Luùm 12:3 - WƆŊ FƐ̀Ì EBÒ SÌÀŊ DAYÀA

³ Kà nyìmàŋ kɛ̀ wo Dayà naim kìɛ̀ŋ e tɛ̀ɛ̀tɛ̀ɛ̀uŋ nɛ̀ zimgbe, yèè weètii tɔ̀ miŋ woò nyɛ̀iŋ nààŋ bà guùŋ gbiŋ kɛ̀, ɓɔ̀ mùŋ ɓemè muàŋ bi gbee è do nìàŋ è ɗeweɛ̀ mùŋ yaà lɛ, tiŋ zà muŋ fè yɛi. Tòòmoò e gòngo siaŋ yèè muŋ gbaì muàŋ bi e nyaàiŋ dè e hààweɛ̀ wo Dayà naum kiɛ̀ŋ lɛ.

Luùm 12:3 ပူးပေါင်းရင်းမြစ်များ

Luù 18:11

Wo Fɛlosiìɔ naŋ kɔ̀ wo sie fauŋ wɔŋ kùàŋ wùùŋ mauŋ yèè wò naŋ zoolò wààŋ, ‘Dayà, mìŋ naum gè sɛ̀, esaɓù kɛ̀ mìŋ fè nyɛ̀nɛ̀ŋ è wànàŋ gbiŋ, miŋ fè e kàaɓì, miŋ fè nyɛ̀nɛ̀ŋ hmɔŋtu mààŋ ànyuùŋ gbànaŋ nyàŋ nyɛnɛŋ lɛ̀. Mìŋ naum gè sɛ̀ miŋ fè mààŋ wò nyuùŋ kùwà è nɛ̀ɛ̀nɛ̀ŋ fuɔŋ gò kɛɛnɛ̀ŋ hààwe wii kuii.

Jɔ̀ɔŋ 3:34

Wo nyùnɔ̀ɔŋ wo Dayà naŋ tùɔ̀ŋ wɔ naŋ wòò ke mìè gbìàŋ Dayàa. E fèfoo wo Dayà naŋ nyɛ̀nɛ̀ŋ wo Jinàuŋ nɔɔ̀ŋ wo nɔ̀ŋ wo nyùùŋ bi diɛŋ.

Luùm 1:5

Wo Dayà naim tàeɗùù yèè wò naim kìɛ̀ŋ e tòmoɛ̀ wèè ka nɔ̀ŋ wo keela. Wò naŋ wa tɛɛ̀ nyɛ̀nɛ̀ŋ esàɓù Jisɛ̀ Kulaìɛ sùà, wo yèɔ wò naŋ tàeɗùù wèè wo joeyè e ɗuunyaàŋ wɔ, wèè kɛ̀ anyùùŋ nyaŋ gbiŋ e ɗuunyaàŋ aŋ kɛɛnɛ̀ŋ hààwe e kìlà aŋ jɔɔlɔ̀uŋ dìì, sèè àŋ haawà ke miè gbìaŋ miɛ̀ŋ e nyaàiŋ euŋ dè.

Luùm 11:20

Tɛɛ̀ è yaà tɔɔɓaa. Wo Dayà naŋ nyiŋ wa jàà e ɓula esàɓù e hààwe gò kɛɛnɛ̀ŋ nyiŋ nɛ̀, yèè mùŋ jaa naàŋ ko jɛ̀i nyiŋ niìŋ, esaɓù kɛ̀ mùŋ kuwa e hààwe. Ɓɔ̀ mùŋ ɓemè muàŋ bi gbee weè niŋ, kɛɛ e jùù e nɔ̀um.

Luùm 11:25

Wùìyaim nyàŋ, miŋ manàŋ wèè nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, naŋ ɓèmè nyɛ̀iŋ bi gbee. Weètii mìŋ doiŋ nàŋ kpìnìè ke gbùnuɛ̀, wèè e nɛ̀ɛŋ naŋ kààìŋ koɓɛ̀ anyùùŋ Ezɔ̀ɛ̀ nyaŋ lɛ̀. Aŋ bà nyiŋ naŋ wa nyìngè ɗì yèè àŋ naŋ gè maŋhɛɛ wèè aŋ kɛɛnɛ̀ŋ hààwe, e ɗì nyinge nyiŋ bi naàŋ yɛi jeè, kɛɛ yɛi àŋ do nàŋ jeè, e jèèsùà ke gbòò anyùùŋ nyaŋ fè àŋ Juùù nyaŋ, ke yèɛ wo Dayà tàeɗùù yɛ, ke hnàŋ ko nɛ̀ɛ̀uŋ niìŋ e Kanauŋ nɛ̀ sùà.

Luùm 12:16

Nɔ̀ŋ wo nyuùŋ mɔ̀ɔ̀nɔŋ koɓɛ̀ anyùùŋ nyaŋ gbiŋ. Ɓɔ̀ mùŋ ɓemè muàŋ bi gbee yèè ɓɔ̀ mùŋ gongò kɛ̀ màŋ nyìmàŋ e nɛ̀ŋ e nìàŋ anyuùŋ gbànaŋ nyàŋ. Dèèyeè muàŋ bi koɓɛ̀ anyuùŋ gò kɛ̀ɛ̀nɛ̀ŋ nɛ̀ŋ nyaŋ.

1 Kɔliìŋ 15:10

Kɛ̀ɛ̀ esàɓù e kèì sìàŋ Dayàa sùà, mìŋ yaà naàŋ wo nyùnɔ̀ɔŋ mìŋ yaà wɔ, yèè e kìɛɛ̀ŋ wò naim kiɛ̀ŋ lɛ e gò nɔ̀ŋ wèè foo. Wɔŋ fàa bàa, mìŋ naŋ tomo nyìnga e nìàŋ aŋ keela tàeɗùù gbànaŋ nyàŋ bà gbiŋ, jòòpɛɛ e gò guùŋ nɔ̀ŋ kè nyɛ̀nɛ̀ŋ miàŋ bi sùà, sɔɔ̀ e kìɛ̀ŋ Dayàa yèɛ yààìm maŋjɛ̀wɛ lɛ̀.

1 Kɔliìŋ 3:10

E yìwìà e keì sìàaŋ Dayà naim kiɛ̀ŋ lɛ, mìŋ naŋ niŋ toomò yèè mìŋ naŋ nyɛ̀nɛ̀ŋ e tòmò wo kààmɔ̀ɔ̀ŋ e nyɛ̀lɛ, mìŋ naŋ tɔ̀ɔ̀tù ke saaŋ nyɛ̀lɛ, yèè wo nyùuŋ bà kòò wò yaà nyiìŋ nyilie. Wo nyùùŋ gbiŋ yɛ̀mɛ̀ muàŋ bi diɛŋ wèè e ɗeweɛ̀ mùŋ nyɛlɛ lɛ̀.

1 Kɔliìŋ 7:17

Nyɛ̀iŋ nyɛɛ̀ŋ bà gbiŋ kuwa wèè naŋ nɔ̀ŋ wɔŋ nyiiŋ gèeɔ̀ sùà e yìwìà e kìɛum mɛ̀ wo Kanaà naum kiɛ̀ŋ lɛ sùà, màànààŋ nɔŋ mùŋ yaà wa paŋgàà wo Dayà naum nyààŋ lɛ. Ke sàwà yɛɛ̀ mìŋ kaà koɓɛ̀ ke gbòò anyuùŋ hààwe nyàŋ maŋ saaŋ zòòlò Dayà maŋ dìì.

2 Kɔliìŋ 10:13

E wèè yàwi, e ɗewe gbiŋ, maŋ nyongà kɛ̀ɛ wi màŋ fè gɛ̀ɛ̀ kò dìa titi miŋ niìŋ, màŋ do nàŋ dìè koɓɛ̀ e tòmo wilɛ̀ wo Dayà naŋ wi kiɛ̀ŋ lɛ, yèè e tòmo bi naŋ kpùlìè e tòmo wilɛ̀ e tɛɛiŋ.

2 Kɔliìŋ 12:13

Dièsɔa mìŋ naiŋ nyɛ̀nɛ̀ŋ naanààŋ e nìàŋ ke gbòò anyuùŋ hààwe nyàŋ, ɓàà zà miŋ gòiŋ kpɛɛ̀ŋ wèè è kpùùmàŋ nɛɛnɛŋ? Kɔ̀nɛɛ̀ŋ jùùya nìim hakɛ̀ wèè miŋ gò nɔ̀ŋ tɔ̀ɔ̀nyaàŋ kò nɛ̀ɛ̀ŋ niìŋ wèètii lɛ̀!

2 Kɔliìŋ 12:7

E wèè miŋ go nàŋ ɓèmè miàŋ bi gbee zimgbe esàɓù maŋ kèì mèè gbeegbèè zimgbe màŋ mìŋ naŋ wa yɛmɛ̀ maŋ, mìŋ naŋ wa kɔ̀ e keì nyìnga dìì ke kpùnaŋ miɛ̀ŋ sùà, nààŋ wo Sɛ̀tanàaŋ naŋ wa tùɔ̀ŋ wo keelauŋ nɔɔ̀ŋ wèè woim ɓùlà, e kìlà woim nyɛ̀nɛ̀ŋ ka dèèyè miàŋ bi e kìlà ka jɔɔlɔ̀.

Gàla 6:3

Sèè naŋ gongò kɛ̀ nìŋ yaà tɛ̀ɛ̀ e nìàŋ anyuùŋ joo, e yèɛ zà tɔɔɓaa e fè yɛi lɛ̀, kɛ̀ nàŋ zùwò nyɛ̀iŋ bi.

Ɛfesɔ̀ 3:2

Tɔɔɓaa kà haawè nàŋ kòmàŋ kɛ̀ wo Dayà, e yìwìà e tɛ̀ɛ̀tɛ̀ɛ̀uŋ nɛ̀uŋ nɛ̀ sùà wò naim kìɛ̀ŋ e tòmo lɛɛ̀ wèè ka niŋ nyɛ̀nɛ̀ŋ e nɔ̀ŋ kpùùmaŋ e weèiŋ.

Ɛfesɔ̀ 3:4

Sèè nìŋ do nàŋ kpɛ̀nɛ̀ŋ e nɛ̀ɛŋ mìŋ naŋ sìngè lɛ, nìŋ do kai nàŋ nyìmè e ɗeweɛ̀ mìŋ naŋ jàà e kèè ke gbùnù Jisɛ̀ Kulaìɛ jii lɛ̀.

Ɛfesɔ̀ 4:16

E yìwìà e gaàuŋ nɛ̀ dìì, manɛ̀ŋ è kɔ̀ɔ̀ ke kpùnaàŋ gbiŋ màŋ naŋ ɓɛ̀ɛ̀nɛ̀ŋ koɓɛ̀ guùŋ. Yèè maŋ sunosuno màŋ wo Jisɛ̀ Kulaì naŋ fè ke kpùnaàŋ sùà maŋ, naŋ jàànè ke kpùnaàŋ gbiŋ koɓɛ̀ guùŋ. Wèètii sèè e nɛ̀ŋ è kɔ̀ɔ̀ ke kpùnaàŋ bà gbiŋ nyɛnɛŋ e tòmo nyiŋ nɛ̀ nààŋ è kanaŋ lɛ̀, ke kpùnaàŋ gbiŋ kè dɛɛ̀ ke nyɛ̀nɛ̀ŋ kiŋ bi ke nyìngà sùà esàɓù e mànaŋ.

Fèle 2:13

esaɓù kɛ̀ wo Dayà kòò wò yààìŋ tòòmò sùà, wèè woiŋ nyɛ̀nɛ̀ŋ naŋ nyimèè yèè naŋ ɓɛnɛ̀ŋ wèè nauŋ jɔ̀ɔ̀lɔ̀ dìì.

Kòlo 1:29

Wèè ka nyɛ̀nɛ̀ŋ tɛɛ̀ e hɛɛnɛ̀ŋ, mìŋ naŋ tomo nyìnga, yèè mìŋ naŋ tòòmò e gaàŋ gbeeɛ̀ wo Jisɛ̀ Kulaì naim kiɛ̀ŋ è toomàìm ko sùà lɛ.

Kòlo 2:13

E tèèngà guùŋ bà è yaà mààŋ nìŋ naŋ fɔ̀ wo jinàaŋ sùà ko fɛ̀ɛ̀fèìŋ Dayài esàɓù maŋ keì naanààiŋ màŋ, yèè aŋ gòiŋ wa jàà kpùa e kìlà niŋ fè wa ànyùùŋ Dayà aŋ yè nyaŋ kuwà màŋ sàwà maŋ nyàŋ. Kɛɛ wo Dayà wòiŋ naàŋ hìàŋ koɓɛ̀ wɔŋ nyiiŋ gèe wo Jisɛ̀ Kulaì sùà, nààŋ wò naŋ wi jùùyè hakɛ̀ wèè maŋ jùumù wi màŋ gbiŋ.

1Time 1:14

E kìlà wo Kanaà Jisɛ̀ naim gɔ̀àà e tɛ̀ɛ̀tɛ̀ɛ̀ gò kɛ̀ɛ̀nɛ̀ŋ dià zimgbeuŋ nɛ̀, yèè wò naim kìɛ̀ŋ e hààweɛ̀ yaà e mànaàŋ è yaà wo Jisɛ̀ Kulaì sùà lɛ.

1Time 2:15

Kɛɛ wo jɔùŋ do nàŋ yɛ̀mɛ̀ e jòèye esàɓù aŋ jɔ̀à nyaŋ wò naŋ kòmò nyaŋ. E kìlà sèè wo jèè e hààwe yaà e mànaŋ sùà, yèè wo nɔ̀ŋ nyùùŋ nɛɛmaŋ ko fɛ̀ɛ̀fèìŋ Dayài.

1Time 2:9

Mìŋ manaŋ ɓɛìŋ wèè aŋ jɔùŋ nyaŋ aŋ dèèyè nyiiŋ bi yèè aŋ kuwiè jiikɛ̀ɛ wèè maŋ dèè kɔɔ nyiŋ màŋ, yèè e kpàa kii nyiŋ nɛ̀ e nɔ̀ŋ tɛ̀ɛ̀, aŋ haà maŋ ɗì nyiŋ màŋ e ɓɛ̀ɛ̀jàa sùà, ɓɔ̀ aŋ sìà màŋ gòoò jɔ̀ɔ̀ɔ, ɓɔ̀ àŋ sìà màŋ dɔmɔŋ, ɓɔ̀ àŋ kpàà màŋ deè nyìngà ɓaà.

Taitɔ̀ 2:12

Esàɓù e tɛ̀ɛ̀tɛ̀ɛ̀ Dayàa sùà, wò naŋ wi kaà wèè eiŋ gè kùàŋ maŋ keì naanààŋ sùà e kpùlìà maŋ ɗèwè ɗuunyaŋ naanààŋ maŋ, yèè eiŋ nyìmàŋ e ɗèwè yàwi bi yɛ̀mɛ̀ diɛŋ, eiŋ nɔ̀ŋ tɔ̀ɔ̀nyaàŋ, yèè eiŋ nɔ̀ŋ wɔŋ nyiiŋ gèe e jɔ̀ɔ̀lɔ sùà e ɗuunyaŋ lɛɛ̀,

Taitɔ̀ 2:2

Wòò anyuùŋ gɔu nyàŋ aŋ nyìmàŋ e ɗèwè nyiŋ bi yɛ̀mɛ̀ diɛŋ, aŋ kuwiè jiikɛ̀ɛ yèè aŋ sìà ke di. E hààwe nyiŋ nɛ̀, e mànaŋ nyiŋ nɛ̀, yèè ke jii kùwa nyiŋ nɛɛ̀ŋ ɓɔ̀ è kɛɛ̀ màŋjɛ̀wɛ.

Taitɔ̀ 2:4

e wèè aŋ kaà aŋ jɔùŋ nyuùŋ bɔwɔ nyàŋ aŋ kuwiè e mànaŋ wèè aŋ faiŋ nyiŋ nyàŋ yaà aŋ jɔ̀à nyiŋ nyàŋ,

Taitɔ̀ 2:6

Sià aŋ felaa nyuùŋ bɔwɔ nyàŋ nyiŋ pɛɛ ke di, aŋ nyìmàŋ e ɗèwè nyiŋ bi yɛ̀mɛ̀ diɛŋ.

Jìiiŋ 4:6

Kɛɛ e mànaàŋ wo Dayà kiɛ̀ŋ lɛ è naŋ nyìngè sùà. Màànààŋ wɔŋ fɛ̀ì Dayàa naŋ woò lɛ kɛ̀, “Wo Dayà giiyà wo nyùnɔ̀ɔŋ ɓemàŋ wuŋ bi gbee wɔ̀ maŋhɛɛ, kɛɛ wo kìɛ̀ŋ wo nyùnɔ̀ɔŋ deeyà wuŋ bi wɔ̀ e keì sìàŋ.”

1Pììlɛ 1:13

Wèètii maŋ gòngoiŋ màŋ nɔ̀ŋ bànèbane miŋ wèè ke nyɛ̀nɛŋ. Ɓɔ̀ nìŋ nyɛɛnɛ̀ŋ, yèè kùwieìŋ jii tùlia gbee e keì sìàŋ lɛɛ̀ sùà, e yèɛ wo Dayà doiŋ nàŋ kiɛ̀ŋ sèè wo Jisɛ̀ Kulaì hnàŋ wa nàwèè lɛ.

1Pììlɛ 4:11

Anyùùŋ nyaŋ kuwa e kìɛ̀ŋ gbòa nyàŋ, aŋ woò ke mìè gbìàŋ Dayàa. Aŋ yè nyaŋ yaà aŋ ɓɔìjɔ̀à tòmo nyàŋ, aŋ toomò e gàaŋ wo Dayà naŋ nyiŋ kiɛ̀ŋ lɛ. E wèè kɛ̀ e gbio sùà wo Dayà yɛmɛ̀ e ɓɛ̀ɛ̀jàa esàɓù Jisɛ̀ Kulaì sùà wo yèɔ e gààŋ yèè e jòòwo yaà weèuŋ wèè julɔfɔ yèè julɔfɔ wɔ̀. Àmiinàŋ.

1Pììlɛ 4:7

Ko dìaì wèè manɛ̀ŋ maŋ gbiŋ kò gbɛ̀ɛ̀. Weètii, sìaìŋ ke di yèè niŋ nɔ̀ŋ ɗìòsùà sengei niŋ zoolò.

1Pììlɛ 5:5

E ɗèwè guùŋ bi sùà nyɛ̀iŋ nààŋ nyuùŋ bɔwɔ nyàŋ sɔɔ̀ naŋ jɔ̀ɔ̀lɔ̀ àŋ màmàŋkùmɛŋ nyaŋ dìì. Nyɛ̀iŋ nààŋ gbiŋ, wo nyùùŋ gbiŋ ɓɔ̀ wò ɓemè wuŋ bi gbee. Màànààŋ wɔŋ fɛ̀ì Dayàa naŋ woò wààŋ, “Wo Dayà giiyà wo nyùnɔ̀ɔŋ ɓemàŋ wuŋ bi gbee wɔ̀ maŋhɛɛ, kɛɛ wò kiɛ̀ŋ wo nyùnɔ̀ɔŋ fè ɓèmè wuŋ bi gbeeɔ̀ e keì sìàŋ.”

1Pììlɛ 5:8

Ɓɔ̀ nìŋ nyɛɛnɛ̀ŋ, yɛ̀mɛìŋ nyɛ̀iŋ bi diɛ̀ŋ yèè niŋ nɔ̀ŋ fɛɛ̀ wòwò! Wo jooiŋ nɔɔ̀ŋ wo Dɛwìɔ, kòò wò gèe gììne wò kilià mààŋ wo nyàà e wùàŋ, wò yaà kààmè nyùùŋ wèè wo gbìlà.

3Jɔ̀ɔŋ 1:9

Mìŋ naŋ sìngè wɔŋ fɛi kpuu koɓɛ̀ ke gbòò anyuùŋ hààwe nyàŋ, kɛɛ wo Dìɔ̀tifɔ̀, wo yèɔ manaŋ wo nɔ̀ŋ sìèfeìŋ wɔ, wo nààŋ kùmìè e yèɛ mìŋ naŋ woò lɛ.