Luùm 12:12 - WƆŊ FƐ̀Ì EBÒ SÌÀŊ DAYÀA

¹² Tɔ̀ ke jii tùlia mɔɛ̀ŋ ke nɔ̀ŋ e zɔlɔ̀ sùà, sèè mùŋ nɔ̀ŋ e keì nyìnga sùà, kɛ̀ɛ̀nɛɛ̀ŋ ke jii tɔumtɔ̀ùm yèè muŋ zoolò e teenga gbiŋ.

Luùm 12:12 ပူးပေါင်းရင်းမြစ်များ

Maafiù 5:12

Sèè tii kaàiŋ, gèeìŋ zɔlɔ̀ yèè niŋ nɔ̀ŋ ke jii fàa sùà, esaɓù kɛ̀ wo Dayà doiŋ nàŋ kìɛ̀ŋ e jìwààjɛ̀wɛ̀ gbee ko àìjɛnɛ̀ŋ. E ɗèwè guùŋ lɛɛ̀ sùà nɔŋ anyùùŋ naŋ wa nìmìlà aŋ wɛ̀ijì nyaŋ yààìŋ wa tɛɛ nyàŋ e teenga gɔu sùà.

Luù 10:20

Ɓɔ̀ nìŋ gè zɔlɔ̀ wèè àŋ jinàŋ naanààŋ nyaŋ naiŋ jɔ̀ɔ̀lɔ̀ dìì lɛ. Kɛɛ geìŋ zɔlɔ̀ esaɓù kɛ̀ maŋ deèiŋ màŋ yaà sìnga miŋ ko àìjɛnɛ̀ŋ.”

Luù 21:19

Sèè nìŋ jeeà e hààwe sùà ko nɛ̀ɛ̀ŋ miìŋ, niŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Luù 8:15

Manɛ̀ŋ koei màŋ naŋ sɔ̀ɔ̀ e diì sìàaŋ diɛŋ lɛ̀, nàŋ yaà anyùùŋ nyaŋ komo ke mìè Dayàa, aŋ nyiŋ jàà kùàŋ dìì e jɔ̀ɔ̀lɔ yèè ke jìì tɔ̀ɔ̀nyaàŋ sùà. Yèè àŋ jeeà nìŋ sùà e jèèsùà aŋ ɓuù, màànààŋ manɛ̀ŋ jè ɓù komo lɛ.

Nyɛ̀nɛ̀ŋ 1:14

Anyuùŋ hààwe nyàŋ e kpùlìà aŋ jɔùŋ nyaŋ yaà wo Mèèle wo nààŋ Jisɛ̀ɔ yèè aŋ wùìyà Kanaà Jisɛ̀ nyaŋ hewa dèènè koɓɛ̀ guùŋ e teenga gbiŋ wèè aŋ zòòlò koɓɛ̀ guùŋ.

Nyɛ̀nɛ̀ŋ 12:5

Wò naŋ wa gbìɛ̀ŋ wo Pììlɛ ko sààŋ nyìwì, kɛɛ anyuùŋ hààwe nyàŋ naŋ wa nɔ̀ŋ zoolo koɓɛ̀ Dayài wèè Pììlɛ.

Nyɛ̀nɛ̀ŋ 2:42

Àŋ naŋ wa jɔ̀ɔ̀lɔ̀ e yèɛ gbiŋ aŋ keela tàeɗùù nyaŋ naŋ nyiŋ kaà lɛ, e kìlà aŋ gbiŋ deenàŋ wa wèè aŋ zoolò koɓɛ̀ guùŋ e kìlà aŋ jììyà e nɛ̀ŋje koɓɛ̀ guùŋ.

Nyɛ̀nɛ̀ŋ 6:4

Kpeiŋ yàwi bi, è doiŋ naŋ kìlè e gòngo wilɛ̀ gbiŋ koɓɛ̀ e zòòlo yèè e tòmò ke mìè Dayàa gbòa.”

Luùm 15:13

Tɔ̀ wo Dayà, wo yèɔ kiɛ̀ŋ ke jii tùlia wɔ̀, wo kpuumàiŋ niŋ kɛɛnɛ̀ŋ e zɔlɔ̀ kɛnɛ yèè ke jii fàa, esàɓù e hààweiŋ nɛ̀, wèè kɛ̀ ke jii tùliaiŋ nɛɛ̀ŋ e gààŋ wo Jìnàŋ Nɛɛmaàŋ sùà, e nɔ̀iŋ maŋjɛ̀wɛ e teenga gbiŋ.

Luùm 15:4

Maŋ keì maŋ gbiŋ yaà sìnga miŋ wɔŋ fɛ̀ì Dayàa maŋ, naŋ nɔ̀ŋ sìnga miŋ wèè maŋ wi kaà, yèè maŋ wi kìɛ̀ŋ ke jii tɔumtɔ̀ùm yaà ke jii nyingè wèè eiŋ kùwìè ke jii tùlia, ke yèɛ wɔŋ fɛ̀ì Dayàa naŋ wi kiɛ̀ŋ lɛ.

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

Luùm 8:25

Kɛɛ sèè è nɔ̀ìŋ yɛ̀ɛ̀mɛ̀ dòmaŋ wèè e nɛ̀ɛŋ e kuwàìŋ lɛ, kɛ̀ sɔɔ̀ eiŋ niŋ fòlà ke jii kùwa sùà.

1 Kɔliìŋ 13:13

E tèèngà guùŋ bi diɛŋ, maŋ kèì ɗì taai mɛɛ̀ŋ nàŋ sia. E hààwe, ke jii tùlia, yèè e mànaŋ, kɛɛ e gbee gàtòɛ nàŋ yaà e mànaŋ.

2 Kɔliìŋ 12:8

E sùà taai mìŋ naŋ hùmò Kanaà Dayà wèè nyaàiŋ dè e keì nyìnga lɛɛ̀ yèè mìŋ nauŋ dawè wèè woim gè e keì nyìnga bi diɛŋ.

Fèle 3:1

Ko dìèmè e keì wòo lɛɛ̀ nyɛ̀iŋ nààŋ wùìyaim nyàŋ, nɔ̀iŋ zɔlɔ̀ sùà esaɓù kɛ̀, nìŋ yaà aŋ bàiŋbà wo Kanaà Jisɛ̀ sùà. Ke jii miɛ̀ŋ naàŋ mɔɔnɛ̀ŋ, sèè ka ɓɛìŋ sìngà ka wòò e kèì guùŋ nɛ mìŋ naiŋ wa woò lɛ, yèè ngèè è do nàŋ nɔ̀ŋ wèè kèì sìàŋ nyɛiŋ biɛ̀ sèè mìŋ nyɛnɛŋ yɛi.

Fèle 4:4

Nɔ̀iŋ e zɔlɔ̀ sùà e teenga gbiŋ nààŋ nìŋ yaà aŋ bàiŋbà wo Kanaà Jisɛ̀ sùà. Tɔ̀ miŋ woò niŋ ɓɛìŋ, nɔ̀iŋ e zɔlɔ̀ sùà.

Kòlo 1:11

È zoolà wo Dayà wèè woiŋ kìɛ̀ŋ e gààŋ e yìwìà e gaàŋ jòòwouŋ nɛ̀, e kìlà naŋ kɛ̀ɛ̀nɛ̀ŋ gààŋ wèè naŋ kɔ̀ɛ̀ e keì ɗewe gbiŋ sùà ke jii tɔumtɔ̀ùm sùà. E yìwìà e zɔlɔ̀ gèe sùà, kìɛìŋ ke sɛ̀ gè koɓɛ̀ wo Dèdaà, wo yèɔ naiŋ nyɛ̀nɛ̀ŋ nìŋ naŋ nɔ̀ŋ aŋ bàiŋbà wèè naŋ kɛ̀ɛ̀nɛ̀ŋ e nɛ̀ɛŋ bà wo Dayà naŋ bànè hàa wèè anyùùŋ nɛɛmauŋ nyàŋ e kànà e gbolòùŋ nɛ sùà.

Kòlo 1:27

Wo Dayà naŋ wa ɗewè wèè wo tɔ̀ɔ̀ ke gbùnuuŋ nɛɛ̀ŋ koɓɛ̀ anyùùŋ nɛɛmauŋ nyàŋ, ke gbùnu kɛ̀ɛ̀nɛ̀ŋ bàne yaà e jòòwo yɛɛ̀, ke yèɛ wò kuwa wèè anyùùŋ nyaŋ gbiŋ nyàŋ. Ke gbùnu bi zà nàŋ yaà kɛ̀, wo Jisɛ̀ Kulaì joàìŋ ko sùà, yèè wuŋ nàŋ yaà ke jii tùliaiŋ nɛɛ̀ŋ wèè naŋ nɔ̀ŋ aŋ bàiŋbà e jòòwò Dayàa sùà.

Kòlo 4:12

Wo Ɛpafilè wo wùìyà nyɛ̀iŋ biɔ̀ bà ke gboòiŋ nɛɛ̀ŋ sùà, wo yèɔ yaà wo ɓɔìjɔ̀à wèè wo Jisɛ̀ Kulaì wɔ, naiŋ tùɔ̀ŋ zùùmo wuŋ pɛɛ. Wò zoolà sɛmɛ e teenga gbiŋ e weèiŋ, wò yaà dààwè Dayà wèè naŋ kùwà e hààweiŋ nɛ̀ kpaŋ, mààŋ anyuùŋ kàmaiŋ e kìlà àŋ naŋ kaikpɔ nyimèè ke gbòò anyuùŋ hààwe nyàŋ sùà, e ɓɛ̀ɛ̀jàa gbee sùà koɓɛ̀ e yèɛ wo Dayà manaŋ lɛ̀.

Kòlo 4:2

Zòòloiŋ e teenga gbiŋ, yèè niŋ yɛmɛ̀ nyɛiŋ bi diɛŋ e teengaà nìŋ nɔ̀ŋ zoolo lɛ̀, e kìlà niŋ kɛɛnɛ̀ŋ ke sɛ̀ gèe koɓɛ̀ Dayài.

1Tɛsè 1:3

Esaɓù kɛ̀ èiŋ jàà jii ko fɛ̀ɛ̀fèìŋ Dayà wo Dèdaà wiɔ̀ e ɗeweɛ̀ nìŋ naŋ gbìɛ̀ŋ e hààweiŋ nɛ̀ e gbèe maŋjɛ̀wɛ yèè eɗewɛ̀ e mànaiŋ nɛ̀ naŋ nyɛ̀nɛ̀ŋ nìŋ naŋ tomo nyìnga, e kìlà e ɗeweɛ̀ ke jii tùliaiŋ nɛɛ̀ŋ wo Kana wiɔ̀ Jisɛ̀ Kulaì sùà naŋ nyìngè sùà lɛ.

1Tɛsè 5:8

Kɛɛ yàwi nààŋ nyuùŋ hààwe nyàŋ, kuwa wèè eiŋ yɛ̀mɛ̀ yàwi bi diɛŋ mààŋ aŋ nyùùŋ nyaŋ wɔŋ niìsìaà sùà. E kìlà e hààwe wilɛ̀ yaà e mànaŋ wilɛ̀ e nɔŋ mààŋ wɔŋ kaì fàà ɓɔwɔɔɔ̀ wo kààlò ɗùàa gbuwo ke sɔɔ wo kà e ɗùà feìŋ wɔŋ. Ke jii tùliaà è kuwa kɛ̀ è doiŋ nàŋ yɛ̀mɛ̀ e jòèye lɛ̀, kè yaà mààŋ ke ɓɔ̀ɗì ɗùàa wo kààlò ɗùàa gbuwo ko ɗì wo kà e ɗùà feìŋ yɛ.

2Tɛsè 1:4

Weètii yàwi bi è woà kiiŋ maŋ gbòò anyuùŋ hààwe nyàŋ sùà maŋ sààŋ Dayà maŋ dìì. È woà e kiiŋ e nyaàiŋ dè e ɗeweɛ̀ nìŋ yaà kɔ̀ɔ̀yɛ̀ feìŋ e kìlà nìŋ naŋ haawè jòòpɛɛ àŋ jààìŋ maŋ keì e ɗì yèè nìŋ kɔ̀à maŋ mɔ̀ɔ̀nɛŋ zimgbe bà dìì lɛ.

2Tɛsè 3:5

Tɔ̀ wo Kanaà dèiŋ ke dòmaŋ diɛŋ wèè niŋ kuwìè e mànaŋ mààŋ Dayà yèè ke jii kùwaà wo Jisɛ̀ Kulaì kiɛ̀ŋ lɛ.

1Time 6:11

Kɛɛ muàŋ, Timetè, mùŋ yaà wo nyùùŋ Dayà, weètii, kɛ̀ɛ̀ maŋ keì mɛɛ̀ŋ gbiŋ maŋjɛ̀wɛ. Fɛɛ̀ wèè muŋ nɔ̀ŋ wo nyùùŋ tɔ̀ɔ̀nyaàŋ, muŋ nɔ̀ŋ kèè Dayàa maŋjɛ̀wɛ, muŋ nɔ̀ŋ wo nyuùŋ hààwe, muŋ kuwiè e mànaŋ wèè nyùùŋ gbiŋ, muŋ kuwiè jii nyingè wèè keì nyìnga kà dìì, yèè muŋ nyɛ̀nɛ̀ŋ e keì sìàŋ koɓɛ̀ nyùùŋ gbiŋ.

2Time 3:10

Mùŋ naŋ dè e kàa mɛ̀, ke kpèè miɛ̀ŋ, yèè esàɓù wɔŋ nyiiŋ gèe miɔ̀ŋ maŋjɛ̀wɛ, màŋ tùàŋ e hààwe mɛ̀, ke jii tɔumtɔ̀ùm miɛ̀ŋ, e mànàŋ mɛ̀, yèè ke jii nyìngè miɛ̀ŋ wèè e keì nyìnga kuwa mɛ̀ gbiŋ maŋ nɔnɔŋ.

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

Taitɔ̀ 3:7

Wò naŋ tɛɛ̀ nyɛ̀nɛ̀ŋ e wèè kɛ̀ esàɓù e tɛ̀ɛ̀tɛ̀ɛ̀ Jisɛ̀ Kulaìɛ sùà, wuŋ Dayà wo wi jàà kùàŋ dìì koɓɛ̀ wuŋ biì mààŋ anyùùŋ tɔ̀ɔ̀nyaàŋ, wèè eiŋ kùwìè ke jii tùliaà kɛ̀ è doiŋ nàŋ kɛ̀ɛ̀nɛ̀ŋ wɔŋ nyiiŋ gèe gò jùàa wo Dayà naŋ wi wa sɔ̀ dèè wɔŋ.

Hiɓu 10:32

Ɓɔ̀ nìŋ nyɛɛnɛ̀ŋ wèè màŋ keì nyìnga màŋ nìŋ naŋ wa kɔ̀ɛ̀ɛ̀ sùà maŋ, e teenga jiɛ̀jiɛ̀ɛ nìŋ naŋ wa yɛ̀mɛ̀ e gbòlòùŋ Dayàa lɛ̀.

Hiɓu 10:36

Nìŋ kuwa nàŋ kɛ̀ɛ̀nɛ̀ŋ maŋ jii tɔumtɔ̀ùm, wèè kɛ̀ niŋ nyɛ̀nɛ̀ŋ e yèɛ wo Dayà manaŋ lɛ̀, yèè nìŋ do nàŋ yɛ̀mɛ̀ e nɛ̀ɛŋ wò naŋ jɔ̀ɔ̀ ɗààhiì wèè woiŋ kiɛ̀ŋ lɛ.

Hiɓu 12:1

È kùwàìŋ ke gbòò aŋ seì zimgbe kè naŋ wi kiliè yɛ. Weètii, gèe wiìŋ maŋ keì maŋ gbiŋ kùàŋ sùà, maŋ yè maŋ do wi nàŋ kèèwè kùàŋ feìŋ, yèè maŋ jùumù maŋ do wi nàŋ deeyè maŋ. Ɗèwè wiìŋ wèè e kɛɛnɛ̀ìŋ maŋ kpèè siaŋ maŋ nyiiŋ gèe wi màŋ sùà.

Hiɓu 3:6

Kɛɛ wo Jisɛ̀ Kulaì wò yaà wo nyuùŋ tùlìà jii nààŋ wò yaà wo Jɔ̀àfelaaà wo yèɔ yɛmɛ̀ anyùùŋ Dayà nyaŋ diɛŋ. Yàwi nàŋ yaà anyùùŋ Dayà nyaŋ sèè è kɛɛnɛ̀ìŋ maŋ jii nyingè yaà jii tùlia wèè e yèɛ è yààìŋ yɛ̀ɛ̀mɛ̀ dòmaŋ lɛ̀.

Hiɓu 5:7

E teengaà wo Jisɛ̀ yaà wa e ɗuunyaàŋ lɛ, wò naŋ wa zoolò yèè wò naŋ dàwè wo Dayà ke mìè gòla gbee sùà yaà maŋ fɛɛ̀màì sùà wèè wo joeyèuŋ. Wo Dayà kuwa wa e gààaŋ wèè wo jòèyè ke kpùnàŋ Jisɛ̀ɛ wèè wo gò wa nàŋ fɔ̀. Nààŋ wò naŋ wa dèèyè wùŋ bi wèè wo nyɛ̀nɛ̀ŋ e yèɛ wo Dayà manaŋ wa wo nyɛ̀nɛ̀ŋ lɛ, wo Dayà naŋ jàà e zòòlouŋ nɛ̀ kùàŋ dìì.

Hiɓu 6:12

E manàŋ wèè naŋ nɔ̀ŋ ànyuùŋ jɛ̀kɛ, kɛɛ nɔ̀iŋ mààŋ aŋ yè nyaŋ kuwa hààwe e kìlà àŋ kuwa maŋ jii tɔumtɔ̀ùm e jèèsùà wo Dayà woiŋ kìɛ̀ŋ e yèɛ wò naŋ ɓèmè ɗààhiì wèè woiŋ kiɛ̀ŋ lɛ.

Hiɓu 6:15

Wo Eɓulɔhɛɛ̀ŋ naŋ wa kùwò ke jiiuŋ nɛɛ̀ŋ, kpeiŋ wò naŋ wa yɛ̀mɛ̀ e nɛ̀ɛŋ wo Dayà naŋ jɔ̀ɔ̀ ɗààhiì kɛ̀ wò douŋ wa nàŋ kiɛ̀ŋ lɛ.

Jìiiŋ 5:7

Kùwaìŋ jii, nyɛ̀iŋ nààŋ wùìyaim nyàŋ, e jèèsùà wo Kanaà Jisɛ̀ Kulaì wo hnàŋ. Yɛ̀mɛìŋ e ɗeweɛ̀ anyuùŋ tòmò ɓù nyaŋ kuwo maŋ jii aŋ fòlà e teengaà wèè maŋ nɛ̀ŋjè jii nyiŋ màŋ kòmàŋ maŋ nɛ̀ŋje kɛnɛ maŋ diì nyiŋ màŋ diɛŋ. Àŋ kuwo maŋ jii nyiŋ màŋ aŋ fòlà maŋ gɔ̀àà e fèèmàŋ koɓɛ̀ doa nàŋ yaà e sɛ̀ɛ̀ɛ dìì maŋ.

1Pììlɛ 4:13

Kɛɛ gèeiŋ zɔlɔ̀ kɛ̀ e keì nyìngaà wo Jisɛ̀ naŋ kɔ̀ɛ̀ sùà lɛ, nìŋ yaà e bàiŋbà, wèè niŋ dià zɔlɔ̀ sèè wo Jisɛ̀ Kulaì hnàŋ wa nàwèè wò tɔɔ̀ e jòòwo gbeeuŋ nɛ̀.

1Pììlɛ 4:7

Ko dìaì wèè manɛ̀ŋ maŋ gbiŋ kò gbɛ̀ɛ̀. Weètii, sìaìŋ ke di yèè niŋ nɔ̀ŋ ɗìòsùà sengei niŋ zoolò.

2Pììlɛ 1:6

yèè e jiikɛ̀ɛ̀iŋ nɛ̀ tòòyaìŋ niŋ nyɛ̀iŋ bi yɛ̀mɛ̀ diɛŋ, e diɛŋ yɛ̀mɛiŋ nɛ̀ tòòyaìŋ niŋ ke jii kùwa, yèè ke jii kùwaiŋ nɛɛ̀ŋ tòòyaìŋ nyiŋ maŋ nyiiiŋ màŋ kìla koɓɛ̀ Dayà,

Maŋ kèì nyɛɛnɛŋ 13:10

Wo nyùùŋ nɛɛmaàŋ bà gbiŋ wo yèɔ wo Dayà naŋ sɔ̀ dèè wèè aum kùwà wɔ, àŋ doum nàŋ kùwò. Wo yèɔ naŋ sɔ̀ dèè wèè auŋ jìwìà e koya wɔ̀, àŋ douŋ nàŋ jìwìè koya. Tɛɛ̀ naŋ tɔɔ̀ kɛ̀ anyùùŋ nɛ̀ɛ̀màŋ Dayà nyaŋ kuwa aŋ gbèè e ɗèwè e keì nyìnga kùwa ke jii tɔumtɔ̀ùm sùà, e kìlà aŋ jèè e hààwe sùà.”