Luùm 12:9 - WƆŊ FƐ̀Ì EBÒ SÌÀŊ DAYÀA

⁹ Manàŋ aŋ dàwium nyàŋ, e tɔ̀ɔ̀nyaàŋ sùà. Wuàŋ e keì naanààŋ nyɛ̀nɛŋ, dìkià muàŋ bi koɓɛ̀ e keì sìàŋ nyɛ̀nɛŋ.

Luùm 12:9 ပူးပေါင်းရင်းမြစ်များ

Maafiù 26:49

Kpeiŋ nààŋ wo Juɗà nao nɔŋ haì fa, wò naŋ kɔ̀ koɓɛ̀ Jisɛ̀i yèè wò naŋ woò wààŋ, “Ke jii fàa nɔ̀ŋ ko nɛ̀ɛ̀ŋ muìŋ, Kààmɔɔŋ!” Yèè wò nauŋ kpuuwò.

Jɔ̀ɔŋ 12:6

E gò tɔɔ̀ kɛ̀ wò Judà naŋ wa kpɛɛ̀ŋ wèè ànyuùŋ pɔ̀ɔ nyàŋ. Wò naŋ wa tɛɛ̀ woò esaɓù kɛ̀ wuŋ nàŋ hewa kɛ̀ɛ̀nɛ̀ŋ e sùlò nɛɛnɛɛ̀ŋ, yèè e teenga bà wò heo wa hòà kùàŋ woo gè e nɛɛnɛɛ̀ŋ bà wèè wuŋ bi.

Nyɛ̀nɛ̀ŋ 11:23

Ke jii naŋ wa fɔ̀ wo Bànaŋɓà nààŋ wò nao wa haì yèè wò naŋ yɛ̀mɛ̀ e ɗeweɛ̀ wo Dayà naŋ wa kpùùmò anyùùŋ nyaŋ lɛ̀. Kpeiŋ wò naŋ nyiŋ dawè wèè aŋ kɛɛnɛ̀ŋ maŋ jii nyingè e kìlà aŋ jeè e hààwe yaà e tɔ̀ɔ̀nyaàŋ maŋ jii nyiŋ màŋ sùà koɓɛ̀ wo Kanaà.

2 Kɔliìŋ 6:6

E gòiŋ nyɛ̀nɛ̀ŋ kèì sàngè, yèè è naŋ kùwìè jiikɛ̀ɛ, è naŋ kùwò jii, e kìlà è naŋ nyɛ̀nɛ̀ŋ keì sìàŋ. Wo Jìnàŋ Dayàa naŋ wi nɔ̀ŋ maŋjɛ̀wɛ, yèè e mànaŋ wilɛ̀ naŋ nɔ̀ŋ e kɛnɛ niŋ,

2 Kɔliìŋ 8:8

Miŋ fè hàa sùà màŋ sàwà. Kɛɛ sèè mìŋ nɔ̀ŋ tɔ̀ɔ sùà e ɗeweɛ̀ anyùuŋ bà e wùànàŋ kpùùmaŋ yaà nyiìŋ nɛ, mìŋ yaà fɛ̀ɛ sùà wèè kaiŋ tùàŋ maŋ nɔnɔŋ wèè ka nyìmàŋ kɛ̀ dièsɔa nyɛ̀iŋ bi e mànaiŋ nɛ̀ è yaà.

1Tɛsè 2:3

Ke jii nyingèɛ è naiŋ kiɛ̀ŋ wèè naŋ kìlà koɓɛ̀ Dayài lɛ e gò nyɛ̀nɛ̀ŋ è keì ɓàa ɔ̀ɔ̀ e niŋ nyɛ̀nɛ̀ŋ è gòngo kùwà ninaŋ sùà, e kìlà e gòiŋ fɛ̀ɛ wèè e zùwò nyùùŋ gbiŋ.

1Tɛsè 5:15

Ɓɔ̀ nìŋ yɛmɛ̀ wò nyùùŋ gbiŋ wèè wo gììyà è kpàŋ keì naanààŋ wò dawiuŋ nɔɔ̀ŋ, kɛɛ e teenga gbiŋ sùà e gòngoiŋ nɛ̀ nɔ̀ŋ wèè naŋ nyìnìàŋ keì sìàŋ e fèemàŋ, yèè naŋ niŋ nyɛ̀nɛ̀ŋ koɓɛ̀ nyùùŋ gbiŋ.

1Tɛsè 5:21

E nɛ̀ŋ gbiŋ sɔɔ̀ naŋ niŋ tùàŋ maŋ nɔnɔŋ, e yèɛ siaŋ lɛ̀ naŋ niŋ ɓemè

1Time 1:5

Esàɓù e keì wòo lɛɛ̀ nàŋ yaà, wèè maŋ kàà anyùùŋ wèè aŋ kɛ̀ɛ̀nɛ̀ŋ e mànaŋ kɛnɛɛ̀, e yèɛ naŋ fòlò ke jìì sengèì, e gòngo siaŋ, yèè e hààwè tɔ̀ɔ̀nyaàŋ sùà lɛ.

Hiɓu 1:9

Mùŋ manaŋ wèè maŋ yɛ̀mɛ̀ anyùùŋ aŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ, yèè mùŋ naŋ wùɔ̀ŋ wèè maŋ yɛ̀mɛ̀ anyùùŋ aŋ nyɛ̀nɛ̀ŋ maŋ kpèè naanààŋ. Esaɓùɛ lɛɛ̀ miàim wo Dayà mɔɔ̀ŋ wo yèɔ mùŋ zoolà wɔ naum tàeɗùù, e kìlà kàum kìɛ̀ŋ ɓɛ̀ɛ̀jàa e yèɛ do nyɛ̀nɛ̀ŋ e zɔlɔ̀ zimgbe eum nɔ̀ŋ e nìàŋ e yèɛ mìŋ naŋ kìɛ̀ŋ aŋ dàwium nyàŋ lɛ.”

Hiɓu 12:14

Kàmeìŋ ɗewe niŋ nyiniàŋ maŋ nyiiŋ gèeiŋ màŋ ke jii fàa sùà anyùùŋ nyaŋ gbiŋ e fèemàŋ, yèè niŋ nyiniàŋ maŋ nyiiŋ gèeiŋ màŋ nɛɛmaŋ sùà, esaɓù kɛ̀ wo nyùùŋ gbiŋ naàŋ yɛ̀mɛ̀ wò Kanaà sèè wò go niŋ nyɛ̀nɛ̀ŋ.

Jìiiŋ 3:17

Kɛɛ e jiikɛ̀ɛɛ̀ yewe wo Dayà sìwè lɛ e jiɛ̀jiɛ̀ɛ nàŋ yaà, è yaà sengei yèè è manaŋ ke jii fàa, è kuwìà nyùùŋ le siwè sìàŋ, è kuwa mɔ̀ɔ̀nɔŋ, è naŋ dìè ke nyowo yèè è hiàŋ maŋ tùwo siaŋ sìàŋ, e fè nyangè yèè e gò gbɛ̀ɛ̀ è kàaɓì kɔɔ.

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

1Pììlɛ 4:8

Eɓìèmàŋjɛ̀wɛ̀ tii gbiŋ, kùwieìŋ e mànaŋ tiwìtiwì wèè aŋ dàwiiŋ nyàŋ e fèfoo, e mànaŋ ɓuwo maŋ jùumù zimgbe.