Luùm 12:6 - WƆŊ FƐ̀Ì EBÒ SÌÀŊ DAYÀA

⁶ Wo Dayà naŋ ɓɛìŋ kìɛ̀ŋ yàwi nààŋ bà guùŋ gbiŋ maŋ kìɛŋ gbàgbà, wèè eiŋ miŋ toomò. Sèè mààŋ e kìɛŋ mɔ̀ɛ̀ nàŋ yaà wèè maŋ gbòà ke mìè Dayàa, è kuwa eiŋ niŋ nyɛ̀nɛ̀ŋ màànààŋ e hààwe wilɛ̀ yaà lɛ.

Luùm 12:6 ပူးပေါင်းရင်းမြစ်များ

Maafiù 23:34

Tɔ̀ miŋ woòiŋ kɛ̀ esaɓùɛ lɛɛ̀ mìŋ doiŋ nàŋ tùɔ̀ŋ aŋ wɛ̀ijì, anyuùŋ kɛ̀ɛ̀nɛ̀ŋ jiikɛ̀ɛ yaà aŋ kààmɔɔŋ aŋ yè nyaŋ doiŋ nàŋ kàà ke miè gbìaŋ miɛ̀ŋ. Nìŋ do nàŋ jìwìè aŋ bà nyiŋ wɔŋ vànèkpaaà diɛŋ ɔ̀ɔ̀ naŋ naŋ nyiŋ jìwà e ɗewe kii joo bà sùà. Nìŋ do nàŋ ɓùlò aŋ bà nyiŋ maŋ sààŋ zòòlò aŋ Juùù nyaŋ dìì, e kìlà nìŋ do nyiŋ nàŋ nyìmè naŋ nyiŋ gè maŋ jawa gbeegbèè maŋ gbiŋ sùà.

Maafiù 25:22

Kpeiŋ, wo ɓɔìjɔ̀àa àŋ naŋ wa kìɛ̀ŋ e pàtaà tààsùùŋ tìyèeɛ̀ wɔ naŋ niŋ hiɛ̀ŋ e hààwè e tààsùùŋ tìyèeɛ̀ wò naŋ yɛmɛ̀ e geenìŋ sùà lɛ. Yèè wò naŋ woò wààŋ, ‘Kààmɔɔŋ, mùŋ naim mɛ̀iŋ kìɛ̀ŋ e pàtaà tààsùùŋ tìyèe, kɛɛ mìŋ naŋ yɛ̀mɛ̀ e gèènìŋ e tààsùùŋ tìyèe ɓɛìŋ.’

Luù 11:49

E wèè esaɓù lɛɛ̀, wo Dayà wo yèɔ kuwa jiikɛ̀ɛ wɔ̀ naŋ woò wààŋ, ‘Mìŋ do nyiŋ nàŋ tùɔ̀ŋ aŋ wɛ̀ijì yèè aŋ keela. Àŋ do nàŋ jìwè aŋ bà nyiŋ e kìlà aŋ jàà aŋ bà nyiŋ e keì nyìnga.’

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

Nyɛ̀nɛ̀ŋ 15:32

Aŋ wɛ̀ìjì tìyèe nyàŋ, wo Juɗà yèè wo Silà, naŋ wa gbòò anyuùŋ hààwe nyàŋ kɔɔ wèè e teenga mùnlaŋ wèè kɛ̀ aŋ kɛɛnɛ̀ŋ maŋ jii nyingè yèè e gààŋ.

Nyɛ̀nɛ̀ŋ 2:17

Wo Dayà naŋ woò wààŋ, ‘Tɛɛ̀ mìŋ do nàŋ nyɛ̀nɛ̀ŋ maŋ ɗɔɔ dìàmaŋ màŋ sùà; mìŋ do nàŋ tùɔ̀ŋ wo Jinàŋ miɔ̀ŋ anyuùŋ kpùuŋ nyàŋ gbiŋ maŋjɛ̀wɛ. Aŋ jɔ̀àfelaaiŋ nyàŋ yaà aŋ jɔ̀à jɔùnùiŋ nyàŋ do nàŋ wòò anyùùŋ maŋ miè gbìaim màŋ. Aŋ kɔmɔŋjɔa bɔwɔiŋ nyàŋ do nàŋ gò gɔ̀à e jɛ̀ì, e kìlà anyuùŋ kàìŋ nyaŋ e tɛɛiŋ do nàŋ gò maŋ gɔa.

Nyɛ̀nɛ̀ŋ 21:9

Wo Felè kuwa wa aŋ jɔ̀àjɔ̀ùŋ tiinàŋ aŋ yè nyaŋ yaà wa aŋ jɔ̀ùŋ jɔ̀à bɛ̀ɛ̀, àŋ hewa gbòà ke mìè Dayàa koɓɛ̀ anyùùŋ.

Luùm 1:11

Mìŋ yaà e wùànàŋ sùà wèè kaiŋ yɛmɛ̀ e kìlà wèè kaiŋ kìɛ̀ŋ e kìɛɛ̀ŋ wo Jìnàŋ Dayàa naim kiɛ̀ŋ lɛ, wèè e hààweiŋ nɛ̀ e nyìngàà sùà.

Luùm 12:3

Kà nyìmàŋ kɛ̀ wo Dayà naim kìɛ̀ŋ e tɛ̀ɛ̀tɛ̀ɛ̀uŋ nɛ̀ zimgbe, yèè weètii tɔ̀ miŋ woò nyɛ̀iŋ nààŋ bà guùŋ gbiŋ kɛ̀, ɓɔ̀ mùŋ ɓemè muàŋ bi gbee è do nìàŋ è ɗeweɛ̀ mùŋ yaà lɛ, tiŋ zà muŋ fè yɛi. Tòòmoò e gòngo siaŋ yèè muŋ gbaì muàŋ bi e nyaàiŋ dè e hààweɛ̀ wo Dayà naum kiɛ̀ŋ lɛ.

1 Kɔliìŋ 12:18

Kɛɛ nààŋ è yaà yɛi le, wo Dayà naŋ gbìɛ̀ŋ manɛ̀ŋ è kɔɔ gbàgbà ke kpùnàŋ guùŋ sùà nààŋ wò manaŋ wa wèè e nɔ̀ŋ lɛ.

1 Kɔliìŋ 13:2

Kà wɛ̀i weè pɛɛ kuwìè e kìɛŋ wèè ka gbòà mààŋ wo wɛ̀ijì, ka kùwìè e jiikɛ̀ɛ wèè e nɛ̀ŋ gbiŋ nyìmaŋ, e kìlà ka jàà ke gbùnu gbiŋ jii, ka wɛ̀i pɛɛ kùwìè e hààweɛ̀ gbiŋ mìŋ manaŋ wèè ka gè wɔŋ toò e dìì, kɛɛ sèè miŋ gò kùwìè è mànaŋ, miŋ fè nɛ̀ŋ gbiŋ.

1 Kɔliìŋ 14:1

Kpeiŋ kɛ̀ e mànaŋ nàŋ yaà e nɛ̀ɛŋ wèè naŋ kamè. Maŋ kìɛ̀ŋ Jìnàŋ Dayàa maŋ nɔ̀iŋ jii, kaka ngèè e kìɛ̀ŋ ke mìè gbìàŋ aŋ wɛ̀ijì nyaŋ.

1 Kɔliìŋ 14:24

Kɛɛ sèè anyùùŋ nyaŋ gbiŋ nɔ̀ŋ wòò ke mìè gbìàŋ Dayàa sèè anyuùŋ gò kùwìè è hààwe nyàŋ bà ɔ̀ɔ̀ anyuùŋ joo aŋ jɔ̀à, àŋ do nàŋ fè maŋ jùumù nyiŋ màŋ jɛwɛ aŋ gbeè, esàɓù e nɛ̀ɛŋ àŋ komo lɛ̀. E nɛ̀ɛŋ àŋ komo lɛ̀ do nyiŋ nàŋ tùɔ̀ŋ maŋ nɔnɔŋ,

1 Kɔliìŋ 14:29

Aŋ wɛ̀ìjì tìyèe ɔ̀ɔ̀ taai aŋ yè nyaŋ wo Dayà naŋ fè ke miè gbìauŋ nɛɛ̀ŋ nyaŋ aŋ gbòà, anyuùŋ gbànaŋ nyàŋ aŋ tùàŋ e nɛ̀ŋ wòo nyiŋ nɛ̀ maŋ nɔnɔŋ.

1 Kɔliìŋ 3:5

Ɓòò kai, nàŋ yaà wo Àpolò? Yèè ɓòò nàŋ yaà wo Pɔɔ̀? È yaà nɔŋ aŋ ɓɔ̀ìjɔ̀à Dayà aŋ yè nyaŋ naiŋ tɔ̀ɔ̀ ke dòmaàŋ wèè naŋ kùwìè e hààweɛ̀ nyaŋ. Yàwi tìyèe, wo nyùùŋ gbiŋ yaà nyìnìè e tòmoɛ̀ wo Dayà nauŋ fè wèè wo nyɛ̀nɛ̀ŋ lɛ.

1 Kɔliìŋ 7:7

Tɔɔɓaa mìŋ naŋ weè mɔ̀nɔ̀ŋ wèè nyɛ̀iŋ nààŋ gbiŋ naŋ nɔ̀ŋ màànààŋ mìŋ yaà wo kpào lɛ̀, kɛɛ wo nyùùŋ gbiŋ kuwa e kìɛŋ titi e yìwìà wo Dayà sìwè, wo nyùùŋ guùŋ e kìɛŋ lɛɛ̀, wo bàa e kìɛŋ lii.

2 Kɔliìŋ 8:12

Sèè e wùànàŋ e kìɛŋ è nɔ̀ìŋ, wo Dayà do nàŋ jàà e kìɛiŋ nɛ̀ kùàŋ dìì e yìwìà e yèɛ nìŋ kuwa wèè naŋ kiɛ̀ŋ lɛ sùà, e fè wèè è yèɛ fèìŋ sìwè lɛ.

Ɛfesɔ̀ 3:5

Wo nyùùŋ gbiŋ nyimààŋ wa kè gbùnu yɛɛ̀, e jèèsùà wo Jìnàŋ Nɛɛmaàŋ naŋ ɓàà ke gbùnu bi koɓɛ̀ aŋ keela tàeɗùù nɛɛmauŋ nyàŋ yaà aŋ wɛ̀ijìuŋ nyàŋ.

Ɛfesɔ̀ 4:11

Yèè wuŋ naŋ “fè anyùùŋ maŋ kìɛŋ.” Wò naŋ tà aŋ bà nyiŋ ke ɗùù wèè aŋ nɔ̀ŋ aŋ keela tàeɗùù, aŋ bà nyiŋ wèè aŋ nɔ̀ŋ aŋ wɛ̀ijì, aŋ bà nyiŋ nɔ̀ŋ anyuùŋ fè ke mìè seì wèè Dayà, aŋ bà nyiŋ nɔ̀ŋ anyuùŋ gbòà ke mìè Dayà, yèè aŋ bà nyiŋ nɔ̀ŋ aŋ kààmɔɔŋ.

Fèle 3:15

Yàwi nààŋ gbiŋ naiŋ kamàìŋ maŋ nyiiŋ gèe wi màŋ sùà nààŋ è yààìŋ anyuùŋ hààwe nyàŋ, kuwa eiŋ kɛ̀ɛ̀nɛ̀ŋ e gòngo mààŋ tɛɛ̀. Kɛɛ sèè nyɛ̀iŋ nààŋ bà guùŋ kɛɛnɛ̀ŋ e gòngo joo bà, wo Dayà do niŋ nàŋ nyɛ̀nɛ̀ŋ e nɔ̀ŋ janjai ko nɛ̀ɛ̀ŋ muìŋ.

1Tɛsè 5:20

Ɓɔ̀ nìŋ niingè kè mìè gbìàŋ wɛ̀ijì è fɛ̀ɛ̀.

2Pììlɛ 1:20

Tɛɛ̀ gbiŋ sùà, jàaìŋ jii kɛ̀ yàwi nyɛɛ̀ŋ bà gbiŋ e fèiŋ ɓɛ̀nɛ̀ŋ fàsàì è mìè nyààŋ àŋ wɛ̀ijì nyaŋ wɔ̀ŋ fɛ̀ì Dayàa sùà è gààŋ yàwi bi lɛ̀ sùà.