Luùm 12:17 - WƆŊ FƐ̀Ì EBÒ SÌÀŊ DAYÀA

¹⁷ Sèè wo nyùùŋ wò jààùm e nànàŋ, ɓɔ̀ mùŋ giiyàuŋ è kpàŋ keì naanààŋ. Kàmè ɗewe wèè muŋ nyɛ̀nɛ̀ŋ e yèɛ anyùùŋ nyaŋ gbiŋ naŋ gongò kɛ̀ è yaà tɛ̀ɛ̀ lɛ.

Luùm 12:17 ပူးပေါင်းရင်းမြစ်များ

Maafiù 5:24

joà e nɛ̀ŋ saaà mɔ̀ɛ̀ wɔŋ gbɛ̀gbɛ̀ zòòloɔ̀ feìŋ. Kɔ̀à koɓɛ̀ wo wùìya mɔɔ̀ŋ niŋ banè e keì bi ke jii fàa sùà, kpeiŋ muŋ kɛɛ̀ ngàà maŋjɛ̀wɛ muŋ gè e saaà mɔ̀ɛ̀ koɓɛ̀ Dayài.

Maafiù 5:39

Kɛ̀ɛ̀ tɔ̀ miŋ woòiŋ naàŋ kɛ̀, ɓɔ̀ nìŋ giiyà ànyùùŋ è kpàŋ wèè è nànàaŋ àŋ naiŋ jàà lɛ. Sèè wo nyùùŋ bà woum hàà fɛ̀ɛ̀ wɔŋ nyààŋ e kùàŋ jìka mɔɔ̀ŋ, kilà ɓɛìŋ wɔŋ nyààŋ e kùàŋ gbɔnɔŋ mɔɔ̀ŋ wuŋ pɛɛ wo haà wɔŋ fɛ̀ɛ̀.

Luùm 12:19

Nyɛ̀iŋ nààŋ wùìyaim nyàŋ, ɓɔ̀ nìŋ giiyà wò nyùùŋ è kpàŋ kei naanààŋ, kɛɛ dàngè wo Dayà nyɛ̀nɛ̀ŋ niŋ weèum. Wɔŋ fɛ̀ì Dayàa naŋ woò wààŋ, “Miàim wo Kanaà Dayà do nàŋ gììyè e kpàŋ koɓɛ̀ anyùùŋ nyaŋ naŋ jàà aŋ dàwi nyiŋ nyàŋ e nànàŋ nyaŋ e tɔ̀ɔ̀nyaàŋ sùà.”

Luùm 14:16

Ɓɔ̀ mùŋ woò è keì naanààŋ è nyaàiŋ dè e yèɛ mùŋ naŋ woò mààŋ è yaà tɛ̀ɛ̀ lɛ, wèè e kɛ̀ɛ̀nɛ̀ŋ deè naanààŋ.

Kòlo 4:5

Tòòmoìŋ jiikɛ̀ɛ sùà e nyaàiŋ dè e ɗeweɛ̀ nìŋ tuwà koɓɛ̀ anyùùŋ nyaŋ kuwà hààwe nyàŋ. Tòòmoìŋ e teenga siaàŋ gbiŋ nìŋ kuwa lɛ̀ wèè niŋ kiɛ̀ŋ ke miè gbìaàŋ ko nɛ̀ɛ̀ŋ nyiŋ niìŋ.

1Tɛsè 4:12

Tɛɛ̀ nàŋ nyɛnɛŋ anyùùŋ nyaŋ kuwà è hààwe nyàŋ, aŋ kùwìè e ɓɛ̀ɛ̀jàa weèiŋ yèè e kìlà niŋ fè yɛ̀mɛ̀ wò nyùùŋ gbiŋ fɛ̀ɛ̀ wèè è nɛ̀ɛŋ nìŋ naŋ kpɛɛ̀ŋ weè niŋ lɛ̀.

1Tɛsè 5:15

Ɓɔ̀ nìŋ yɛmɛ̀ wò nyùùŋ gbiŋ wèè wo gììyà è kpàŋ keì naanààŋ wò dawiuŋ nɔɔ̀ŋ, kɛɛ e teenga gbiŋ sùà e gòngoiŋ nɛ̀ nɔ̀ŋ wèè naŋ nyìnìàŋ keì sìàŋ e fèemàŋ, yèè naŋ niŋ nyɛ̀nɛ̀ŋ koɓɛ̀ nyùùŋ gbiŋ.

1Tɛsè 5:22

yèè naŋ gbààè e keì naanààŋ kà tinàŋ gbiŋ wèè nyɛ̀nɛŋ.

1Time 5:14

Weètii mìŋ do naŋ mɔ̀nɔ̀ŋ aŋ jɔ̀ùnèèdàà bɔwɔ nyàŋ aŋ gè aŋ felaa, aŋ kòmàŋ aŋ jɔ̀à, yèè aŋ yɛ̀mɛ̀ maŋ kpoo nyiŋ màŋ diɛŋ, wèè aŋ go nàŋ kìɛ̀ŋ àŋ joo wi nyàŋ e ɗeweɛ̀ wèè àŋ do wòò màŋ keì naanààŋ è weè wi.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

1Pììlɛ 3:16

Nyɛ̀nɛìŋ tɛɛ̀ e tùwo siaŋ diɛŋ, yèè e ɓɛ̀ɛ̀jàa sùà. Yèè maŋ jiiŋ màŋ nɔ̀ŋ sengei wèè kɛ̀ sèè àŋ pɔɔ̀ìŋ ɓɛ̀ɛ, anyùùŋ nyaŋ gboo naanààŋ wèè maŋ tùwo siaŋ sìàiŋ màŋ wo Jisɛ̀ Kulaì sùà nyaŋ e sàngè do nyiŋ nàŋ nyɛ̀nɛ̀ŋ wèè e nɛ̀ɛŋ àŋ woà lɛ.

1Pììlɛ 3:9

Ɓɔ̀ nìŋ giiyà è kpàŋ keì naanààŋ è keì naanààŋ ɔ̀ɔ̀ è kpàŋ gbòòno è gbòòno. Gììyaìŋ niŋ e zòòlo sùà esaɓù kɛ̀ e zòòlo nàŋ yaà e nɛ̀ɛŋ wo Dayà naŋ ɓèmè e ɗààhiì wèè woiŋ kiɛ̀ŋ nààŋ wò naiŋ nyààŋ.