Luùm 14:2 - WƆŊ FƐ̀Ì EBÒ SÌÀŊ DAYÀA

² Anyùùŋ nyaŋ bà nyiŋ naŋ haawè kɛ̀ àŋ ɓɛ̀nɛ̀ŋ jè e nɛ̀ŋ gbiŋ, kɛɛ wo nyùnɔ̀ɔŋ yèɔ e hààweuŋ nɛ̀ gò nyìngàà sùà wɔ, jè nɔŋ manɛ̀ŋ jè ɓù.

Luùm 14:2 ပူးပေါင်းရင်းမြစ်များ

Luùm 14:1

Jaà aŋ wùìyaum nyàŋ kùàŋ dìì, aŋ yè nyaŋ e hààwe nyiŋ nɛ̀ gò nyìngàà sùà nyaŋ, kɛɛ nyɛ̀iŋ nyiŋ ɓɔ̀ nìŋ kpaane kpàànè wèè è gòngo joo nyiŋ nɛ̀ àŋ kuwa lɛ̀.

Luùm 14:14

Mìŋ naŋ tùlìè wo Kanaà Jisɛ̀ Kulaì jii, yèè wòim nyɛ̀nɛ̀ŋ kà nyìmàŋ kɛ̀ e nɛ̀ŋje gò zɛ̀nɛ̀ŋ bà gbiŋ fè wèè wò nyuùŋkpùuŋ. Kɛɛ sèè mùŋ gongà kɛ̀ manɛ̀ŋ je bà kòò màŋ yaào maŋ yè maŋ fè zɛ̀nɛŋ miŋ wèè jèe màŋ, kɛ̀ màŋ do nàŋ nɔ̀ŋ manɛ̀ŋ jè gbàŋ weèum.

Luùm 14:20

Ɓɔ̀ mùŋ dangè esàɓù è wànàŋ nɛ̀ŋjeɛ̀ mùŋ manaŋ lɛ̀ è do pɔ̀ɔ̀pɔ̀ɔ̀ è tòmoɛ̀ wò Dayà naŋ nyɛ̀nɛ̀ŋ lɛ. Wo nyùùŋ wò wɛ̀i ɓɛ̀nɛ̀ŋ jè manɛ̀ŋ je màŋ gbiŋ, kɛɛ è do nàŋ nɔ̀ŋ e keì ɓàa wèè maŋ jè e nɛ̀ŋje ɗewe gbiŋ e yèɛ do nàŋ nyɛ̀nɛ̀ŋ wo nyùùŋ ɓà ke dòmaŋ sìaŋ yèè wo sɛ̀ɛ̀ maŋ jùumù sùà.

Luùm 15:1

Yàwiiŋ nyàŋ e hààwe wilɛ̀ naŋ nyìngè sùà nyaŋ, è kuwa eiŋ kìɛ̀ŋ kpùùmaŋ koɓɛ̀ anyùùŋ nyaŋ e hààwe nyiŋ nɛ̀ gò nyìngà sùà nyaŋ. Ɓɔ̀ è nyɛ̀nɛ̀iŋ è keì è doiŋ fɔ̀ɔ̀yɛ̀ yàwi bi jii.

1 Kɔliìŋ 10:25

Nìŋ yaà e nyaàŋ gè diɛiŋ wèè naŋ gbìlà yilì gbiŋ e yìwìà e bòliɛ̀ sùà, e yèɛ niŋ fè tùàŋ màŋ nɔnɔŋ gbiŋ èsàɓù è gòngoiŋ nɛ̀ sùà.

1 Kɔliìŋ 8:9

Kɛɛ yɛ̀mɛìŋ nyɛ̀iŋ bi diɛŋ, è gààŋ lɛɛ̀ ɓɔ̀ è nɔ̀ŋ esaɓù wèè wò nyùnɔ̀ɔŋ yèɔ naŋ yɔkpɔ̀ è hààweuŋ nɛ̀ sùà wɔ wo sɛ̀ɛ̀ maŋ jùumù sùà, esaɓù kɛ̀ nìŋ yaà nyaàŋ gè diɛiŋ wèè naŋ jè è nɛ̀ŋje gbiŋ lɛ̀.

1 Kɔliìŋ 9:22

Sèè mìŋ nɔ̀ŋ anyùùŋ nyaŋ naŋ yɔkpɔ̀ e hààweɛ̀ sùà nyaŋ e tɛɛ, mìŋ yɔkpɔ̀ mààŋ wo bà, wèè ka nyiŋ hiàŋ koɓɛ̀ Dayài. Wèètii kà nɔ̀ŋ e nɛ̀ŋ gbiŋ koɓɛ̀ anyùùŋ nyaŋ gbiŋ, wèè miŋ joeyè aŋ bà nyiŋ e ɗeweɛ̀ gbiŋ mìŋ naŋ ɓɛnɛ̀ŋ lɛ sùà.

Gàla 2:12

Wo Pììlɛ, yaà anyuùŋ hààwè Kanaà Jisɛ̀ Kulaì nyaŋ anyùùŋ nyaŋ fè àŋ Juùù nyaŋ, jiiyà wa e nɛ̀ŋje koɓɛ̀ guùŋ, e jèèsùà wo Jìiiŋ tùàŋ aŋ Juùù hààwe nyàŋ bà. Wo Pììlɛ duɔŋ wa aŋ Juùù jàà kpùa nyàŋ, yèè yaà anyùùŋ nyaŋ fè àŋ Juùù nyaŋ naŋ hɔ̀ànè jììyà e nɛ̀ŋjè koɓɛ̀ guùŋ.

1Time 4:4

E nɛ̀ɛŋ gbiŋ wo Dayà naŋ banè lɛ è yaà tɛ̀ɛ̀, yèè ɓɔ̀ nìŋ dèmàŋ è nɛ̀ŋ gbiŋ, kɛɛ jàaiŋ niŋ kùàŋ dìì e zòòlò sɛ̀ gèe sùà.

Taitɔ̀ 1:15

Wo nyùnɔ̀ɔŋ gbiŋ zɛnɛŋ wɔ̀, manɛ̀ŋ maŋ gbiŋ zɛnɛŋ weèuŋ. Kɛɛ wo nyùnɔ̀ɔŋ fè zɛ̀nɛ̀ŋ yèè wo kuwà è hààwe wɔ, e nɛ̀uŋ gbiŋ fè zɛ̀nɛ̀ŋ ke jiiuŋ nɛɛ̀ŋ kànɛ̀ɛŋ yèè e gòngouŋ nɛ̀ gbiŋ è naŋ pɔɔpɔ̀ɔ̀.

Hiɓu 13:9

Ɓɔ̀ nìŋ nyimèè wèè ànyuùŋ joo àŋ doiŋ kàà màŋ keì joo, maŋ yè maŋ yà è gbà èɓìèmàŋjɛ̀wɛ̀ Èbò Siaàŋ. È yaà tɛ̀ɛ̀ wèè wo Dayà woiŋ kìɛ̀ŋ e gààŋ maŋ jiiŋ màŋ sùà e yìwìà e tɛ̀ɛ̀tɛ̀ɛ̀uŋ nɛ̀ sùà, kɛɛ e fè wèè naŋ nɔ̀ŋ kùwìè maŋ gbàŋ manɛ̀ŋ je. Yèè ngèè, manɛ̀ŋ je mɛɛ̀ŋ fè kai kpùùmàŋ ànyùùŋ nyaŋ jè mìŋ nyaŋ.

Hiɓu 9:10

Maŋ sàwà mɛɛ̀ŋ yaà nɔŋ wèè e kèè manɛ̀ŋ je yaà manɛ̀ŋ tìa, e kpùlìà maŋ langi màŋ e nyaàiŋ dè e ɗeweɛ̀ è guo yàwi bi lɛ̀, yaà maŋ langi e nyaàiŋ dè maŋ kpùnaŋ wi màŋ, e yèɛ yaà nɔŋ wèè e teenga kpuu e jèèsùà wo Dayà tɔ̀ɔ̀ e keì jɛ̀ì.