Luùm 13:7 - WƆŊ FƐ̀Ì EBÒ SÌÀŊ DAYÀA

⁷ Kpeiŋ, kìɛìŋ manɛ̀ŋ maŋ gbiŋ nìŋ kuwa e kpàŋ wèè naŋ kiɛ̀ŋ maŋ. Kìɛìŋ e nɛ̀ɛ̀nɛ̀ŋ fuɔŋ wèè manɛ̀ŋ kɛ̀ɛ̀nɛiŋ màŋ yaà manɛ̀ŋ bòliiŋ màŋ ko nɛ̀ɛ̀ŋ nyiŋ niìŋ. Jɔ̀ɔ̀lɔìŋ e kìlà niŋ kiɛ̀ŋ e ɓɛ̀ɛ̀jàa gbee koɓɛ̀ aŋ kana nyàŋ gbiŋ.

Luùm 13:7 ပူးပေါင်းရင်းမြစ်များ

Maafiù 17:25

Wo Pììlɛ naŋ nyiŋ fasàì wààŋ, “Hɛ̀ɛɛ̀ŋ, wò paawà nìŋ.” E teengaà wo Pììlɛ naŋ jɔ̀ ko saaìŋ lɛ, wò Jisɛ̀ nauŋ dawè wààŋ, “Saimɔ̀ŋ, kiìŋ nàŋ yaà e gòngo mɔ̀ɛ̀? Aŋ kànà ɗuunyaŋ lɛɛ̀ gè e nɛ̀ɛ̀nɛ̀ŋ fuɔŋ anyùùŋ nyiŋ bi nyàŋ sìwè, ɔ̀ɔ̀ àŋ gè nìŋ anyùùŋ fuɔŋ joo sìwè?”

Maafiù 22:21

Aŋ naŋ fasàì nyààŋ, “Wo Kanaà Siisɔ̀.” Kpeiŋ wo Jisɛ̀ naŋ nyiŋ woò wààŋ, “Kìɛ̀ŋ koɓɛ̀ wo Kanaà Siisɔ̀ e nɛ̀ɛŋ wò kanaŋ lɛ̀, yèè muŋ kiɛ̀ŋ wo Dayà e nɛ̀ɛŋ wò kanaŋ lɛ̀.”

Luù 20:22

Wòò wi, ke sàwà naŋ wi gè nyààŋ diɛŋ wèè eiŋ pààwà e nɛ̀ɛ̀nɛ̀ŋ fuɔŋ koɓɛ̀ Siisɔ̀i, wo Kànà Fùɔ̀ŋ anyùùŋ Luùm nyaŋ ɔ̀ɔ̀ ɓɔ̀ è paawàiŋ nìŋ?”

Luù 20:25

Kpeiŋ wo Jisɛ̀ naŋ nyiŋ woò wààŋ, “Kìɛ̀ŋ koɓɛ̀ Siisɔ̀i, wo Kànà Fùɔ̀ŋ anyùùŋ Luùm nyaŋ e nɛ̀ɛŋ wò kanaŋ lɛ̀, yèè niŋ kiɛ̀ŋ wo Dayà e nɛ̀ɛŋ wò kanaŋ lɛ̀.”

Luù 23:2

Yèè àŋ nauŋ tɔ̀ɔ̀tù e keì jàà ɗì nyààŋ, “È naiŋ kùwò wo felaa wɛɛ̀ wò yaà dè sùà anyuùŋ wi nyàŋ ke dòmaŋ naanààŋ diɛŋ. Wò naŋ nyiŋ woò wààŋ kɛ̀ ɓɔ̀ àŋ paawà è nɛ̀ɛ̀nɛ̀ŋ fuɔŋ kòɓɛ̀ Siisɔ̀i, wo Kànà anyùùŋ fùɔ̀ŋ Luùm nyaŋ. Wò naŋ ɓɛìŋ ɓèmè wuŋ bi wèè wo nɔ̀ŋ wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo kana wiɔ̀.”

Luùm 12:10

Mànaìŋ aŋ dàwi tɛ̀ɛ̀ mààŋ aŋ wùìyà ke kpòò guùŋ. Yèè nɔ̀iŋ e wùànàŋ sùà wèè niŋ tɔɔ̀ e ɓɛ̀ɛ̀jàa koɓɛ̀ aŋ dàwiiŋ nyàŋ.

Luùm 13:6

Esaɓùɛ lɛɛ̀ mùŋ kuwa maŋ kìɛ̀ŋ e nɛ̀ɛ̀nɛ̀ŋ fuɔŋ. Aŋ kànà fuɔŋ nyàŋ àŋ yaà aŋ ɓɔ̀ìjɔ̀à Dayà, yèè è yaà e kpààŋ kɔɔ nyiŋ wèè aŋ nyɛ̀nɛ̀ŋ maŋ tòmo mɛɛ̀ŋ.

Ɛfesɔ̀ 5:33

Kɛɛ è yaà wèè nyɛ̀iŋ pɛɛ, wo fèlàà jɔùŋ gbiŋ sɔɔ̀ maŋ mànàŋ wò jawè mɔɔ̀ŋ màànààŋ nɔŋ mùŋ manaŋ muàŋ bi lɛ̀, yèè wo jɔ̀ùŋ felaa gbiŋ sɔɔ̀ wo kùwìè è ɓɛ̀ɛ̀jàa è wèè fanuuŋ nɔɔ̀ŋ.

Ɛfesɔ̀ 6:5

Ɗo nyàŋ, e kɔɔiŋ nɛ̀ jèlà kpàkpà e jùù sùà wèè niŋ jɔɔlɔ̀ aŋ kɛ̀ɛ̀nɛiŋ nyàŋ dìì, yèè niŋ nyinìàŋ niŋ ke jìì guùŋ, mààŋ nìŋ yaà nyinie wèè Jisɛ̀ Kulaì lɛ.

1Time 5:13

Àŋ gbeà e ɗèwè teenga nyiŋ nɛ̀ pɔ̀ɔ nààŋ àŋ kilià maŋ saaŋ dìì, kɛɛ e yèɛ naŋ tii nìè lɛ nàŋ yaà, àŋ gbeà ɗèwe anyuùŋ fìèfie yèè àŋ yaà anyuùŋ sìà woya anyùùŋ fèemàŋ, e kìlà àŋ yaà wòò maŋ keì maŋ fè màŋ keì wòo nyiŋ màŋ.

1Time 5:17

Aŋ màmàŋkùmɛŋ nyàŋ tomàŋ tɛ̀ɛ̀ mààŋ aŋ sìèfeìŋ nyaŋ, jàaìŋ nyiŋ kùàŋ dìì e dɛ̀ɛ̀kɛ sùà wèè aŋ yɛmɛ̀ e jìwààjɛ̀wɛ̀ gbee, ɓɔɔɓɔɔ ngèè aŋ yè nyàŋ tomàŋ nyìnga ko gbùùyè ke mìè Dayàa yèè àŋ kaà nyìŋ nyaŋ.

1Time 6:1

Aŋ yè nyaŋ yaà dìkia nyiŋ e ɗo dìì nyaŋ, aŋ dɛɛkɛ̀ aŋ kana nyiŋ nyàŋ e ɓɛ̀ɛ̀jàa ɗewe gbiŋ sùà, e wèè wo nyùùŋ bà go nàŋ wòò e keì naanààŋ è dèè Dayàa diɛŋ yaà e kàa kii wilɛ̀.

1Pììlɛ 3:7

Sèè mùŋ nɔ̀ŋ wo felaa kùwìè jɔùŋ, kùwiè e gòngo wèè jawè mɔɔ̀ŋ. Kùwiàuŋ e ɓɛ̀ɛ̀jàa, esaɓù màŋ nyìngà sùà màuŋ nìàŋ yèè wò yaà bàuŋbà wèè e tɛ̀ɛ̀tɛ̀ɛ̀ wɔŋ nyiiŋ gèeɔ̀ wo Dayà naiŋ kiɛ̀ŋ wɔŋ. Nyɛ̀nɛìŋ tɛɛ̀ wèè e nɛ̀ŋ gbiŋ go nàŋ kèèwè è zòòloiŋ nɛ̀ feìŋ.