Luùm 12:15 - WƆŊ FƐ̀Ì EBÒ SÌÀŊ DAYÀA

¹⁵ Sèè mùŋ yɛmɛ̀ anyùùŋ àŋ nɔ̀ŋ zɔlɔ̀ sùà, muàŋ pɛɛ nɔ̀ŋ zɔlɔ̀ sùà weè nyiŋ. Sèè mùŋ yɛmɛ̀ anyùùŋ aŋ nɔ̀ŋ gulie, muàŋ pɛɛ golà weè nyiŋ.

Luùm 12:15 ပူးပေါင်းရင်းမြစ်များ

Luù 1:58

Anyuùŋ jɛ̀i dàwiuŋ nyàŋ maŋ gboo kuaŋ màŋ sùà, yaà aŋ wùìyauŋ nyàŋ naŋ kòmò e ɗeweɛ̀ wo Kanaà Dayà nauŋ tɔ̀ɔ̀ ke nyowo gbee lɛ̀, yèè nyiŋ gbiŋ naŋ gè e zɔlɔ̀ weèuŋ.

Jɔ̀ɔŋ 11:19

yèè aŋ Juùù nyuùŋ zimgbe naŋ wa hnè e yìwìà ko jawa gbeeì ko zùùmò Mààta yèè wo Mèèle wèè esàɓù e fà wo wùìya nyiŋ nɔɔ̀ŋ Lazɔlɔ̀.

Nyɛ̀nɛ̀ŋ 11:23

Ke jii naŋ wa fɔ̀ wo Bànaŋɓà nààŋ wò nao wa haì yèè wò naŋ yɛ̀mɛ̀ e ɗeweɛ̀ wo Dayà naŋ wa kpùùmò anyùùŋ nyaŋ lɛ̀. Kpeiŋ wò naŋ nyiŋ dawè wèè aŋ kɛɛnɛ̀ŋ maŋ jii nyingè e kìlà aŋ jeè e hààwe yaà e tɔ̀ɔ̀nyaàŋ maŋ jii nyiŋ màŋ sùà koɓɛ̀ wo Kanaà.

1 Kɔliìŋ 12:26

Sèè manɛ̀ŋ è kɔ̀ɔ̀ ke kpùnaàŋ bà guùŋ gbiŋ kà e keì nyìnga dìì, maŋ gbiŋ kɔ̀à e keì nyìnga lii dìì, sèè e bà gbiŋ yɛ̀mɛ̀ e ɓɛ̀ɛ̀jàa, maŋ gbiŋ gè zɔlɔ̀.

2 Kɔliìŋ 11:29

Sèè e zɔ̀kpɔ̀ nɔ̀ŋ nyùùŋ, kɛ̀ miàŋ pɛɛ e zɔ̀kpɔ̀ eim nɔ̀ŋ. Sèè wo nyùùŋ sɛɛ̀ maŋ jùumù sùà, ke jii miɛ̀ŋ mɔɔnɛ̀ŋ.

2 Kɔliìŋ 2:3

Wèètii mìŋ naŋ sìngè wɔŋ fɛi wiiŋ ko nɛ̀ɛ̀ŋ niìŋ. Miŋ gò mànàŋ wèè ka hnàŋ kò nɛ̀ɛ̀ŋ niìŋ wèè kè jii miɛ̀ŋ ke mɔɔnɛ̀ŋ è yìwìà ànyùùŋ guùŋ nyaŋ mìŋ naŋ tùlìè jii wèè aŋ nyɛ̀nɛ̀ŋ jii miɛ̀ŋ ke fà nyaŋ. Kà nyìmàŋ kɛ̀ sèè mìŋ nɔ̀ŋ ke jii fàa sùà, kɛ̀ nyɛ̀ìŋ nààŋ gbiŋ nìŋ yaà ke jii fàa sùà nyɛ̀iŋ pɛɛ.

Fèle 2:26

Wò yaà nyìnìè e wùànàŋ wèè woiŋ yɛmɛ̀, yèè wò kuwa ke jii mɔ̀ɔ̀nɛŋ esaɓù kɛ̀ nìŋ naŋ kòmò kɛ̀ wò yaà mɛ̀iŋ siinyɛŋ.

Fèle 2:28

Mìŋ yaà naàŋ e wànàŋ gbee sùà, wèè ka ɓɛìŋ tùàŋ wo Ɛ̀pàfoditɔ̀ ko nɛ̀ɛ̀iŋ niìŋ. Maŋ jiiŋ màŋ do nàŋ fɔ̀ sèè nìŋ yɛmɛ̀uŋ ɓɛìŋ, yèè ke jìì sɛ̀ɛ̀ nyowo miɛ̀ŋ dò nàŋ jùò.

Hiɓu 13:3

Jàaìŋ anyùùŋ Kanaà Jisɛ̀ nyaŋ jii aŋ yè nyaŋ yaà ko sààŋ nyìwì nyaŋ yèè niŋ kpuumàŋ nyiŋ, e teenè mààŋ maŋ kpùnàŋ nyɛ̀iŋ bi nàŋ yaà weè ko sààŋ nyìwì. Jàaìŋ anyùùŋ nyaŋ yaà kɔ̀ɔ̀yɛ̀ mɔ̀ɔ̀nɛŋ dìì nyaŋ jii yèè niŋ kpuumàŋ nyiŋ, e teenè mààŋ nyɛ̀iŋ bi nàŋ yaà weè kɔ̀ɔ̀yɛ̀ e mɔ̀ɔ̀nɛŋ dìì.