Luùm 14:21 - WƆŊ FƐ̀Ì EBÒ SÌÀŊ DAYÀA

²¹ È henàŋ nɔ̀ŋ tɛ̀ɛ̀ kɛ̀ ɓɔ̀ mùŋ gbìlà yilì, ɓɔ̀ mùŋ tìà màŋ juumuaŋ, ɔ̀ɔ̀ maŋ nyɛ̀nɛ̀ŋ e keì bà gbiŋ e yèɛ do nàŋ nyɛ̀nɛ̀ŋ wo wùìya mɔɔ̀ŋ bà wo ɓà ke dòmaŋ siaŋ yèè wo sɛ̀ɛ̀ maŋ jùumù sùà.

Luùm 14:21 ပူးပေါင်းရင်းမြစ်များ

Maafiù 13:21

Kɛɛ ke fè nyiŋ gè lè gùlò màŋ jiio sùà tɛ̀ɛ̀, kè nɔ̀ŋ nyìŋ nɔŋ maŋ jii wèè e teenga kpuu. Kpeiŋ sèè e keì nyìnga hnàŋ nɔŋ ɔ̀ɔ̀ sèè àŋ kɔ̀à e mɔ̀ɔ̀nɛ̀ŋ ke sàwà dìì esàɓù ke mìè Dayàa, àŋ nyiŋ gè kùàŋ dìì àŋ kɛ̀ɛ̀ maŋjɛ̀wɛ fiò.

Maafiù 16:23

Kɛɛ wo Jisɛ̀ naŋ kìlè yèè wò naŋ wòò wo Pììlɛ wààŋ, “Kɛ̀ɛ̀im maŋjɛ̀wɛ, Sɛ̀tanàaŋ! Ɓɔ̀ mùŋ kiliàim kùàŋ feìŋ. E gòngo mɔ̀ɛ̀ yiwià koɓɛ̀ Dayài, kɛɛ è yewe ke nyɛ̀nɛ̀ŋ nyuùnkpùuŋ sùà.”

Luùm 14:13

Weètii, hɔ̀ànè wiìŋ gbàì aŋ wùìya wi nyàŋ. Kɛɛ kɛ̀ɛ̀nɛɛ̀ŋ e gòngo wèè muŋ go nàŋ nyɛ̀nɛ̀ŋ aŋ wùìyaum nyàŋ aŋ ɓà ke dòmaŋ siaŋ ɔ̀ɔ̀ aŋ sɛ̀ɛ̀ maŋ jùumù sùà.

Luùm 14:17

E Kànà Dayàa e fè wèè è nɛ̀ŋje jèe yèè màŋ muàŋ tìa, kɛɛ è yaà wèè e tɔ̀ɔ̀nyaàŋ, ke jii fàa, yàà e zɔlɔ̀ e yèɛ wo Jìnàŋ Nɛɛmaàŋ kiɛ̀ŋ lɛ.

1 Kɔliìŋ 8:13

Wèètii, sèè e nɛ̀ŋje nyɛnɛŋ wo wùìya kùwìè e hààweɔ̀ sɛɛ̀ e jùumù sùà, kɛ̀ julɔfɔ miŋ naàŋ ɓɛìŋ gbìlè yilì, wèè miŋ go nàŋ nyɛ̀nɛ̀ŋ wo nyuùŋ kùwìè e hààweɔ̀ bà sɛ̀ɛ̀ jùumù sùà.

1 Kɔliìŋ 8:9

Kɛɛ yɛ̀mɛìŋ nyɛ̀iŋ bi diɛŋ, è gààŋ lɛɛ̀ ɓɔ̀ è nɔ̀ŋ esaɓù wèè wò nyùnɔ̀ɔŋ yèɔ naŋ yɔkpɔ̀ è hààweuŋ nɛ̀ sùà wɔ wo sɛ̀ɛ̀ maŋ jùumù sùà, esaɓù kɛ̀ nìŋ yaà nyaàŋ gè diɛiŋ wèè naŋ jè è nɛ̀ŋje gbiŋ lɛ̀.

Fèle 1:10

wèè kɛ̀ nìŋ naŋ ɓɛ̀nɛ̀ŋ tùàŋ maŋ nɔnɔŋ wèè naŋ nyimèè kɛ̀ kiìŋ nàŋ yaà e nɛ̀ŋ kɛnɛ. Tɛɛ̀ do nàŋ nyɛ̀nɛ̀ŋ naŋ nɔ̀ŋ sengei e kìlà e keì gbiŋ e naàìŋ nɔ̀ŋ ke ɗɔɔɛ̀ wo Jisɛ̀ Kulaì do nàŋ hnè lɛ.

Maŋ kèì nyɛɛnɛŋ 2:14

Kɛɛ tɛɛ̀ nìŋ naŋ nyɛ̀nɛ̀ŋ e gòim fɔ̀ɔ̀yɛ̀ jii. Nyɛ̀iŋ nààŋ bà nyiŋ naŋ dè e kàà Bàlaàŋ maŋjɛ̀wɛ, wo yèɔ naŋ kàà wo Balà, wo yèɔ naŋ dè wɔŋ duò tàà anyùùŋ Ezɔ̀ɛ̀ nyaŋ feìŋ, wo nyiŋ nyɛ̀nɛ̀ŋ aŋ nyɛ̀nɛ̀ŋ maŋ kèì jùumù, nààŋ wò naŋ nyiŋ nyɛ̀nɛ̀ŋ àŋ naŋ jè manɛ̀ŋ je saaà maŋ àŋ naŋ wa gììyè saaà koɓɛ̀ aŋ dayà joo, yèè àŋ naŋ gbèè e ɗèwè maŋ yɛɛ̀ naanààŋ nyɛ̀nɛŋ.