Luùm 13:8 - WƆŊ FƐ̀Ì EBÒ SÌÀŊ DAYÀA

⁸ Ɓɔ̀ mùŋ nɔ̀ŋ è kpàŋ dìì wèè è nɛ̀ŋ bà gbiŋ kòɓɛ̀ wò nyùùŋ, kɛɛ nɔ̀ŋ e kpàŋ dìì wèè muŋ mànàŋ aŋ dàwiim nyàŋ. Wo nyùnɔ̀ɔŋ gbiŋ nyɛnɛŋ tɛɛ̀ wɔ, wò jɔ̀ɔ̀lɔ̀ ke Sàwà Dayà dìì.

Luùm 13:8 ပူးပေါင်းရင်းမြစ်များ

Maafiù 7:12

“Tùwoìŋ tɛ̀ɛ̀ koɓɛ̀ anyuùŋ kpùuŋ dàwiiŋ nyàŋ màànààŋ nìŋ manaŋ wèè aiŋ tuwò lɛ. Tɛɛ̀ nàŋ yaà e fàsàì maŋ Sàwà Dayà maŋ yaà e yèɛ aŋ wɛ̀ijì nyaŋ naŋ wa kaà lɛ.

Jɔ̀ɔŋ 13:34

Yèè mìŋ yààìŋ naàŋ kìɛ̀ŋ sùà ke sàwà jɛi. Mànaìŋ aŋ dàwiiŋ nyàŋ màànààŋ nɔŋ mìŋ naiŋ wa mɔ̀nɔ̀ŋ lɛ.

Luùm 13:10

Sèè maŋ mànàŋ wo nyuùŋkpùuŋ dàwi mɔɔ̀ŋ, muŋ naàuŋ jàà è keì naanààŋ, sèè mùŋ nyɛnɛŋ tɛɛ̀, kɛ̀ màŋ jɔ̀ɔ̀lɔ̀ maŋ Sàwà Dayà maŋ dìì.

Luùm 13:7

Kpeiŋ, kìɛìŋ manɛ̀ŋ maŋ gbiŋ nìŋ kuwa e kpàŋ wèè naŋ kiɛ̀ŋ maŋ. Kìɛìŋ e nɛ̀ɛ̀nɛ̀ŋ fuɔŋ wèè manɛ̀ŋ kɛ̀ɛ̀nɛiŋ màŋ yaà manɛ̀ŋ bòliiŋ màŋ ko nɛ̀ɛ̀ŋ nyiŋ niìŋ. Jɔ̀ɔ̀lɔìŋ e kìlà niŋ kiɛ̀ŋ e ɓɛ̀ɛ̀jàa gbee koɓɛ̀ aŋ kana nyàŋ gbiŋ.

Gàla 5:14

Maŋ Sàwà maŋ gbiŋ màŋ yaà ke Sàwà guùŋ sùà. Ke Sàwà bi nàŋ yaà, “Manàŋ wo nyuùŋkpùuŋ dàwi mɔɔ̀ŋ màànààŋ mùŋ manaŋ muàŋ bi lɛ̀.”

Kòlo 3:14

E mànaŋ kuwa e sɛmɛmaŋ e nìàŋ e keì ɗewe gbiŋ. Tiŋ nàŋ jaanàŋ manɛ̀ŋ maŋ gbiŋ koɓɛ̀ guùŋ kpaŋ.

1Time 1:5

Esàɓù e keì wòo lɛɛ̀ nàŋ yaà, wèè maŋ kàà anyùùŋ wèè aŋ kɛ̀ɛ̀nɛ̀ŋ e mànaŋ kɛnɛɛ̀, e yèɛ naŋ fòlò ke jìì sengèì, e gòngo siaŋ, yèè e hààwè tɔ̀ɔ̀nyaàŋ sùà lɛ.

Jìiiŋ 2:8

Sèè tɔɔɓaa tiŋ naŋ jɔ̀ɔ̀lɔ̀ ke sàwà e Kànà Dayàa dìì màànààŋ wɔŋ fɛ̀ì Dayàa yaà woo lɛ̀, “Manàŋ wo nyuùŋkpùuŋ dàwi mɔɔ̀ŋ mààŋ muàŋ bi lɛ̀,” kɛ̀ màŋ nyɛ̀nɛ̀ŋ tɛ̀ɛ̀.

1Jɔ̀ɔŋ 3:10

E tɛɛ gòòno sengèìɛ e fèèmàŋ aŋ jɔ̀à Dayà nyaŋ yèè anyùùŋ màŋjɛ̀wɛ̀ Sɛ̀tanàŋ nyaŋ nàŋ yaà, aŋ yè nyaŋ nyɛnɛŋ e yèɛ yaà tɔ̀ɔ̀nyaàŋ lɛ, nyiŋ nàŋ yaà aŋ jɔ̀à Dayà nyaŋ, yèè aŋ yè nyaŋ manàŋ àŋ wùìya nyiŋ nyàŋ lɛ naŋ yaà anyùùŋ màŋjɛ̀wɛ̀ Sɛ̀tanàŋ nyaŋ.