Luùm 14:13 - WƆŊ FƐ̀Ì EBÒ SÌÀŊ DAYÀA

¹³ Weètii, hɔ̀ànè wiìŋ gbàì aŋ wùìya wi nyàŋ. Kɛɛ kɛ̀ɛ̀nɛɛ̀ŋ e gòngo wèè muŋ go nàŋ nyɛ̀nɛ̀ŋ aŋ wùìyaum nyàŋ aŋ ɓà ke dòmaŋ siaŋ ɔ̀ɔ̀ aŋ sɛ̀ɛ̀ maŋ jùumù sùà.

Luùm 14:13 ပူးပေါင်းရင်းမြစ်များ

Maafiù 16:23

Kɛɛ wo Jisɛ̀ naŋ kìlè yèè wò naŋ wòò wo Pììlɛ wààŋ, “Kɛ̀ɛ̀im maŋjɛ̀wɛ, Sɛ̀tanàaŋ! Ɓɔ̀ mùŋ kiliàim kùàŋ feìŋ. E gòngo mɔ̀ɛ̀ yiwià koɓɛ̀ Dayài, kɛɛ è yewe ke nyɛ̀nɛ̀ŋ nyuùnkpùuŋ sùà.”

Maafiù 18:7

E ɗuunyaàŋ kòò è yaà ke dòmàŋ e keì nyìnga diɛŋ wèè e ɗeweɛ̀ è nyɛnɛŋ anyùùŋ aŋ nyɛ̀nɛ̀ŋ e keì naanààŋ lɛ. E nɛ̀ŋ kòò è yaào wèè e nyɛ̀nɛ̀ŋ anyùùŋ aŋ nyɛ̀nɛ̀ŋ e keì naanààŋ, kɛɛ wo nyùnɔ̀ɔŋ do nàŋ nyɛ̀nɛ̀ŋ e keì naanààŋ bi wɔ̀, wò do nàŋ nɔ̀ŋ ke dòmàŋ e keì nyìnga diɛŋ.

Maafiù 7:1

“Ɓɔ̀ nìŋ kilià è kiti ànyùùŋ diɛŋ, wèè kɛ̀ wo Dayà goiŋ nàŋ kìlìè kiti diɛŋ nyɛ̀iŋ pɛɛ.

Luù 12:57

Wo Jisɛ̀ naŋ ɓɛìŋ woò wààŋ, “Wèè kiìŋ niŋ fè gbaì wèè nyɛ̀iŋ bi wèè naŋ nyɛ̀nɛ̀ŋ è kèì tɔ̀ɔ̀nyaàaŋ?

Luù 17:2

È henàŋ nɔ̀ŋ tɛ̀ɛ̀ wèè aŋ sɛ̀ɛ̀ wo nyùnɔ̀ɔŋ ke duò gbee ke gbèìŋ auŋ gbìàŋ wɔŋ juwoɔ̀ sùà, e nɛ̀ɛŋ nyɛ̀nɛ̀ŋ wo nɔ̀ŋ esaɓù wèè wo tòloòjɔ̀à wɛɛ̀ bà guùŋ wo nyɛ̀nɛ̀ŋ e keì naanààŋ.

Luùm 11:9

Wo Dèèwe naŋ woò wààŋ, “Tɔ̀ aŋ sɛɛ̀ ke gbaù sùà maŋ ɗaa gèe nyiŋ màŋ diɛŋ. Tɔ̀ aŋ sɔ̀àà, tɔ̀ aŋ ka e keì nyìnga dìì.

Luùm 14:10

Wèè kiìŋ muàum yèɔ jè nɔŋ manɛ̀ŋ jè ɓù wɔ gbaì anyuùŋ hààwe dàwium nyàŋ? E kìlà, wèè kiìŋ muàum yèɔ jè e nɛ̀ŋje gbiŋ wɔ̀, niingà wo yèɔ fè niŋ jè wɔ fɛ̀ɛ̀? Ke ɗɔ̀ɔ̀ gbàiɛ̀ kòò kè yaà hinie yèè wo Dayà do nàŋ jɛ̀ì ke kpùà kanauŋ nɛɛ̀ŋ diɛŋ wèè wo gbàì yàwi nààŋ gbiŋ.

Luùm 14:3

Wo nyùnɔ̀ɔŋ jè e nɛ̀ŋje gbiŋ wɔ̀, ɓɔ̀ wò niingè wò dàwiuŋ nɔɔ̀ŋ fɛ̀ɛ̀ wèè è nɛ̀ŋjeɛ̀ wo fè jè lɛ, e kìlà wo nyùnɔ̀ɔŋ jè nɔŋ manɛ̀ŋ jè ɓù wɔ, ɓɔ̀ wò gbaì wò nyùnɔ̀ɔŋ jè è nɛ̀ŋje gbiŋ wɔ̀, esaɓù kɛ̀ wo Dayà jaa wo nyùùŋ gbiŋ kùàŋ dìì.

Luùm 14:4

Kiìŋ è tɔ̀ɔ̀nyaàŋ mùŋ kuwa wèè maŋ gbàì wo ɓɔìjɔ̀àa jè nyuùŋ joo? Wo kààmɔɔŋ nyiŋ nɔɔ̀ŋ nàŋ kɛɛ kiti sèè mààŋ àŋ yaà nyìnìè tɔ̀ɔ̀nyaàŋ, e kìlà wo Kanaà Dayà naŋ ɓɛ̀nɛ̀ŋ kɛ̀ɛ̀ e kiti nyiŋ nɛ̀ sèè mààŋ àŋ yaà nyinie tɛ̀ɛ̀ ɔ̀ɔ̀ àŋ fè nyinie tɛ̀ɛ̀.

Luùm 16:17

Mìŋ yààìŋ dàwè sùà, nyɛ̀iŋ nààŋ wùìyaim nyàŋ kɛ̀, jàaìŋ fɛ̀ɛ̀ dìì wèè anyùùŋ nyaŋ nyɛnɛŋ anyùùŋ aŋ gòònò e tɛɛ, yèè aŋ sùmìàŋ aŋ dàwi wèè e hààweɛ̀ nìŋ naŋ jàà kùàŋ dìì lɛ. Ɓɔ̀ nìŋ ka nyiŋ è tɛɛ!

1 Kɔliìŋ 10:32

Ɓɔ̀ mùŋ nyɛ̀nɛ̀ŋ wèè àŋ Juùù nyaŋ ɔ̀ɔ̀ ànyùùŋ nyaŋ fè àŋ Juùù nyaŋ ɔ̀ɔ̀ wò nyùùŋ gbiŋ kè gbòò ànyuùŋ hààwe nyàŋ sùà wèè aŋ sɛ̀ɛ̀ màŋ jùumù sùà.

1 Kɔliìŋ 11:13

Hàaìŋ e kiti wèè nyɛ̀iŋ bi sèè mààŋ è yaà tɛ̀ɛ̀ wèè wo jɔùŋ wo zoolò Dayà kò ɓài e yèɛ wo fè dèkà è ɗì lɛ.

2 Kɔliìŋ 5:14

E mànàŋ Jisɛ̀ Kulaì, nàŋ kilìà wì e kana ko diɛŋ wèè ka nyɛ̀nɛ̀ŋ e yèɛ gbiŋ yaà tɛ̀ɛ̀ lɛ, nààŋ è naiŋ jàà jii kɛ̀ wo fèlàà guùŋ naŋ fɔ̀ wèè anyùùŋ nyaŋ gbiŋ, e yèɛ naŋ tɔɔ̀ kɛ̀ wo nyùùŋ gbiŋ yaà e bàuŋbà wèè e fàa bi lɛ̀.

2 Kɔliìŋ 6:3

E manàŋ wèè nyùùŋ gbiŋ kùwìè kè jii kpàŋ wèè è tòmo wilɛ̀, wèètii è fɛɛ wèè e keì nyìnga bà go nàŋ dè wò nyùùŋ gbiŋ gòlò dòmaŋ.

Fèle 1:10

wèè kɛ̀ nìŋ naŋ ɓɛ̀nɛ̀ŋ tùàŋ maŋ nɔnɔŋ wèè naŋ nyimèè kɛ̀ kiìŋ nàŋ yaà e nɛ̀ŋ kɛnɛ. Tɛɛ̀ do nàŋ nyɛ̀nɛ̀ŋ naŋ nɔ̀ŋ sengei e kìlà e keì gbiŋ e naàìŋ nɔ̀ŋ ke ɗɔɔɛ̀ wo Jisɛ̀ Kulaì do nàŋ hnè lɛ.

1Time 5:14

Weètii mìŋ do naŋ mɔ̀nɔ̀ŋ aŋ jɔ̀ùnèèdàà bɔwɔ nyàŋ aŋ gè aŋ felaa, aŋ kòmàŋ aŋ jɔ̀à, yèè aŋ yɛ̀mɛ̀ maŋ kpoo nyiŋ màŋ diɛŋ, wèè aŋ go nàŋ kìɛ̀ŋ àŋ joo wi nyàŋ e ɗeweɛ̀ wèè àŋ do wòò màŋ keì naanààŋ è weè wi.

Jìiiŋ 2:4

Kɛ̀ nàŋ nyɛ̀nɛ̀ŋ naanààŋ, nàŋ hìàŋ e tɛɛ gòòno nyɛ̀iŋ bi e fèemàŋ e kìlà nàŋ nɔ̀ŋ mààŋ anyuùŋ hàà kiti naanààŋ.

Jìiiŋ 4:11

Ɓɔ̀ nìŋ woò màŋ keì naanààŋ àŋ dàwiiŋ nyàŋ dèè, nyɛ̀iŋ nààŋ wùìyaim nyàŋ. Wo nyùnɔ̀ɔŋ gbiŋ naŋ wòò e keì naanààŋ wo wùìyauŋ nɔɔ̀ŋ dèè ɔ̀ɔ̀ wouŋ gbààì e keì wɔ, wò nììngè ke sàwàa fɛ̀ɛ̀, e kìlà wò gbààè ke sàwàa e keì. Kɛɛ sèè mùŋ gbaaì ke sàwàa e keì, kɛ̀ muŋ fè ɓɛìŋ wò nyuùŋ jɔ̀ɔ̀lɔ̀ kè sàwàa dìì, mùŋ yaà naàŋ wo nyuùŋ gbààì ke sàwàa e keì.

1Jɔ̀ɔŋ 2:10

Sèè èiŋ mànàŋ aŋ wùìyà wi nyàŋ, kɛ̀ è yààìŋ e gbolòùŋ sùà, yèè e nɛ̀ŋ bà gbiŋ fè wì sùà wèè e nyɛ̀nɛ̀ŋ wò nyùùŋ do sɛ̀ɛ̀ màŋ jùumù sùà.

Maŋ kèì nyɛɛnɛŋ 2:14

Kɛɛ tɛɛ̀ nìŋ naŋ nyɛ̀nɛ̀ŋ e gòim fɔ̀ɔ̀yɛ̀ jii. Nyɛ̀iŋ nààŋ bà nyiŋ naŋ dè e kàà Bàlaàŋ maŋjɛ̀wɛ, wo yèɔ naŋ kàà wo Balà, wo yèɔ naŋ dè wɔŋ duò tàà anyùùŋ Ezɔ̀ɛ̀ nyaŋ feìŋ, wo nyiŋ nyɛ̀nɛ̀ŋ aŋ nyɛ̀nɛ̀ŋ maŋ kèì jùumù, nààŋ wò naŋ nyiŋ nyɛ̀nɛ̀ŋ àŋ naŋ jè manɛ̀ŋ je saaà maŋ àŋ naŋ wa gììyè saaà koɓɛ̀ aŋ dayà joo, yèè àŋ naŋ gbèè e ɗèwè maŋ yɛɛ̀ naanààŋ nyɛ̀nɛŋ.