Luùm 12:7 - WƆŊ FƐ̀Ì EBÒ SÌÀŊ DAYÀA

⁷ Sèè mààŋ è kuwa eiŋ tomo wèè aŋ dàwi wi nyàŋ, tòmò wiìŋ weè nyiŋ. Sèè mààŋ è kuwa eiŋ kàà aŋ dàwi wi nyàŋ, kàaà wììŋ nyiŋ.

Luùm 12:7 ပူးပေါင်းရင်းမြစ်များ

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Jɔ̀ɔŋ 3:2

Wɔŋ dùùm guùŋ wò naŋ wa kɔ̀ koɓɛ̀i wo Jisɛ̀ joà lɛ yèè wò nauŋ woò wààŋ, “Kààmɔɔŋ, èiŋ nyìmàŋ kɛ̀ wo Dayà naum tùɔ̀ŋ ko nɛ̀ɛ̀ŋ wiì wèè maŋ wi kàà e ɗèwè ke dòmauŋ nɛɛ̀ŋ dè diɛŋ. Esaɓù kɛ̀, sèè wo Dayà goum weè nɔ̀ŋ maŋjɛ̀wɛ, muŋ fè weè ɓɛ̀nɛ̀ŋ nyɛ̀nɛ̀ŋ màŋ kèè mèè mɛɛ̀ŋ mùŋ nyɛnɛŋ yaà maŋ.”

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

Nyɛ̀nɛ̀ŋ 20:20

Miŋ gò wa gè màŋhɛɛ wèè kaiŋ woò ɔ̀ɔ̀ kaiŋ kaà màŋ gbooiŋ màŋ sùà, wèè è nɛ̀ɛŋ gbiŋ naŋ ɓɛ̀nɛ̀ŋ nɔ̀ŋ è kpùùmaŋ kò nɛ̀ɛ̀iŋ niìŋ lɛ.

Nyɛ̀nɛ̀ŋ 20:28

Weètii yɛ̀mɛìŋ nyɛ̀iŋ bi diɛŋ e kpùlìà anyùùŋ nyaŋ kinɛiŋ wo Jìnàŋ Nɛɛmaàŋ naŋ gbìɛ̀ŋ e gaàiŋ nɛ̀ dìì nyaŋ. Nɔ̀iŋ mààŋ anyuùŋ tùnìàŋ aŋ ɓaawaa wèè ke gbòò anyuùŋ hààwè Dayà nyaŋ. Nyiŋ nàŋ yaà aŋ yè nyaŋ wò naŋ jàà e ɓula wèè wuŋ bi e yìwìà maŋ sɛ̀ìŋ wo Jɔ̀àfèlàà wuŋ biɔ̀ sùà.

Nyɛ̀nɛ̀ŋ 6:1

Nààŋ e teenga bà naŋ mààŋ, ke gbòò anyùùŋ màŋjɛ̀wɛ̀ nyaŋ naŋ kùùnò dɛ̀kɛ̀ sùà. Aŋ bà nyiŋ yewe wa maŋ fuɔŋ joo e kìlà e Guliì mie nɔŋ àŋ hewa gbòà, kɛɛ aŋ zimgbe nyiŋ hewa jòò wɔŋ fùɔ̀ŋ Ezɔ̀ɛ̀ɔ sùà e kìlà àŋ hewa gbòà e Hiɓulù mie. Aŋ yè nyaŋ gboo wa e Guliì mieɛ̀ nyaŋ, naŋ kìɛ̀ŋ e zàwè aŋ yè nyaŋ gboo e Hiɓulù mieɛ̀ nyaŋ, koɓɛ̀ aŋ keela tàeɗùù nyaŋ. Aŋ Juùù gbòà Guliì mie nyàŋ naŋ woò nyààŋ aŋ Hiɓulù nyuuŋ nyàŋ gboo wɔŋ kàìŋ nyiŋ biɔ̀ nyaŋ yaà wa nyìnìè e kèì fɛɛ̀ nìngè koɓɛ̀ aŋ jɔ̀ùnèèdàà nyiŋ nyàŋ e kèè e tòmò nɛɛnɛŋ gòònoɛ̀ sùà ke ɗɔɔ gbiŋ.

1 Kɔliìŋ 12:28

Wo Dayà naŋ tà anyùùŋ maŋ ɗùù, ke gbòò anyuùŋ hààwe nyàŋ sùà. Aŋ jiɛ̀jiɛ̀ nyaŋ, naŋ yaà aŋ keela tàeɗùù nyaŋ. Aŋ dìà tìyèei nyàŋ, aŋ wɛ̀ijì nyaŋ. Aŋ dìà taai nyàŋ, aŋ kààmɔɔŋ. Aŋ yè nyaŋ nyɛnɛŋ maŋ tòmò gaàŋ gbeegbèè nyaàiŋ dè maŋ kèì mèè nyɛ̀nɛŋ. Aŋ gbànaŋ nyàŋ nàŋ yaà, aŋ yè nyaŋ wò naŋ kìɛ̀ŋ e gààŋ wèè aŋ sùngà anyùùŋ, ɔ̀ɔ̀ aŋ kpùùmàŋ anyùùŋ ɔ̀ɔ̀ aŋ nyiŋ dè ke dòmaŋ siaŋ diɛŋ, ɔ̀ɔ̀ wèè aŋ gbùùyà maŋ kaìŋ joo sùà.

1 Kɔliìŋ 12:5

Maŋ tòmo kii màŋ gbiŋ yaà gbàgbà, kɛɛ wo Kànà guùŋ wɛɛ̀ nɔŋ àŋ tomàŋ.

1 Kɔliìŋ 14:26

Nyɛiŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ tiŋ tɛɛ̀. Sèè nìŋ deenàŋ wèè zòòlo, wo nyùùŋ guùŋ nɔ̀o wò kuwa wɔŋ nùŋ wèè dàa, wo bàa kuwa e kàa wèè wo kaà, wo bà kuwa ebò dààne e yìwìà Dayà sìwè, wo bà kuwa ke miè gbìaŋ maŋ kaìŋ joo sùà, yèè wo nyùùŋ gɔ̀ì maŋ kaìŋ joo bi sùà nɔ̀o. Tii gbiŋ e nɔ̀ŋ kpùùmaŋ koɓɛ̀ ke gbòò anyuùŋ hààwe nyàŋ.

Gàla 6:6

Sèè wo nyùùŋ gbiŋ naiŋ kàà ke mìè gbìàŋ Dayàa, kìɛìŋ e nɛ̀ŋ siaàŋ gbiŋ nìŋ kuwa lɛ̀ e bà, koɓɛ̀ wo nyùnɔ̀ɔ̀ŋ naiŋ kaà wɔ.

Ɛfesɔ̀ 4:11

Yèè wuŋ naŋ “fè anyùùŋ maŋ kìɛŋ.” Wò naŋ tà aŋ bà nyiŋ ke ɗùù wèè aŋ nɔ̀ŋ aŋ keela tàeɗùù, aŋ bà nyiŋ wèè aŋ nɔ̀ŋ aŋ wɛ̀ijì, aŋ bà nyiŋ nɔ̀ŋ anyuùŋ fè ke mìè seì wèè Dayà, aŋ bà nyiŋ nɔ̀ŋ anyuùŋ gbòà ke mìè Dayà, yèè aŋ bà nyiŋ nɔ̀ŋ aŋ kààmɔɔŋ.

Kòlo 4:17

Wòoìŋ wo Àchipɔ̀ nààŋ, “Nyɛnɛ̀ŋ niŋ è kpàŋ è kɔɔum muŋ kpɛɛyɛ̀ e tòmoɛ̀ wo Kanaà naum wa kiɛ̀ŋ wèè maŋ nyɛ̀nɛ̀ŋ lɛ.”

1Time 2:7

yèè wèètii wo Dayà naim tùɔ̀ŋ wèè ka nɔ̀ŋ wo keela tàeɗùùuŋ nɔɔ̀ŋ bà, yèè wo kààmɔɔŋ koɓɛ̀ anyùùŋ nyaŋ fè àŋ Juùù nyaŋ, wèè ka dàànè ebò ke mìè gbìaŋ e hààwe yaà e tɔ̀ɔ̀nyaàaŋ. Miŋ fè tòaà sùà, mìŋ yààìŋ wòò sùà e tɔ̀ɔ̀nyaàaŋ.

1Time 3:2

Wo sìèfèìŋ anyuùŋ hààwe nyàŋ, kuwa wo nɔ̀ŋ wo nyùnɔ̀ɔ̀ŋ kuwà è tɔ̀mɛ wɔ̀. Wo nɔ̀ŋ nyuùŋ kɛ̀ɛ̀nɛ̀ŋ wo jɔ̀ùŋ guùŋ, ɓɔ̀ wò nɔ̀ŋ wò nyuùŋ tìà mùàŋ, wo yɛmɛ̀ wuŋ bi diɛŋ, yèè wo nɔ̀ŋ ke jii fàa sùà. Wo nɔ̀ŋ nyuùŋ jàà aŋ nyùnèènyɛiŋ kùàŋ dìì ko gboouŋ noo, e kìlà wo nyìmàŋ e ɗèwè kàa.

1Time 4:16

Yɛ̀mɛ̀ muaŋ bi diɛŋ, yèè e nɛ̀ɛŋ mùŋ kaà anyùùŋ nyaŋ lɛ̀ diɛŋ. Jèèe ko nyìnìè maŋ keì mɛɛ̀ŋ, efefoo sèè mùŋ nyɛ̀nɛ̀ŋ miìŋ, mùŋ do nàŋ jòèyè muaŋ bi yèè aŋ yè nyaŋ gbiŋ mùŋ naŋ kàa nyaŋ.

1Time 5:17

Aŋ màmàŋkùmɛŋ nyàŋ tomàŋ tɛ̀ɛ̀ mààŋ aŋ sìèfeìŋ nyaŋ, jàaìŋ nyiŋ kùàŋ dìì e dɛ̀ɛ̀kɛ sùà wèè aŋ yɛmɛ̀ e jìwààjɛ̀wɛ̀ gbee, ɓɔɔɓɔɔ ngèè aŋ yè nyàŋ tomàŋ nyìnga ko gbùùyè ke mìè Dayàa yèè àŋ kaà nyìŋ nyaŋ.

2Time 2:2

E yèɛ mùŋ naim kumìè mìŋ naŋ kaà ko fɛ̀ɛ̀fèìŋ aŋ seì zimgbe lɛ̀, kàà niŋ anyuùŋ tùlìà jii aŋ yè nyaŋ do nàŋ ɓɛnɛ̀ŋ wèè aŋ kàà anyuùŋ joo lɛ̀.

2Time 2:24

Nààŋ mùŋ yaà wo ɓɔ̀ìjɔ̀à wèè wo Kanaà Jisɛ̀ Kulaì lɛ, ɓɔ̀ mùŋ nyɛ̀nɛ̀ŋ è nyaàŋ tàaŋ. Mùŋ kuwa maŋ nɔ̀ŋ tɛ̀ɛ̀ koɓɛ̀ nyùùŋ gbiŋ, yèè maŋ nɔ̀ŋ wo kààmɔ̀ɔ̀ŋ ke jii tɔumtɔ̀ùm,

2Time 4:2

wèè maŋ wòò ke miè gbìaàŋ. Jèèe nyiŋ woo sèè pɛɛ è naŋ nɔ̀ŋ e teenga kɛnɛɛ̀ ɔ̀ɔ̀ è go nɔ̀ŋ è teenga kɛnɛɛ̀ diɛŋ, wèè maŋ de anyùùŋ ke dòmàŋ diɛŋ, maŋ nyiŋ kìɛ̀ŋ mìè gòo, yèè maŋ nyiŋ kìɛ̀ŋ maŋ jii nyingè, nààŋ mùŋ kaà nyiìŋ maŋ jii tɔumtɔ̀ùm sùà lɛ.