiiŋ 3:13

Ɓòò naŋ kɛ̀ɛ̀jii yèè wò jaa e keì jii e tɛɛiŋ? Tɔ̀ɔ̀ niŋ e yìwìà wɔŋ nyiiŋ gèe siaŋ mɔɔ̀ŋ sùà, yèè maŋ kpèè siaum màŋ mùŋ nyinìàŋ e jɔ̀ɔ̀lɔ dìì e yèɛ folo e jiikɛ̀ɛ sùà lɛ.

1Jɔ̀ɔŋ 3:21

Dàwi mànaim nyàŋ, sèè maŋ jii wi màŋ go wi jèè e keì, kɛ̀ e jùù naàŋ wi nyɛ̀nɛ̀ŋ wèè è doiŋ sìè wò Dayà fɛɛ̀feìŋ.