Luùm 14:18 - WƆŊ FƐ̀Ì EBÒ SÌÀŊ DAYÀA

¹⁸ Sèè mùŋ nɔ̀ŋ wo ɓɔìjɔ̀à wèè wo Jisɛ̀ Kulaì e ɗewe lɛɛ̀ sùà, wo Dayà do nàŋ kɛ̀ɛ̀nɛ̀ŋ ke jii fàa weèum, yèè anyuùŋ zimgbe doum nàŋ jàà kùàŋ dìì.

Luùm 14:18 ပူးပေါင်းရင်းမြစ်များ

Jɔ̀ɔŋ 12:26

Sèè nyɛ̀iŋ nààŋ bà gbiŋ nìŋ mɔnɔŋ wèè naŋ tomo weèim, kɛ̀ sɔɔ̀ naŋ dè ke kpèè siaŋ miɛ̀ŋ maŋjɛ̀wɛ. Kpeiŋ sèè mìŋ fà, koɓɛ̀i mìŋ do nàŋ nɔ̀ŋ lɛ, kuuŋ nɔŋ wo ɓɔìjɔ̀à miɔ̀ŋ wò do nàŋ nɔ̀ŋ. Wo Dèda miɔ̀ŋ do nàŋ dɛ̀ɛ̀kɛ̀ wo nyùnɔ̀ɔŋ gbiŋ tomàŋ weèim wɔ̀.”

Nyɛ̀nɛ̀ŋ 10:35

Anyùùŋ nyaŋ zoolà Dayà yèè àŋ nyɛnɛŋ e yèɛ yaà tɔ̀ɔ̀nyaàŋ lɛ, wo Dayà do nyiŋ nàŋ jàà kùàŋ dìì, wo gò kpɛɛ̀ŋ kɛ̀ kiìŋ wɔŋ fuɔŋ àŋ yewe.

Luùm 12:11

Ɓɔ̀ mùŋ nɔ̀ŋ wò nyuùŋ jɛ̀kɛ, kɛɛ tòmò tɛ̀ɛ̀. Zòòloò sɛmɛ e wùànàŋ gbee sùà e teenga gbiŋ wèè wo Jìnàŋ Nɛɛmaàŋ nɔ̀um maŋjɛ̀wɛ, e kìlà muŋ nɔ̀ŋ wo ɗo wèè wo Kanaà Dayà.

Luùm 14:4

Kiìŋ è tɔ̀ɔ̀nyaàŋ mùŋ kuwa wèè maŋ gbàì wo ɓɔìjɔ̀àa jè nyuùŋ joo? Wo kààmɔɔŋ nyiŋ nɔɔ̀ŋ nàŋ kɛɛ kiti sèè mààŋ àŋ yaà nyìnìè tɔ̀ɔ̀nyaàŋ, e kìlà wo Kanaà Dayà naŋ ɓɛ̀nɛ̀ŋ kɛ̀ɛ̀ e kiti nyiŋ nɛ̀ sèè mààŋ àŋ yaà nyinie tɛ̀ɛ̀ ɔ̀ɔ̀ àŋ fè nyinie tɛ̀ɛ̀.

Luùm 16:18

Anyùùŋ nyaŋ nyɛnɛŋ maŋ keì mɛɛ̀ŋ nyaŋ, aŋ gò kpɛɛ̀ŋ wèè aŋ tomo wèè wò Kana wiɔ̀ Jisɛ̀ Kulaì, àŋ naŋ nɔŋ kpɛɛ̀ŋ wèè nyiŋ bi. Maŋ mìè gbòa ɓuuyè nyiŋ màŋ zuwà anyuùŋ gò nyìmàŋ keì fèemàŋ nyaŋ.

Luùm 6:22

Niŋ fè ɓɛìŋ è gààŋ màŋ jùumù dìì, nàŋ naàŋ kìlà aŋ ɗo koɓɛ̀ Dayài. E nàfaiŋ nɛ̀ nàŋ yaà wɔŋ nyììŋ gè nɛɛmaŋ ko nɛ̀ɛ̀uŋ niìŋ, yèè e jìwààjɛ̀wɛ̀ɛ nàŋ yaà wɔŋ nyiiŋ gèe gò jùà.

1 Kɔliìŋ 7:22

Wo ɗoɔ̀ wo Kanaà naŋ nyààŋ wɔ, wò yaà wo nyuùŋ gè nyààŋ diɛŋ wèè Kanaà, e ɗèwè guùŋ bi sùà, wo nyùnɔ̀ɔŋ àŋ naŋ gè nyààŋ diɛŋ wèè wo ka, yèè wo Jisɛ̀ Kulaì naum nyààŋ wɔ wò yaà wo ɗo wèè Jisɛ̀ Kulaì.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

2 Kɔliìŋ 5:11

Èiŋ nyìmàŋ kɛ̀ kiìŋ nàŋ yaà e fasàìɛ wèè e jùù nɔ̀ŋ nyùùŋ kɔɔ sùà wèè Kanaà, wèètii è fɛɛ wèè eiŋ kpàà anyùùŋ ɗì wèè aŋ haawè. Wo Dayà wò wi nyìmàŋ è jùà jɛ̀wɛ̀ gbɛlɛiŋ. Mìŋ yààìŋ yɛ̀ɛ̀mɛ̀ dòmaŋ wèè naim nyìmàŋ maŋ jiiŋ màŋ sùà miàŋ pɛɛ.

2 Kɔliìŋ 5:9

Eɓìèmàŋjɛ̀wɛ̀ nɛ̀ŋ maŋ gbiŋ, è manaŋ wèè eiŋ nyɛ̀nɛ̀ŋ ke jiiuŋ nɛɛ̀ŋ ke fà lɛ. E pɛɛ nɔ̀ŋ maŋ gboo wi màŋ sùà ɔ̀ɔ̀ ko gbooì wò yaà lɛ.

2 Kɔliìŋ 6:4

Kɛɛ, e nɛ̀ŋ gbiŋ è naŋ nyɛ̀nɛ̀ŋ, è tɔɔ̀ kɛ̀ è yààìŋ aŋ ɓɔ̀ìjɔ̀à Dayà esàɓù maŋ keì nyìnga kà dìì ke jii jùa diɛŋ, maŋ mɔ̀ɔ̀nɛŋ, yèè maŋ nimilà.

2 Kɔliìŋ 8:21

Esaɓù wilɛ̀ nàŋ yaà wèè eiŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ, yèè e fè nɔ̀ŋ wèè kò fɛ̀ɛ̀fèìŋ Kanaà wuŋ guùŋ, sɔɔ̀ ko fɛ̀ɛ̀fèìŋ nyuùŋkpùuŋ nyàŋ nyiŋ pɛɛ.

Fèle 4:18

Wɔŋ fɛ̀ì ke sɛ̀ gèe miɔ̀ŋ wɛɛ̀ŋ, wèè manɛ̀ŋ maŋ gbiŋ nìŋ naim kiɛ̀ŋ maŋ, yèè manɛ̀ŋ bi naŋ gàŋ zimgbe. Ke jii miɛ̀ŋ naŋ fɔ̀ wèè manɛ̀ŋ maŋ gbiŋ nìŋ naŋ kìɛ̀ŋ wo Ɛ̀pàfoditɔ̀ wèè woim hiàŋ maŋ. Manɛ̀ŋ kìɛŋ mɛɛ̀ŋ, màŋ yaà mààŋ manɛ̀ŋ kɛnɛ àŋ naŋ gììyè saaà koɓɛ̀ Dayài.

Fèle 4:8

Ko diemeì wèè e yèɛ mìŋ yaà hinie ka woò lɛ, nyɛ̀iŋ nààŋ wùìyaim nyàŋ, jàaìŋ maŋ jiiiŋ màŋ maŋ keì mɛɛ̀ŋ maŋjɛ̀wɛ, e nɛ̀ɛŋ yaà e tɔ̀ɔ̀nyaàŋ lɛ, e yèɛ yaà e nɛ̀ŋ tɛ̀nɛŋ lɛ̀, e yèɛ yaà sengei lɛ̀, e yèɛ yaà nɛɛmaŋ lɛ̀, e yèɛ yaà e nɛ̀ŋ siaŋ lɛ̀, e yèɛ yaà e ɓɛ̀ɛ̀jàa lɛ̀, yèè e nɛ̀ɛŋ gbiŋ siaŋ tɛ̀nɛŋ lɛ̀.

Kòlo 3:24

Jàaìŋ jii kɛ̀ wo Kanaà Jisɛ̀ Kulaì doiŋ nàŋ kiɛ̀ŋ wèè e nɔ̀ŋ e jìwààjɛ̀wɛ̀ e yìwìà e yèɛ wò naŋ bànè hàa wèè anyunùuŋ nyàŋ lɛ sùà. Wo Jisɛ̀ nàŋ yaà wo Kɛ̀ɛ̀nɛŋ kɛnɛɔ̀ nìŋ jɔɔlɔ̀ dìì wɔ.

1Time 2:3

E zòòlo mààŋ tɛɛ̀ è yaà tɛ̀ɛ̀, yèè è fɔɔyɛ̀ wo Dayà wo Nyuùŋ Jòèye wiɔ̀ ke jii,

1Time 5:4

Kɛɛ sèè wo jɔ̀ùŋèèdààa kɛɛnɛ̀ŋ aŋ jɔ̀à ɔ̀ɔ̀ aŋ jɔ̀ɛ̀ɛ, aŋ jɔ̀à nyɛɛ̀ŋ aŋ yɛmɛ̀ e kèè anyuùŋ kòmaŋ nyiŋ nyàŋ dììo sùà jiɛ̀ kɛ̀ àŋ yaà toomo wèè Dayà. Tɛɛ̀ do nàŋ nɔ̀ŋ e jìwààjɛ̀wɛ̀ siaŋ e weè nyiŋ yèè tɛɛ̀ nàŋ fà wo Dayà jii.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

1Pììlɛ 2:20

Kiìŋ nàŋ yaà ke sɛ̀ gèeɛ̀, sèè nìŋ kuwo e ɓùla wèè maŋ kèì jùumù maŋ nìŋ naŋ nyɛ̀nɛ̀ŋ maŋ? Kɛɛ sèè naŋ tuwò tɛ̀ɛ̀, naŋ kùwà e keì nyìnga wèè e tɛ̀ɛ̀tɛ̀ɛ̀ɛ nìŋ naŋ nyɛ̀nɛ̀ŋ lɛ, wo Dayà doiŋ nàŋ fè keì sìàŋ weè niŋ.

1Pììlɛ 2:5

Hnaìŋ mààŋ maŋ duò gè nyiiŋ wo Dayà nyilìàiŋ ke saaŋ zòòlò Dayà wo jinàaŋ sùà, ko yèi nìŋ do nàŋ nɔ̀ŋ aŋ sìèfèìŋ e zòòlò nɛɛmaŋ wèè e tòmò Dayàa wèè maŋ saàà gèe wo Jìnàŋ Dayàa sùà maŋ yè maŋ wo Dayà jaa kùàŋ dìì esàɓù Jisɛ̀ Kulaì sùà maŋ.

1Pììlɛ 3:16

Nyɛ̀nɛìŋ tɛɛ̀ e tùwo siaŋ diɛŋ, yèè e ɓɛ̀ɛ̀jàa sùà. Yèè maŋ jiiŋ màŋ nɔ̀ŋ sengei wèè kɛ̀ sèè àŋ pɔɔ̀ìŋ ɓɛ̀ɛ, anyùùŋ nyaŋ gboo naanààŋ wèè maŋ tùwo siaŋ sìàiŋ màŋ wo Jisɛ̀ Kulaì sùà nyaŋ e sàngè do nyiŋ nàŋ nyɛ̀nɛ̀ŋ wèè e nɛ̀ɛŋ àŋ woà lɛ.