Luùm 14:1 - WƆŊ FƐ̀Ì EBÒ SÌÀŊ DAYÀA

¹ Jaà aŋ wùìyaum nyàŋ kùàŋ dìì, aŋ yè nyaŋ e hààwe nyiŋ nɛ̀ gò nyìngàà sùà nyaŋ, kɛɛ nyɛ̀iŋ nyiŋ ɓɔ̀ nìŋ kpaane kpàànè wèè è gòngo joo nyiŋ nɛ̀ àŋ kuwa lɛ̀.

Luùm 14:1 ပူးပေါင်းရင်းမြစ်များ

Maafiù 12:20

Wo naàŋ nyìmè kè seìŋ fùngo, wo naàŋ nyìmè è laumpò kùwìè wɔ̀ŋ wikì kùwa bɔɔmììŋ. Wò do niŋ nàŋ jèè diɛŋ e jèèsùà e tɔ̀ɔ̀nyaàaŋ e jèè ko diɛìŋ,

Maafiù 14:31

Wo Jisɛ̀ naŋ kɔ̀ wò nauŋ kùwò fiò yèè wò nauŋ dawè wààŋ, “Felaa kùwìè hààwe jɔa wɛɛ̀! Wèè kiìŋ mùŋ naŋ hàà e hààwe mɔ̀ɛ̀ ɓula?”

Maafiù 18:10

“Ɓɔ̀ mùŋ jàà wò jɔ̀àkàiŋ jɔa wɛɛ̀ bà gbiŋ è keì keekèè. Miŋ woòum, aŋ màikà nyiŋ nyàŋ ko àìjɛnɛ̀ŋ àŋ yaà ko fɛ̀ɛ̀fèìŋ wo Dèda miɔ̀ŋ e teenga gbiŋ ko àìjɛnɛ̀ŋ. [

Luù 17:2

È henàŋ nɔ̀ŋ tɛ̀ɛ̀ wèè aŋ sɛ̀ɛ̀ wo nyùnɔ̀ɔŋ ke duò gbee ke gbèìŋ auŋ gbìàŋ wɔŋ juwoɔ̀ sùà, e nɛ̀ɛŋ nyɛ̀nɛ̀ŋ wo nɔ̀ŋ esaɓù wèè wo tòloòjɔ̀à wɛɛ̀ bà guùŋ wo nyɛ̀nɛ̀ŋ e keì naanààŋ.

Jɔ̀ɔŋ 13:20

Miŋ woòiŋ e tɔɔɓaaà kɛ̀, wo nyùnɔ̀ɔŋ gbiŋ jaa aŋ keelaim nyàŋ bà guùŋ kùàŋ dìì wɔ, wo nyùùŋ bi wòim jàà kùàŋ dìì miàŋ pɛɛ. Wo nyùnɔ̀ɔŋ gbiŋ jààìm kùàŋ dìì wɔ, wo nyùùŋ bi jàà wo nyùnɔ̀ɔŋ naim tùɔ̀ŋ wɔ kùàŋ dìì.”

Nyɛ̀nɛ̀ŋ 28:2

Anyùùŋ ziì joo nyàŋ joà wa koɓɛ̀ bi nyàŋ naŋ wi wa kpuumò. Nààŋ maŋ gɔ̀à maŋ naŋ wa tɔ̀ɔ̀tù sɔ̀àa yèè ke fòìɛ naŋ wa gàŋ, àŋ naŋ wa dììyè e hmɔ̀ɔ̀ŋ weè wi.

Luùm 11:15

Nààŋ wo Dayà naŋ wa gè anyùùŋ Ezɔ̀ɛ̀ nyaŋ kùàŋ dìì, anyuùŋ gbànaŋ nyaŋ gbiŋ e ɗuunyaàŋ aŋ yè nyaŋ yaà aŋ joo nyàŋ, naŋ kìlè yèè àŋ naŋ nɔ̀ŋ anyuùŋ mɔ̀ɔ̀nɔŋ koɓɛ̀ Dayài. Kiìŋ nàŋ do nàŋ kaaìŋ sèè wo Dayà jàà nyiìŋ kùàŋ dìì? Àŋ do nàŋ kɛ̀ɛ̀nɛ̀ŋ wɔŋ nyiiŋ gèe mààŋ anyuùŋ fàa nyàŋ naŋ kɛ̀ɛ̀ wɔŋ nyiiŋ gèe sùà.

Luùm 14:2

Anyùùŋ nyaŋ bà nyiŋ naŋ haawè kɛ̀ àŋ ɓɛ̀nɛ̀ŋ jè e nɛ̀ŋ gbiŋ, kɛɛ wo nyùnɔ̀ɔŋ yèɔ e hààweuŋ nɛ̀ gò nyìngàà sùà wɔ, jè nɔŋ manɛ̀ŋ jè ɓù.

Luùm 14:21

È henàŋ nɔ̀ŋ tɛ̀ɛ̀ kɛ̀ ɓɔ̀ mùŋ gbìlà yilì, ɓɔ̀ mùŋ tìà màŋ juumuaŋ, ɔ̀ɔ̀ maŋ nyɛ̀nɛ̀ŋ e keì bà gbiŋ e yèɛ do nàŋ nyɛ̀nɛ̀ŋ wo wùìya mɔɔ̀ŋ bà wo ɓà ke dòmaŋ siaŋ yèè wo sɛ̀ɛ̀ maŋ jùumù sùà.

Luùm 14:3

Wo nyùnɔ̀ɔŋ jè e nɛ̀ŋje gbiŋ wɔ̀, ɓɔ̀ wò niingè wò dàwiuŋ nɔɔ̀ŋ fɛ̀ɛ̀ wèè è nɛ̀ŋjeɛ̀ wo fè jè lɛ, e kìlà wo nyùnɔ̀ɔŋ jè nɔŋ manɛ̀ŋ jè ɓù wɔ, ɓɔ̀ wò gbaì wò nyùnɔ̀ɔŋ jè è nɛ̀ŋje gbiŋ wɔ̀, esaɓù kɛ̀ wo Dayà jaa wo nyùùŋ gbiŋ kùàŋ dìì.

Luùm 15:1

Yàwiiŋ nyàŋ e hààwe wilɛ̀ naŋ nyìngè sùà nyaŋ, è kuwa eiŋ kìɛ̀ŋ kpùùmaŋ koɓɛ̀ anyùùŋ nyaŋ e hààwe nyiŋ nɛ̀ gò nyìngà sùà nyaŋ. Ɓɔ̀ è nyɛ̀nɛ̀iŋ è keì è doiŋ fɔ̀ɔ̀yɛ̀ yàwi bi jii.

Luùm 15:7

Jàaìŋ aŋ dàwiiŋ nyàŋ kùàŋ dìì, kɛ̀ nàŋ jòòwò wo Dayà, màànààŋ wo Jisɛ̀ Kulaì naiŋ jàà kùàŋ dìì lɛ.

Luùm 4:19

Wo Eɓulɔɛɛ̀ŋ yaà wa naàŋ ebɛ̀ŋ maŋ doa hɔ̀nɔ̀ɔ̀ guùŋ. Kɛɛ e zɔ̀kpɔ̀ gòuŋ wa nyɛ̀nɛ̀ŋ wèè è hààweuŋ nɛ̀, jòòpɛɛ wò naŋ wa gongò koɓɛ̀ wuŋ biì kɛ̀ ke kpùnauŋ nɛɛ̀ŋ yaà wa naàŋ ebɛ̀ŋ fàa nyiŋ yèè wo jawèuŋ nɔɔ̀ŋ Sèèla fè wa wò jɔùŋ kòmaŋ.

1 Kɔliìŋ 9:22

Sèè mìŋ nɔ̀ŋ anyùùŋ nyaŋ naŋ yɔkpɔ̀ e hààweɛ̀ sùà nyaŋ e tɛɛ, mìŋ yɔkpɔ̀ mààŋ wo bà, wèè ka nyiŋ hiàŋ koɓɛ̀ Dayài. Wèètii kà nɔ̀ŋ e nɛ̀ŋ gbiŋ koɓɛ̀ anyùùŋ nyaŋ gbiŋ, wèè miŋ joeyè aŋ bà nyiŋ e ɗeweɛ̀ gbiŋ mìŋ naŋ ɓɛnɛ̀ŋ lɛ sùà.

Fèle 2:29

Jàa nùuŋ kùàŋ dìì e zɔlɔ̀ sùà, màànààŋ è naŋ tɛɛwɛ̀ wèè anyùùŋ nyaŋ naŋ hààwè Kanaà nyaŋ. Tɔ̀ɔìŋ anyùùŋ gbiŋ yaà mààŋ wuŋ nɛ̀ e ɓɛ̀ɛ̀jàa,

1Tɛsè 5:14

È yààìŋ pɔ̀wɔ sùà, wùìya wi nyàŋ, wèè naŋ fè anyuùŋ gànga wèè tòmo nyàŋ maŋ mìè gòo, niŋ sìà aŋ yè nyaŋ e jùù naŋ bìè nyɛ̀nɛŋ nyàŋ ke di, kpùùmaìŋ anyuùŋ nyaŋ manaŋ e kpùùmaŋ nyàŋ, kùwaìŋ jii wèè nyùùŋ gbiŋ.

Hiɓu 5:14

E nɛ̀ŋje nyìnga yaà wèè anyùùŋ nyaŋ naŋ kamàìŋ nyaŋ, esaɓù kɛ̀ àŋ nyìmàŋ e fèèmàŋ e tɔ̀ɔ̀nyaàŋ yaà e keì naanààŋ.

2Jɔ̀ɔŋ 1:10

Sèè wo nyùùŋ hnàŋ ko nɛ̀ɛ̀ŋ niìŋ wo gò hìàŋ è kàà kii bi, ɓɔ̀ nìŋ jàaùŋ kùàŋ dìì màŋ gbooiŋ màŋ sùà, ɓɔ̀ nìŋ zuumò wò nyùùŋ bi.